|
وداعيه الى الملتقى واعضائه
اخواني واخواتي في ملتقى حرب الشامخ السلام عليكم ورحمة الله وبركاته اليوم اودعكم بكل الحب والاحترام لكل من فاالملتقى من اعضاء وزوار ويشهدالله كل واحد فاالمتلتقى له معزه وتقدير بس احيانا الضروف تكون اقوا من اي شي واطلب السماح من كل واحد فردا فردا وجميع الاخوان تبقى معزتهم وتقديرهم في قلبي ولا يمكن انسى احد فيهم
سلام عالي رفيع الذوق = والكل فاالملتقى نلقاه اليوم يودع وليف الشوق = يااحبابنا في امان الله ولكم مني خالص تحياتي وتقدير |
شاعرنا وليف
عسى ماشر بقاءك شرف لنا خالص التحيه |
وعليكم السلام ورحمة الله وبركاته
اخوي العزيز والغالي وليف الشوق يصعب عليه وداع كل عزيز وغالي شرواك لكن نودعك بامل العوده السريعه وان شاء الله ان هذه الظروف اللتي اجبرتك على الرحيل انها تنتهي باحسن مايرام باسرع وقت ونسعد بعودتك وتواجد بيننا لاغنى لنا عنه ونستودعك من لاتضيع ودائعه والله يحفظك ويرعاك ياوليف الشوق |
اقتباس:
اخ عزيز ياوليف.. فرقتك صعبه على الملتقى.. عسا الظروف اللي ابعدتك تردك.. وتقبل مني هذي المتواضعه..
الطيب منك ترى مسبوق=والكل شاهد وماينساه ودعتك اللي تعلى فوق=اللي فعالي السما نرجاه اخوـك علي العبيدي.. |
صح لسانك يامراقبنا على امل اللقاء بك يالغالي والله يـعـطـيـك الـعـافيـــــــــــة بيض الله وجهك |
اقتباس:
يامرحبا والمعزه فوق=مانعذرك يارفيع الجاه ارتاح حتى الظروف تروق=ومنزلك موجود في مثباه |
" " صح الله لسانك يا وليف الشوق وصح الله لسان العبيدي وسالم البشري ونتمنى عدم مغادرتك للملتقى الذي يتشرف بوجود شرواك " " |
اخوي الغالي / وليف الشوق
بصراحه انا ماحصل لي الشرف بلقياك وبعرف حتى اسمك ولكن يقول الشاعر (اللي جهلت اصله تدلك فعوله) ويشهد علي الله انك رجل ماجانا منك الا العلم الزين وانا اتشرف بمرورك الدائم على قصائدي وكسراتي ................................ وان شاء الله مامن بعايد وعسى عمرك طويل. وانشاء الله ان الايام تجمعنا بك على خير والدنيا تراها ضيقه لو بانت لك وسيعه والحي يلقا الحي ونرجو منك السموحه واسأل الله العلي العضيم المهيب المجير انه يزين لك امورك ويردك لاحبابك وياليت تقبل مني هذا المردود المتواضع والله انكسرتك سببت لي شجون
يامن يسوق المعاني سوق= البعد سم ٍ ولاطقناه عمر القدر ماهنا مخلوق=والعبد رزقه على مولاه |
العزيز الغالي وليف الشوق عندما اسمع كلمة وداعا أتأثر بها كثيرا يعلم الله فكيف إذا كانت من شخص ماعرفنا عنه غير الوفاء والحب والتقدير لهذا الملتقى وأعضائه يصعب علينا الفراق ولكن نقول الى اللقاء القريب إن شاء الله تعالى وندعو الله لك بالتوفيق والسداد وإن يصلح الاحوال وترد لنا في أحسن حال ، |
والله اسوء خبر سمعته في هذا الملتقى الشامخ
هذا الخبر المزعج ولكن لكل شخص ظروفه وإن شاء الله تزول هذه الظروف وترجع لنا سالم وغانم يامن عرفناه بالوفاء وعرفناه بالصفاء وعرفناه بكل العلوم اللي تنومس
يامن فراقه علينا حل = هذي مقادير تحكمنا والله ياشرواك ما ينمل = الله على خير يجمعنا |
اقتباس:
يعز علينا ان تغادرنا ولكن ليس بيدنا شيء غير ان نقول انشاء الله تزول الظروف التي تمنعك من تواجدك بيننا وترجع الى ملتقانا سالم غانم باذن الله وتبقى اخ عزيز |
اقتباس:
اسمع كلامي قليل وروق=والعلم لاتوصله منهاه انته على روسنا من فوق=كبيرنا والكبير الله اقول ياوليف الشوق 00قول بسم الله الرحمن الرجيم انا مادري عن شي 00لكن ابشر 00ابشر 00ابشر وان كان طفشان 00 نرضيك 00المهم ماكو فكه 00 كم وليف عندنا 00واحد مانفرط فيه اكلمك على المجال الثاني00 |
اقتباس:
ترحيب يا راقي المنطوق=وبعد التفاهم على فحواه لقيت منكم عذر مرفوق=وتبقى ذخر يارفيع الجاه |
الطيب ما يلحقه ملحوق=وانته وليفه على يمناه لك قدر فالمركز المرموق=وفراقك اليوم مانرضاه |
اقتباس:
اخي القدير وليف الشوق تحيه وأجلال لشخصك الكريم والله يا اخي كم يعز علينا عدم تواجدك بيننا في المنتدى وان خبر ابتعادك عنا كدر خواطرنا وازعلنا كثيرا صحيح لم نعرف بعضنا معرفه شخصيه ولكن ومن خلال هذا الملتقى سارت بيننا الفه ومحبه واحترام وكأننا يعرف بضنا بعض من قبل وكل أملنا أن تحاول التغلب على الظروف التي جعلتك تبتعد وتعود لنا بذن الله قريباً متمنيا لك كل التوفيق والسعاده وطول العمر لك فائق ودي وتقديري |
وش اللي وداعية ما وداعية يا ابو منى ؟؟؟؟
اقوووووووول .. تعوذ من الشيطان و ننتظر عودتك |
شاعرنا وليف الشوق
ان شاء يزول ظرفك وتعود بيننا شاعر عذب كما عهدنك وغير ذلك لانرض وهذا رجانا منك |
اعجبني بيت ابو احمد
انته على روسنا من فوق=كبيرنا والكبير الله وانا اقول 00كل هذا الحب لا بومنى 00ويستاهل اكثر وانا اقول مامعك فسح 000خذ اجازة وعود تحياتي وتقديري |
ما اصعب كلمة وداعا ويالوقعها القاسي على القلوب اخي وليف الشوق نودعك على أمل اللقاء بك قريبا ونرجو ان تكون وجميع الاخوة بخير وعافية واقبل منيي هذا الرد المتواضع
توديعكم صعب يالخلوق=يصعب علينا ولا نقواه توديع مع الأمل مرفوق=اسمك قرييبا هنا نقراه |
عسى هذا الحب من الجميع الذي اكتسبته من أخلاق ورقي تعامل ، يذلل الصعب ويزيل أسباب الرحيل // وكم يمضي الفراق بلا لقاءٍ /// ولكن لا لِقاء بلا فراقِ |
شاعرنا الرائع وليف الشوق
ان شاء تزول ظرفك وتعود بيننا شاعر عذب كما عهدنك لن نرضى برحيل شاعر رائع مثلك |
الساعة الآن 01:11 PM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir