البارحـه مابيـن صايـب ومخطـي = ورداً علي هجوس وتصـدرهجـوس
تجمعن مثل الضوامـي علـى الطـي = من الضماء والجوع صارن تقل قـوس
أخذت معهـن شـوط مقبـل ومقفـي = مثل الذي قابض على شـذرة المـوس
من ثقلهن كني علـى واهـج الضـي = والقلب بـه تسعـه وتسعيـن نـادوس
أسبـاب علمٍ فيـه جانـي ومجنـي = واضح وضوح الشمس ماهو بمد سوس
عيبٍ عليـه سكوتنـا ودواء الـكـي = مجربٍ يشفـي مـرض كـل منحـوس
لاصـار ماجتنـا معاذيـر تـرضـي = بحرف النعال ندوس راس الحنش دوس
ليه ثلاث شهـور حالـي غـدا سـي = والعيـن كـن بوسطهـا راس دبـوس
اشكي على سويلم ولاكـن وش اشكـي = اشكي الدهر ولاخطـاء كـل منحـوس
مشكاي يامشكاي ضـاق الوطـا فـي = ماني طليـق ولانـي اليـوم محبـوس
أسرجت خيلي لأهـل الكفـر والغـي = أبغى المعارك بيـن سنـه وهنـدوس
بعض العـرب ليـه يقولـون مكفـي = مالك ومال مساوي السيـف بالفـوس
وبعض العرب في مابد الـي مـراوي = مانقول بنـه نـي مانقـول محمـوس
وبعض العرب قال اشعل النار لعـدي = مايفيد حـد السيـف لا صار مدسـوس
واصبحت بين الشمس يالقـرم والفـي = مثل الغرير اللي مـن الجـن ملمـوس
وقمت أتذكر مـا فقدنـا مـن الحـي = قروم الرجال محو شـه كـل نامـوس
شوك الفـواد لكـل حاسـد و باغـي = يابن الصبيحي روس تخضع لها روس
دمعـي عليهـم تالـي الليـل يجـري = ان حسني من ظيـم الايـام حاسـوس
وأنـت العـزا باللـي فقدنـاه ياخـي = عسى لهـم منـزال بالخلـد وطقـوس
رأيك ترى رايـك لـه الاذن توحـي = ماضاع من حطك لـه اليـوم قامـوس
أشوف لهروج الخبـل نـاس تصغيي = لاما نفض ريشه تقل ريـش طـاووس
مـدري نخلـي كـل هـدار يرغـي = ونطفـي فتيلـة يافتـى كـل فانـوس
ولانقول السالفـه مـن عصـر طـي = من البطا تاريخهـا صـارمطمـوس
وهـذا الـذي للعيـن والقلـب يعمـي =والبال من ماوحيتها صـارمحيـوس
هداج يامـروي ضمـا كـل مضمـي = كبودنا من ماحصل صـارت ابيـوس
مايستريح اللـي لـه الذيـب يعـوي = ومايقطع الفرجـات خيـال جامـوس
أبديت ياسويلـم وأنـا كنـت مخفـي = سوالفٍ منهـا بنـا صـار فيـروس
لومنـت قـد السالفـه يالبنـاخــي = جنبتهـا مابيـن ضلعـان وطـعـوس
اسلاحكم ماهو مقـا ميـع وعصـي = ياما زهق به يالمز يني مـن أنفـوس
اهـل قديمـه والتـواريـخ تحـكـي = ماهي سوالف شاويـاً راعـي أتيـوس
يوم الكتاب اللي علـى الكـذب مبنـي = صرتـوا لكتابـه مصيبـه وكابـوس
تقـول مـن سـم الثعابيـن مسـقـي = من ملحمة مـن جـرده كـل ملبـوس
ماتوا وهي لسـاع حيـه مـع الحـي = لجيال بعد أجيـال يـا سويلـم أدروس
تمت وقلبـي مستـوي والجسـم نـي = والحبل لا مهمل ولا نقـول ممسـوس

بسـم الالـه المعتلـي رازق الحـي =ملاذ عبده في ضحى يـوم عابـوس
يحيي يميت من العـدم يوجـد الشـي = فرداً صمد في حكمتـه رازق نفـوس
باسمـه بديـت ومبتداً خيـر مـبـدي =هب الهبوب وعانق الفكـر هاجـوس
وجبت القلم وامليت من حبـر مملـي =من مارداً ماهو سواريـب ورسـوس
جـم القـراح اللـي للاكبـاد يشفـي =قلع النيا لاهل الطنا شـذرت المـوس
ماهـو غـرور ولاتبليـت مقـفـي =وعلى الخطا ماعمرنا نخضع الروس
بالـذل والحقـران ماعـاش حربـي =تاريخنا ماهوبـا لاكاذيـب مطمـوس
تاريخنـا بامجاد الابـطـال مبـنـي =نطاحـة القالـه ذرى كـل معمـوس
بالطيب لاهل الطيب ناخـذ ونعطـي =طلتم وطلنـا ياسعـد كـل نامـوس
وجه السعد نو الرجى فى سما الحـي =عذب النبا سم العـدا علقـم الكـوس
برسالتك يامحمـدي طـاب فرحـي =فيها دواء جرحاً به الطـب مايـوس
فـاروق للطـاروق نقظـن وفتـلـي =عن الزلل بالعرف والعقـل مقيـوس
القـاف سيفـاً والمعانـي لـواضـي =ومن الشجاعه ياسعد ماألبس الطـوس
ياعزوتـي ياتـاج راس المزيـنـي =تدرا غضبنا روس وابليـس محبـوس
رد البـرا منـا بالاكـبـاد يـدمـي =نقلابها كبد مـن الغيـض محمـوس
بالصايبـه وقلـوب الاحقـاد تـدري =خصيمنا منـا شكـا كـل حاسـوس
على الرضا والا على غير مرضـي =يشكي قسانـا ياسعـد كـل متعـوس
يامـا عدلنـا عايـل مـال مخطـي =عض البهام وعود الـراس منكـوس
يرجع ذليـل وعـن نويـاه مـزري =نفسه تكن الغيض بالصـدر مكبـوس
ياريـف جـاره ياحزامـي ودرعـي =عن شوفتك تقصر مشاويح وعسـوس
لك الشكـر موصـول منـي ومثنـي =على ذكر من داس حوض العداء دوس
اللي هدم جـدر علـى الظلـم مبنـي =وقض الكتاب وشارب الخصم مهلوس
واللي عدل راس عن الحق مصغـي =عن الدليل بتيـه الاوهـام مطمـوس
يالله لهم فـي جنـة الخلـد تجـزي =واجعل لهم منزال بظـلال فـردوس
هذا ويامروي عطـش كبـد مضمـي =ماينهضـم حقـاً بالاثقـال محـروس
دونه نضد الحـي يامنجـض الكـي =ومن دار عيب الناس بالعرض مدنوس
حسابنـا منـه المجانيـن تصـحـي =والضرس يقلع لا نخل عرقه السـوس
لكـن دفعنـا الشـر بالخيـر ندعـي =نمهل خطى دنفـوس مقـدار لنفـوس
عن شرهة العقيل منـا وجـب شـي =قبل العتـاب درايهـم بـوق نـادوس
لاهل الوقـار بسلـم الاجـواد نبـدي=هرجة سفيهن فاقد العقل ملحوس
اما كفونـا فتلـة القـيـد لـعـدي =والافتلنـا اخـزام لعـدي ممسـوس
خزم يمـوت وخاطـره منـه يغلـي =ماهي سوالف سارد الهـرج هلـوس

المشاركة الأصلية كتبت بواسطة عويض بادي الحربي (المشاركة 722495) صحت السنتكم قصائد مافيهن كلام

المشاركة الأصلية كتبت بواسطة عبدالله عتيق الحنيني (المشاركة 722523) صح السنتكم وبيض الله وجيهكم وافين مبدعين مليون صحة السنتكم

المشاركة الأصلية كتبت بواسطة سعد رجاء الحصني (المشاركة 722720) صحة السنتكم جميعا مبدعين شعار عمالقه بيض الله اوجيهكم تقبلو تحياتي

المشاركة الأصلية كتبت بواسطة خالد دغيمان القبع (المشاركة 990208) الشاعر الجزل والكبير شعرآ وخلقآ ســـعــد الـمـحـمـدي صح لسانك على هذا البدع والنظم الجزل وحقيقة كلا القصيدتين تحمل الشي الكثير من المعاني والاسماء الغاليه صح لسان الشاعر سويلم المزيني مروري للاستفادة منكم يابو تركي دمت بخير اخوك ابو فراس

المشاركة الأصلية كتبت بواسطة ابوهليل (المشاركة 990213) صح لسانك يابوتركي وبيض الله وجهك قصيده رايعه وصح لسان سويلم المزيني وبيض الله وجهه الله يعطيكم العافيه

المشاركة الأصلية كتبت بواسطة خالد بن مبيريك (المشاركة 1000573) الشاعـــــر الجــــزل سعد المحمدي صح لسانك وعلاء شانك وصح لسان الشاعــــــــر سويلم مسعد المزيني وبيض الله وجيهكم تحياتي وتقديري

المشاركة الأصلية كتبت بواسطة وليف الشوق (المشاركة 1001388) صحت السنتكم وبيض الله وجيهكم

المشاركة الأصلية كتبت بواسطة فايز المحيسن (المشاركة 1009280) شعراء متمكنين واصحاب حرف جزل بالفعل صوت وصدى على اعلا مستوى صحت الالسن ملياااااااااااااار وبيض الله وجهكم اخوي سعد شكراا على نقل هذي المراسله بالفعل تمتعت في قرائتهاا فا لله دركم كم ادعتو وما فيكم حيله

المشاركة الأصلية كتبت بواسطة الكحيلة (المشاركة 1010404) صح الله السنتكم شعراء كبار نفتخر بشعرهم

المشاركة الأصلية كتبت بواسطة ابوفهد الحربي (المشاركة 1010468) أُسجل إعجابي وفخري واعتزازي في هذه المساجلة الرائعة بين الشاعرين: الكبيرين في شعرهم وقدرهم سعد المحمدي و سويلم بن مسعد المزيني بيض الله وجيهكم على ماقدمتم وشكراً لكم جميعا: ولكم تحياتي وتقديري

المشاركة الأصلية كتبت بواسطة السهم الحربي (المشاركة 1010480) صح الله السانك يابو تركي صح الله السان سويلم المزيني بيض الله وجيهكم على هالأبداع قصايد جزله الله يعطيكم العافيه عليها دمتم بخير

المشاركة الأصلية كتبت بواسطة سعدالفريدي (المشاركة 1010706) صح لسسسانك ياسعد ولايهون سويلم عزالله انكم شعراء كبار بيض الله وجيهكم ..