|
ديوان الشاعر الكبير: عضيب بن هليل العلوي الحربي
http://files03.arb-up.com/i/00304/leqh4n573437.jpg
ديوان الشاعر الكبير: عضيب بن هليل بن شلاح العلوي الحربي قصيدة في الاميـر الشيخ/ محمـد بن عبد المحسن الفـرم
قال الذي علـى الكريـم اعتمـاده=منشي المزون اللي ثقيـلِ رعدهـا
الخالـق الـرازق عظيـم الاراده=اللي رفع عرش السما بلا عمدهـا واختـار للمسلـم طريـق العبـاده=ربِ رفـع سبـع وسبـع مهدهـا وبديت في معنى القصيد وقصـاده=وكل يجيب احساسه اللي قصدهـا شكراَ لبن نفجـان والـف وزيـاده=اللـي معالمنـا القديمـه رصدهـا والكـذب ماهـو للاجاويـد عـاده=جاب الفعـول الطيبـه ماجحدهـا يشرح عـن الفـرم بقديـم القيـاده=والحاضره يظهـر دلايـل سندهـا يومٍ كـل قدحتـه مـن زنـاده=والناس بظهور الاصايـل سعدهـا شريدت الفرسـان حقـق مـراده=وطـا علـى كبـد العنيد ولهـدهـا ولاخيـر فـي هـرج بليـا وكـاده=يوم الضعيف يروح من عند يدهـا كم شيخ قوم صـار فيـه ارتعـاده=اليا قابله بعض الطـروش ونشدهـا يخشى صبـاح الفـرم ولاهجـاده=عنده خبر من ناس طقـق عمدهـا وان جاء النهار اللي طويل طـراده=والخيل بالفرسان طـرف جهدهـا وعج الرمك مثل المخيلـه حـداده=ويلمع سنا برقـه ويذهـل رعدهـا وصار الفشق بين الجموع اجتـلاده=سحابـة تمهـل نـوادر بـردهـا هـذاك يـوم مـن ليالـي عيـاده=فـرع وذرع والمـذلـه فقـدهـا زادت صعاطيـره وطـول عنـاده=وضيع دليل الخيل واخلف عددهـا فوق الاصيل الي يشـرف مقـاده=الياما على جمع المعـادي لكدهـا في عزوته يعرف وتعرف جـواده=يسقي صناديد العـدا مـن نكدهـا خيـال وضحـاَ قلدوهـا القـلاده=الياضيعت سحج العشايـر ولدهـا واليوم ابو فيصل ركب في شـداده=وجميع شارات الرجولـه وجدهـا شيخ السعد منه السعـد والسعـاده=كلٍ مساعيـك الحميـده حمدهـا اميـر والله يستـحـق الاشــاده=غصبن على خبث النفوس وحسدها بالسيف والمنسـف خذيتـم شهـاده=قبل السنيـن اللـي بهيـن رغدهـا لاساس بخل ولامجـاذب شـراده=احرار يعـرف بالمواسـم هددهـا وترا طرات الهرج صدق وركـاده=واهل البخوت تكفي اللـي نشدهـا وهـرج بلامعنـى قليـل الفيـاده=يصبح مثل موج البحـور وزبدهـا احذر نواديـس القشـر والـقـراده=نـاس تجهـز للمشاكـل عقـدهـا من طاع همـزات اللعيـن ابـراده=يمكن يحوش صبـي عينـه بيدهـا والعين لو حاشت قذا مـن رمـاده=يجوز تفقـد شوفهـا مـن رمدهـا الجـرح ينظربـه طبيـب العيـاده=النفس ماترضى المرض في جسدها بشت الشرف ماودنـا فـي بيـاده=وبعض العلوم اخير يقطـع مددهـا عند الزعل تحتاج صبـر وجـلاده=نبينـا وصـى بهـا واعتمـادهـا اعفيت من ضيع مساعـي رشـاده=ابعـد نظـرك ولاتتـردد بعـدهـا بيضاك مابيهـا تحـوش السـواده=والطيبـه مـاودي انـك لـددهـا مثلك عن الهزلـه يجـوز ابتعـاده=شيخ القبيله ضـد مـن يضطهدهـا اسمع سلمـت وكـل شـئ تفـاده=والسنبله يقنع بهـا مـن حصدهـا كمل كلام اللـي عطـاك اجتهـاده=واقبـل تحياتـي وقـدر جهـدهـا بجاه الحضور وجاه محيـي بـلاده=وجاه من صلى الفروض وسجدهـا عفوك عن المذنب وطويـت قيـاده=قـل تـم ياشيـخ القبيلـه سندهـا وان عاد حذاف المشاهيـب عـاده=من كـرر الغلطـه تحمـل نكدهـا ابـدى لـك الشاعرغرايـز فـواده=وروس الحبال يحلها مـن عقدهـا وان صار عند الحاضريـن انتقـاده=في ذمتـي مسامـح اللـي نقدهـا مانـي بحـال محرفيـن الافــاده=سود القلوب اللـي خفـي حقدهـا وسلام احلى مـن روايـح زبـاده=على الامير وكل شخـصٍ شهدهـا الشاعر العلم /عضيب بن هليل العلوي الحربي ؛ |
سيّر عليه
ياليت محمد يوم وصلت وصاتـي=قـدر تحياتـي وسـيـر علـيـه
اخوً عزيز وعارف عـن صفاتـي=الشـك زايـل والقلـوب ابرحيـه وانا على مثله تجًـوز اشرهاتـي=يجعـل مواثيـق الصداقيـه قويـه اعمـارنـا لابدهـن فـانيـاتـي=ولا دايـمٍ يـاكـود رب البـريـه قضيت لـي ساعـات بتحرياتـي=وانا احتري موترك يطلـع عليـه من عرض ربع شوفهم هو شفاتـي=في ساعةً من عنـد ربـي فضيـه افرح ليا صاروا النشاما حضاتـي=والنـار فيهـا للنشـامـا شـويـه مـع دلتيـن أصغـار ومهيلاتـي=والعـود دار بـدورة الشاذلـيـه ودارت سوالفهم على المكرماتـي=الكـل منهـم قـام يسـأل خويـه هـذي طـراة الـروح وتمنياتـي=عندي مثل عيـد السنـه بالضحيـه هذا هـواي ورغبتـي واشهواتـي=والناس كـلً لـه طريـق ونحيـه احـدً هبابـه بيـن فقـر وغناتـي=لو هو كثير المـال نفسـه شقيـه واحد هبابـه مكسـب الطايلاتـي=لو هو قليـل المـال نفسـه غنيـه والـرزق عنـد مكـون الكايناتـي=رب بعـث للنـاس سنـة نبـيـه وفرض على المسلم صيام وصلاتي=وارسل شفيع الخلق باشرف وصيه الي قسم لي سامك العـرش ياتـي=لو حـاول الحسـاد يمنـع مجيـه ربً كفل رزقـي وحـدد حياتـي=موحي دبيب النمل بالخرمسيه رازق طيـور بالسمـاء حايماتـي=عـلام مـا بالبيـنـه والخفـيـه ارجيه يمحـي سيتـي باحسناتـي=في ساعة الميعـاد يرضـي عليـه وصلاة ربي عد ما اخضر نباتـي=على النبي بازكـاء سـلام وتحيـه الشاعر الكبير/عضيب هليل بن شلاح العلوي الحربي |
حامً لهوبه
والجدير ذكره أن بجاد هو بجاد بن كايد بن بريكان العلوي الحربي وهو ابن عم للشاعر و صديقاً حميماً له..
يا مل قلبً ساقه الضيـم يابجـاد=دايم وضيم القلـب حـامً لهوبـه
يا بجاد عيني حاربت نوم الاجواد=تقول عن حلو المنـام محجوبـه والكبد عيت بالهناء تقبـل الـزاد=دايم ودمع العين يجـري صبوبـه على الذي حش المعاليق من غـاد=يا بجاد معلوق الضمير لعبو به يا بجاد عرف سهيف الروح لاعاد=لو يعرفون الناس عرفـه دعوبـه يا بجاد والله يوم طق الهدف صاد=كل الطعون اللي بالاضلاع صوبه عرف بهم يا بجادعن كل طـراد=مسامحً لوكـان عمـري غدوبـه يا بجاد خلي منتـوً قتلـي عمـاد=استاقني للموت سـوق الجلوبـه اسقاني الموت الحمر ذقت جـلاد=يا بجادوالله تـو موتـي سعوبـه يا بجاد ماقصده مع الناس قصـاد=لكن يعبر ما جـرى مـنه نوبـه يا بجاد قلبي كل ما قلت له هـاد=جونـي قليلن السعـد ولعبوبـه ليا قلت هاد القلـب سبـل العنـا زاد=يا بجـاد والله صادفنـي عقوبـه لا وهني يا بجاد من قبل الالحـاد=من داخله واخذ قرايض عجوبـه يحطني بيـن الزريـر والانهـاد=ويضفي عليه شليته فـوق ثوبـه يدسني عن كل مبغـض وحسـاد=وتبرد جروح القلب وارجح بتوبه يا بجاد انا هديت طيري ولا صاد=الطير صادوه القنوص وغدوبـه ياليت صـار لهـدة الطيـر لـداد=كم واحد يبغي الطمع وطمعوبـه يا حيض يا حضً نخيته ولا جـاد=مادري علامه ما يقـوم المشوبـه يا تـل قلبـي تـل دلـوً لعـداد=على الهابـه والمقـام اهدفوبـه شد العراقي واصرم السيم من غاد=والعم يوم انـه لفـح ردن ثوبـه الشاعر الكبير/عضيب بن هليل بن شلاح العلوي ((العراقي -ومفردها عرقاه وتعني عراقي الدلو)) |
هذه القصيده للشاعر يسندها علي الشاعر/ محمد بن عبدالله العسيلي رحمه الله ويذكر بها الشاعر مرزوق بن مبشر الحثل والشاعر لافي بن نفجان الحربي وهو يشكرهم
علي زيارتهم له في محله..
ياطالع أوصل من جوابـي خيـاره=للـي عرفنـا بالمواقـف سيرهـم
ياللي طلوعـك بالسعـد والنـداره=يابن الرجال اللـي قديـمٍ ظفرهـم هاض الضمير من أشتياق وغزاره=وأسباب ماهاضـه ربـوعٍ ذكرهـم اللي لشوفتهـم نسـوق البشـاره=شفي مشاهدهـم وشفـي جبرهـم أشـرف نهـارٍ شرفـوا بالزيـاره=وأنا بمحـلٍ منتحـي عـن ديرهـم هذا الدليل مـن الوفـاء والوقـاره=تجـاوزا بعـد الديـار بسفـرهـم والكل قـدم لـي جزيـل أعتـذاره=زودٍ علي طول المسيـر وسهرهـم اللـي مواقفهـم مواقـف جبـاره=فحول الرجال اللـي بعيـدٍ نظرهـم منهم محمد ريـف ضيفـه وجـاره=ومرزوق ريف اللي لفوا من سدرهم مع لافـي النفجـان نـادر حـراره=وأناأتشرف وأفتخـر مـن فخرهـم ربعٍ عمى عيـن العنيـد ودمـاره=يوم اللقاء ماأحدٍ يجي فـي نحرهـم عدوهـم مجـبـور بالأنكـسـاره=دائم يعاف عنادهـم مـن سبرهـم أبن العسيلي منهج الطيـب كـاره=مسقي صناديد العداء مـن كدرهـم ومرزوق نمرٍ من سلائـل إنمـاره=وينبيك عن بعض المواقف خبرهـم ولافي عرفنـا ماقفـه وأشتهـاره=يوم أرقصوا بعض البشرفي سكرهم ماخاب ظـن المحتـري وأنتظـاره=قلبي حظى بحضورهـم وأنتظرهـم شاهدتهـم والريـق فيهـا مـراره=وتم الوداع وعـودوا مـع أثرهـم عسى الجميع موفـقٍ فـي مسـاره=الله يمّـن سيرهـم مـن خطرهـم بلـغ سلامـي كـل واحـد بـداره=أما أوصل المكتوب ولاأنت زرهـم أحمل سلامي وأوصله مـن نهـاره=بتحيةٍ تظفي علـي مـن حضرهـم من خاطـرٍ ماشـال زوم وكبـاره=اللي علـي دافـع وفاهـم شكرهـم عرف النشامـا ياخدينـي تجـاره=راع المثـل قـدام ذكـري ذكرهـم أهل المواقـف والشيـم والنعـاره=الرابح اللـي دون مالـه ذخرهـم ولاّ ترى الرديان ذكـروا خسـاره=اللـي ذخرياديـب منهـم خسرهـم ياليـت بالرديـان ياخـوي شـاره=من شأن من شاف العلامه حقرهـم من شأن تعرف قيمتـه وإحتقـاره=حتـى مشاكيـل الرجـال تحذرهـم أحذر ترى الرديـان زيلـة خبـاره=عززجنابـك لاتغـرّك صـورهـم ساس الـرداء مذكـور بالأنهيـاره=عزوم الرجـال تعزهـم وتعثرهـم أحدٍ علـى العليـا تسوقـه غيـاره=ومدهالهم رجم الشرف ماعسرهـم واللـي قنـع بالهينـه وأنحـداره=ذولاك ماأحـدٍ بالجماعـه شهرهـم نـاسٍ تحـط السيـده مستشـاره=ياليـت معبـودٍ خلقهـم دمـرهـم وأخير مـن كثرالكـلام أختصـاره=ولاينحصي صاح البشر من عورهم وهذا رد الشاعرالكبيرمحمد بن عبدالله العسيلي رحمه الله علي الشاعرعضيب بن هليل العلوي
دقِّ الجرس ينقلي أجمـل إعبـاره=من الرجال اللـي حميـده سيرهـم
يحمـل كـلامٍ بالصداقـه مـداره=من اللي علي الشيمه إلهي فطرهـم طالع زهم وأنـا أتحـراء خبـاره=في ساعةٍ كنـت أتخيـل صورهـم وأرسل كلامٍ به حمـاس وحـراره=كلمة وفاء تشرح غلانـا بنظرهـم عضيب شرفنـا بحسـن أختيـاره=وخص الثلاثه في ثناه وحصرهـم أثنا علي اللي في هاك اليـوم زاره=وأهل الظروف اللي ماجوله عذرهم وهـذا دليـلٍ فـي وفـاه ووقـاره=بعرفه يرى من واجبه مايخصرهـم ويدراء الرفيق اللي الصداقه اشعاره=أهل الوفاء راع الوفاء مايهجرهـم والوقت يكشف لك حصيل أختيـاره=وأهل التجارب نعتبرمـن أعبرهـم ياعضيـب كـلٍ دون حقـه وداره=وأهل الضغاين كم وقفت بنحرهـم وقفت وقفـات العديـم بصطـاره=وأهل الظفر عيب الزمان يغدرهـم واليوم راحـت بيـن أداره وأداره=وأهل الوسائط طوقوهـا بقشرهـم تبي لها حلحيـل يصـل الـوزاره=ورجال صعبات الامـور تخبرهـم قلّ للأمير اللـي زهتـه الامـاره=ذخرالفـروم اللـي بعيـدٍ نذرهـم حـدّ القبيلـه لايضـيّـع قــراره=ترى الرجـال حقوقهـم تنتظرهـم وحـقٍ بـلا هيبـه لعـلـه وداره=والنـاس هيبتهـم بهيبـة ديـرهـم يالفـرم لكـم وقفـةٍ بالـصـداره=ومثلك يسنّع ناس لـو ماحضرهـم إنحاء زملاك إليـا نووهـا بغـاره=وحنا زملانا إليا نووهـا نعسرهـم يالفـرم جتنـا فزعـةٍ مستـعـاره=وتأمـروا لكـن سببهـم قصرهـم يالفرم ترى الوقـت تـاره وتـاره=لايفرحـون اللـي سلفنـا قهرهـم أدحم بجنبـك كـل راعـي نعـاره=الياما عن الحق العزيـز نحجرهـم بالحـق ماتمشـي علينـا العيـاره=من الماكرين اللي عرفنـا دورهـم لـولا صلابتنـا كلتنـا السـعـاره=ومشّوا علينا أهل المشاكل دجرهـم حنا إليـا مـن أن الطوابيرسـاره=جمعٍ عن الواجب مايكشف قمرهـم فينا علي صعب المواقـف جبـاره=إليا ما أن شيطان قبلانـا سحرهـم لعـل رجـلٍ مابرأسـه غـيـاره=دون الحقوق اللي بها الفعل يرهـم تعجـل تعيسـات الليالـي دمـاره=وبعد الرخوم عن الرجال يعمرهـم وكان الجمل ياعضيب عاقه إهجاره=عليه منها وكـل نـاس وخبرهـم وأن كان هـذا خافـي العلـم ذاره=وذولاك قانون الوسائـط نصرهـم عفها مثل ما تعيف قطف الزقـاره=الياما يزول الحاجز اللـي سترهـم وراع الجوار الشين بـدل جـواره=بجيران مايشكي المجاور ضررهـم هذا كلامي وأنـت قـرر قـراره=وأبعد عن اللي معمي الله بصرهـم |
وهذه القصيده مرسلها الشاعر/عضيب بن هليل العلوي للشَاعرالكبير/ لافي بن نفجان الشعبي الحربي .
بديت بأسم اللي رفع سبعت أطـواف=وسبعٍ بسطهن للبشر والضعافي
أمـره يتـم بكلمـة النـون والكـاف=وفضله علي كـل المخاليـق ضافـي وبعده كتبـت رسالتـي لابـو نـواف=نصِّيتهـا ريـف المشاكيـل لافــي لياء بار وقـت اللازمـه كـل بـلاف=يوفي الرجـال ويأخـذ الحـق وافـي عند اللزوم يبين فـي راس مشـراف=لياء ضيّع العرفـه خطـات الرهافـي هيف السمين لياء لفا البيـت هـداف=طلق الحجاج ليـاء هبـا كـل هافـي من لابتن مـاضٍ لهـم فعـلٍ يشـاف=فـي ساعـةٍ مافيـه بـرد وعوافـي لياء جاء نهارٍ فيـه الاريـاق نشـاف=وطـال الطـراد وكلحـن الاشـافـي أهل اللويصق مرويت حدب الاسيـاف=مرويـن حـد مرهفاتـن إرهـافـي خيالهم مالـه عـن القـوم محـراف=ليـاء طوحـن البيـض سمرالغدافـي ربعٍ يهـدي ضربهـم كـل مزعـاف=عدوهـم يكـره لقـاهـم إعيـافـي عـدوهـم مقهورلوجـمـعـه أرداف=واللي مضاء يابن الحمولـه إيشافـي تلقى لهـم فـي ديـرت القفر سـلاف=يتلـون شيـخٍ بالخطـر مايخـافـي شيخ الجهام اللـي تقدابـه أسـلاف=يتلـون أخونـوره ربيـع الضعافـي يرعى الخطربمصقل السيـف مخـاف=وتأمن بهم بالخـوف حـم الشعافـي يابن الرجال اللـي نحاياهـم إكـلاف=يوم البـراء مـردود والجـو صافـي أشوف رجـلٍ بـه هرافيـل وهـراف=الله يزيـده مـن وبــاه الهـرافـي دايـم عليّـه مـن هواديـه حـذاف=لوكـان ركبـي عـن ركابـه مقافـي ثنتين جنا وقلت لـه بألـف مـذلاف=مانـي خـويٍ للعقـول الصخـافـي ماني علي بعض الطواريـق مزهـاف=يـومٍ بعـض النـاس فيـه انزلافـي لاشـك جتنـا الثالثـه مالهاألـفـاف=يأديـب ماتضفـي عليهـا اللفـافـي ينشرسواليفٍ بهـا أربـاع وأنصـاف=علـي إجتمـاع المايـده والمصافـي لوكان ماله مع هـل المجـد ميقـاف=يقـول أنـا قـطّـاع جرد الفيـافـي قلبه مريض وداخله نقطـت أ رعـاف=شباب ضـوء الحقـد لوكـان طافـي حلو اللسان اللي سواليفـه إسهـاف=يرم النعـول ويـدرق النـاس حافـي مابه ثناء لو أنّقلـه فـوق الاكتـاف=الله مـن ذيـك النمـونـه يكـافـي وغيره رفيقٍ يابـن الاجـواد ينعـاف=يعـل مالـه عنـد مثـلـك مـلافـي دايـم عليّـه منطقـه ناشـفٍ حـاف=ياخـوي ضيّـع حيلتـي وإحترافـي سيطر عليّ ورفقتـه رفقـة إسـراف=وقعـت لـه مـن ذلتـي بإعترافـي حنى عليّ السيـف وأوقفنـي اوقـاف=الشمـس قدمـي والمليلـه إخلافـي وهذا الذي سبب علي حالـي اتـلاف=وخلانـي أبديلـك إعلومـآ خوافـي أذبـهـا قــدام وتـعـود إخــلاف=وقفـت نصيـب ولا علـى الله خافـي وعيني لها عن لذت النـوم صـراف=يومٍ كـل فـي حلـى النـوم غافـي وقلبي يجيه مـن الهواجيـس لفـاف=لف العواصـف للغصـون المشافـي لياء مر هاجوسٍ علي قلبـي وطـاف=هـمٍ يــزول ومردفـلـه قـوافـي ولولاء الضلوع اللي علي قلبي كتـاف=نـزع كمـا طيرالوحـش يالسنافـي وأخفي صواب القلب من خوف ينشاف=من خوف لايـدري خطـات الهلافـي ينشركـلامٍ لاسمـع بـه ولاشــاف=عندالعـرب يأديـب مثـل الصحافـي قال السديري بأول الوقـت لـه قـاف=وقاف الشريف وقـاف صقرالنصافـي ومن خلقت الدنيا ترى العالم اصنـاف=ماهم سوى بيـن الرجـال إختلافـي متخالفيـنٍ بالمذاهـب والاوصــاف=وأطباعهـم يأديـب فيـهـا تنـافـي وبعض الرجال إجمال في كل ميقـاف=لياء غاص بالدفـه حيـود الظلافـي وبعض الرجال إجروم وهدوم وغلاف=واللي بقـى مثـل السفـا بالسوافـي في منظره يعجبـك وهدومـه إنظـاف=لاشـك ماغيـر الـهـدوم النظـافـي عشبت دماله لوزهـى نبتهـا عيـاف=مـاتنرعـي حتـى يجيهـا الجفافـي من طلعته مثـل الحويّـر بالاريـاف=عشبت ربيع ويرضـع الديـد دافـي وهذا وأنا ربعـي عزيـزٍ وأشـراف=والفضل لله ما جفـا النفـس جافـي ربعي ذرايه عن هواء اللاهب الحـاف=درعي لياء صـارت سمـوم وهيافـي عدوهـم دايـم يجـي قلبـه خفـاف=أعزاز النفـوس مشيديـن الرفافـي جتك الرساله تحتوي جملـة أهـداف=عبـرت مـا كنـه ضميـري بقافـي والعرف مايعرض علـي غير عـراف= ونظرك فيها ياأبيـض الوجـه كافـي وترى المعاني بين جزلات وضعـاف=لوهـو كـلام ومنـطـقٍ بالاشـافـي وتم الكلام اللـي بـدأ باسـم نـواف=وأخر مشّد القـاف والحـرف لافـي وصـلاة ربـي عـد ماهـل خـذاف=وعـداد مــا زار المشاعر وطـافـي وهذا أيضاً رد الشاعرالكبير لافي بن نفجان الشعبي العمري الحربي
يا مل قلـبٍ بيـن الاضـلاع رفـاف=رفـت قضيـبٍ للمقفـى إمشـافـي يالله يامنـزل تـبـارك والاحـقـاف=يـا عالـمٍ مـا كـان بيّـن وخافـي تفرج لقلبٍ مسـاء البارحـة هـاف=يلطـم كمـا لطـم البحـر بالمرافـي قلبي من الهوجاس يهـوي ولاهـاف=وأرقبت بالمرقـاب مـن جور مافـي يومي كما اوماي العلم وقت الاعصاف=قامت تلوفـه بالصيـوف العصافـي وأرقبت في رجـمٍ طويـلٍ ومهيـاف=مـن فيـض غيـض وهـمٍ لجافـي ومن الخطر كني علـي حـد شفـاف=من هاجسٍ لاقصـى المعاليـق لافـي سبـت كتـابٍ بـه تماثيـلٍ إطـراف=متفقـده راعيـه مـا بـه هـوافـي كـلام مـن هـو للتماثيـل عسـاف=عساف صعبـات القوافـي إعسافـي يا مرحبا بكتاب من يصخـر القـاف=ما هو من اللـي يهتمـون القوافـي الله يفكه من عواريـض الاصـداف=الشاعراللـي لـه أبيـوتٍ إكـلافـي عضيب لكبـود البغيضيـن رضـاف=وعند اللزوم يبين مـا هـو اعكافـي اللي لقلـب الضـد بالمـوت لغـاف=وبين علـي خـده ثـلاث الجرافـي عزيـز نفـس وللجزيـلات جعـاف=للحيـل ولا مقرحـات الخـرافـي هيف السمين لياء لفا البيت من ضاف=طلق الحجاج لمن لفـا لـه وضافـي وله رفةٍ فيهـا تحلـى بهـا رفـاف=وا وجار بـه صفـرٍ كـرامٍ إهدافـي من لابتن يـوم سوقـات الاعطـاف=يرسـون قـدم مسوقيـن العطافـي علي العدو يردون عجليـن وخفـاف=وبالكون مثل طويـق ماهـم اخفافـي قومٍ يهـدي ضربهـم كـل زنعـاف=و نطيحهـم لازم يكـب الزعافـي خيالهـم مـا قيـل هايـب وخـواف=ماينهـزم للضـد عجـل انحـرافـي بقيـادة اللـي للملابيـس حــذاف=ما خلّـد الفسقـان وسـط الغلافـي وأن غرت الهقوات شراب الاعـذاف=يسقيه من سـم السقطـري اعذافـي شريـدة الفرسـان لـلـدم نــزاف=ويذبـح لـزواره كـبـار الدفـافـي وأنا بعد مـن لابتـن فعلهـم نـاف=بنـي عمـر خيالهـم مـا يفـافـي أفعالهـم بالمجـد ترجـح بالاكفـاف=لياء غرت الشوفه خطـات الهيافـي كم شيخ قومٍ تاب ومن الطمع عـاف=قـد ذاق منهـم مرهفـات الشلافـي في صوبهم ما عـاد ينظرللاشـواف=من ضرب عطبات السيوف الهدافـي ما صاحبوا للناس في شاة الاحـلاف=منزالهـم بيـن القبائـل اعنـافـي وزعيمهم فيه العرب تضرب اوصاف=بيومٍ يكـون الارض فيهـا ارتجافـي صليب راي ولاهـل العنـف عنـاف=فعـل الذويبـي راجـحٍ بالكفـافـي راع اللويصـق للمشاهيـر قصـاف=لياء جاء نهـارٍ للسبايـا انقصافـي للروس في سيفٍ له أذكـار نسـاف=عـز الصديـق وبالمعاديـن شافـي سيف العطب لرواح الاضداد قطـاف=فتّـال رأى ومـا حكـى فيـه يافـي ولا قول حنا التاج من فوق الاطـواف=كـلٍ يمينـه دون حـقـه إتكـافـي يا ما سكن وسط الجزيره مـن أولاف=وأبطال مـن كـل العـرب يالسنافـي ما هي علوم اللي يشيلـون الازفـاف=اللـي مراجلهـم بشيـل الزفـافـي اللـي فعايلهـم تـزيـف إتـزيـاف=وحصيلهـم دقّ اللحـى والنهـافـي والناس مثل مـا تفضلتـوا أصنـاف=ما هم سوى بيـن الرجـال إختلافـي مثل الذهب باعضيب في سوق صراف=كامل ونصف وفيـه وزنـه إخفافـي وذكرت مخلوقٍ مـن الخلـق قـذاف=وتقـول قلبـه فـي نقطـة إرعافـي يأديب أنا ما أدري من أيات الاطراف=والغيب يعلم بـه معيـش الضعافـي خليتني فـي مرفـق الطـرق وقـاف=وأوقفتنـي بيـن المعانـي اوقافـي شتت فكري بيـن مخلـف وخـلاّف=في مهمهآ بيـن الحفـر واللصافـي دوٍ به الجازي تربـي بهـا اخشـاف=وقتٍ مضى يـوم الصحـاري ريافـي خابـرك للنيشـان تجـدع وهـداف=وسهمـك قاتـل ماجروحـه إطفافـي وترى العدو يبغى علي الكبد مرضاف=يـا ناقـل الرمـح الشطيرالحيـافـي وأنا بعـد عنـدي للاضـداد هفـاف=مضى المجرب مـا كلامـي إزيافـي وكانه من الادنيـن خابـرك عـزاف=عزوف نفس ومـن رجـالٍ إعزافـي خلك عنـه لجـل هـذولاك عفـاف=واسمح علي شأن النفـوس العفافـي وراع الخطأ دايم مهـدد بالاحسـاف=يجب لبعض الشيء يحصـل تلافـي وأنا لعض أحوال مـا نـي إمكـلاف=ولا العـدو عنـدي لقلبـه إرضافـي ولا ني لظرف الخلق ناقـل وكشّـاف=هذا حسـب عرفـي ولانـي سلافـي وتذكر رفيـقٍ فيـك ماهـوب رواف=الله مـن سـوه وشــره يعـافـي هذاك بأمر اللي لـه النـاس عكـاف=وبأمره ذكر يوسف سنيـنٍ إعجافـي والعزم يبراه النجّم يا بـن الاشـراف=وكلـش بتدبيـر الولـي لاتخـافـي وأنتـم لكـم مـع الصقاقيـرجـزاف=صاروم توجدبـه جميـع الوصافـي عدل المناكب فـي مخاليبـه إذعـاف=كفـه عطيـب وفيـه سـمٍ إذعافـي يا عضيب وقت مولع الطير ماطـاف=اقنص بطيـرك يالرفيـق المصافـي أشقر عطيب لحامـي الجـول كفـاف=من ماكرٍ صقـره عطيـبٍ إجزافـي وان كان طيرك لابرق الريش ماكاف=حـظٍ ربـض والعلـم مالـه ملافـي ومدام لك في قاعـة البيـر غـراف=هداج تيمـا لوغـرف مـاه صافـي وأن كان بك من بعض الاحوال حفاف=وتحس من بعـض الليالـي إحفافـي جميع ما تملك ايدينـي لـك إسعـاف=حلفت ما تبـرد وأنـا أجـد إلحافـي وتم الكلام اللـي بديتـه بحـرف أف=وختمت قافي يالسنافـي علـي أفـي وصلاة ربي عد من بالحـرم طـاف=علـي نبـيٍ وضّـح الديـن وافـي |
الله عليك ياعضيب في كل شي مبدع حيث تجد في قصايده كل مايجده السامع من وصفاً للطبيعه من نخوة وشيمه من حميا لربعه من وقايع كثيره مدعمه بالادله والوثايق مشكور كلاشنوف الحربي علي المشاركه الجميله عن شاعر حرب |
رجم الشرف
وهذه القصيده يقول عنها شاعرنا الكبير عضيب بن هليل انها من أحب القصائد اليه لأنها في مدح صديق عزيز عليه . وقد توفي قبل عدة سنوات وهو/ محمد بن عوض بن سرور العلوي الحربي - رحمه الله - وهذا نصها:
يابو عوض يا ريف من قال وينـك=يلقاك في رجم الشرف دايـم الـدوم
ليا جاك ونيـان الجهـد يستعينـك=متحيـرٍ فكـره مثـل قاعـد النـوم يفـرح ليـا شـدت يمينـه يمينـك=من عقب ما يمشي عن الدرب منجوم ان جا بعيد الناس.. وان جا خدينـك=يضحك حجاج اللي تنصّاك ملـزوم قولة هلا يـا مرحبـا فـي جبينـك=يوم الردي كنه على الخشم ملطـوم فزت بشرف دنيـاك وأمـور دينـك=لا جايـبٍ نـمـه ولا نـاقـلٍ زوم دايـم رفيقـك كنـه صبـي عينـك=عن ما يمس شعور صاحبك معصوم الله يمتـع فـي تـوالـي سنيـنـك=ياللي طواريقك بعيـدٍ عـن اللـوم شرحت وضعك والعرب عارفينـك=يدفعـك للعليـا تقالـيـد وسـلـوم بعض البشر لو تعتزي بـه يهينـك=لازم يحـط برفقتـه رايحـة ثـوم عجزت لا افهم يا زمانـي رطينـك=لكن عرفت إن العسل منك مسمـوم وما ينتفسـر بيـن خبثـك وزينـك=لا أقول لك طاهر ولا اقول مذمـوم مـدري نديـن النـاس والا ندينـك=يبدي لنـا حـدا الطرفيـن متهـوم الشاعر الكبير / عضيب هليل بن شلاح العلوي الحربي. |
هذه القصيده والتي يعبر فيها الشاعر عن احوال الرجال الاكارم الذين يفرحون باكرام الضيف عند قدومه اليهم خلاف من يتضجرون عند قدوم الضيف اليهم. والشاعر عضيب يصور هذا الموضوع تصوير رائع..
ياماحلى عقب العشا شبـة النـار=عقب الهجوع ليا رقد كـل كوبـه
في ضبةٍ ياعبيد يـودع لـه شعـار=وسواة فنجـال يشوق بصبوبـه لاقليلٍ حبه ولا قاصر بهار=يصبغ على الفنجال من ثقل روبه اشعل يجوز لشارب الكيف والكار=لودوروا به غمـزة مالقـوا بـه في مجلسآ فيه المحبين حضـار=والا رديين البخت محضروبه اللي الا جاهم رفيقٍ بمسيار=واقبل على ديوانهم شوشوبه تلافتوا على بعضهـم بالانظـار=وتغامزوا مابينهم وضحكـوا بـه الناس فيهم يافتـى الجـود هـذار=مسترحلٍ لبليس حطه ركوبه عراض غرة مسلمآ غافـلآ غـار=ويعرضه للناس لو ماحكـوا بـه دايـم لغـرات الاجاويـد عقـار=يظهر عيوب ولادرى عن عيوبـه وفيهم بلهين على الميل صبار= يصبر ولو طلة عليه الصعوبه لاجاء زمانٍ فيه غلين الاسعار=لاشلهب الوقت المطول جلوبه وفيه الشجيع اللي لياصر ماصار=لاضامهم ضيم الرجال اعتزوبه وفيهم تبيني لايسـرك ولاضـار=ماغير يحسب للربايـع ضروبـه اثيلبين مايسرك بالاشوار=يوصف علي ماقيل به طير ذوبـه |
مقتطفات من قصائد غزليه
يامل قلبٍ هواجسيـه يلوعنـه=لوعة فريدٍ عثربه وقت مقيالـه
على عشيرٍ توافق ضني وضنـه=الي خذا الحال مني وانبرت حاله الموتر اللي قصربي عنك يا هنه=عساء الحريقة مع السرعة تهياله في سهلة ٍ والمطافي ما يطولنه=لما يذوب الحديد ويطفي لحالـه |
مقتطفات من قصيده غزليه
من اقدم ماقال هذه القصيده التي لاتزال بذاكرة شاعرنا قالها بالشمال منها هالابيات
البارحة عيني بها السهر مدعوج=عيت تنام العيـن ممـا لهدهـا
قزا النظير وصار بالقلب ساهوج=لاوهجاد عيوني اللـي هجدهـا ليته حصلي من حلا النوم غملوج=عين المشقاء تـو ربـي قردهـا قلت اه وويلاه من فارق الفـوج=متنحرن لينـه وراهـا قصدهـا |
هذه قصيدة رثاء قالها الشاعر عضيب بن هليل العلوي الحربي
بالشيخ المغفور له بإذن الله :محمد بن عوض بن سرور العلوي الحربي .. وهي موجهه للشاعر لافي بن نفجان الشعبي الحربي..
دق الجهاز وهاجس القلب خايف=متوقعٍ لاخبار ماهي وديده
كني على ماقيل بالعين شايـف=وتم التحـري بالعلـوم الاكيـده يالافي النفجان دمعـي ذرايـف=أخفيه لاكن ضامني في مزيـده وقلبي يلفه ياابيض الوجه لايف=لفت هبوب العاصفـه للجريـده يلوج من بين الضلوع السنايف=وينعى الرفيق اللي تهيا شديـده ينعى الرفيق اللي عليه الحسايف=عز الله انـه راح منـا فقيـده ياخوي والله ماصوابي مسايـف=متمكن بالقلب ينـزف صديـده بعض الملا لو مات موته خفايف=مافاقده ياكـود عيـن الفريـده وأبو عوض كل البشر له ولايف=بالعرف والمعروف وثق رصيده شيال بالشده ثقيـل الكلايـف=عضيد من بار الزمان بعضيـده وسوالفه بين النشاما طرايـف=ماتاع كلمات الخنا مـن وريـده شهم وكريم وفيه كل الوصايـف=وله سيرة طول الليالي جديـده مرحوم يارجل سلوكه عفايـف=فاز وتميز بالخصـال الحميـده يالله ياللـي بالمخاليـق رايـف=عن الشقا تختار روحه سعيـده :: : وهذا مرد الشاعر/لافي بن نفجان الشعبي العمري الحربي على قصيدة الشاعر عضيب بن هليل الحربي أعلاه..
ماجور ياللي دمع عينك نزايـف=عسى الذي تنعاه روحه شهيـده ؛
الادمي لو طال عمـره مهايـف=لابـد قنـاص المنايـا يصيـده يابو بدر دنيـا توجـه قذايـف=قل للقلـوب الغافلـه والعنيـده ياما فجت من مقحمين الطوايف=كم فرقت ياعضيب شيخ وليـده الرابح اللي باعها بيـع عايـف=واختار لـذات الحيـاة المديـده نصيحة لأهل القلوب العرايـف=الزرع يسقى لاجل يثمر حصيده مرحوم ياشيخ سلوكـه نظايـف=وادع واودع ماتعـدى الوعيـده عليه مثلك ماجروحـي طفايـف=الامـر لله فـاعـل مايـريـده ماتلف جرحي يالنجيب اللفايـف=على رفيق لـه مزايـا فريـده أبو عوض في قمة المجد نايـف=راعي العلوم الطيبه والمجيـده له سيرة ماناشها زيـف زايـف=بالازمه يفـرق بامـور عديـده يوم الخميس أقفت ركابه نكايف=الدايـم الله والرحيـل لعبـيـده جعله يفوز بيوم كشف الصحايف=في صحبة المختار صاف العقيده أمين يامغيث الكبـود اللهايـف=ياعاقـل يوسـف لعيـنٍ تريـده |
الجمس
قـم يانديبـي على جمسٍ بتمريـنـه=ماهو من اللي مريضٍ جسم سايقها
ليادق سلفه وغنـت لـك شكامينـه=روحك على مركبه ينعـش تشوقهـا يطرب على ثالثه من نقـرة أثنينـه=يوصف على نجمتن يخلع تشعقهـا أو مثل شيهانتـن ضفـت جناحينـه=تبي وطن بيضهـا والليـل مغرقهـا اليا خذا الكوربه تكت موازينه=كنه على ماذكرنا في تخفقها وقت المغيرب به المـرواح يازينـه=تركد به الروح عن كثـرة تصفقهـا متنحر لـي عشيـرٍ بينـي وبينـه=الجادل اللي معـه روحـي معلقهـا يهتز عرش الضماير من سهم عينه=له غرتن يسحـر العشـاق مفرقهـا مثل اللواميع تبـدي مـن رمامينـه=من مزنتن بالدجا يغريقـك بارقهـا أبا أتعب الجمس واشرح خاطر الزينه=تفـرح لياشافتـه عقـب تشفقهـا الشاعر الكبير /عضيب هليل بن شلاح العلوي الحربي |
هُنا له رأي في انتقاد من بيع القصايد
وانها ليس سلعة يتاجر بها حيث قال: "انه كلمني رجال وقالي بعض الشعراء يبيعون قصايدهم ويطلب مني ان ابيع قصائدي فجاوبته بهذه الابيات
يابو محمد ماقصيـدي تجـاره=انا قصيدي بالعلـوم الشريفـه
لامن خطوى اللاش ضيع وقاره=النفس ياريف النشامـا عفيفـه كدقال ابن نفجان والعلم اشـاره=شعر التسول مانحطه وضيفـه ولاناخذ البيت القديم استعـاره=عيبن علينا نفرقه عـن وليفـه ترا الرجل قيمة حياته وكـاره=لافاز بعلوم الرجـال الطريفـه |
هذة القصيدة للشاعر عضيب بن هليل العلوي الحربي ، يثني بها على
الامير بندر بن عبدالمحسن الفرم ولقد نقلت القصيده لجزالتها ولمحبه هذا الامير وتقدير واحترام بني علي له الله يطول بعمره لنا وللقبيله
يا الله ياللى تامر العبـد ويطيـع=يا جاعلٍ خلقـك شعـوب وبدايـد
يا مسخرٍ بأمرك هبوب الذعاذيـع=يا مبدلٍ عسـر الليالـي سعايـد ياموزع ٍ فضلك على الناس توزيع=يا من يجود بحكمتـه كـل جايـد وجعلت فرق الناس مثل الأصابيع=ماهم سواء ما بين قاصر وزايـد تمد عمر مشرع البـاب تشريـع=اللى لنا فـى قمـة المجـد رايـد لابار بالواجـب خطـاة المنيزيـع=وده ينوض وعنـده الحيـل بايـد نصيت من يجزم على ذبه الريـع=لا قام خطـوان المصفـح يحايـد بندر ولد محسن بعيـد المراميـع=الفرم وقفات الشرف لـه عوايـد انهى لزومي في معزة وتشجيـع=يوم ان بعض الناس يعطي وعايـد هو ريف من ضاقت عليه المطاليع=لاصكته بقعاء وشـاف الزهايـد كم قالةٍ عند احتكـام المواضيـع=يحلها رغـم النفـوس الحسايـد نجل الشجاع اللى يطش المداريـع=قدامه الفرسـان راحـوا طرايـد كم فارسٍ يمهل حبال المصاريـع=لا شاف أخو حسناء يعاف الفوايد ماهى علوم مجمع الهرج تجميـع=تشهد على ما قلـت كـل البدايـد زيـزوم قـومٍ بالملاقـا بواتيـع=هني منهم له عضـود وسنايـد عز الصديق وللمعـادى مراقيـع=عدوهم يشكـي الطنـا والنكايـد قصيدتي ما أقصد وراها مطاميـع=إلا الثنـاء للـي فعولـه وكايـد ما ودنا المعروف ننساه ويضيـع=وإلا أنت ما أنت بحاجه للقصايـد |
هذه قصيدة للمدمر الشاعر الكبير و الذي أحب أن أطلق عليه أسم شاعر حرب بغير قصور في بقية شعراء حرب الذين نعتز بهم . و التي ألقاها في حفل زواج الشاب (( نـــواف )) ابن الشاعر الكبير/ لافي بن نفجان الشعبي الحربي . و إليكم القصيدة
باسـم الكريـم ونيـة الخيـر سرنـا=و الآدمـي فـي حكـم ربـه مـدبـر
ربٍ علـى سـنـة نبـيـه ومـرنـا=و محيي الهشيم و جاعل عوده أخضـر يالله تمّْـن سيرنـا مــن خطـرنـا=يالواحـد المعبـود ياكاشـف الـضـر للصاحـب الطيّـب تـقـرر سفـرنـا=اللـي إليـا جـاء واجبـه ماتـوخـر سـلام ياحفـلٍ مـن أجلـه حضرنـا=سلام أحـلا مـن طعـم دافـي الـدر بحضـور ابـو نـواف يبعـد سدرّنـا=تستاهـل التقديـر يالحـر الأشـقـر مضى المجرّب من زمـان وصقرنـا=بالنـادر اللـي ينثـر الـدم الأحـمـر وفـاك ياريـف النشـامـا غمـرنـا=يالصاحب اللازي على الخير والشـر علـى مواقفـك القديـمـة شكـرنـا=يوم أن خطو اللاش من واجبـه غـر أنشـدك عـن رجـلٍ تجاهـل خبرنـا=لعـل لـه حـظٍ بعـد ذلــك أوفــر بالله يــوم ان السنـافـي خصـرنـا=قصده حداه إبليـس و إلا أنـه أنغـر لو هو قصـر فـي نظرتـه ماقصرنـا=تبّت يدين اللي عطـا الـدرب الأيسـر مانعتبـر ياديـب مـن لا أعتبـرنـا=و من يحقـر العالـم بالأنظـار يحقـر حنـا قضينـا حجـنـا و اعتمـرنـا=و بعض البشر يطلب فريضه ولامـر و الشاعـر اللـي بالعـدد ماذكـرنـا=مسمـوح لـو أنـه بالامثـال قصـر مـن عـزوةٍ انعدهـم مـن جبـرنـا=عوق العنيـد بساعـة اليـوم الأقشـر أبا أنشـده هـو عجـز و إلا حقرنـا=لعل و الله يـا أبيـض الوجـه ماشـر ليتـه تقصّـا يـوم عــوّد لأثـرنـا=أمـا أكمـل المـشـوار و إلا تـعـذر و إلا تنشّـد قبلهـم مــن سبـرنـا=هو منهو اللـي ذوّقـه علقـم المـر حنـا إليـا شـح الكـلام اعتـذرنـا=حتى الرفيـق المستمـع مـا إيتكـدّر حنـا و قفنـا يـوم موسـم ظفـرنـا=يـوم أن مثلـه يستـمـع و يتفـكّـر غابت نجـوم القـوم و أبـرز قمرنـا=و اللي يتحدانا عطا الـدرب وأعـذر رفـرف علمنـا بالسعـد و انتصرنـا=لو كان مايطلع على الشاشـة اصـور مافيـه داعـي كـود تطلـع اصورنـا=شمس الضحى تقضي على الليل الاسمر غصبٍ على خشم الحسـود أشتهرنـا=و المستمع ياخذ أمن الماضـي اعبـر حنـا تـرى عـز القبيـلـة فخـرنـا=قبيلـةٍ عنـهـا المقـابـل تقـصـر ما أحدٍ ينوش إحدودنـا مـن سطرنـا=يوم انها بالمـاس و السيـف الأبتـر من .. هام بالهمّـات .. غبـة بحرنـا=عـز الله انـه ماكسـب غـزوه إدرر ماهو هنـيّ اللـي يجـي فـي نحرنـا=في ساعةٍ يحذف بهـا عقـل و إغتـر يامـا كسرنـا مـن عظـام و جبرنـا=و اليوم طـاروق الجهـل زال و أدبـر كـل السلـوم الطيبـه مـن دررنــا=رغمٍ على الزعلان و إبليـس الأعـور و كسب الفلس قالوا لـي أنـه عقرنـا=عقب أمتلا صدره من الغيـظ و احتـر قلبـه مريـض و يجهلنـه سيـرنـا=لاشـك لاسـر القبيـلـة و لا ضــر و أشوف لـي رجـلٍ يخبّـط شجرنـا=وهو يخلعه صوت المريعـي إليـا فـر يا أخوي مـدري وش بـلاه انتحرنـا=الأولـه طـافـت و هــاذي تـكـرر بغيـت أقـول إفـلان مـار أتسخرنـا=ماودنا نكشـف عـن الوجـه الأغبـر مافـاد بالمثبـور غـضـة بصـرنـا=الظاهـر أنـه يحتـري عينـه أتـذر لو كـل هـرجٍ ناخـذه كن تجرنـا=من كثر مايعرض على سمعـي ومـر ان كـان فـي كثـر العلـوم انسعرنـا=ماهي علامة خيـر و الصايـم أفطـر عـن كـل مانسمـع بعيـدٍ نظـرنـا=عيبٍ على العاقل وراء الهـرج ينجـر إليا صار نأخـذ مـن بعضنـا حذرنـا=أكبـر دليـل أن المـذاهـب تغـيّـر ترى الـذي غـث الضميـر و قهرنـا=نـاسٍ تحـط بدربنـا عقـم و حفـر عقـب بغينـا الجايـزه كيـف صرنـا=يالله دخيلـك دورنـا ضـاع وأفتـر أهـل النوايـا السـود فيهـم كفرنـا=و أمّْنت باللي يبسـط البحـر والبـر تمت و عـن كثـر الكـلام أختصرنـا=و صلاة ربـي عـدّْ ماهـل وأمطـر عـلـى نـبـيٍ بالهـدايـه ومـرنـا=إعـداد مـن زار المشاعـر وكـبّـر |
وهنا ابيات للشاعر الكبير / عضيب هليل بن شلاح العلوي وهي بمثابة ابدي وجهة نظره حيال هذا البيت لأبن فطيس المري
حيث قال ابن فطيس في برنامج شاعر المليون
والله انه احر من دمع اليتيم=دمعة الرجال من فرقاء مره
فرد الشاعر الكبير/ عضيب هليل بهذه الابيات مجاراه
ماخبرت ان الرجل يبكي حريم=ودمعة الرجال مافيها ثمره
صح طراد الهواء دايم سقيم=مستمرن في عذابه وسهره لكن العبره لها شآن عظيم=ماتجي ياكود من ضيم وكره ماتجي ياكود من خطوى العديم=شاف غلبه من خصيمه وقهره ذاك موسمها حسب راي الفهيم=لاتفوق جور خصمه وجبره اختصرت القاف بالمبدا السليم=كل شاعر جابته حسب نظره |
مرحبا حييت يا شيخ القبيله
قصيدة ترحيبية للشاعر عضيب هليل الحربي، قالها في مناسبة زيارة الشيخ محمد بن عبد المحسن الفرم، شيخ بني علي، لمحافظة حفر الباطن:
مرحبا عداد ما تنشـي مخيلـه=عد ما هلـت هماليـل المخايـل
مرحبا حييت يـا شيـخ القبيلـه=يا عوضنـا بالصناديـد الأوايـل فيك عن بعض البشر فرق ونفيله=يا زبون اللي عليه الوقت مايـل نجل شيخٍ وإن علا فوق الأصيله=ما يوالونه هل السـرد الأصايـل في نهارٍ فيـه طلعـه وتحويلـه=تالي الفرسـان حمـاي الدبايـل كان صياح الضحا شاح بشليلـه=وفرّعن بيض الصبايا والحلايـل خضب السيف المسمى من قبيله=واشتهر في عزوته بين القبايـل يا أبو فيصل لك فعولٍ مستحيلـه=لك علينا يا ولد محسن فضايـل والرجل يثبت كلامه مـن دليلـه=وعن كلامي لازم أعطيك الدلايل بالعطا يمنـاك مدتهـا جزيلـه=والله إنك مـا تمـد إلا الجلايـل الشجاعه والكرم عندك وسيلـه=والبشاشه فيك مع زين الخصايل اجتمعنا في مساعيـك الجميلـه=وأنت من عادتك كسّاب الجمايـل الشاعر الكبير/ عضيب هليل بن شلاح العلوي الحربي |
سيرتي مستقيمه.
بسم الكريم اللي خصاله عظيمـه=ربٍ يدبر ما يشـا فـي ثوانـي
محيي العظام الهامـدات الرميمـه=ما شاركه في دبرة الملـك ثانـي وبعده بديت القاف بأحلى وسيمه=الله على قول الصواب ايهدانـي هاض الضمير وصار للقاف قيمه=وعن ما يكن القلب عبر لسانـي منصاه كسّاب الشرف والحشيمـه=منصا النشاما في جميع المعانـي يهدا لبو طارق عسى الله يديمـه=ريف الرفيق وريف من جاه عاني يا ليت بادي يوم جتـه النميمـه=عن العلـوم التافهـات احتمانـي أشره على سبل الرفيق الكريمـه=ما شرهتي على الهزيل الهدانـي طاوعت دقات العقـول السقيمـه=يا حيف يا الطيب عريب المجاني وأنا أحمد الله ما عليّـه جريمـه=لاني خيون ولا تضويـت جانـي عزيز نفس ولي كرامه وشيمـه=وشهامتي عن الطمـان اتحدانـي شريف ما أمشي بالدروب الوهيمه=كل العلـوم السافـلات اتخفانـي أمشي طواريق الرجال السليمـه=أجنب الهفوات وأمشـي البيانـي ولا اخادن إلا من يحوش الغنيمه=مار الغليبه وصلكـم يـوم جانـي حطيت لي عند المخالف قسيمـه=وأنا أتحدا الظالـم اللـي دهانـي اللـي ينـوخ ذمتـه للظليـمـه=يرجي وراها من يدبور الزمانـي ما له عليّ سلوم ربـي يضيمـه=أشر خطأ وإلا الحقيـد اهتوانـي وأحكم لنا بين الخصيم وخصيمـه=ما ادري عليك الحق وإلا نصاني رفيق تفهـم سيرتـي مستقيمـه=ولي شرهةٍ تلزمك يـا مودمانـي لولاك من روس الرجال الحكيمـه=ما أشره عليك وكن ما شيئ كاني |
بسم الله الرحمن الرحيم
هذه القصيده قيلت بمناسبه للقبيله في حل قضيه داخليه وكان على راسهم الشيخ / محمد بن عبدالمحسن الفرم والذي كان الاكثر اهتماما وسعيا للاصلاح في هذه القضيه حيث تكللت مساعيهم ـ ولله الحمد ـ بالنجاح بفضل جهودهم الحميده وكريم خصال المعنيين بها 0 وطيب معدنهم 0
بسم الكريم اللي خلق كـل الاجنـاس=خلقه كثيـر وكافلـه عـن ضياعـه
اللي عزل نور النهار من الادمـاس=ربٍ سمك عرش السمـاء بارتفاعـه هاض الضمير ودق به مثل الاجراس=امهـل طواريـق المثـل باندلاعـه عن اذنكم ناخذ مع الشرح مـرواس=ابي اتحـدث قدمكـم ربـع ساعـه ترى المثايل وصفهن صفر وانحاس=وفيهن ذهـب ياعارفيـن البضاعـه ورجي عسانا بالمثل ناخـذ الكـاس=وقافي يشوق المهتـوي لاستماعـه يامرحبـا ترحيبـةٍ مالهـا اجنـاس=باميرنـا واحضـور كـل الجماعـه امير من ساس تسيس على سـاس=بـدر ينـور جونـا فـي شعـاعـه يا أبن الشجاع اللي للاخطـار دواس=شريـدة الفرسـان سبـع السباعـه بالسيف ينطح لابس الدرع والطـاس=كم فارس يحـذي جـواده اقلاعـه فيه الشجاعه والكـرم مالـه اقيـاس=ذباح جـل الـذود وقـت المجاعـه ياحرب ياللي جمعكم يرفـع الـراس=الله يـوفـق جمعـكـم باجتمـاعـه ياريف من حسه من الوقت حسـاس=حمله ثقيل وبـه صـواب الشناعـه حي الرجال اللي بهـم قـوة البـاس=اللـي منازلهـم طويـل الرفـاعـه ترحيبة من قلب ولسـان واحسـاس=دافع وفـاء مالـي وراهـا طماعـه يدفعني الواجب وانـا اقـول لابـاس=الحـر لـه عنـد اللـزوم اندفاعـه عسا المساعـي ماتعـود بالافـلاس=عندي على حسـن النتيجـه قناعـه ياللـي مواقفكـم جـديـده ودراس=ياهـل السلـوم الطيبـه والبتاعـه اول سلفكم يـوم دقـلات الافـراس=حاشو مقاليـد الشـرف والشجاعـه حرب الحريبه كان للحيـل مسـاس=عدوهـم دايـم وقلـبـه زعـاعـه دايم لهم في ديرة الخـوف عسـاس=ويدفع لهم بعـض القبايـل ارتاعـه وحاضر سلفكم به شهامه ونومـاس=والطيـب يبقـى بالنشامـا وداعــه يرجيكم اللـي بالمهونـه والاتعـاس=لازال يرجـي سعيكـم واتسـاعـه تذرف دموعـه والمعاليـق يبـاس=ورع يتيـم وراح قلبـه رعـاعـه بين الضلوع اللي مثل لون الاقـواس=قلبـه يلـوج ويلتفـت للجمـاعـه يمسي ويصبح في مذلـه وهوجـاس=ماعنـده الانظـرتـه واستمـاعـه غير الجدار وصكة البـاب حـراس=ومن غيركم يرجي الضعيف دفاعـه ياهل الحموه والمـروه والاحسـاس=ماعند مجروح الضميـر استطاعـه من خلقة الدنيا ترى الناس بالنـاس=والذيـب ماياكـل شرايـح اذراعـه يالفرم حان الوقت والوضع حسـاس=يرجيك مـن طـول عنـاه ونزاعـه عليك بالعلياء تراهـا هـي الـراس=اقولهـا مـن كـل قلـب وبراعـه واللي على يمناك وايسـرك جـلاس=يبـون رايٍ ينقـضـي بانقطـاعـه ودي تبت الـرأي وتخلـص النـاس=وتخلي سبيل اللي يبـي الانجضاعـه ترى المرق ماحصله طابـخ الفـأس=ولاينقه العطشـان شـرب النقاعـه لاصار مايبرز صناديـد واضـراس=يصير فـي رأي الرجـال انهزاعـه الناس ماتشره على الهابـط الهـاس=اللي كلامه بيـن ضعـف وكواعـه يشره على اللي به صعاطير واعطاس=رايه سديد وفيـه عـرف وجزاعـه وصلاة ربي عـد ماهـب نسنـاس=علـى نبـيٍ فيـه هـدي وشفاعـه أفضل نبـيٍ وضـح الحـق للنـاس=اللي على المسلـم وجـوب اتباعـه |
السلام عليكم
هذه القصيده قالها عندما اتجهه الى احد الاشخاص من قبيله اخرى طالباً فزعته بموضوع يخص احد افراد قبيلة الشاعر وما كان رد هذا الشخص سوى الا يوجد له شيخ او قبيله يقومون بموضوعه فحز ذلك بخاطر الشاعر وقال هذه الابيات
ياشهيـل كنـك بالحقيقـه تحـلا=اعطيـك علمٍ ماينقـض ثباتـه الشاعر الكبير / عضيب هليل بن شلاح العلوي الحربي اميرنـا زبـن الغريـب المجـلا=هو ريف من ضاقت عليه سعواته لاضايقه جـور الدهـر واستـذلا=واصبح عليه الوقت يرفـع قناتـه عقب بقا مركاه والكف زلا=وعود يحسب سيته واحسناته يوجس على كبده من الضيم ملا=حار وتحير ماعرف وش سواته هـذاك لامنـه نصـاه اسـتـدلا=علي ولد محسن تجـوز شرهاتـه لاجاه عنه الضيـم والحـزن ولا=بسعود ابو فيصل تحقـق براتـه اللي لروس العاليات ايتعلا=ماهو من اللي موسم الطيب فاته شيـخٍ ليا شـاف المساييـر هـلا=قولت هلا يامرحبا مـن صفاتـه في مجلسه يابن الحمولـه تسـلا=يومن بعض الشوخ يخسر حياته خطو البليـد اللـي بالانعـام فـلا=بطنه كبيـر ولادرا عـن عباتـه وله سفرتن فيه الصيانـي تمـلا=من عوج الارجل والهرافه شواته وربعه حمول الخيل واسأل معـلا=عدوهـم ياشهيـل يكثـر شتاتـه ربعـن سلفهـم للمخافـه تــدلا=ليتك سألـت العـود قبـل وفاتـه خيالهـم ياشهـيـل ماقـيـل ذلا=يفرحبهم من ضيم عنـد انوقاتـه في شيوخنا شيوخ القبايـل تحـلا=ولاخير من ضيع دليـل كلماتـه |
السلام عليكم
((((الشيخ))))) شاعرنا العلم/ عضيب بن هليل العلوي يراء ان كلمة الشيخ لاتطلق الا على اصحابها الثلاثه بنظره وهم شيخ القبيله محمود السير والكريم المشهود له بكرمه اللذي جعل ماله عون له على كسب العلم الغانم وكذلك شيخ العلم وصاحب الفضيله اللذي يكون قدوه ونبراس وعالم رباني ومنهل للجميع العلوم المفيده ولااخفيكم سر بان شاعرنا العلم ابو بدر لايود ولايرغب من احد ان يطلق عليه هذه الكلمه ويقول انها لااهلها اللي احق مني بها ولكنه يبقى فى نظر القبيله ومحبين الشعر الجزل والسامي بمنزلة هؤلاء الثلاثه وهذه الابيات من شاعرنا العلم وهي بمثابة وجهة نظر يتحدث بها حيال هذا الاسم واليكم كلمات الشاعر العلم وماجادة به قريحته حيال ذلك وهو يقول
أملاحظه عندي على كلمة الشيخ=اللي خذوها الناس دايم وسيلـه الشاعر العلم / عضيب هليل بن شلاح العلوي الحربيالشيخ من ينطح وجيه المجاويخ=شيخ الجهام اللي يقـود القبيلـه ايام سوقات العطـف والمناويـخ=شيوخ القبايل ناطحيـن الثقيلـه والا كريمٍ من خيـار المطانيـخ=تلقـا الضعيـف دايـمٍ يلتجيلـه منبع كـرم ماعقبـوه المتاويـخ=لعـل تفـداه اليديـن البخيـلـه او شيخ علمٍ له مكانـه وتاريـخ=يدعى على ماقيل صاحب فضيلـه هذا حسب عرفي وانا ماني الشيخ=وكلٍ على ماقيـل عقلـه دليلـه |
بسم الله الرحمن الرحيم
السلام عليكم رد الشاعر الكبير/ عضيب هليل بن شلاح العلوي الحربي على المعجزه عبدالله بن زويبن المعمري الحربي ..
بديت باسم اللي علـى العالـم رقيـب=محيي الهشيم وميبس العـود الخضـر الواحـد اللـي يلتجيلـه مـا يخـيـب=علام مـا يَخفـى علـى كـل البشـر إلى دعيتـه وانـت مخلـص يستجيـب=ويا جب على المخلوق يومـن بالقـدر الله ولا غيـره علـى الدنيـا يثـيـب=سمّيـت بالرحمـن وابليـس انـدحـر الله يآمرنـا علـى القـول المصـيـب=يوم استمـر القـاف والغايـب حضـر يا مرحبا بالجيب من رجـلٍ نجيـب=اعـداد مـا هلـت هماليـل المـطـر واعداد ما يخضر من الوسـم الشعيـب=وعداد ما يبـدي مـع الفجـر السفـر يا مرحبا حييت من صـدرٍٍ رحيـب=يا اللي عنيـت امـن اليمامـه للحفـر ترحيبة المشتاق مـن قلـبٍ لبيـب=بالزايـر اللـي خصنـي دون البـشـر أكبر هديه منـك يـا الشهـم الأديـب=اهديتنـا تــاج المـعـزه والفـخـر نجمٍ لمـع لعـل نـوره مـا يغيـب=دافـع وفـا ويـدل فـي بعـد النظـر عندي شهادة حق لك قـافٍ عجيـب=لا اوحاه مـن يكرهـك دنـق وانقهـر إلى حصـل بالمجتمـع شـد وجذيـب=يَسعد صديقـك والعـدو منـك انحشـر يا ابن زويبن ما قفي مـا هـو غريـب=دمـي غيـور ودافعـه قـوّ الصطـر أنا اعتزيت بحـرب والسـاس العريـب=ما هم خشاشٍ جمعه قـوع الشجـر لا جا نهارٍ فيـه مغلـوب وغليـب=يسقون وجعان الضميـر امـن السـدر دون القبيلـه لا نـخـاف ولا نهـيـب=ما نقبل العوجـا علـى الحربـي تمـر إخذ الكـلام بغيـر شـك ودون ريـب=دون القبيلـه مـا يعيـش اللـي ذخـر بعض الآوادم يلحـق السـرح العزيـب=يسمـح لمـن ضيّـع طريقـه ويعبـر لا ما نحينـا العـوج يطمعنـا القريـب=ما هي علومٍ جابهـا زيـد وعمـر تعرف مواقف حـرب باليـوم الصعيـب=كـان النشامـا طوّحـو بيـض الغتـر عوق العنيد إلى حصل يـومٍ رهيـب=قبيلنـا معـذور لـو قـيـل انتـحـر يا ما كسر مركاضهم عظمٍ صليـب=وكم واحدٍ في ظلهـم كسـره جبـر من فوق قـبٍ يدبـن ّالمستريـب=يحرم على مـن لايعنّـه مـا انتصـر وإن صاح راع الشول وأومـا للجنيـب=سلّـم عقيـد القـوم واسلـم واندمـر ثم كوسـرن بأذيالهـن مثـل العسيـب=راجـن عليـه وراغ قلبـه وانبـهـر مـا فيهـن الدنـا ولا فيهـن هليـب=يحتـار راع الصنـف فيهـن وافتكـر إن طـاب للـزعـلان وإلا لا يطـيـب=عيبٍ على اللي كلمتـه مـا تعتبـر ما كل من يرمي الهدف رميـه يصيـب=تحتـاج قـوّ زنـود وضلـوع وبصـر فـي ظلنـا تلقـا الضعيّـف والغريـب=يوم السنيـن اللـي بهـا قـل وعسـر وبعض العرب ما له قريب ولا شريـب=الحنظـل المكـروه لـو يطلـع ثـمـر شرحت عن بعض البشر شرحٍ مريب=لا شك أنـا بشـرح قليـل ومختصـر كلٍ على ما قيل ربه لـه حسيـب=ترى المذاهـب تختلـف وأنـت الحـذر عليك بالطيّب إلـى اختـرت الصحيـب=رفقة عزيز النفـس تجعـل لـك قـدر من طاب حظه كـل مـا يفعـل يطيـب=ومن طاح حظه خـف وزنـه وانعثـر ترى الردي ما عاد يقضب لـه قضيـب=مثـل سـراب القيـظ والحـظ الغـبـر اسمع سلمت وكل سايـل لـه مجيـب=عسى لك التوفيق مـع طـول العمـر اقبـل تحيّاتـي وسـامـح يالخطـيـب=شـرواك مـا نقـدر نقـدم لـه عـذر أدراك يـا ريـف النشامـا واستعيـب=من كلمة التقصيـر مـن قبـل النـذر تقديـر والتقديـر واجـب يـا الحبيـب=يا اكعام خطـوان الحقيـد إلـى زمـر أبيك تفصـد ناظـر الوجـه الغضيـب=لا هزّه الشيطـان وارسـل لـك سبـر الحرّ له مضراب فـي الكـف العطيـب=يصحا به السكران مـن بعـد السكـر يا بن زويبـن كمّلـت كلمـة عضيـب=ولـك اجمـل التقديـر منـي والشكـر الشاعر الكبير/ عضيب هليل بن شلاح العلوي الحربي |
ياراكب اللي من حفيزه شريناه
هذه القصيده مرسله من الشاعر /مقعد محمد العياضي الي شاعرنا الكبير /عضيب هليل بن شلاح العلوي وله رد عليها (((وهذه قصيدة العياضي )))
ياراكب اللي من حفيزه شريناه=أخر موديل وارد البهبهاني
يكحل عيون اللي يناظر مراياه=ويشوق بال مكلفين الاواني متخالف اللونين سمكٍ زواياه=حلك السواد بحمرة الديرماني من الرس يسرح قبل تسرح رعاياه =طيور تغرد في ركون المباني سرح وحط الجدي قدوه لممشاه= وسهيل حطه من خلاف الاذاني وعبى من اطرف شيشةالجمس عباه=وتفقده وربط حزام الأماني ثم اتكل ربي عن العوق ياقاه=وخلك من اصحاب القلوب الذهاني جمسك عن المعقول حذراك تقصاه=خل الكزوز يجاوبن الكماني يشدي عواء ذيبٍ بغى النشر وخطاه=ذيبٍ حداه الجوع والليل داني والآ ميراجٍ بالذخاير معباه=بأمر الهجوم وشالت الجبخاني الجمس سواقه على الكيف ممشاه=وقت الضحى له بالحفر حندواني الجمس راع الجمس لعضيب عداه=يقوم له من خاطرٍ مرحباني قدم تراحيبه وهلآ وناباه=من خاطرٍ يفرح ليا جاه عاني وفنجال بنٍ مجلس عضيب يزهاه=بدلال سانيها من النار ساني كيفٍ ليا من المسافر تقهواه=عنه العماس يطير بأسرع ثواني وكبشٍ مربى عند رعاية الشاه=ايا خلو الواجب عيال الحصاني وكمل مواجيبه ورحب وحياه =على فطاح مكرمات الصياني وبعد العشاء من صافي الكيف قهواه=ودار الحديث اللي يبي المسمعاني وقال العلوم ومد خطي بيمناه=يقرأ الكتاب ويكتفي بالبياني يكفيه مضمونه ليا من تملاه=مع جاري الاحداث مسني وساني ياعضيب جتني تعزيتكم مفاجاه=وانا بحسرة قبلها اللي فجاني جتني وخافق مهجتي تثلغ دماه= ومنَ الكريم بمده اللي عطاني طيرٍ من المجنى تخيرت مجناه=وعوني ليا من المقابل حداني ياعضيب يطري لي وازريت لنساه=وليا طرالي سو سقمه طواني مالي جدى غير ارفع يديَ لله=الله يفجع من بطيري فجاني ياعضيب قاسينا المراره بفرقاه=هذا السبب في ضيقتي وامتحاني ياعضيب ياكبر المصيبات كبراه=فيه وفي غيري بلاوي الزماني ياعضيب انا مالي على الرب وقضاه=لاشك أعبَر عن مشاعر كناني مايفيدني لو قلت لاوا حلالاه=ياعضيب باللي قدَر الله كاني يابو هليل منك نبغى المجاراه=اغدي يخف الهاجس اللي زواني في غاية الموضوع لا لا تعداه=سهل ولا تكرب حبال البطاني إعلاج من قلبه شكى الهم وأعياه =وأونس وخاطب شذرة المكلماني مثايلٍ لعضيب والرد نتناه=عسى يخفف عني امرٍ دهاني ياعضيب كل هموم قلبي تدلاه=على فراق الطير جاني ماجاني ليا شفت انا دمعة عيونٍ ترجاه=لو كنت غافل هزني شي ثاني واكن ضيقي داخل القلب واكماه=وأخفي عن العالم مشاعر حناني اضحك وانا اللي في علة مخفاه=ترجمتها لعضيب عن شخص ثاني ابي ليا منه قراه وتملاه=يجيب داعينا بجزل المعاني يادافع البلوى عن اللي تبلاه=يارب عفوك ياوسيع الحساني وأزكى سلامي بالنهايه ومبداه=بسلامٍ أحلى من حليب المقاني وصلي على المبعوث للدين وأحياه=شفيع الأمه ساعة الامتحاني ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــ وهذا رد الشاعر الكبير / عضيب هليل بن شلاح العلوي
بديت باسم اللي على الناس حسناه=قدام لأبدي بالمثل والمعاني
الخالق اللي تسجد الناس لرضاه=الله ولا غيره على العرش ثاني وسار القلم ياطيب الفال بسراه=الله على قول الصواب يهداني يوم العياضي يمنا الجمس عناه= فزيت يوم ان الخبر منك جاني وصلك وصل وانا انتظر واتحراه= وهليت في مندوبك اللي نصاني وعطاني الخط العزيز وقريناه=ولي الشرف في خطك اللي لفاني وقريت مايجرح شعوري برؤياه=مار القدر ياكامل العرف كاني طيراً نعيته يالعياضي نعيناه=لاشك ماتنفع كثير الأماني ارجي عسى المعبود يمحي خطاياه=ويجبر عزا اللي من فراقه يعاني يالله عسى في جنة الخلد مأواه=ويسكنه ربي فسيح الجناني وانته يعوضك يالعياضي بلاماه= ابحسن الجزاء من ربك المستعاني لوله عدواً تاخذ الثار بثراه=غسلت عن كبدك كثير الحزاني عين العطوف اللي تحنه وترثاه=تنعي ثمر قلبٍ عليه المحاني عسى البقا باللي تبقو لها حضاه=ويعوضها الله في فقيد القراني قبلك ترى صاحبك وقته توطاه=شربت من مر الزمان وسقاني امشي كما منجوم ليلٍ بمسراه=من حر ماساق الضمير وسباني صاحبك لاتشمت نصيبك وتشناه=ترى القدر مقسوم يامودماني نبينا المسلم على الصبر وصاه=بالصدمه الاولى يحوش الحساني ومن تمت ايامه تهيت مناياه=تحصل له الاسباب والاجل داني ماكل حياً دام عزه بدنياه=دنياك ماتعطي الاوادم ضماني كم واحدٍ يضحك له الوقت وابكاه=كلٍ لك الله من زمانه يعاني اللي كتب ربك على العبد يرضاه=مافيه شخصٍ عاش عمره تهاني مخافة الله يالعياضي وتقواه=هي راس مال العبد والعمر فاني انته تشير لوضعنا لاتعداه=وتقول لاتكرب حبال البطاني الراي رايك وانته اللي توراه=انا اتصرف قد عرفي بشاني عندي نصيحه لابيض الوجه مهداه=من صالحه مالي بها شان ثاني وراس العلا مثل العياضي تعلاه=انته رفيع المستوى والمكاني انتم هل المعروف والعرف والجاه=من روس ربعاً ذكرهم بالبياني وطيب الرجل يرفع مقامه بطرياه=ياحلوها من دون شرط ومثاني نصيحتي مابي وراها مكافاه=ونصيحة المعروف ماتستهاني تعفي شريكك بالأسى والمؤاساه=أجر وغنيمه كان ماأنت تعصاني تفوز عند الله وتكسب بها رضاه=وتشتد بحبال العزيز المتاني يشره على مثل العياضي وشرواه=وإلا الردي دايم طريقه طماني على حسب عرفي عطيت المجاراه=وانا ترى بعض العلوم تخفاني اقسمت لك باللي بنا العرش وارساه=انه فلا جاك الغشش من لساني والوقت مايعطي سراير خفاياه=لك راي والعالم لها راي ثاني كلٍ حسب عرفه عطى وجهة ارياه=وانا اتبين قد عرفي بياني يابو محمد يازبون المخلاه=ياريف راعى الواجبه والعواني إن شفت شي من الغلط ماقصدناه=عفوك عن الزله يزيد امتناني السيل مايمشي على غير مجراه=وانت الحكم ياشوق صاف الثماني وذكرت ربي بأول القاف واتلاه=ختمتها بسم الكريم وكفاني |
يابدر هاضت بالبيوت القريحه
أمسابقات الشعر ماهي صريحه
يابدر هاضت بالبيوت القريحه=بين الزعل والغلب والعاطفيه الشاعر الكبير / عضيب هليل بن شلاح العلوي الحربيانا بوجه لزملائه نصيحه =تقدير للشعار مني هديه تقدير مني للوجيه الفليحه=اهل المواقف والفعول النقيه اللي بهم من نية الخير ليحه=انا عرضت الراي من حسن نيه والناس كلٍ له مزاج وشريحه =وانا كلامي للوجيه النديه أمسابقات الشعر ماهي صريحه=فيها على ماقيل ظلم وخطيه فيها النتائج ماتهيا صحيحه=ألا عليك من المعزب وصيه هذي علامة ظلم وايضاً فضيحه=ياللي تبا الحسنه تحملت سيه كم جابةٍ منها المشاعر جريحه=لاميل الميزان خطو الدهيه اشوف ماكل السوالف صحيحه=لاشك من ينظر لنا بالقضيه كلٍ جواده للمكاسب مشيحه=مسكين ياراع الجواد الرديه شافو ا على المضياح باللوح ضيحه=كلٍ يقول ارجي عسى الفود ليه تغانموها مدورين المديحه=والعلم واضح والشعوب الضحيه من طاح بالميدان قالو ا مطيحه=على نصيب الذمه العامريه ليت العرب من وضعها مستريحه=مافيه داعي نبعث الجاهليه الناس ماهي باللوازم شحيحه=هذي تحث الناس للعنصريه نوبٍ طلبهم للبيوت الفصيحه=ونوب الحدا واللهجه السامريه ماب الصميل يبينه من نضيحه=بالخطه اللي مالها قابليه أليا تحداك الجبل من نطيحه=عند النهايه وين راع الرعيه |
السلام عليكم ورحمة الله وبركاته
((((0طيب المكارم حايزه)))) هذه الأبيات إهداء من الشاعر/ عضيب هليل الحربي، إلى الأخ العزيز/ معتاد محمد الغيداني الحربي:
سميت بالرحمن وأخزيت اللعيـن=واخترت من جزل الرموز العايزه أنا ليا جبت المثل جبـت الثميـن=أخذ جزيل القاف وأترك بايـزه يا أبو محمد يا عشيـر الغانميـن=يمناك دايـم بالمراجـل فايـزه عندي شهاده والجماعه خابريـن=باللحظه الأولى خذيـت الجايـزه أنته قطعت الشك بالعلـم اليقيـن=ما هي سوالف مسـردٍ متشايـزه طلعت يا معتاد بالعلـم السميـن=وينبيك عن فعل الرجل خزايـزه طبايع الإنسان تكتـب بالجبيـن=وعند المواقف تتضـح غرايـزه طلعت مع روس الرجال الطيبين=ربعٍ على طيب المكـارم حايـزه بعض الرجال ليا حكى للسامعين=الله أكبـر يـا كثـر جنـايـزه يذبح كثير الناس في حد السنيـن=لو كان ما يسوى حدى عجايـزه همرجـيٍ مـا تقضبـه اليديـن=مع كل طارش ياصلن كزايـزه ليا رجعنا للعدد ما صـار شيـن=والبيت بنيانـه علـى ركايـزه وفيهم سنافـيٍ يسـر الناظريـن=ما فيه شيـئٍ بالرجولـه عايـزه الكامل الله من حسـاب الكامليـن=مثل الذهب ما تختلـف كنايـزه أسمع فداك اللي عن الواجب مهين=ما غير نفسه يا الحبيب تكايـزه الشاعر الكبير/ عضيب هليل بن شلاح العلوي الحربي |
السلام عليكم ورحمة الله وبركاته
لقد تشرف الشاعر عضيب بن هليل بالاشادة بمكرمة المكافأة على جميل العفو، وسماحة الخلق التي تجلت في تنازل عنبر الرويشد عن قاتل ابنه، من قبل الشيخ محمد الفرم، حيث يقول الشاعر عضيب: ضرب عنبر الرويشد أروع الأمثلة، عند ما تنازل عن قاتل ابنه لوجه الله تعالى دون جاه أو وجاه أو وساطة أو أي مقابلٍ من مالٍ أو غيره، وفور سماع الشيخ/ محمد بن عبد المحسن الفرم، شيخ بني علي، من قبيلة حرب، خبر تنازل عنبر أثر أبو فيصل أن يزوره في منزله بحفر الباطن، ليقدم له العزاء كما قدم له سيارته الخاصة، هديةً له، وتعبيراً وتثميناً لموقفه النبيل، ليضرب أبو فيصل بذلك أروع الأمثلة في المكافأة على سماحة الخلق، والوفاء لأهل الوفاء، وقد أعجبني ذلك من الشيخ محمد الفرم، ورأيت أن من واجبي أن أشيد بطيب خصاله، والوفاء الذي لا يستغرب من أبي فيصل، ولكنه عمل طيب يستحق الإشادة، ولأن مثل هذا الفعل الطيب جديرً بأن يجسّده الشعر والتاريخ، ليكون أسوةٍ تحتذى، فإلى الشيخ محمد بن عبد المحسن الفرم، أهدي هذه الأبيات:
سلام يا حـرٍ فعايلـك شاهـدك=معروف ما تحتاج مني شهـاده الشاعر الكبير/ عضيب هليل بن شلاح العلوي الحربيالأوله عندك وهـاذي عوايـدك=تشفق على كسب الأوايل زياده أخذتها غصبٍ على خشم حاسدك=أخذ الأوايل لك طبيعـه وعـاده يشهد على ما أقول ما تبذله يدك=ولا خير في هرجٍ بليـا وكـاده وأقبل تحية من يعـزك وييـدك=عساك دايم بالبقـاء والسعـاده |
والا الرديه تطوي حبالها طي
السلام عليكم ورحمة الله وبركاته
هذه القصيده اهداء للاخ العزيز رجل الاعمال /عيد العليبي العلوي الحربي ((ابو راكان))
ياعيد والله لك عليه جماله=وقفت شرف وقفت يوم الطلب لي الشاعر الكبير/ عضيب هليل بن شلاح العلوي الحربيفي غيبتي موقفك موقف رجاله=دافع وفا مالك وراها طلب شي الاوله ياعيد جتني رساله=والثانيه صاحبك يوم اتصل في يوم الحميدي خصني باتصاله=ابو حمد ياعيد جاب الخبر لي وانته عوايدك العلوم الجلاله=وألا الرديه تطوي حبالها طي راعي العلوم الطيبه حي فاله=ماكل رجال على الواجبه حي مدح الردي ياعيد وعذاله=العوشزه ماقيل يلقابها في ولا انت رجل من الرجال الشكاله=ملكتني مع كل ماتملك ايدي فعلك جزيل ومن الرجال الجزاله=ولي الشرف يوم اعتزيبك بناخي |
هذه القصيد بمناسبة الاحتفال اللذي اقامه الشاعر لشيوخ القبيله وشعرائها وجمع ٍ كريم من افرادها بحفر الباطن بتاريخ 14/04/1431ه
يامرحبـا عـداد مـزنٍ ليـا هــل=مـن مدلهمـن راكداتـن مـزونـه الشاعر الكبير/عضيب هليل بن شلاح العلويمزنٍ من المنشأ يعـل الوطـن عـل=حتى تساقى و ارتوى من اغشونـه ترحيبةٍ بأهل الوفـاء تشمـل الكـل=حي الرجال و حيهـا مـن نمونـه من خاطـرٍ لاضـاق بالـه و لامـل=أكبر فخـر يـوم النشامـا يجونـه بحضوركم عيد الفـرح عندنـا حـل=مرتاح لو بعض النفـوس امغبونـه يامرحـبـا ترحيـبـةٍ دلـهـا دل=بالعـزوة اللـي جارهـا ماتخونـه قصيركم دايم عن الشمس في ضـل=غصبن على اللي سلمكـم يجهلونـه قصيركـم ياحـرب يمشـي مدلـل=علـى كرامـه ماتمسـه مهـونـه يوم المطوطح فـي قصيـره تمثـل=أثنى على حـرب بطرايـف لحونـه الوايلـي قــال الحقيـقـة و لازل=يـوم ان ربعـه كثـروا ينصحونـه رسم لكم بيضاء كمـا عالـي التـل=واكبر شهاده عبـرةٍ مـن عيونـه قالوا بكيـت و قـال مابكوتـي ذل=ابكي على اللـي جارهـم يكرمونـه وشلون ابا انسى فضلهم و اتجاهـل=يـوم الزمـان مكشـراتٍ اسنونـه و دخيل يوم ان القدر صار ما ابتـل=فدى قصيره و ارخص الروح دونـه وصِي على ورع القصيـر وتزهـل=شال الأمانـة عقدتـن فـي ردونـه قال البلالي كـل عقـده لهـا حـل=واكمل وصات ام الجنين الحنونـه و نويشـي اللـي لاتـوانـا ولاذل=بيته عزيـز و شامخـاتٍ اركونـه حق الخوي جابه على الوجه الأكمل=أصبح مثـل كـل البشـر يعرفونـه ماهي علومٍ بيـن تزويـر وهـوَل=لبس الشرف لبس الغـلام لزبونـه و ان جاء النهار اللي به الناس تذهل=يومـن صناديـد البشـر يكرهونـه الشاهـد الله كـل وقفاتكـم جــل=قبيلـكـم ماتنتعـالـج طـعـونـه تفرح بكم وضحن بها ودع وكثـل=الريف لـو هـو بالخطـر تنزلونـه ليـا تخالـف نبتهـا كنهـا الـزل=نوار عشبـه يبهـج الصـدر لونـه تمـت عسانـي بالمثايـل مجـمـل=وصلاة ربـي عـد نجـمٍ ترونـه على نبيٍ وضح الحـق والـدل=بيّـن طريـق الرشـد للـي يبونـه |
وهذه القصيده الثانيه بنفس احتفال الشاعر اللذي اقامه بتاريخ 16/04/1431ه بحفر البطن على شرف شيوخ واعيان وشعراء حرب
بديت باللي تجود الناس من جـوده=اللي على كلمـة التوحيـد وحدنـا الشاعر الكبير/عضيب هليل بن شلاح العلوييالله ياللـي لـك الكفيـن ممـدوده=يامكـون الكـون ياعالـم عقايدنـا ياعالمٍ بالنوايا البيض مـن سـوده=حيث الرجا فيك يامحصي حصايدنـا منشي ثقيل السحاب ومرزم رعـوده=لرضاك نسجد ونرفع لـك تشهّدنـا ياجب على العبد يبدا باسم معبـوده=عسى الكريم لطريق الرشد يرشدنـا من بعد ذلك بديت بنظـم منشـوده=ابيات شعـرٍِ تعبـر عـن مقاصدنـا ابا أتمثـل برجـلٍ شفـت مجهـوده=واعلم اللي عن الموضـوع ينشدنـا واشرح له السالفه واقول ماااكـوده=و إلا ابو صالح غني ٍ عن قصايدنـا رجل الكرم والشهامه فيـه ماجـوده=اللي نهار امس في بيتـه تواجدنـا دعوة شرف من عزيز الجار مقصوده=اشكر مساعيـه واهدافـه مشاهدنـا هديتي يابو صالح منـك مشهـوده=شهودها حضور والفكسار شاهدنـا السالفه واضحه ماهيـب مجحـوده=وحنا شرحنا عن الموضوع واكدنـا اللي ركبٌنا افضل الفكسـار بسعـوده=عساه دايم بحسـن الظـن ياجدنـا نظرة وفا نظرته ماهيـب محـدوده=غصباً على خشوم حساده وحاسدنـا عندي خبر كل نفس ودهـا الـزوده=لاشك الافعال تفرق مـن سواعدنـا احدٍ يبا الخير و احـدٍ صـار لادوده=الله عن اللـي يلـد الـرزق يبعدنـا من الرجل كلمة المعـروف مريـوده=رد الثنـا يالنشامـا مـن عوايدنـا يامرحبا والثقـه بالكـل ماااجـوده=في عزوة(ن) من فضايل جودهم جدنا ترحيبتاّ بالوفـا والصـدق معقـوده=باهل الوفـا واستجابتهـم لموعدنـا عداد غصناّ يميل من الهوى عـوده=يامرحبـا بالرجـال اللـي تساندنـا من هاجسٍ شوفكم شفه ومقصـوده=قبالكـم يبهـج الخاطـر ويسعدنـا زند الرجل قوته من قـوة عضـوده=وحنا ربينا علـى عضـة نواجدنـا وصلاة ربـي عـدد ماذعـذة نـوده=على نبيـه شفيـع الخلـق سيدنـا |
هذه قصيدة للشاعر / عضيب بن هليل الحربي يمتدح فيها ابناء قبيلة حرب عامة و لبعض الاشخاص الذين قاموا بتكريمه
يابداح ياللي تاخذ الطايلة نوف=ياريف عصمان الشوارب كحيلان عندي وصية و أنت بالوصل مكلوف= وصل سلامي يالسنافي هل الشان وصل سلامي يالسنافي شبل عوف= و ابو محمد بلغه و ابن جمران اعداد ماسار القلم يكتب حروف= مني سلامٍ لأبو ناصر حميدان له ماقفٍ في ملتقى حرب مشيوف= دون القبيلة يكتسح كل شيطان و سعود بالك لاتعدّاه و طّـوف = رد الثناء لسعود هو و ابو سلمان و عبد الله الثلاب بالطيب معروف= سلمٍ لأبوه و . وارثه ورث جدان يفرح ليا زاره مسايير و ضيوف= منصى الرجال مشرع(ن) دون بيبان من عزوةٍ ماهم مساكين و ضعوف= ربعه هل الجدعاء طويلين الايمان الله يفكك من بلاء كل صادوف= عمٌ الجماعة كلهم دون حقران من روس حرب مطوعة كل مزغوف= و لاخير في قولٍ على غير برهان قبيلة نرعابهم عشبة الخوف = يوم انها بين القبايل بالاكوان ليا ارتكز عج الرمك تقل عاصوف= على السبايا يوم لوذات الاذهان قبيلةٍ وقفاتهم تبهج الجوف= لاغابة الشمس الضحى و اللغى شان يفرح بهم من حده الوقت ملهوف= لاضاع فكره غايص(ن) به زويان اللي حداه من الدهر حف و ظروف= في ظلهم يلقى المكارم و الاحسان و صلاة ربي عد من حج و يطوف = على نبي(ن) فاز دينه بالاديان |
انا ابشكر بني شهران عبر النت والاعلام
السلام عليكم ورحمة الله وبركاته
عيدكم مبارك وكل عام وانتم بخير ومن العايدين الفائزين شد انتباهي وسرني ماريته على قناة المرقاب الفضائيه من حفل بهيج ومبهر يسر الناظرين لقبائل بني سلول شهران العريضه واستقبال طيب لضيوفهم من اعيان وشعراء من قبيلة حرب بمعية الشيخ /داخل بن عاتق الغيداني (خادم حرب) وهذا الاستقبال والحفاوه الطيبه والكرم الحاتمي الغير مستغرب على اهله وما تخلل هذا الحفل من شتى انواع الفنون الخاصه بقبيلة شهران العريضه و من قصايد منبريه لمجموعة من شعراء شهران وكذلك شعراء حرب المتواجدين وهذا التلاحم بين قبائلنا العزيزه ومثل هذا التعارف هو مكسب للجميع ومعرفة الديار اماره ومعرفة الرجال تجاره ونفخر ونتشرف بمثل هذه االزيارات وهذا التعارف وتقوية روابط اللحمه في مابيننا هي سنه طيبه ولا يسنها الا الكرام من الرجال اطال الله باعمار من سعو بهذا الترابط والتكاتف بين الجميع وهو مطلب كل وافي وهدف سامي ومن خلال هذه المناسبه وجب عليه اشكر بني سلول شهران العريضه على ماقامو به من علومٍ غانمه لهم بياض الوجه وبيض الله وجه الشاعر محمد بن عباد الشهراني وهو راعي الاوله واشكر الشيخ داخل الغيداني (خادم حرب) ومن كان في معيته من اعيان وشعراء من قبيلة حرب اللي عرفونا على قبيلة بني سلول شهران العريضه وعلى ديارهم العامره باهلها الكرام وهذه المجاره رد ثناء لشاعرهم الكبير /عمير السلولي ومهما نقول من القصيد مايوفيهم حقهم ونستبيح العذر من الجميع عن القصور -
بديت بواحدٍ من يلتجي بحماه ماينضام=خبيرٍ في جميع الكائنات وجل خالقها الشاعر /عضيب هليل بن شلاح العلوي الحربيالا يالله ياللي بالصدور المغلقه علام= خبيرٍ بالسراير خالق العالم ورازقها طلبتك يالعزيز المقتدر ياكافل الايتام=توفقني طريق الرشد قبل الكلمه انطقها نيابة عن قبيلة حرب وإلا ماعلي الزام= عليه يشرهون و ياجب الشرهه نحققها عساء فيك البقاء يالشاعر اللي بالنيابه قام= يرحب بالضيوف وكلمة الترحيب يلحقها عساء فيك البقاء عداد طيرٍ في سمانا حام=وعدد رش المزون إليا استهلت بامر سايقها سلمت ودمت يارجل الشهامه والشرف من عام= سلولي والسلولي شام للعليا وعانقها تطرقت القصيده واعجبتني من ثلاث اقسام= وشكرت الشاعر اللي بالمعاني شد رونقها سوالفكم جميله مابكم يذكر عفن وخمام= حكولي ماحصل بالحفله اللي لاح بارقها انا بشكر بني شهران عبر النت والاعلام= وقبيلتها العريقه تفتخر في جملة افرقها قبيلة من قبائلنا العزيزه للعنيد كعام= يصدون الخصيم انكانها شبت حرايقها شكراً لمحمد العباد عقيد الاجتماع شمام= تسبب بالتعارف بالرجوله لين حققها سلوليٍ تشوق للعلوم الطيبات وشام= دليله مبتداه ويثبت العالم حقايقها طواريقه كليفه مايحصلها صبيٍٍ نام= صعيباتٍ على خطو الهلامه ميتوهقها سلمتم يابني شهران ودمتم بالسرور ودام= سعدكم يابني شهران في عالي شواهقها ذكرتم داخل اللي للعلوم الطيبات زمام= هني العزوه اللي مثل داخل من عمالقها كريم ابن كريم ومن رجالٍ يالحبيب كرام=هل الردات بالشدات معروفٍ تفوقها تراء كل النشاما للقبيله والوطن خدام =طبيعه من طبايع حرب نشرح لك طرايقها انا ربعي قبيلة حرب لصاب العنيد اوهام= هل الخيل الاصيله كنها مست معارقها عليهن من يهين المعتدي ويرجع الاخصام= طلايع حرب يوم الحرب منشوره بيارقها تراء مدحٍ بلياء اثبات مثل زادٍ بليا ايدام= يضيع كلمة الشاعر ولا كلٍ يصدقها ليامني تذكرت القبايل لي سند وحزام=تميز بالسلوم الطيبه للي يصادقها اهل جيره واهل خوه لنا بالمعجزات اوسام=قصيدي بالحرام انكان مانملك وثايقها يكفينا دخيل وقصته في واقع الاحكام= تزهل بالامانه ماتردد لين وثقها تقدم للسيف الرهيف ودش لساحة الاعدام=تقدم للشهاده دون روح الجار وعتقها تكفي قصة نويشي يومن مر كبده زام=تقاضاء في يمين الخال وست ارواحٍ ازهقها ذكرنا وافتخرنا بالفعول بسابق الايام=قليلٍ من كثير وكد شرحنا عن سوابقها تمثل في قضاه الشمري في ماضي الاعوام=تراء ماقلتها بهتان وإلا كنت سارقها سمعت الشايب اللي يشتكي كانن فيه اوهام=يعدي بالطويله كان له شفٍ يوايقها يعدي بالطويله كان في راسه سطر وعرام= وتناب لخصمك المقصود وخيلك هد سبقها غداء فيه الغرور يحسبن السامعين نيام =تغطرس والتغطرس يوهم العالم ويغرقها تصور من رداء عقله جبل وإلا العباد اقزام= شهادات الغرور بصدره المغرور لزقها تحداء والتحدي مانفع قدامهم صدام=تحدى لين حبل المشنقه بيديه علقها نصيحه والنصيحه مالها في وقتنا سوام = تجنب عن طريق العالم اللي زادها اشرقها تراء الرجل المحنك يفتهم من منطق العزام= يبرق بالطعام ولقمته قبل يتذوقها تراء المسلم ليمنه تمسك بالفروض وصام=تخلص من نفاقٍ حاصر الذمه وطوقها نصيحه لاتفوتك طيعني يامفسر الاحلام=كثير من الضنون يضيع العالم ويقلقها تراء مالك طريقٍ يمنا وانعم مع الانعام=قدم شيٍ يصير ولحيت الطاغي نحلقها عطيناك النصيحه وانت برق بالطريق العام= وليا توريت النوافذ تفهم العالم منافقها تراء ماهو بشهراني ولاهو من قبايل يام= على شان عملانا بالمعاني مانضايقها ختمنا مبتدانا بالسلام وسنة الاسلام=وطلبنا من إلحاكم ماتبقى من لحايقها الا يالله يامحي الهشيم مصرف الايام=تعز الدوله اللي كلنا في ظل بيرقها |
الساعة الآن 03:07 AM |
Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir