|
اللغز(153)وش الثلاث اللي تكامل عملهن&&لغز ذهبي &&محلول من بنت المعلا0
وش الثلاث اللي تكامل عملهن = بارادة المولى قوي الاراده :00076::00076:اثنين ضد لبعض واخرى تحملهن= استبدلن الياس باجمل سعاده دور عليهن واحد ما جهلهن = لكن عجز عن جمعهن باجتهاده وتحققن صدفه وربك جملهن =في ساعة ماتم يصعب اعداده |
حياك الله يابو خالد 00يامرحبا بك 00"""
|
اخوي ابوخالد الفريدي بيض الله وجهك على اللغز المليان وبسم الله نفتتح اللغز ونقول وش رايك بالسحب تتكون من قطرة ماء وذرة تراب والريح تحملها ((مدري اخوي الماقف الرابع جلمهن اظن قصدك جملهن)) شكراااااااااااااااااك |
مدري ؟ العين والجفون |
هلابك يابو خالد
والرمعة: هي ملك سيدنا سليمان \ من الأنس \ والجن \ والريح : |
خالد اللهيبي تبقى وتدوم والرمعه ماصابت
ابودسععو حياك الله جملهن يعني جمعهن وارمعه غير صحيحه نافع الحربي بنت المعلا مالكم لوى وبعيد عن الحل |
اقتباس:
أبو خالد \ ماهن النار \ والنزين \ والهوا \ واللي تحملهن الطائرة : |
صح لسانك يابو خالد على اللغز
رمعه مدوجه وش رايك بالماء والخضره والوجه الحسن |
صح لسانك على اللغز الطيب
مارايك في تكوين الجنين ومراحله ومن ذلك حمل زوج ابراهيم عليه وعلى نبينا الصلاة والسلام |
ابو خالد البيت الرابع تقابلن صدفه وربي جلمهن==او جملهن
هل هي صحيحه؟؟ وشكرا لك |
ابو خالد وش رايك 000فالنفس 00والروح 00 والحياه والسعاده
او الجنه والنار والحسنات والسيئات00شكرالك |
الشاكر ابو سامي / مالك لوى
خالد اللهيبي جملهن اي جمعهن وانا اشك انه ينحل هاللغز لانه ماخوذ من قصه يمكن البعض مايعرفها ولوماحل ممكن احله واجيب القصه |
اسمح لى يابو خالد ممكن الدنيا والاخره والاعمال 00
|
ابو خالد للمعلوميه مكتوب باللغز فالبيت الرابع (جلمهن)
وتكفا يابو خالد لاتحله ترا هذ ا للغز لازم يكمل ثلاثين رمعه بدون حل ويصير لغز ذهبي لاتعجل 00شكراا |
وش رايك بقصة يوسف وابيه عليهم السلام
عندما ارسل قميصه لوالده وارتد عليه بصره والثلاثه العماء ومن ثم الابصار والمقر العين |
اقتباس:
وش رايك في قصة عباس ابن فرناس ومحاولت الطيران : وتحققت هذه المحاولة في مابعد على يد اخوان رايت : والحل جنحان الطائرة وهي التي تحملهن : |
صح السانك يابوخالد على اللغز
وش رايك في قصة البنت والحية |
ابوشامان حياك الله والله اتي مقدرت اقرا اسمك اللون عجزت اميز
اما الحل مالك لوى صحيح هومن قصه لكن ماهو البنت والحيه |
يابو خالد ترى فيه رمعتين لي مارديت عليهن
وفيه رمعات للإخوان لم ترد عليها : |
اقتباس:
صدقت والله يالطيب وانا متأسف واعتذر للجميع خالد اللهيبي مضحي بن جمران نافع الحربي ابو شامان مالكم لوى انا تبعت كل الرمعات مالقيت حل للغز |
الرزة الرزة : وهى عبارة عن عمودان على طرف البئر على شكل( h ) توضع العجلة عليها لتسهيل سحب الغرب من باطن البئر مع الدراجة التى على شكل دولاب خشبى في اسفل الرزة |
اقتباس:
يابادع الابيات عندي مثلهن= انته زرعت اللغز تبغى حصاده ذيك النفوس اللي نجت من وسلهن= حكمه من الله يعتبرها عباده سدت حصاه دروبها واعتزلهن= في كهف مظلم كاللحد في سواده وقامت ترجى الله بخيرة عملهن= وكل ماانتهت قصه تقرج زياده |
قصة موسى وام موسى مع فرعون
او قصة موسى مع الخضر في سورة الكهف من خرق السفينة وبناء الجدار وقتل الغلام وكذلك قصة بيت الشعر/ الاجواد في نجد والانذال ب...... |
اقتباس:
يابو خالد \ وش رايك في النصايح الثلاث : اللي اشتراهن الرجل الذي تغرّب عن أهله 25 سنه وعند ماطلع من البلد الذي كان فيه راجع لإهله وجد رجل معه ثلاث نصايح للبيع : فشتراهن في ماحصله في هذه الغربة : وهن إذا هميت في أمر بالليل خله إلى الصباح \ ولا تنام بالوادي لو أنت بالقيض \ والنفس وماشتهت \ وكلها تحققت والباقي عليك شكرا لك |
اقتباس:
حي البيوت اللي زميلي بدعهن = شاعر وله بصياغة الشعر عاده لكن حل اللغزمبعد ماهو هن =اللغز روح يمترح بالحماده |
بنت المعلا
الشاكر ابوسامي مع الشكر الرمعات اخطت واللغز باقي |
اقتباس:
يابو خالد \ وش رايك في هذه الرمعة أعلاه |
ابو خالد . تحية وبعد
نار ابراهيم حملت بامر الله الضدين البرد والحر |
نافع الحربي رمعتك طيبه ياطيب لكن اللغز يقولون خله يصير ذهبي
ابوشامان الله يعافيك غير لون كتابتك ماشوفها الاعقب البهذله وجزالك رمعتك بعيد |
بعد التحيه اعتقد انها عقارب الساعه الثلاث
|
الاخ فايز الجبرتي / شكرا على المرور ومالك لوى ياطيب
|
ماشاء الله تبارك الله 00 لغزك ذهبي يابو خالد 00 ويستاهل لانه ثلاثين تصويبه
واللغز سالم 00 |
لغز صامد ماشاء الله
|
ممكن الميزان او الشمس والقمر والارض |
ابوخالد لعل عمرك يطول
هذه يالذيب ( الحرارة والبرودة حملتهم النار الذي القي فيها ابراهيم عليه السلام) |
اخوي ابوخالد وش رايك فقصة ايوب عليه السلام المعروفه. او وش رايك فقصة الرجل اللي اماته الله 100 عام ثم احياه وطعامه لم يختلف وحماره عظامه باليه ثم اكساه باللحم واحياه |
ابو خالد بيض الله وجهك على اللغز الذهبي
لم يحل حتى الأن وشرايك عصى سليمان والدوده وسليمان |
بنت امعلا
ابن قويتان ابوسعود ابو عادل اشكركم على المشاركه والرمعات سلم منها اللغز |
يعني النظارة عدستين واطار محاولة؟؟ |
أبو خالد الألغاز كثرة ونا ماقنعت من هذا اللغز حتى الآن
وش رايك في \ النصيحة الثالثة من النصائح الذي أشتراها الرجل الذي تغرّب عن أهله 25 سنة وهي ( النفس وماشتهت ) وقصتها فيه بنتين وحدة بيضاء وحدة سوداء في دحل وعندهن عبد أسود : كل مانزل واحد في هذا الدحل يريد الماء امسكه العبد وقال أحسن البنت البيضاء أو البنت السوداء : فأن قال البيضاء قطع راسة : وهذا الرجل لما نزل في الدحل يريد الماء مسكه العبد وقال أحسن البنت البيضاء أو السوداء : فتذكر النصيحة وقال النفس وما شتهت : فلذالك سلم من سيف العبد ولم يقتله وقال له العبد أنت الوحيد الذي أجاب صح : |
الساعة الآن 07:31 PM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir