|
ديوان الشاعر/ نداءالغيداني
هذه ابيات مهديها للشاعر الكبير عبدالله بن زويبن المعمري اللذي يعد من الشعار الكبار على مستوى المملكه ودول الخليج وقد اشادوا بشعره المميز
عدد كبيرا من الشعار العمالقه والنقاد ومن لم يعرف هذا الشاعرالعملاق يستطيع ان يعرفه عن طريق قراءة او استماع اي قصيده من قصايده وسوف يلاحظ قوة الشعر والابداع والتميز اللا محدود واخيرا انصح المهتمين بالشعر بالاطلاع على قصائد هذا الشاعر
يا ابن زويبن قيل ضايع ومسكين=وغشم ومغفل وتايه ومجنون للشاعر اللي قلدك لو بيتين= يابعد فرقك عنه والناس يدرون انته علم للشعر وسط الميادين = من حاولوا تقليد شعرك يعجزون كم شاعر يشهد على شعرك الزين = مثل الحميدي والعطاوي وابن عون المملكه شعارها بالملايين= لكن مثلك بالاصابع يعدون |
جوني وقالوا ودنا انا نتخاوى = نبا نسافر يم لندن ومدريد قلت اسمحولي يا وجيه النداوى=عسى سفرنا لديره الغرب مايعيد الغرب غرب ولا لنا فيه ماوى=ولا عندنا للي يبا يروح تاييد مانروح لديار الكفر والمهاوى=حنا نخاف الله ونخشى المناقيد اناخوي اللي يحب المخاوى=فوق الجيوب اللي عليها صناديد الى عقدنا الراي مابه مراوى=نقطع طواريق الخلا لوهي بعيد ننام في جوٍ ذيابه تعاوى=اخير من نوم على دافي (البيد) بارض خلا منها العليل يتداوى= لسار في وادٍ سيوله تراديد جوه وجو (ام الضباب)يتساوى=ومن اين ما وجهت تلقا به الصيد يا زينها هدت صقور تهاوى=على الارانب والحباري ملا بيد بفياض 0 لا فيها 0 بدو 0 لا قراوى= غير الظباء ووعول كبر المفاريد ليال نقضيها وكنا جلا وى= عندي تصير ايامها كنهاعيد وكل الهموم اللي بقلبي تشاوى=لاصار معي 0 سعود0وسعود 0 ورشيد |
ان كان يوم انك تجينا على شان=تحيي العهود السابقة لا تجينا خلك بعيد وخلنا مثل الاخوان=ولا تشكي الفرقاء لو انا قسينا ان كان قلبك يالغضي تو مالان=حنا ترانا بالقسا تو بدينا انس الزمان اللي مضت فيه الاحزان=حنا على طول الزمن قدنسينا ما عاد يمدينا نعود لشبان=خلاص من ذاك الزمان انتهينا انا ادري انك كنت مخطي وزعلان=لكن لاتخطي وتزعل علينا وان كان مانت بمقتنع شفلك انسان=واشتك ترانا قبلكم قد شكينا ياما شكينا حبك لصاحب الشان=وياما اناوياه رحنا وجينا وياما تعبنا لجلكم مير ما بان=برهان0منكم يوم لاجلك عنينا واخترت لي غيرك ولاني بخسران=خلاص عن حبك ترانا اغتنينا إنته0ترى مابيننا كاين(ن)كان=حروف للذكرى كتبنا ومحينا وان عدت لك ماني بعزوة؟؟؟=خذ الكلام اللي صحيح ويقينا مشيت دربي صح ماني بغلطان=الله على باق المسافه يعينا الله يعين القلب بايمان واحسان=وانه على الدرب الصحيح يهدينا |
هذه الابيات موجهه للشيخ بندر محمد بن بتلاء
خذ القلم واكتـب بيـوتٍ طرتلـي=وليا انتهت قم ودها لابـن بتـلاء اشكي عليه هموم ماتـو جتلـي=تنتل فوادي بين الا ضلاع نتـلاء قلبي شكالي والعيـون اشتكتلـي=وانا شكيت لفاتل الـراي فتـلاء حاولت ابا امحا ذكرياتٍ مضتلـي=مير ما امحت يامير لا ما امحت لا الحـب ميدانـه يهـدد بقتـلـي=اشوف به كثييييير جرحى وقتلاء وكان السلامه مثلهم ما احصلتلي=لاني بلا اولهم ولانـي بالاتـلاء رد الاخ بندر
يـا مرحبـا برسالـة وجهتـلـي=من شاعر يختل معانيـه ختـلاء استر قلبي والهجـوس اهجستلـي=وقمت اتخير واعتل القاف عتـلاء صعب القوافي يانـداء طاوعتلـي=حتيش لوجات القوافي على اتـلاء قلبـي يسويهـا ويـدي كتبتلـي=وسطرت معناها على الطرس يتلاء سهوم الهوى قدامكـم عارضتلـي=برمحٍ شطيرٍ يشتل القلـب شتـلاء اجموعهـا بسيوفهـا قابلتـلـي=طابور جيشٍ شكل السيـر رتـلاء معك على وضح النقاء ما نختلـي=حيثك طويل ذراع ماانتـه بهتـلاء |
اقدم لكم قصيدتي هذه التي تعبر عن نفسها واتمنى ان تحوز على رضاكم
نداء الغيداني
فرخٍ عقب ضف ريشه طارمن وكره=فـي غفلـةٍ والأوادم مايشوفـونـه الصقر لاطار ماحـد ضامـنٍ مكـره=وإليا شهر عودته ماهي بمضمونـه والله مادري وش اللي دار في فكـره=أخلى مكانـه وخـلا اللـي ينادونـه الفكره اللي طرت له ماهـي بفكـره=غير مفاهيـم كـل اللـي يعرفونـه أقول بكـره يجـي والا بعـد بكـره=وطول غيابه وحال البعد مـن دونـه لكن لو غـاب زولـه باقـيٍ ذكـره=بقلوب ناس مثـل حالـي يعزونـه أنا أشهد إنه حدا رجلي على ماكـره=وأتعبت حالي على شانه وفي شؤنـه قاسيت هـمٍ جرالـي منـه ماحكـره=أثر بقلبـي وسـدي بـاح مكنونـه وحزنٍ يلفه تقل سيرٍ علـى مكـره=أسباب علمٍ سمعته بـان مضمونـه واحياناً الحزن (مثل الموت له سكره)=يجهد فؤاد الحزين ويسهـر عيونـه وياهيه ياللي بدا إسمك عندنا نكـره=زودت هم الخفـوق وزدت بحزونـه ما دام ما ضاع لك حاشي ولا بكـره=وش دخلك بين مضنونٍ ومضنونـه يالله ياللـي علينـا حمـده وشكـره=يالواحد اللي جميع النـاس يرجونـه لاتِسمع الناس بمحمـد خبـر يكـره=وتفرح به اللي لهم وقـت يتحرونـه وإنك ترده علينـا اليـوم لا بكـره=وتسعد بشوفه عيون اللـي يحبونـه |
ابيات خاصه للشيبان لو اني ادري ان مافيه شيبان في الملتقى 00
يامحاربيـن الشيـب لا تحاربـونـه=لو كثر في سود اللحى هي والاشناب الشيب ماهـو عيـب لا تصبغونـه=ولا مصغر(ن)شايب ولا مكبر(ن)شاب يصبح شعر لحيـة راد الحـظ لونـه=ابيض وتمسي كنها ريشـة غـراب وهـذا حــرام وكـلـم تعرفـونـه=ولا خير في رجل نكث عقب ماتـاب |
العـام بـاب العـز والقـدر مفتـوح=مشـرع ٍفـي ليـل وإلا صبـاحـي لاجل الصداقة بيننـا تجـي وتـروح=عليك من حسـن الصداقـه وشاحـي حيثك عزيز ولا بدا منـك منضـوح=شـئ يغيـر فكرتـي و ارتيـاحـي صديقنـا نفـداه بالمـال والــروح=ونصيـر بالشـدات درع ٍ سـلاحـي ناقف معه لين ازمة ضروفـه تـروح=حتـى يبـدل ضيقتـه بأنشـراحـي بجهودنا عنه اكثر الحمـل مطـروح=نشيـل حملـه لا تعـثـر وطـاحـي وإن صار له في درب الأخطار ساموح=نقـوم وندلـه طريـق الصـلاحـي وانت الـذي صداقتـك مالهـا روح=طارت علومك مع هبـوب الرياحـي وين الكلام اللي كتبته علـى اللـوح=رمز الصداقـة والوفـاء والتضاحـي صداقتك بالمصلحـه ريحهـا يفـوح=بانت عيوبك مـن جميـع النواحـي من اول ٍ لجاء الخطاء منك مسمـوح=والسـر مابينـي وبينـك مبـاحـي واليوم بعد ان الخطاء صار مفضـوح=غيـرت رايـي واتخـذت اقتراحـي ترى الخطاء مابيننا ماهـو مدمـوح=احـذر وخلـك للمقابيـل صـاحـي وجير صداقتنـا علـى كـل سلتـوح=سلتوح . وإلا مـن طيـور الفلاحـي الحاصل انّـا مالنـا فيـك مصلـوح=يا مساوي يديـن الكـرم بالشحاحـي سلك العلاقة بيننـا صـار مجـروح=خطير قطعـه بيـن ليـل وصباحـي |
هذه القصيده وجهها لي الشاعر المعروف الحميدي الحربي وهي قديمه جدا 0
*******************************************
يانداء مالجرح الحب جراحه=كم جريحٍ فنى مابريت جروحه **************************************صرت انا في عناء والناس في راحه=دوك روحي برمح الحب مجروحه والسبب من نهيده تقل تفاحه=هايمت بالهوى روحي على روحه صابني في عيونٍ سود ذباحه=يوم جاني عصير بسوق منفوحه وجنته كنها القنديل وضاحه=من سرى بالدجاء يسري على ضوحه وقرنه اشقرغذاه بغالي أرياحه=ماتوصف بوصفه كل مملوحه قفل قلبي مع المجمول مفتاحه=كل مااشقى لقربه تبعد شبوحه بالدلع زايده بالوصل شحاحه=يانداء قلها ماهيب مسموحه نلت منها العناء والناس مرتاحه=بس اجاوب حمام الورق في نوحه وقد رديت عليه بهذه الابيات المتواضعه 0 *************************************
يالحميدي علاج القلب واجراحه=عند مزيونةٍ بالطيب ممدوحه عاقلٍ ماهي للاسرار فضاحه=من مزيا بنات الحور ممنوحه بنت ربعٍ لجيش القوم نطاحه=يمنعون العداء والخيل مذبوحه يوم كلٍ يعيش بقوة سلاحه=قبل عبدالعزيز يكمل فتوحه واترك اللي بغي الحب سباحه=لاتطالع جمال فيه مفضوحه لو جمال المزين تلبس وشاحه=اعص نفسٍ بحب الزين مشفوحه غض عنه البصر لو لاح وضاحه=وانتبه يمهم لا تطري الروحه فيه غلطات ناسٍ كنها مباحه=وانت غلطات مثلك ماهي مدموحه كل صقر كفخ للعالي جناحه=وكل رجلٍ يميز ويش مصلوحه |
انا ظروفي صعيبه وانت خابرها=وعلي زادت همومي يالله الخيره لو المدى أيام ماهي هم نصبرها=مير البلا ياعشيري طالت السيره النفس في غابة الاوهام قابرها=والامر عند الولي علمه وتدبيره روحي على البعد والهجران جابرها=والا أنت ما انته بمجبورٍ بهالديره ياما عليك العيون يهل عابرها=والقلب ما زال همه يشعب بعيره بيني وبينك مسافه ما اقدر أعبرها=الدرب دونك طويلاتٍ مشاويره وقتي ليالي زمانه كيف اعبرها=ارجو من الله تدبيره وتيسيره اصبر وانا اصبر الين الله يدبرها=الحل0صبراً جميلاً مالنا غيره |
هذه القصيده موجهه للاخ الشاعر العلم لافي الغيداني 0ووصفاً مختصرا لقصائده0
من شان ناسٍ جلوس0وناس وقافي=هات القصايد من اولها الى اتلاها [/poem]افتح مخازن بيوت الشعر يالافي=وقل للمعاني تجي وتمد يمناها على رجالٍ لهم بالشعر ميقافي=ناسٍ تعرف القصايد ويش مغزاها خل القوافي تجي قافٍ ورى قافي=وتصافح اسموع ناسٍ جات تبغاها في شعرك العذب لطف جونا الصافي=خل الفرايد تعانق من تمناها يامصخر الشعر هات افراد واردافي=قل للشوارد تحول عن مطاياها يالشاعر اللي رزين ولا انت مزهافي=تعرف جزال القصايد وين منصاها قصايدك ياوسيع العرف لاهدافي=كل يحاول يحلل ويش معناها قصيدتك لو توصف وصف ينشافي=تشدا رياضٍ زهور العشب تملاها ومن كامل الزين فيها بعض الاوصافي=تشبه لوضحاً شمالي نجد مرباها من ابل الطهيمي قراها كنه سنافي=ماسوقت مع رعايا البدو حلياها فازت بكاس المزين شقح الاشعافي=وجوها هل الصنف مير الحربي أغلاها سيمت بليون مع مليون له صافي=ثم صد واقفى عن اللي جو لشراها اقفى بوضحاً عليها القلب ينلافي=لوفه على اللي يعيش أيام ذكراها وتشبه لعنقاً عليها لبسها الضافي=سبحان منهو بصاف الزين سواها مشهورةٍ بالجمال وعقلها الوافي=تسبى عقول الرجال وتخلف ارياها لو شافها اللي بوسط البيت يطافي=يتوق عقله وبأعلى صوت ناداها وان سولفت من سمعها قال ياكافي=تحكي بصوتٍ يخل الناس تهواها تسحر سموع البشر في صوتها الدافي=كم عاقلٍ يختلف عقله ليا اوحاها في منطقة نجد مترامية الاطرافي=مابه مثيله من اقصاها ليا اقصاها عاد انت00شعرك جماله وافي وكافي=لو جيت اوصف جماله كنه اياها يالشاعر اللي بخيص وتعرف اهدافي=بعض الاوادم لزوم اتحقق ارضاها مستودع الشعر ولع نوره الطافي=وارفع بصوت القصايد تحفظ اسماها وان كان فيها صعوبه مابه اخلافي=دون قصايدك لاجل الناس تقراها بالشعر والطيب وعلوم الوفاء وافي=منابع الطيب مصدرها وملفاها الطيب توفي حقوقه وانت تستافي=مواري الطيب في شرواك نلقاها ياسامع المدح مدحك ماهو بخافي=قالوه قبلي رجالٍ عند شرواها لوجيت اعدد صفاتك خانني قافي=اخصال طيبك يعجز القاف ما احصاها والخاتمه في البدايه قلت0يالافي=قل للقصايد علينا تمد يمناها وقل للقوافي تجي قافٍ ورى قافي=وتصافح اسموع ناسٍ جات تبغاها من شان ناسٍ جلوس0وناس وقافي=هات القصايد من اولها الى اتلاها |
[أقدم لكم هذه القصيده وآمل ان تحوز على رضاكم
علما بانه تم مجاراتها من قبل 11 شاعر سوف أقوم بنقلها لكم بالمستقبل ان شاء الله
الرفقة اللي مثل رفقتك ما ابغاها=موجود وقت الرخا وتغيب بالشده ترى علاقات مثلك نعرف اقصاها=في حزة الحزم والازمات ما نعده صداقتك يالدويني ما حسبناها=ترخي بحبل الصداقة نوب وتشده ننصى رجال الى منا وصلناها=كن البسيطه بزين الورد ممتده أهل المواقف بوقت الضيق ننصاها=اللي لهم بالشدايد هده ومده حنا رجال هل المعروف نجزاها=من قدم اليوم طيبه بكره نرده الى بغينا هل الفزعات نلقاها=والا انت فعل الجماله ما انته بقده مثلك علومه بوقت الجد ينساها=لا جاه محتاج كنه صافق خده يموج مثل المحاله لا افرد رشاها=ويكرر العذر مير العذر ماسده ترى الجمايل صعيبه لو تمناها=يامن لبس له عباة ماهي بقده فرق اطيب الناس يابعده عن ارداها=ابعد من بقيق عن غربي بحر جده |
يازين شبة نارنا عقب مرواح=في واديٍ مابه عواصف ولا ريح نارٍسناها يشتعل تقل ملواح=يجذب سناها مثل نور المصابيح ولفاحت الدله وبرادها فاح=نصبها لاهل الوجيه المفاليح وزانت سوالفنا وعنا التعب راح=وكلٍ عن اللي حاك في صدره يبيح ماغير انا واللي لخوتهم ارتاح=شبيكان ومساعد وفراج وفريح خوينا عن قلبه الهم ينزاح=والضيف يلقا عندنا هبة الريح بارضٍ خلا نمشيبها تقل سواح=تبري قلوب اهل القلوب المجاريح ويازينها لغيمت والمطر طاح=سبحان منشيها سحابٍ مراويح رعادها زلزل وبراقها لاح=وقمنا نسبح منزل الغيث تسبيح |
واصل معي بالرسايل لاتقاطعني=ترى رسايلك تجلا بعض الاحزاني طبعا رسايلك يالمجمول تنفعني=تزرع بصيص الامل بك لو تناساني يالغالي اللي بسيف الود قطعني=تعال لملم شلايا قلبك الثاني هل تعلم انك بطول الصمت موجعني=وانا الذي دايماً واسمك على لساني بالله تسمع كلامي فيك وأسمعني=واخذ بكلامي على شانك ومن شاني وان قلت لك حــــاجةٍ ياصاحبي طعني=طعني مثل ما انت تامرني وتنهاني لو بالرسايل على الاحزان شجعني=ايضا الرسايل تخفف وطأة اشجاني فكر وراجع ضميرك ثم راجعني=يازين وانته تعرف اسمي وعنواني |
بسم الله الرحمن الرحيم
البارحه حضر على الفكـر طـاروق=وجبت القلم بالحال ثم جبت الاوراق وبديت باسم اللي خلق كل مخلـوق=اللي فرق بين البشر خلق واخـلاق اللي جعل بالناس محـرم ومـرزوق=سبحان من بيديـه تقسيـم الارزاق وسجلت مايطري على البال برفـوق=من شان ما ادون سوى كل مـا لاق ماني بشاعر بس يجذبنـي الشـوق=لحل طـاروقٍ لـه القلـب يشتـاق بالذات لاصار الهدف عالـيٍ فـوق=يبعد عن اهدافٍ تجي بيـن عشـاق انا هـدف معنـاي للـي لهـم ذوق=ناسٍ لهم مع سامي الشعـر ميثـاق يابو بدر مثلـك مجـرب وماثـوق=بالطيب والمعروف والعرف عمـلاق ولك مركزٍ في ساحة الشعر مرمـوق=شعرك جزيل ومعجـب كـل الاذواق ماقلتها عاشـق ولانـي بمعشـوق=ولا شاقني مزيونـةٍ زينهـا دقـاق ولا ناقصٍ حاجه ولاضاعت حقـوق=والصدر لو كثرت طواريه ماضـاق قلبي من اسباب الهواجيس محروق=أخفيتهن لين احرقن قلبـي احـراق يجي لهن في صدري رعود وبـروق=وليا استهلن اغرقن فكـري اغـراق اسباب وضعٍ صار في وقتنا عـوق=من سبته درب السعه عقبها ضـاق شي حدث في وقتنا ماهو مسبـوق=ضيق على بعض المشاكيل بخنـاق باب السنع من معظم الناس مطروق=لا شـك مقفـولٍ بضبـه ومغـلاق كم واحد جاله يسوق القـدم سـوق=وعنده وقف لين اتعب العين والساق وعود تقول انه على الوجه مصفوق=لا وخسارة جيتـه قبـل الاشـراق والا لراع الواسطه ماهـو مغلـوق=تفتح له ابوابه على كـل الاشنـاق حيث ان له ناسٍ لها يدين وحلـوق=متوظفٍ كبتن وهـو قبـل سـواق للواسطه دورٍ علـى غيـره يفـوق=يرفع مثابيـر الوطـا يـم الافـاق دنيا تكيف قاصـر الشبـر ويـروق=بالحر له ضـلٍ و بالبـرد مشـراق لاثمارها يقطف بـلا جهـد ويـذوق=طراوة الدنيا لهـا اشكـال وارنـاق مايطرقه من قاسي الوقـت طـاروق=من العنـا وايامـه القشـر مـاذاق ناس تحوق المـال بيدينهـا حـوق=متيسرٍ ما حـال مـن دونـه رواق وناسٍ يسجل دينها الطاق مطبـوق=الله يكون بعون من وضعهـم شـاق والشجره اللي بارضها ما لها عروق=كيف الغصون تعيش وتعيش الاورق والنخله اللي مالهـا ظـل وعـذوق=نجثهـا ونطشهـا بالـف طـقـاق والسلعه اللي ما لها بالبلـد سـوق=تبور لـو طافوبهـا كـل الاسـواق ولا هو صحيح ان كل مطرود ملحوق=كم راح مطرودٍ نجا عقب الارهـاق |
ماهي غريبه منك فعل المواجيب=ياللي فعلت الطيب باقراب واجناب الطيب ماله عنك صده وتجنيب=وانته بعد مالك عن الطيب مجناب عشتوا سوى في بيت من يفعل الطيب=وصرتوا على طول المدى اصحاب واحباب مابين عم وخال عشت التجاريب=واخذت من عاداتهم كل ماطاب عادتك كسب الطيبه لوهي صعيب=ما يمنعك من دونها احساب واتعاب سعيت للطالات وتحارب العيب=وهاذي مساعي كل طيب وكساب والضيف يسمع منك كثر التراحيب=والجار مامن دونه تطرف الباب رجل 0وفي 0صادق0ولك راين مصيب=وباقي العلوم الطيبه مالها حساب ابي امدحك مافيه شك ولا ريب=ويشهد على ماقلته اصحاب واقراب يالحاتمي الطيب حظ ومواهيب=وانت الرجاء بك يافتى الجود ماخاب |
فرصه ثمينه يالغضي نلتقي فيك=من عقب ما صعب الزمان انتحىبك [/poem]صدفه بلا ميعاد ما قصدي اجيك=جابتني الصدفه ليا عند بابك والله ماني يا هوى البال ناسيك=ويش عاد لو طول علينا غيابك انا اشهد ان القلب بالحيل مغليك=ليت الغرام اللي لجى به لجى بك حتى تعرف الحب وشلون يطويك=وتشوف بالفرقاء عناك وعذابك وحتى تحس اللي جرا لي ويعطيك=عن بعض لوعات الهوى لا سعى بك وتعرف مدى حبي وتنسى تحديك=وتحسب حسابي مثل ما احسب حسابك وتعرف مدى صبري وتترك تماديك=وتقدر تعدل غلطتك في صوابك فرصة سعيدة يامنى القلب يدعيك=منهو بعد طول المغيب التقى بك في عودتك نفرح عسى الله يحييك=يامرحبا يامسهلا ياهلا بك |
poem font
إن كان تنشد يا نداء عن جديدي=خذ القصيده وإقرها لا عدمنـاك [/poem][/poem]الشاعر هايف معجب الغيداني [/poem]مابه جديدٍ كـود علـم وكيـدي=لك بالوفاء ياللي فعلته بيمنـاك يا وافيٍ عبرت لـك بالقصيـدي=عشرة عمر مايوم شانت مزاياك دايم وهقواتـك لشـئٍ بعيـدي=للطيب دايم سير رجلك وممشاك صداقتك ماهي بوقـت وتبيـدي=والله ماني قادر أصبـر بليـاك مالي مصالح كود رفقة عضيدي=ياكاسب الطيب لطيبك كسبنـاك والله ما اعبر واقول النشيـدي=أبغى مصالح منك ياجعلي فداك إلا أفتخر في رفقتك يا سنيـدي=لا والذي يعلم خفاي وخفايـاك وهذا هو ردي على قصيدة الاخ العزيز والصديق الحميم هايف00
يومٍ لفا برسالتك يوم عيدي=هلت هماليل الفرح عقب الادراك وكتبت لك ياللي بشعرك تجيدي=يالشاعر اللي عندك الهام وادراك ردٍ على جزل الكلام الفريدي=اللي وصلني منك يحمل هداياك جزل المعاني ماتجيب الزهيدي=جزلٍ بمنطوقك وفعلك ومعناك حكيم ومحنك ورايك سديدي=وكل العلوم الغانمه ماتعداكِ يالله عساك تعيش عمرٍسعيدي=ياطيب الرفقه عسى الله يحماك ويالله عسى عمر الصداقه مديدي=بين الرجال الطيبه مثل شرواك ياللي عن دروب الوفاء ماتحيدي=هذا دليل اصلك وساسك ومنشاك حبل الصداقه ياابو بندرجويدي=ماينقطع لو حاول عداي واعداك تبقى رصيدلي وانا لك رصيدي=جعلك تدوم اليا بغيناك نلقاك وانا رفيقك بالزمان الشديدي=اسلاح ماتعطيه يمناك يسراك نافي مع الوافي وقدره يزيدي=وتافي يابو بندر مثل ماعهدناك امدحك يالوافي واكرر واعيدي=ولو ما انت كفوٍللمدح ما مدحناك |
ابيات من قصيده
خل قلبك حليم وخل صدرك وسيـع=لاتـطـارد ورى ربـعــك وزلاتـهــا اكتم الغيظ كانك رجـل فعـلاً شجيـع=ماتـهـم العـلـوم وكـثــر غلطـاتـهـا الخطاء والقداء يارجل ماهن جميع=اتـرك المخطيـه والمقـديـه هاتـهـا وانتبه لا تحمل فـوق مـا تستطيـع=ولا تلـبـي لنفـسـك كــل رغباتـهـا من يطاوع لنفسه لازم انـه يضيـع=كـل نفـسٍ تبـي تحقيـق مشهاتـهـا |
اقول لك مبروك مبروك مبروك=ياللي قبل للطيب والمجد كاسب في الموقع المطلوب ما تو حطوك=انت المناسب في المكان المناسب انته حليف الفوز من يوم جابوك=من جودوك بطيبين المناسب ولو ما انت كفو لموقعك كان خلوك=كم واحدٍ عقب التعب قيل راسب عم الفرح كل الجماعه وهنوك=انته لربعك من خيار المكاسب |
شخابيط على الصفحه
يـاغـالـيــه لاتـجـرحـيــن الـــجـــوارح=قلوبـنـا مـــن كـــل حـاجــه مـجـاريـح تـرى الكـلام احيـان كالسيـف جــارح=وكسر الخواطرمثـل كسـر المصابيـح الفكـر فـي سـاحـات الاوهــام ســارح=يسـرح ويضـوي كـل ماهـبـت الـريـح لايابعـد مــن لولـشـت فــي المـسـارح=اللـي لهـا راع الهـوى يـقـوم ويطـيـح مـاعـاد انــا لك يـاهــوى الـبــال شـــارح=ما اقدراوضح لك عن الوضع توضيح والـظـاهـر انـــه لازم انـــي اصـــارح=تعبـت المـح لـك عــن الـحـب تلمـيـح وش رايــك ابــا اقولـهـا وانـتـصـارح=مـا دام مـا انـت بفـاهـم الا بتصـريـح |
من الارشيف القديم امل ان تحوز على رضاكم
شربت كاس الحب من بين اياديـك=شربت حبك شرب وش عاد باقـي لا تلومني لو كل لحظه اناديـك=ولو صاب قلبي من هواك اصطفاقي لوهو بودي كـل ساعه الاقيـك=ما امل من شوفك وكثـر التلاقـي اشفق على شوفك وهرجك وطاريك=اقولها مـن قلـب ماهـو نفاقـي لصرت عندي0 انبسط يوم احاكيك=وان رحت عني ظقت والصدر ظاقي وان جيت لي اهلاً هلا الله يحييـك=ياكثر حبـي لـك وكثـر اشتياقـي اسبح بحر حبك على شاني اجيـك=وغطست في حبـك لحـد التراقـي |
انـا ليـا غنيـت متعـت الاسمـاع=وخليت راع الصنف يشعاه شاعـي بيـتٍ لعبـد الله زويبـن لـلأبـداع=اللي على ملك السمـوع استطاعـي وانا ليـا غنيـت لجـن الاضـلاع=وخليت جاري يصبح الصبح واعـي صوتٍ صداه يجاوبـه كـل ملتـاع=الى دعاه مـن الصواديـف داعـي يحـن لاجاتـه هواجيسـه اتـبـاع=حنين مـورٍ مـع طمـان ورفاعـي هواجسه تأتي لـه جمـوع و اوزاع=تضوي على فكره لا غاب الشعاعي من شانها كل ما اقبل الليـل يرتـاع=وتضيق في عينـه دروبٍ وساعـي مثلـي هجوسـي لوعنـي تلـواع=علـي تـارد مظميـاتٍ جيـاعـي ولقن لهن في داخل الصدر مربـاع=باطراف قلبـي حصلـن المراعـي ماعندهـن طـاري شديـدٍ ومنـزاع=مـادام فيـه همـوم مافيـه داعـي قلبي تجيه همومه اشكـال وانـواع=تسري على قلبـي سـواة السباعـي واصبح فريسه للهواجس والاوجـاع=تناهشنـه مثـل نهـش الافـاعـي همومٍ تخلي قاسي الـراس ينصـاع=هجومهـا مافـاد فيـه الدفـاعـي هذا اللذي خلانـي اصيـر مطـواع=وامشي على كيف الهجوس السواعي مشيت معها دروبٍ طوال ووسـاع=لين اطمعت بعض الهجوس بضياعي وش عاد لونـي خبيـرٍ ولـي بـاع=مافادنـي عرفـي وكثـر اطلاعـي لذا 0نويت اذيع لـي شـي مايـذاع=من بعد مافشلـت جميـع المساعـي واقول للي قـال غيـرت الاطبـاع=ومن قال لي ما عاد انـا باجتماعـي قررت اوضح له عناوين الاوضـاع=واشرح له الموضوع عقب اقتناعـي واقول لـه تـراي شـاري وبيـاع=بنيت في سـوق الجمايـل شراعـي واللي عطانا مـد نعطيـه بالصـاع=وين انت ياللي للمعاريـف راعـي ياللي تـدور للمكاسـب والاطمـاع=اليا عطيت المـد نعطيـك صاعـي يا صانع المعرو ف والطيب ماضاع=دينٍ يجـي مابـه جـدال ونزاعـي لكـن خلـك بالمهـمـات فــزاع=مير ان بغوك بمـال والا الذراعـي وخل الصداقه صح ماهـي تصنـاع=نعم الصداقـه تنشـرى مـا تباعـي لا يخدعك في رفقتـه كـل خـداع=اعرف صديق الجـد والاصطناعـي ترى الرجال بطيبهم مثل الاصبـاع=ماهم سوى فيهم جبـان وشجاعـي الوقت طال وكل مجهودنـا ضـاع=والصبـر بـاح وجهدنـا مايذاعـي من شان هذا جبت لي بوك وايـراع=وعبرت عن ماصار حسب انطباعي وارجو لعـل الله يعجـل بالاسنـاع=وارتاح من همٍ على القلـب ساعـي |
شخابيط على الصفحه
جتـنـي رسـالـه ياعـلـي دون مـرســول=مــن واحـــدٍ بالـحـيـل بالـحـيـل غـالــي فيهـا كـلام اعـتـاب واعـجـاب معـسـول=وكــلامٍ احــلا مـــن حـــلا كـــل حـالــي وفيـهـا كـــلامٍ زيـــن ويـقــول ويـقــول=كـــــلام واجـــــد مــالــذكــر مــجــالــي الحاصـل انـي عقبـه اصبـحـت مـذهـول=وعيـت تفـارق صـورتـه عــن خيـالـي وان صرت من سبة هوى الزين مهبول=خـــذ الـديــه لاتـقــول مـالــك ومــالــي انــا ورطـــت بحـبـهـا مـاهــو مـعـقـول=مابـيـن يـــوم ويـــوم يـنـقـص بـحـالـي |
ترى الزعل في ضميري ياكل ويشرب=معـي لــه ايــام يالمحـبـوب مزعجـنـي لــو الـزعــل بيـنـنـا ماهوبمسـتـغـرب=دامـك لــك ايــام مــا حـتـى تهرجـنـي راجع ضميرك و شف لي حلك الاقرب=ان كـــان بالـفـعـل ود انـــك تعـالـجـنـي وان كان قلبك على ماصار لي يطـرب=انـتـه بكيـفـك وانـــا ربـــي يخـارجـنـي |
ياعلي لو انك عن الحال تـدري=ما جبت طاري للهوى دامنا بخير لظاق صدرك ياعلي ضاق صدري=اعطيك تقريري وابا منك تقريـر حنا ورطنا في هوى البيض بدري=ولا عندنا للي حصل اي تبريـر وهذا هواللي محرقٍ حب قـدري=لـو اتعـذر ماتفيـد المعـاذيـر لو كان ماينقص بقدرك وقـدري=حب البنـي المترفـات الغناديـر |
ابيات من قصيده
يـاهـيـه يـالـلــي تدهربالـنـشـيـدي=تكتب وتنشـر مـن هزيـل النشايـد بين الجرايـد مثـل سـاع البريـدي=ليـن ابغضـوك محرريـن الجـرايـد شعرٍمـثـل شـعـرك كــلامٍ زهـيـدي=ميـر اتركـه مالـك ومـال الزهـايـد اسمع انا ابا اعطيك راي سديدي=اتـرك مجـال الشعرناقـص وزايــد وانـس القديـم ولاتسـوي جديـدي=شطـب علـى شعـرٍ يجيـب النقايـد مـا دام لا لافـي ولاانـت الحميـدي=عليك صخـر القـاف والبيـت كايـد ولااخصـهـم بـابـداع شعرفـريـدي=يامـا ويـامـا مــن جمـيـع البـدايـد كم شاعرٍلاقـوى المعانـي يجيـدي=يختـار جــزلات البـيـوت الفـرايـد يترجـم اشـعـاره عـلـى مايـريـدي=قصـايـده مـثـل الـذهــب بالـقـلايـد وانـا بعدمثلـك ابـا اتـرك قصيـدي=عفته بعد ما شفت بعض القصايد |
والله ما ادري ياعلي ويش ابا اقـول=لـكـن ارى انــي ياعـلـي مــا اتـكـلـم لــو اتكـلـم قـالــوا الـنــاس مـهـبـول=ابـحـث عــن عــلاج الالـــم واتـألــم هواجسٍ فـي فكـري تصـول وتجـول=ســرع انـهـا تـــودع الـيـهـا تـسـلـم واصبحت من كثر الهواجيس مذهول=لاشك مـا اقـدر يـا ابـو مشعـل اعلـم يـدرون عنـي قـوم عــاذل ومـعـذول=ثــم يحسبـونـي مــن عـنـاي اتظـلـم احسن لي اسكت واترك السرمجهول=واصبر ولو جـوي مـن الحـزن ظلـم
لا باس يا راسٍ على العز مجبـول=كل الجـوارح مـع حديثـه تولـم الشاعر علي هليلتاقف له بهيبه لو الذهن مشغـول=كنه عن اللي في ضميـري معلـم نداء غزى الإبداع بالعرض والطول=كنـك ليـا جاريـت قولـه تحلـم يا عنك مثلـه بالتماثيـل مقلـول=يا قل مـن باخـلاق مثلـه تحلـم والسر تاجه رصعه غالـي اللـول=علـى قفولـه كـل سيـفٍ تثلـم وقلبٍ مثل قلبي من الوقت معلـول=لـو كـل يـوم تعلمـه مـا تعلـم |
ابيات متواضعه مهداه للشاعر القدير مساعد عبدالرحمن الغيداني
يامساعد عسى عمر الصداقه طويل=بيـن مثلـي ومثلـك ياكـريم السـبـال poem]انـت رجـل علـى ماقيـل شكلـك قليـل=ياحمـيـد السجـايـا يافـريـد الخـصـال والصداقـه لـهـا قــدر ومـقـامٍ جلـيـل=ما يحافظ عليها غيـربعض الرجـال الصداقـه وسيـلـه للـوفـاء والجمـيـل=كم على شانها شلنـا الحمـول الثقـال مـا تدانـي ضعيـف ولا تدانـي بخيـل=نوب تحتاج جاه ونـوب تحتـاج مـال وانت طيبك ورثته من هذاك الاصيل=والزياده تجي لك مـن عمـام وخـوال |
يامساعد عسى عمر الصداقه طويل=بين مثلي ومثلك ياكريـم السبـال انت رجل على ماقيل شكلـك قليـل=ياحميد السجايـا يافريـد الخصـال والصداقه لها قـدر ومقـامٍ جليـل=ما يحافظ عليها غيربعض الرجـال الصداقه وسيله للوفـاء والجميـل=كم على شانها شلنا الحمول الثقـال ما تداني ضعيف ولا تدانـي بخيـل=نوب تحتاج جاه ونوب تحتاج مـال وانت طيبك ورثته من هذاك الاصيل=والزياده تجي لك من عمام وخـوال وهـــذا رد للشاعرالقدير مساعد عبدالرحمن الغيداني علما انه وعدني بالانضمام لهذا المنتدى الشامخ0بانتظار ابو رياض وقصائده الممتعه00
ياابو سامي صداقة مثلك اطيب حصيل=ياصديق الصديق اللي صديقه خيال ماندور بمثلك ياابوسامي بديل=دون قاصر بغيرك دام مثلك مثال انته المستحيل اللي له المستحيل=يستحيل استحاله باي حاله وحال والصداقه حمل كايد بوزنه ثقيل=ولايشيل الحمول الا ظهور الجمال وانت مهما نقدم لك نعده قليل=قدم كفٍ ندي وقدم حسن القبال ياسليل السليل اللي لجدك سليل=لو ابي اذكر وابي اشرح طيبه الشرح طال |
من الارشيف القديم
لاباس يامن غمرك الحب بارشاشه=واثر على جوك الصافي وهو ماشي ياشاعر من غريمه مابرد جاشه=الجادل اللي جماله يدهش ادهاشي ان كان زين الوصايف يصعب نقاشه=ابعد عنه يا سديد الراي وانحاشي لايجهرك ياوسيع العرف بافلاشه=ما دام هاذي سواته بعه ببلاشي ترى الهوى يمزع المعلوق لناشه=الحب مايعرف الطيب من اللاشي وساير زمانك وشوف الوقت ثم ماشه=لاتنخدع في مظاهر كل غشاشي يقوله اللي من اجلك حزم فراشه=ان ما اقتنعت بكلامه راح طراشي يروح للي تبي لو طال مطراشه=ويجيب علم وكاد ويبرد الجاشي في جيبه المال وفي يمناه رشاشه=رهن الاشاره ويدفع للطلب كاشي قاله رفيق زمانه بالقسى عاشه=صديق مخلص وقلبه كنه الشاشي |
بعض الشباب الضايع يقلد الغرب=يقلد الكفار فيما يسوون يقلدون اللبس والاكل والشرب=وان قصوا القصات صاروا يقصون اشكالهم لـشفتها كنهم جرب=واليا هرج لك واحد تقل مجنون يسمع لاغانيهم كانه لها طرب=اصلاً0 وهو ما يفهم اللي يغنون ضايع ولا ينفع به النصح والضرب=مايستمع للناس مهما يقولون ومقلدين الغرب مافيهم الذرب=يمشون لاعداهم على مايريدون تقليدهم حلق بهم خارج السرب=وراحوا وراء عدوان الاسلام يمشون يحاربون الدين بافعالهم حرب=ولاعداهم الكفار صاروا يحبون ادعو جميع الناس ما خص ياحرب=شدوا على شبابكم لايضيعون ومن راح معهم جعلها روحة الغرب=اللي غطس بالجم والناس يروون يا ابوه ما بينك وبينه صلة قرب=ومنه القبيلة واقرباه يتبرون |
مايـفـيـد الـكــلام ولا القـصـايـد تـفـيــد=لــو كتبـنـا مــن الاشـعـار شــئٍ كثـيـر ابرقـي وارعـدي لـه يـادمـوع القصـيـد=سيـلـي سـاحـة الاشـعـار دمــعٍ غـزيـر وانشدي دمعة الاحزان0هل من مزيـد؟=لين تابس عروق الدمـع لوهـو خطيـر وقـدم التعزيـه لاصحـاب واهـل الفقـيـد=وعـزي الشعـر كـلـه فـالـوداع الاخـيـر لابـن منصـور فيصـل ابـو بـدر الوديـد=كـل شخـصٍ يـوده مـن كبيـر وصغـيـر اشهـد انـه مـن اللـي بالوصايـف فريـد=كــل نــاسٍ تـعـرفـه يـذكـرونـه بـخـيـر واشهـد انـه لشـعـر الــرد فـعـلاً عمـيـد=وفـي مجـال النبـط شاعـر وناقـد كبيـر لوتـركـت القـلـم يكـتـب عـلـى مايـريـد=انتهى الحبر ماانهى ربع مافي الضمير اللهم اجعـلـه فــي الـقـبـر يالله سـعـيـد=اللهم اغـفـر اذنـوبـه وانــت الـقـدير |
مظلت الفرقاء تحتها تربعت=واشرب مع القهوه من المر كيسان ياما من اكواب المراره تجرعت=مرارة الفرقاء ولوعات الاحزان ليتك معي تشرب وتاكل ليا جعت=باكواب همٍ كنها اكواب قطران حتى ليا ذقت المراره تلوعت=تذوق ما اذوقه من العام للان يمكن لياعانيت مابي تراجعت=وعرفت كيف الهجر يثر بالانسان ياليتني في مثلكم ماتولعت=او ليت وقت فراقنا ما بعد حان |
ياعيد طال الطريق وطالت الطرقـه=على طريق يهـد الحيـل منهاجـه تبعت برقٍ يلوح وهاضنـي برقـه=اللي له ارقاب بعض الناس منعاجـه مشيت من غرب تلك الدرب لشرقه=وعوت تعبان ماحصلت لـو حاجـه ولفيت ياعيد جرح القلب في خرقـه=وجيتك احث القـدم وادور علاجـه القلب مجروح وايضا الكبد محترقـه=ياعيد ما صار لاهرجه ولا مواجـه ياعيد ياعيد شوف الحـال منطرقـه=ونار الهوى في فواد اخوك وهاجـه القلب ياهون عند اهل الهوى سرقـه=لصار ماحصنه عن الهوى سياجـه ياعيد حـال المعافـى بينـن فرقـه=عن حال منهو يعيش الحب وازعاجه يقوله اللي قصيـده واضـحٍ طرقـه=بيت الهوى في ضميره ماطفا سراجه |
تستاهل الجزمه على الخشم يابوش=من كف شغمومٍ لاهانت يمينه شجاع وعراقي ولايجهل الهوش=من خلقته والحرب قدام عينه من الحماس الدم بعروقه يغوش=من الغضب مايستمع عاذلينه ماتفيدك حراسه ولاتفيدك جيوش=ياصلك لودونك حصونٍ حصينه اصبحت كنك عايش بغابة وحوش=خايف ووقت العز راحت سنينه وامسيت كنك ثور في داخل الحوش=لولا ولاة امورنا ذابحينه هذا جزاء اللي مثل شرواك مربوش=من يد نشميٍ عسى الله يعينه |
الوقت طال وطول الصبر والصمت=وانـا اتحـرا منـك رد العلومـي واجـر ونـات الالـم لتالـمـت=لضاق صدري من تراكم همومي هاذي ثلاث ايام ياعيـد مانتمـت=لجيت ابى ارقد يزعجني حلومـي لكن لو طـال الزمـن ماتحطمـت=ولو طال صبري ماتردت عزومي حتى ولو انـي كتبـت وتكلمـت=ما ابيح سـد ولا اتعـدا سلومـي انا من سنيـن التجـارب تعلمـت=اني مااكون بكـل حاجـه كتومـي |
انته سبب ماصار للقلـب والعيـن=وانته سبب جـرح ٍتعـذر علاجـه كل ماطلبتك حاجـةٍ قلـت بعديـن=راح الزمان ولا حصل منك حاجه حتى الرسايل تشتكيهـا العناويـن=صندوقهن ما وقعـن فـي سياجـه وانته تعرف ان الرسايل براهيـن=وان الرساله منك نصف المواجـه تـدري ولكنـك تحـد المحبـيـن=لابـد محبوبـك تسبـب ازعاجـه لكن تدري ويـش ياكامـل الزيـن=كثر التشكـي والترجـي سماجـه ابى اتركك تركة مدخـن لتدخيـن=يبى السلامـه لـو تعكـر مزاجـه صبرت لي عامين مع درب عامين=عسى لعـل إنـا بيـوم انتواجـه ومليت من صبـرٍ تحملتـه سنيـن=برجوى سحابه عايشٍ في عجاجـه خلاص انا ابى اعلن تحديك هالحين=ماهمني قلـب الهـوى واحتجاجـه يصبر على ماجاه بالعسر والليـن=وياخذ من الحاجات ربع احتياجـه لو يشتكي للعيـن طنـشت الاثنيـن=مثلي بخيص وعارفٍ وش خراجه قطعت حبل الوصل مابيـن قلبيـن=ومن انزعج ماهمنـي بانزعاجـه وقطع العلاقه مثل قطع الشراييـن=وكسر الخواطر مثل كسر الزجاجه أدري ولكـن حل0مافيـه حلـيـن=من لايعرف الحـب هـذا علاجـه هذا قراري مابـه يسـار ويميـن=يضحك حجاجه او يعقـد حجاجـه |
الضيقه اللي يانـداء تحتوينـي=ماهي وليدة لحظه وهم ساعـه الشاعر علي هليللوانها ساعـات هانـت بعينـي=كافحتها باسلوب كنـز القناعـه لكنها فـي كـل حـزه تجينـي=وميل الدهر مالي عليه استطاعه تجوالها بالـروح بيـح كنينـي=ولا ودي ابديها لكـل الجماعـه لولاي بالمسحوب ولا الهجينـي=غنيتهـا لمثمنيـن البضـاعـه يمكن تضيع اسرارها من يدينـي=واصير ضمن مضيعين الوداعـه احيان اقول اخفيه بيني وبينـي=واحيان اقول اياه وايا الشجاعـه همٍ على سـم الهـلاك يحدينـي=يضيق كل الكون رغم اتساعـه امنين ماوجهت بـه يحترينـي=عزي لمن تلوي همومه ذراعـه هذا الكلام اللي نقـاه المزينـي=من هاجسٍ ما انذاع في كل اذاعه عندك خبر يا مدلـه الغانمينـي=ما كل جرحٍ تكتشفـه الاشاعـه ما ودي الا اكسب جوابٍ ثمينـي=وانت الدرر في قنصها لك براعه الرد
ياشاكي الضيقه وكثر الحنيني=الوضع غامض ماتبين شعاعه نداء الغيدانيوش هو سبب همك عسى الله يعيني=نبحث عن علاجٍ قوي المناعه من شان نصرف لك علاجٍ يقيني=لدمك وضغطه والسبب في ارتفاعه ماادري؟وقعت بسيرة العاشقيني=ومعشوقتك تأبا وفيها قطاعه وامسا سهرعينك مثل سهر عيني=وقلبك شراء هذا وهذاك باعه والا سبب مابك ظروف السنيني=متقلبه بين الرغد والمجاعه تقسى على جانب وجانب تليني=لكن ساير حال وقتك وراعه اصبر على ظروف الزمان وتزيني=الصبر زين وقو نفس وبتاعه وان كان ماهي من حدى الحالتيني=يدري وش الملتاع سر التياعه هذا وانا خابرك رجلٍ فطيني=والرجل مايسبق هجومه دفاعه وانا اللذي فيما تريده رهيني=نصبر على وقتك وننطح سباعه اطلب تجد مايسعدك يالمزيني=وامر وانا ابى اقول سمعٍ وطاعه حالي وما تملك شمال ويميني=ينهي مدى همك ويقصر نزاعه |
هذه قصيده الشاعر خالد الاحمدي
تعجبني اشعارك بروعة معانيـك=واشهد بها لونك عن العين غايب وهذا ردي على القصيدة السابقة ياشاعر ٍ نفرح ليا حـل طاريـك=لك قدر عالي والمحبـه وهايـب وقتك يابن غيدان عنـا مخفيـك=في غيبتك مالك من الناس نايـب والشعر لو ينطق شهد في قوافيك=في غيبتك يكثر عليـك السكايـب من حكمتك يعجز معك من يجاريك=شبـاب لكنّـك بخبـرات شايـب ياجعل حظّك في زمانـك يباريـك=واللي نواك بسو يلقـى نشايـب بالله لاتبطي على نـاس تغليـك=ويضيق جمهورك ليا صرت غايب
شكراً على شعرك وشكر لمباديـك=مبداك طيب وكـل مامنـك طايـب طابت لك ايامك وطابـت لياليـك=وعسى على دربك تهل السحايـب ياشاعرفهمـان مافيـك تشكـيـك=قال المثل:مثلـك يبـار الهبايـب يالاحمدي حنـا نقـدر مساعيـك=يفوح طيبك مثل فـوح المطايـب هذا وانـا موجـود والله يعافيـك=أسعى بهالدنيا ، وأحـث الركايـب وان غبت ماقصدي ليا غبت جافيك=أكيـد للغيبـه ظـروف وسبايـب واللي ينادي يانـداء ، قلت:لبيـك=مادام ماحطـت علـي النصايـب |
قريت لك في صفحة الشعر يا عيـد=كلام(ن) احلى من كـلام العمانـي كل ما قريت اعيد واعيـد واعيـد=لين انطبع بين الضلـوع المحانـي علـى كلامـك مالقينـا مناقـيـد=اكتب وانا اقرأ يا جزيـل المعانـي الشعر له شعـار وايضـا نواقيـد=وانته تجيد الشعـر بـاول وثانـي ايضا ولك قيمه وشيمـه وتمجيـد=يا طيب السمعة كثيـر الحسانـي ياسامي الأخلاق لـك كـل تأييـد=ولك في قلوب اهل المكانه مكانـي ياعيد يو رايت وت آي ونت تو ريد=آي ثانك يو تو ماتش آز العمانـي |
الساعة الآن 10:15 AM |
Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir