مرحبا بك يا محمد عد رشّات المطر= و عد ما جا فيصل القاسم على شاشة قطر
سامعك و اعطيك ردي في سطر يتبع سطر=و التحية واجبه واللي سمعها يردها

البقى يا الصيفي اللي في المكانه له مكان=ثابته تبقى وتبقى من زمان ليا زمان
ليتني أعرف طرفها وأنت أبشر بالامان=والتحية واجبة واللي سمعها يردها

دمت لي يا محمد النوبي يبو معدن نفيس= كل هذا من سمو معدنك لو حمي الوطيس
من رجال(ن) تعرف الواجب و لا فيها خسيس= و التحيه واجبه و اللي سمعها يردها

عشت والنوبي مكانه قيل في أرض الكنانة=ماهو من يم الحروب والهرج قالوا بالامانة
والنعم به صاحبي لا وكان قل الشوفه خانه=والتحية واجبة واللي سمعها يردها

دام عزك لا هويت=دام راع الطيب دام
والنعم ياليت ليت=ينجلي عنك العسام

هه هه هه ترى العتب على النظر لياك تغضب= و اهل مصر ابهم رجال لا قضبت العلم فاقضب
و كل ديره ما خلت من سالم اليمنى و الاعضب=و التحية واجبة واللي سمعها يردها

يا محمد لا نويت= تعتلي فوق المسام
ما يبيله كيت كيت= ولا حد بيحلق ملام

لا لا لا لا ماغضبت من البلد واللي يمره=مصر يامصر العروبة مصرنا حلوة ومرة
يكفي أنه قائد الثورة أسد من قوم مرة=والتحية واجبه واللي سمعها يردها

بعتها والا شريت=لا جمل دون السنام
لكن الظاهر جزيت=مد مرحوم العظام

إيه ياليوبي نبيكم دائما طلق الحجاج= رغم ما يحصل بعالمنا و مع كثر العجاج
كل مايحصل يسبب للسليم الارتجاج= و التحيه واجبه و اللي سمعها يردها

يوم صوبت و رميت= ضاع رميك بالعسام
لا اعترفت و لا نفيت= و السفر يجلي الظلام