عيوني تشتكي هم الغياب ولوعة الحرمان=عجزت احضن تعبها والطبيب أعياه مافيها
بعد ماحضها ياصاحبي بين الخلايق بان=من اللي شوفته لو تذرف العبرة تداويها
الا ياشين حظي ماخبرت انه معايه زان=اذوق من الحدج والنفس اصبرها وراضيها
سنين افنيتها والجرح يتجدد مع الأزمان=ونفسي حايره مابين بايعها وشاريها
الملم في شتاتي بس عمري من همومه شان=وعيني وقتها لو جار طبي عند غاليها
عرف قيمة غلاها وزاد في صده وفي الهجران=وانا سلمت له امري حياتي بكل ماضيها
انا من زود همي احترق من داخلي نيران=وهو من شدة بروده يولعها ويطفيها
عسى من لامني يبلاه ربي هو عظيم الشأن=ويصبح في البلد قصه حكايه الكل يرويها
انا ما اقول انا الاول ولاني باخر العربان=أعيش من الوهلة ثلثين عمري في رجاويها

المشاركة الأصلية كتبت بواسطة سلافة الحب (المشاركة 488026) ابيات بقمة الروعه والجمال كيف لا وهي من الراقي والرائع الشاعر // بقايا وميض صح لسانك ايها الراقي وسلم قلبك :: دمت بهكذا إبداع لا يمل

المشاركة الأصلية كتبت بواسطة خالداللهيبي (المشاركة 488030) قمه في الروعه والجمال

المشاركة الأصلية كتبت بواسطة سالم الفريدي (المشاركة 488092) صح لسانك .. .. أسجل اعجابي بالقصيدة .. ويعطيك العافيه ..

المشاركة الأصلية كتبت بواسطة الحب الباقي (المشاركة 488656) صح لسانك مليون على القصيده والله يـعـطـيـك الـعـافيـــــــــــة بيض الله وجهك

المشاركة الأصلية كتبت بواسطة بن فرهود الحربي (المشاركة 490152) صح الله لسانك ولاهنت وسلم فكرك وبنانك دمت برعاية الله وحفظة

المشاركة الأصلية كتبت بواسطة عبيدالله الحربي (المشاركة 490610) علم من اعلام الشعر , دام تواصلك الطيب 0 ومرحبا بك دائما 0وصح لسانك

المشاركة الأصلية كتبت بواسطة ابو صقر الحربي (المشاركة 490619) صح لسانك وبيض الله وجهك

المشاركة الأصلية كتبت بواسطة مضحي بن جمران (المشاركة 490638) صح لسانك وعلاء شانك

المشاركة الأصلية كتبت بواسطة سعدالفريدي (المشاركة 496467) صح لسانكـ وبيض الله وجهكـ قصيده جزله من جزل تقبل مروري