ياراكب اللـي مايعـرف العكاسـي = اخر مديل الجيب ياعاشـق الجيـب
فكسـار ماوقـف محـل التكاسـي = اوراق جمرك تو من شركته جيـب
مثل الهنوف اللي زهاهـا اللباسـي = بنت الرجـال مكمليـن المواجيـب
تقول فيهـا مـن غنجهـا انعاسـي = اليا رقصت منها تغـار الرعابيـب
مافيه عيب الاً مـع الخـط راسـي = منوت اسيراً منطلـق بعـد تعذيـب
في معتقـل مافيـه كـود المأسـي = لو ينزله طفلن كسى راسـه الشيـب
لازان نوم اهل ا لنفوس الخساسـي= اكبارالبطـون مروجيـن الاًكاذيـب
يمشـي وفوقـه سايقٍ دبلومـاسـي = من الشمال لدار عطب المضاريـب
بحماية الخـلاق مـرس الرواسـي = مشى بخط محمدي مامشـى العيـب
مابه هدف غامض ولا هو سياسـي = يشرح به الواقع لبعض الاصاحيـب
أكفيتـت يالسـواق شـر العماسـي = الشمس دون اصحا بنا بالك تغيـب
وليا وصلت أنصى الرفيق الحماسي= أنصى سعيد ثـم عطـه المكاتيـب
مـن بعـد فنجاليـن دلـه وكاسـي =أحلف عن الواجب عسى فالك ايطيب
مهمتـك فـي وقـت جـداً قياسـي = أنجزتها جعل الرجاء فيك ما يخيـب
مشكـاي ياسعيـد وياتـاج راسـي = لاشـان نطـق ميليـن المعاصيـب
بعد الجماعه يا أبيض الوجـه قاسـي = ياشيـن مجلاسٍ بـدار الاْجانيـب
لاصار ماني وسـط داري وناسـي= حماية(ن) بالكـون حـرش العراقيـب
حرز الذليل اللـي نهـار المداسـي = مركاضهم يشبع به الطيـر والذيـب
كني لحالي مـاش حولـي اًوناسـي = بدارٍ خلا تـذرى علـي الهباهيـب
مالي رفيـق ولا صديقٍ مواسـي = وحيـد لـو ناديـت ماليـه مجيـب
والكبد فيهـا مـن عناهـا يباسـي = تقول عشبه غـار جتهـا لواهيـب
اًحاول انسى ميـر مانـيب ناسـي = ديرة ربوعٍ بالملاقـا معاطيـب
واليوم صبري طال وأعلنت ياسـي = بعد الشباب اشوف غازيني الشيـب
عبرت عن ماصابني من احساسـي = واخترت بالتعبير زيـن الاساليـب
ما أبغا بهـا يالقـرم لعبـة كـراسـي =لا و الذي فوق البشر شمس ماتغيـب
ياشاعـرٍ مثـل البحـر مايقاسـي = انا اشهد انك من كبـار اللواعيـب
لساع حنـا مرحلـة فـرد اساسـي = ما أجتزت يابن العم بعـض التداريـب
وانتة نجحـت بمستـواك الدراسـي = بالشعر عديتـم طويـل المراقيـب
ماتختلس بعض البيـوت أختلاسـي = تصخر صعيب القاف مابك عذاريب
وختامها مسـك وجواهـر وماسـي = والهرج به مخطي وبه مثله مصيـب

المشاركة الأصلية كتبت بواسطة مساعد الجليدي (المشاركة 1039924) صح السانك ياسعد مليون ونعم بك وببن مصيول والله يجمعكم على العز والمعزه ودمتم بخير وعافيه

المشاركة الأصلية كتبت بواسطة عامر الحربي (المشاركة 1041666) الشاعر القدير / سعد المحمدي صح السانك وبيض الله وجهك ودمت ودام هذا الابداع تقبل تقديري

المشاركة الأصلية كتبت بواسطة حربي الأسياح (المشاركة 1041673) صح لسانك بارك الله فيك عللى الاضافه

المشاركة الأصلية كتبت بواسطة سعد المحمدي (المشاركة 544861) ياراكب اللـي مايعـرف العكاسـي = اخر مديل الجيب ياعاشـق الجيـب فكسـار ماوقـف محـل التكاسـي = اوراق جمرك تو من شركته جيـب مثل الهنوف اللي زهاهـا اللباسـي = بنت الرجـال مكمليـن المواجيـب تقول فيهـا مـن غنجهـا انعاسـي = اليا رقصت منها تغـار الرعابيـب مافيه عيب الاً مـع الخـط راسـي = منوت اسيراً منطلـق بعـد تعذيـب في معتقـل مافيـه كـود المأسـي = لو ينزله طفلن كسى راسـه الشيـب لازان نوم اهل ا لنفوس الخساسـي= اكبارالبطـون مروجيـن الاًكاذيـب يمشـي وفوقـه سايقٍ دبلومـاسـي = من الشمال لدار عطب المضاريـب بحماية الخـلاق مـرس الرواسـي = مشى بخط محمدي مامشـى العيـب مابه هدف غامض ولا هو سياسـي = يشرح به الواقع لبعض الاصاحيـب أكفيتـت يالسـواق شـر العماسـي = الشمس دون اصحا بنا بالك تغيـب وليا وصلت أنصى الرفيق الحماسي= أنصى سعيد ثـم عطـه المكاتيـب مـن بعـد فنجاليـن دلـه وكاسـي =أحلف عن الواجب عسى فالك ايطيب مهمتـك فـي وقـت جـداً قياسـي = أنجزتها جعل الرجاء فيك ما يخيـب مشكـاي ياسعيـد وياتـاج راسـي = لاشـان نطـق ميليـن المعاصيـب بعد الجماعه يا أبيض الوجـه قاسـي = ياشيـن مجلاسٍ بـدار الاْجانيـب لاصار ماني وسـط داري وناسـي= حماية(ن) بالكـون حـرش العراقيـب حرز الذليل اللـي نهـار المداسـي = مركاضهم يشبع به الطيـر والذيـب كني لحالي مـاش حولـي اًوناسـي = بدارٍ خلا تـذرى علـي الهباهيـب مالي رفيـق ولا صديقٍ مواسـي = وحيـد لـو ناديـت ماليـه مجيـب والكبد فيهـا مـن عناهـا يباسـي = تقول عشبه غـار جتهـا لواهيـب اًحاول انسى ميـر مانـيب ناسـي = ديرة ربوعٍ بالملاقـا معاطيـب واليوم صبري طال وأعلنت ياسـي = بعد الشباب اشوف غازيني الشيـب عبرت عن ماصابني من احساسـي = واخترت بالتعبير زيـن الاساليـب ما أبغا بهـا يالقـرم لعبـة كـراسـي =لا و الذي فوق البشر شمس ماتغيـب ياشاعـرٍ مثـل البحـر مايقاسـي = انا اشهد انك من كبـار اللواعيـب لساع حنـا مرحلـة فـرد اساسـي = ما أجتزت يابن العم بعـض التداريـب وانتة نجحـت بمستـواك الدراسـي = بالشعر عديتـم طويـل المراقيـب ماتختلس بعض البيـوت أختلاسـي = تصخر صعيب القاف مابك عذاريب وختامها مسـك وجواهـر وماسـي = والهرج به مخطي وبه مثله مصيـب