مدام للشعار والشعر ساحه=عنداللوازم ماتغيب القريحه
لا لاوح الهنداب قست المساحه=واخترت جزلات البيوت الفصيحه
كلٍ على شفة يجوز اقتراحه =ماب اليديم يبينة لك نضيحه
من طب با الميدان جرد اسلاحه =الله ولا مد اليدين الشحيحه
العيهل الماثوق يصفي قراحه=لوكان غربه ما يهود سريحه
لو قصرت الرجلين للنفس راحه=بيعت وشريت يوم بيع النصيحه
ما كل غلطه للعوارف مباحه =حتى يقال فلان ربه يبيحه
ماقولها متفلسفٍ في بجاحه= ولا مهاجملي على الشوف ضيحه
لا كن فيها لي شبه أستراحه= اشر بسيفٍ ماظهر من ضريحه
عن واقع الماضي نعد الصراحه= للقيل سا مع والمصادر صحيحه
دورٍ على اهل الشعر فيه اجتياحه= غزو الحدا ثه طامع انه يزيحه
مايدري انة واقع(ن) بالوقاحه= ماروثنا الشعبي عديل الفصيحه
كم شاعر خلد من الشعر واحه= في معجم التاريخ خلد مد يحه
في حال ولاحال خطرٍ اسلاحه= اللة يجنبنا مهاوي قبيحه
جرحه تعذر عنه طب الجراحه= من ناقش الجاهل يطيح بمطيحه
شعر الحداثة كل رجل وكفاحه=خلوه بين الخلق مقطوع صيحه
وجهة نظر ونقول فرصة متاحه= والعا قل الي سرها ما يبيحه
لاصارعرقه ضامنين نجاحه= غصنة لياهب الهوا صاك ريحه

صــــــــــح لســـــــــانك
,
وبيض الله وجهك قصيدة رائعه جدا
الـــــ1000ــــــــــف شكر لك اخي
لاعدمنا وجودك

العيهل الماثوق يصفـي قراحـه=لوكان غربه ما يهـود سريحـه
لو قصرت الرجلين للنفس راحه=بيعت وشريت يوم بيع النصيحه
ما كل غلطه للعـوارف مباحـه=حتى يقـال فـلان ربـه يبيحـه

شعر الحداثة كل رجل وكفاحـه=خلوه بين الخلق مقطوع صيحـه

صــــــــح لسانك
يا بو طلال جزله من جزل