بمزاين اللبـل عنـد راع الجمايـل = يامرحبـا عـداد ماغـرد الطيـر
ترحيب وافي فـي جميـع القبايل = احلا من السكـر ودر المصاغيـر
عميـت بالترحيـب كـل الحمايـل = في حفل ابوخالد عشيـر المناعيـر
رابح ولد غازي حميـد الخصايـل = اللـي يرحـب لالفـوه المساييـر
قرم العيـال اللـي يشيـل الثقايـل = لاجاء لزومه مايحسـب المخاسيـر
راع العطى ريف الركاب الهزايـل = يـوم الليالـي ينشـامـا مدابـيـر
ترفع له البيضاء على كـل طايـل = يستاهل البيضـاء قليـل المعاذيـر
بك نفتخر ياشوق ظـاف الجدايـل = بيـن القبايـل يابعيـد المسابـيـر
وان كان عـادة للفعـول الاوايـل = ربعك رويثـه يحتمـون الطوابيـر
اليا عتلوا فـوق المهـار الاصايـل = كم فارس خلـوا عظامـه شعاثيـر
زمل الحمول مروضه كـل عايـل = ان جاء نهارٍ فيـه شـرٍ بلاخيـر
يـوم السنيـن الماضيـه والفعايـل = ياماثنـوا بالشلـف دون المظاهيـر
والضيف له مع شرحة البال حايـل = يجلس على جال الـدلال المباهيـر
قصيرهـم لوكـان جرفٍ مهايـل = له عندهم حشمـه وشيمـه وتقديـر
وخويهـم لاصـار قـدح الفتايـل = يقفـون دونـه بالقنـا والبواتـيـر
من قال لي غلطان جبـت الدلايل = ماقلت له عنـدي دلايـل وتفسيـر
هذا والاهضـم حـق كـل القبايـل = الناس مثل الناس من دون تقصيـر
الطيـب عـدٍ مـادمـه نثـايـل = ولاكل حبل يوصلـك جمـة البيـر
مايـارده ياكـود راعـي صمايـل = قرمٍ لكسـب الطيبـه دايـم مغيـر
والا الـردي عنهـا ينـام القوايـل = عنـد الـوازم والشدايـد معيثيـر
وقت الرخى جامع لكـل المسايـل = وان صملوا بالراى ضمن الغناديـر
اعـود للبـل يارجـال الجـزايـل = سبحان من صخر لنا الابل تصخير
وقتٍ مضى هي عظمنـا والرحايـل =قـدام ماتعلـف نخالـه وشعـيـر
لاقام يبرق فـي حقـوق المخايـل = وعشبه على دوره غدالـه نواويـر
البـدو دونــه مــادور بـدايـل = تنـزل منازيـل الحيـاً للخواويـر
يوم انهـا توخـذ وتعطـى نحايـل = ومن شانها ترخص عمار المصاطير
واليوم فيها شايـف الوقـت مايـل = حطوا لها بالمرح شبـك بمواسيـر
حتـى الاصـره بدلـت بالشمايـل = ومربطه بالشبك بـرص المواخيـر
راع الولع منهـا يشـوف النكايـل =ماتعجبـه خلفاتـهـا والمعاشـيـر
وجهـة نظـر ياكاسبيـن النفايـل = وترى اختلاف الراى لابد مايصيـر
النـاس حتـى دمهـا بالفصـايـل = ماهو سواء والورد عكس المصادير
اوجزه قولي بالبيـوت القلايل= وعبرت عن ماكن بالصدر تعبيـر

صح لسانك يابو تركي قصيدة يطرب المتصفح لقراءتها مرة ومرتين وثلاث لما فيها من الجزالة (ابيات مليانه)
شاعر متمكن جزل مافيك حيلة
ويستاهلون اهل الحفل رجال رويثه المدح اللي ذكرته بالقصيدة والله يرحم راع الحفل .
واخيرا لا اقول الا (هذي القصيدة والا بلاش)
تحياتي وتقديري

المشاركة الأصلية كتبت بواسطة متذوق القصيد (المشاركة 1143248) صح لسانك يابو تركي قصيدة يطرب المتصفح لقراءتها مرة ومرتين وثلاث لما فيها من الجزالة (ابيات مليانه) شاعر متمكن جزل مافيك حيلة ويستاهلون اهل الحفل رجال رويثه المدح اللي ذكرته بالقصيدة والله يرحم راع الحفل . واخيرا لا اقول الا (هذي القصيدة والا بلاش) تحياتي وتقديري

المشاركة الأصلية كتبت بواسطة راعي الطويسه (المشاركة 1143312) وافي يابو تركي لاعدمناك اعـــــــود لــلــبـــل يـــارجــــال الــجــزايـــل سبحان من صخر لنا الابـل تصخيـر وقـتـاً مـضـى هــي عظـمـنـا والـرحـايـل قــــــدام مـاتـعــلــف نــخــالــه وشــعــيـــر لاقـــام يـبــرق فـــي حـقــوق المـخـايـل وعـشـبـه عـلــى دوره غــدالــه نــواويــر الــــبــــدو دونــــــــه مــــــــادور بــــدايــــل تــنـــزل مـنــازيــل الــحــيــاً لـلـخــواويــر يـــوم انــهــا تــوخــذ وتـعـطــى نـحـايــل ومن شانها ترخص عمار المصاطير والـيــوم فـيـهـا شـايــف الـوقــت مـايــل حـطـوا لـهـا بـالـمـرح شـبــك بمـواسـيـر حــتـــى الاصـــــره بـــدلـــت بـالـشـمـايــل ومـربـطـه بالـشـبـك بـــرص الـمـواخـيـر راع الــولــع مـنـهــا يــشــوف الـنـكـايـل مـاتـعـجــبــه خـلـفـاتــهــا والـمـعــاشــيــر وجــهــة نــظـــر يـاكـاسـبـيـن الـنـفـايــل وتــرى اخـتـلاف الــراى لابــد مايصـيـر الــنـــاس حــتـــى دمـــهـــا بـالـفـصـايــل ماهو سواء والـورد عكـس المصاديـر اوجــزت قـولـي بـــل الـبـيـوت الـقـلايـل وعـبـرت عــن مـاكـن بالـصـدر تعـبـيـر صــح لسـانك وبيض الله وجهك دمت بخير

المشاركة الأصلية كتبت بواسطة وليف الشوق (المشاركة 1143867) صح لسانك مليووون وسلم بنانك وبيض الله وجهك قصيدة في غاية الروعة والجمال الله يعطيك العافيه دمتم بخير

المشاركة الأصلية كتبت بواسطة المتذوق (المشاركة 1144483) لله درك صـــــــح لـــســــانــــك مبدع يبو تركي نظم ومحاوره والرويثي يستاهل راع الوضح

[table1="width:95%;"]