راكب اللى يشرح البـال آشتغالـه=من مواترنـا الجديـدات السباقـي
جيب حيث الجيب رمزٍ للأصالـه=للرجـال أهـل النقـاء و الاتفاقـي
مشترية مـن الوكالـة و الوكالـه=ما بها إلا كاش ما يعطـون باقـي
لي لزومٍ فيه و اللازم أرسالـه=للأمير اللى بفعـل الطيـب شاقـي
يوم صلى العصـر سواقـه نخالـه=ومن شمال طويق للمشـوار واقـي
و المساء في بيت من قام و عنالـه=مدهـلـن للأهلـيـة والطـراقــي
دام شعر المـدح مفتوحـا ً مجالـه=أمدح اللى بالكـرم والطيـب راقـي
حي دار عاش فيـه و حـي فالـه=وحي جمعٍ ما حصل فيه أنشقاقي
بيت شيخ يشـرح الخاطـر قبالـه=الكـلام يـدور و الدلـه تسـاقـي
أبونايـف تـارد الجمـه حبـالـه=النباء مقبـول و الجانـب أرقاقـي
و إن رجعنا للكـرم فعلـه لحالـه=بالصحـون يبـرك عيـال النياقـي
الصحن لو يشتكي منـه آشتكالـه=وتشتكي منه القـدور أم الحلاقـي
و كان حاتم مات أبونايـف بدالـه=و آنشد اللى مـا يحبـون النفاقـي
و الوفاء و الطيب و الشيمه عقالـه=عن لزومـه مـا تتقـا بالمتاقـي
ما كتبت بـه القصيـد إلا و فالـه=و من فعل فعله يلاقـي مـا يلاقـي
قالها اللى ما يبـي غيـر الجمالـه=مـا يـدور لا حبـال و لا مراقـي

دام شعر المدح مفتوحـا ً مجالـه=أمدح اللى بالكرم والطيـب راقـي
حي دار عاش فيه و حـي فالـه=وحي جمعٍ ما حصل فيه أنشقاقي
بيت شيخ يشرح الخاطـر قبالـه=الكـلام يـدور و الدلـه تساقـي
أبونايـف تـارد الجمـه حبالـه=النباء مقبول و الجانـب أرقاقـي
و إن رجعنا للكرم فعلـه لحالـه=بالصحون يبـرك عيـال النياقـي
الصحن لو يشتكي منه آشتكالـه=وتشتكي منه القدور أم الحلاقـي
و كان حاتم مات أبونايف بدالـه=و آنشد اللى ما يحبـون النفاقـي
و الوفاء و الطيب و الشيمه عقاله=عن لزومه مـا تتقـا بالمتاقـي

الشاعر العلم / علي الحصني

صح لسانك وبيض الله وجهك وابو نايف جدير بالمدح والثناء ويشهد له بالكرم والطيب


تحيتي وتقديري لك