|
اللغز(90)زينت طرق القصيده لاجل اغنيبه=محلول=حبة الكوع
زينت طرق القصيده لاجل اغنيبه=وليا قراها رفيع الذوق غناها عينت بنتٍ بطارف دار وصعيبه=ومعزب الدار صادق قال مقواها فيها المثل واكثر العربان تدريبه=حرمت على جارها لو هو تهقواها |
اقتباس:
قاف قريته لابن جمران ياطيبه=ابيات بالملتقى والكل يقراها يازين قافه ولغزه زين ترتيبه=درة بحر جابها : من يرفع اغطاها؟ وحيا الله بن علي لاخلا ولا عدم شوفك وعندي حذفة . لكن ابا ارميه يا اخطيه يا اصيبه ولو اني متأكد حليته شعر (( الاذن وجارها اللسان )) والمثل ( ابعد من لحس الاذن ) |
اقتباس:
صحت لسانك معا مليون ترحيبه=ياشاعرٍ رد بلحونٍ طرقناها واسع معرفه وناجحةَ تجاريبه=عملة ذهب وين مارحنا صرفناها والحل مالك لواء وألا انت تحريبه= شوتتك الاولى تراها وزن مرماها |
يمكن العين ماتشوف العين الثانيه
انا مدري ليه معلق على الرأس وماحوى ؟:0746: |
اقتباس:
والرمعه الاولى لاتبعد عنها |
وين الرمعات يالنواتيف الهمام الهمام قبل نقرب له الونش
|
اشوف الآلية متغيّرة هنا عسى خير كان فيه شغل وتثبيت وحركة وحياة وين الناس؟؟؟؟؟؟؟؟؟ |
والله علمي علمك وان شاء الله ماهنا الا الخير
|
حياكم الله ابشرو ا بعزكم
|
اخوي مضحي . مساك الله بالخير
شكرا على كذا الغاز ولو ان اخوك ماهو قد هذه . لكن الموت مع الجماعة رمعتي ( النظرة ). واغض طرفي ان بدت لي جارتي |
اقتباس:
مالك لواء بغض الطرف لكن المقصوده في اللغز مستحيل تقوم بها انت ياجارها او معزبها وهذا توضيح وانتظر منك الرمعه اللي دايم ترد بها الامثال |
اقتباس:
اللغز جميل وقوي الرمعه الكذبه والغيبه(اكرمكم الله )000 |
ياللي تجر اللحن والناس توحيبه= محلا لحونك يابن جمران محلاها اللغز بين العرب ذلحين اضحيبه=زمارة الحلق ماتجهل حلاياها والجار مهما تسندبه وتنحيبه=مافيه غير اللسان اللي تبلواها |
صح لسانك على هاللغز المليان كالعاده وش رايك في فلسطين
|
اقتباس:
تواجدك اجمل يابو احمد مالك لواء ماهي الكذبه ولا الغيبه وتكرم عنهن |
اقتباس:
لاهنت والجزل تنهل من مشاريبه=يانادرٍ من نواديراً عرفناها اللغز نيشان من ركد مضاريبه=لكل رماع شاراته ركزناها مالك لواء كرر الرمعات وتصيبه =بين المحبين كم مره رصدناها |
اقتباس:
مالك لواء لاتروح بعيد دور باطراف الجسم وهي يمكن ماتراء ويمكن لها اثر ويمكن مالها اثر وزن مالها وزن لون يمكن لها حسب الاطراف مرغوبه حسب النوعيه فيها حلال وفيها حرام لها اثار جانبيه ممكن دارجه بين المجتمع وبكثره نعم وش باقي الله يحفظكم |
اقتباس:
باقي تعلمنا باسمها طال ولاهي صعبة عليك ابد اما حنا الاستاذ يشرح والطلاب نائمين خخخخخخخخ |
اقتباس:
لامن خطو الرجل صعبت مطاليبه=جبنا المثل والبنيه به ذكرناها هي حبة الكوع صعبه لوهي قريبه=مضرب مثل للصعاب ليا تركناها |
اقتباس:
رميت لي رميةن حشت عراقيبه=والى بغيت الصحيح الرمي ما اخطاها ياشاعرن تطرب القاري هناديبه=احسنت والجار مدري وين ملفاها |
العين ماتعلى على الحاجب |
بيض الله وجيهكم حبة الكوع
|
الساعة الآن 11:00 PM |
Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir