|
بندر بن خربوش الذويبي
لتواصل معكم اخواني الاعزاء هذه القصيده وهي موجهه للشيخ بندر الذويبي وكيل اللواء السادس بالمدينه المنوره
يا(بدر) والله مالنـا عـنـه مجـنـاب=وحيـثـه يـقــدر كـــل مـنـهـو عـنـالـه عنيت له قافٍ على الفكر ماشاب=يـزهــا لـبــو نـايــف وبـنــدر زهــالــه عقـب الذويبـي ذخرنـا عنـد الاجـنـاب=لاشـد كـلٍ فـي عضـيـده حبـالـه عقب الشيـوخ مـوردة كـل مـن هـاب=فـي ساعـةٍ فيهـا تبيـن الرجـالـه اخــوان نــوره يــوم روغــات الالـبـاب=يطيـب فيهـم فـال مـن شــان فـالـه فيهم ذراء عن لاهب القيض وحجـاب=ويلقابهـم مـن طــال سقـمـه دوالــه في دارهم للضيـف قـدرٍ وترحـاب=يقـلـط بمجلسـهـم بطـيـب وسهـالـه عزٍ مورث بين ابـا الـروس وعقـاب=وفـيـحـان يـبـقـا لـويـطـول ارتـحـالــه ونحـمـد الله يومـهـا عـقـب وانـسـاب=لاراح واحـــــد عـاضــنــا الله بــدالـــه من شـان لاصـك الزمـن كـل الابـواب=يزبـن لهـم مـن ضــاق مـثـل مجـالـه والـيـوم انــا يـمــه مـسـيـر وطـــلاب=فـي جــاه منـهـم يـدركـون الجمـالـه في جاه من جاهه مع الناس ماخاب=فـي جـاه هنـدي جيـت وايضـا عيالـه عودٍ عسى وبل الحيا دوم سكاب=يــروى ثــراء قـبـره ويـنـبـة سـهـالـه نصيـت ابـو نـايـف دواء كــل منـصـاب=يــفــز لاجـيــتــه بـحــالــه ومــالـــه حـيـدٍٍ لـنـا لادار دولاب الاسـبــاب=وان مـال حمـل اللـي نصـاه ارتكـالـه يامـيـر بـيـن اثنـيـن غـالــب وغـــلاب=الــحـــال يـرثــالــه ويــرثـــا لـحــالــه افـزع تـراء مـن يمكـم فتـحـت الـبـاب=واطلق سجينٍ طال وقت اعتقاله هجسـه تـزارق كنهـا شلـف وحــراب=فـي كـف قـرمٍ جاذبيـنـه خـوالـه ضـده ظروفـه كونـت جيـش واحـزاب=قشـراء ظروفـه مــا تـعـرف العـدالـه وان زل عـنـك العـلـم يـامـيـر مـاثــاب=غيرك ولاحدٍ داريٍ وش جرالـه وصــلاة ربــي عــد مـاخـط بـكـتـاب=عـلــى نـبــي الـخـيـر راع الـرسـالـه |
فواز العمري
صح لسانك ويستا هلون اخوان نوره 00 |
صح لسان على هالقصيده القيمه الجزله والذوبه يستاهلون المدح ولاهو غريب عليهم وانت ماهو غريب عليك الشعر الجزل00
تحيتي وتقديري 0 |
صح لسانك مليون على القصيده والله يـعـطـيـك الـعـافيـــــــــــة بيض الله وجهك |
يا(بدر) والله مالنـا عـنـه مجـنـاب=وحيـثـه يـقــدر كـــل مـنـهـو عـنـالـه عنيت له قاف(ن) على الفكر ماشاب=يـزهــا لـبــو نـايــف وبـنــدر زهــالــه عقـب الذويبـي ذخرنـا عنـد الاجـنـاب=لاشـد كـلٍ فـي عضـيـده حبـالـه عقب الشيـوخ مـوردة كـل مـن هـاب=فـي ساعـةٍ فيهـا تبيـن الرجـالـه اخــوان نــوره يــوم روغــات الالـبـاب=يطيـب فيهـم فـال مـن شــان فـالـه فيهم ذراء عن لاهب القيض وحجـاب=ويلقابهـم مـن طــال سقـمـه دوالــه في دارهم للضيـف قـدرٍ وترحـاب=يقـلـط بمجلسـهـم بطـيـب وسهـالـه عزٍ مورث بين ابـا الـروس وعقـاب=وفـيـحـان يـبـقـا لـويـطـول ارتـحـالــه ونحـمـد الله يومـهـا عـقـب وانـسـاب=لاراح واحـــــد عـاضــنــا الله بــدالـــه من شـان لاصـك الزمـن كـل الابـواب=يزبـن لهـم مـن ضــاق مـثـل مجـالـه والـيـوم انــا يـمــه مـسـيـر وطـــلاب=فـي جــاه منـهـم يـدركـون الجمـالـه في جاه من جاهه مع الناس ماخاب=فـي جـاه هنـدي جيـت وايضـا عيالـه عودٍ عسى وبل الحيا دوم سكاب=يــروى ثــراء قـبـره ويـنـبـة سـهـالـه نصيـت ابـو نـايـف دواء كــل منـصـاب=يــفــز الاجـيــتــه بـحــالــه ومــالـــه حـيـدٍ لـنـا لادار دولاب الاسـبــاب=وان مـال حمـل اللـي نصـاه ارتكـالـه يامـيـر بـيـن اثنـيـن غـالــب وغـــلاب=الــحـــال يـرثــالــه ويــرثـــا لـحــالــه افـزع تـراء مـن يمكـم فتـحـت الـبـاب=واطلق سجينٍ طال وقت اعتقاله هجسـه تـزارق كنهـا شلـف وحــراب=فـي كـف قـرمٍ جاذبيـنـه خـوالـه ضـده ظروفـه كونـت جيـش واحـزاب=قشـراء ظروفـه مــا تـعـرف العـدالـه وان زل عـنـك العـلـم يـامـيـر مـاثــاب=غيرك ولاحدٍ داريٍ وش جرالـه وصــلاة ربــي عــد مـاخـط بـكـتـاب=عـلــى نـبــي الـخـيـر راع الـرسـالـه هلا بك والله قصيدة جزلة من راعيها صح لسانك ولاهنت تقبل تحياتي |
صح لساااااااااااااااااانك
ويستاهل بندر بن خربوش |
صح لسانك
وبيض الله وجهك ويعطيك العافية تقبل تحياتي |
صح لسانك
شاعر جزل لك تقديري |
صح لسانك يافواز
والممدوح يستاهل افـزع تـراء مـن يمكـم فتـحـت الـبـاب واطلق سجينٍ طال وقت اعتقالـه الله يفك اسره |
فواز العمري
صح لسانك ويستا هل بندر ((ذكر الحيا والطيبين ايبين)) |
صح الله السانك
قصيدة عانقة السماء بجزالتها وأبداعها تحياتي لك |
شاعرنا الجزل والمميز فواز العمري صح لسانك
ويستاهل شيخنا بندر الذويبي ماقلت به واكثر وستين نعم باخوان نوره كلهم سلمت ولاهنت |
قمت ابداع
سجل اعجابي وبندر يستاهل كل ماقلت وكثر |
بيض الله وجهك على القصيده
|
الشاعر القدير فواز العمري
صح السانك ونعم بخوان نوره الذوبه شيوخ عيال شيوخ ونعم فيك وبمجهودك ونعم با القصيده التي تقال بمثل هذا الموضوع صح السانك وبيض الله وجهك |
قصيده جزله صح السانك واخو نوره يستاهل المدح |
|
اشكر جميع من شرفني بالتواجد
ولاخلا ولا عدم منكم كلن بسمه |
الشاعر القدير فواز العمري صح لسانك وبيض الله وجهك
والذويبي يستاهل منك القصيده الجزله ياراعي الجزاله تحياتي وتقديري |
اقتباس:
شاعرنا القدير فواز العمري سلمه الله قلت واجزلت بيض الله وجهك وقصيدة باهل المدح الصحيح اللي مدحهم اينومس بيض الله وجهك ومليوووووون صح السانك وعلا شانك تحيتي وتقديري |
الساعة الآن 02:15 PM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir
