واويل حالي منك واويل حالي=وشلون: تتركني على الجمر وتروح
وشلون: تنساني وانا اول وتالي=مثل الجسد لروح لا تنزع الروح
وشلون: تنسى ليلة احلى الليالي= اللي قضيناها سواليف ومزوح
وشلون :تتركني وحيدٍ لحالي= تراك لن طولت مانته بمسموح
ياروح روحي يا بعد كل غالي= كثر الجفاء ياعنك مافيه مصلوح
يامترفه. يام الحسن والدلالي=ياسكر(ن) ممزوج والوجه مملوح
روفي بحالي واعتلي كل عالي=والذنب ياللي تعرف الذنب مدموح
دنياي دونك ماتعادل ريالي = والدمع اكنه مار بالعين مفضوح
ان كان جاتك شوشره لا تبالي= اصير لك جنه ولو صرت لي فوح