|
تلقا لعثرات القدم من يداوون= وعثرة لسان المرء تجرح متونه
السلام عليكم ورحمت الله وبركاته
لقد قمت بتكرار القصيده لوجود خطا في القصيده الا ولى ارجو منكم الغاء السابقه وقول هذه بدالها ولكم جزيل الشكر
الشعر له قيمة ومعنى ومضمون = بيت(ن) معزز والعرب يقصدونه الشعر مدح ونصح باللطف مقنون = ونهي(ن) عن الباطل ومن يفعلونه الشعر عند اهل المروات مقرون = بالطيب من مبداه لاقصى غصونه الشعر بحر(ن) صافي الطعم واللون= حالي كما ذوب العسل في صحونه الشعر زبدة مخ صافي ومامون = واللي يقدر قيمته مايخونه در(ن) وجوهر بالموازين موزون= اهل الشجاعة بالذ هب يشترونه الشعر عند اجدادنا كان مسنون = شيمة عرب من قبلنا يبدعونه مكانته عليا مع اللي يعرفون= نقش(ن) على صم الحجر ينقشونه الشعر يبدي ما بداخلك مدفون= يرفع مقام المرء واللا يهونه الشعر يصل القلب بالرفق والهون= يدخل قلوب الناس ويقدرونه باضرب مثل فالشعر للعال والدون= ولا اقول انا شاعر يرى الناس دونه شاعر ولي فالشعر خبرة وقانون = وليابنيت البيت اعزز ركونه كم واحد(ن) فالناس مبلي ومحزون = ولياتغنى الشعر يبري حزونه كم واحد(ن) طول الدهر عاش مديون= ساق القوافي وانقضت له ديونه كم واحد(ن) فالناس عاشق ومفتون = صاغ القصيدة في مضنة عيونه زين معانيها على ساس متقون = تعبير صادق ماتغير ظنونه بين وداد(ن) داخل القلب مكنون= لهل الحسب واهل الحسب يقبلونه ماقال انا حبيت من كان مزيون= وراح يتغزل في حلاه وزيونه مابين اوصافه يبا العرض مصيون = من صان عرض الناس ربي يصونه كان الهدف قربه لناس يعزون= اليا قربهم واحد(ن) يرفعونه باحلى قصيدة جوه اهلها يقولون= ابشر بمطلوبك ومنا المعونه نال الطلب والناس جوله يهنون= لاساق جاه ولا تعنت ضعونه هذا المباح اللي له الناس يسعون = من طاب عرقه سرع طالت فنونه اما الذي في كل وادي يهيمون= واشعارهم فيها الردى والعفونة بالقذف والتجريح للناس يرمون= ماهمهم مظلوم لو يظلمونه نثر(ن) مجمع جوفه الفسق مبطون= عزاه للي علته في لحونه من ولفه يبقا فحسرات واغبون = دايم وتلقا اهل الردى فالمهونة درب(ن) به الانذال والكفر يمشون=اهل الشرف من طبعهم يكرهونه تلقا لعثرات القدم من يداوون= وعثرة لسان المرء تجرح متونه وانا هرجت الصدق وابليس ملعون= شيخ(ن) وبيبان العرب يعرفونه ابوي سلم لي على الطيب عربون = ونا بمد الطيب للي يبونه صلوا على سيد البشر سيد الكون = والال واصحا به ومن يتبعونه |
صح لسانك مليون على القصيده والله يـعـطـيـك الـعـافيـــــــــــة بيض الله وجهك |
صح بدنك يالغالي
الرجاء حذفها لتكرارها كما ارجو المعذره من حيث ان هذا خطا من الكاتب في الكمبيوتر |
شاعرنا الجزل والمبدع حسين بن مريع العبيدي
صح لسانك مدد بلا عدد لاهنت على هذه المعلقه الرائعه اللي حوت بين طياتها جزيل الحكم وسمو الخلق وسلامة المنطق اسجل اعجابي اللامحدود بهذه الدره الثمينه واكرر واقول صح لسانك ياحسين بن مريع وطال عمرك وكثر الله من امثالك والله يحفظك ويرعاك |
صح لسااانك مليوووووون
وبيض الله وجهك يالذيب شاعر ولي فالشعر خبـرة وقانـون=وليابنيـت البيـت اعـزز ركونـه الشهاده لله مميز بكل حالااتك وانا رديت على الموضوع الاول بس ماظن ان ردي كان وافي لك خالـــ الود والتقدير ــــص العبيدي .!! |
اخي الفاضل مضحي بن جمران حياك الله يالغالي
لاتوجد جزالة الا وانت سببها فمرورك المعطر وسمو ورفعة الفاضك تكون وراا جمال من تمرون عليه اشكرك جزيل الشكر وتقبل فائق الاحترام |
صح لسانك وبيض الله وجهك
|
الاخ ابو صقر الحربي شكرا على المرور ووجهك ابيض ولك تحياتي
|
العبيدي شكرا لك على المرور ولك تحياتي
|
حسين بيض الله وجهك وصح لسانك
|
خالد وجهك ابيض وما عليك زود وصح بدنك
|
ابوي سلم لي على الطيب عربـون=ونـا بمـد الطيـب للـي يبـونـه اهم شي هذا البيت موجود ياحسين القصيدة كلها جزلة من شاعر جزل لكن هالبيت عند بخيتان البشري معلقة معلقة معلقة |
الاخ الفاضل بخيتان البشري
شرفني مرورك حفظك الله وهو الذى جعل القصيدة رائعة اشكرك اخوي جزيل الشكر واليك هذا البيت بدون رد
اللي ريا فالطيب يرتاح للطيب = وان مرله ناس(ن) غشاهم بطيبه
|
العبيدي حياك الله عرفني برسالة عن الاسم مع الشكر
|
اقتباس:
اللهم اصلي واسلم على رسول الله ماذا اقول عن هذه الشامخه بيض الله وجهك ملايييييين وصح الله لسانك بلاييييين لله درك اخي الشاعر حسين مريع العبيدي ابدااااع لايجيده غير الكبار تقبل اجمل التحايا ودمت ودام ابداعك |
الاخ الفضل ابن خيرالله
شكرا جزيلا على المرور الذى هو اساس جمل كل قصيدة تمرون عليها انتم اهل الشعر وانتم من ينقد الشعر وانتم اهل الابداع حفظك الله لك تحياتي واحترامي |
اخوي خالد ابشر وهاهي اامامك صح ب=نك وطال عمرك
|
الله الله
الشاعر والشيخ والاخ العزيز حسين بن مريع العبيدي سلمه الله قصيدة بل ملحمه حوت كل جزيل وبالفعل الشعر كما قلت مليون مليون صح السانك واعتلا شانك ولاعدمناك يابو ماجد تحيتي وتقديري |
اقتباس:
نورت وشرفت بمرورك المميز واهني نفسي بهذه الشهادة لانها من فارس الشعر وناقده المثقف اشكرك جزيل الشكر مع التحية والتقدير |
احى حسين احسنت وبيض الله وجهك معلقه دام عزك شيخ وشاعرلكن الشبل من ذاك الاسد تقبل مرورى واعجابى
|
بسم الله الرحمن الرحيم صح لسانك الشاعر حسين ابن مريع العبيدي بارك الله فيك قصيدة لما اقراها ينشرح صدري لانني قريت شعر وابتسم واقول سلم لسان من قالها مثل قصيدتك هذه شيخنا العزيز وجميع ماقريت من قصائدك حقيقة تبيض وجهك وحقاً قصدة واجدت ولابه قصور ببقيت الشعراء واقول لجميع شاعر انت لما تطرح قصيدة جزلة انت كاسب فينا معروف لإنك تحرك القريحة لدي الشاعر والقصائد تختلف من شاعر لشاعر آخر قصيدة اقراها ولاستطيع اكملها قصيدة اقراها واعيدها عدة مرات قصيدة تجعلك تبحث عن شاعرها قصيدة تجعلك لاتتابع مايكتب شاعرها قصيدتك هذه من النوع الذي اقراها واعيدها عدت مرات شكرا ً لك اسمح لي على الاطالة |
اقتباس:
ولا عليكم زود احييك واحيي اللابة الي انت منها مريت وشرفت يالغالي تقبل التحية والاحترام |
اقتباس:
اخوي الغالي فايز بن موسى البشري صح بدنك ووجهك ابيض ماذا اقول لك بعد كل ماقلته يعجز لساني ان ياتي بالرد الكافي لمروركم المشرف المميز الذي عرفنا من خلاله مدى تذوقكم للشعر ونقدكم له عزيزي شرفتني بالمرور ومنحتني شهادة هي وسام شرف لي حياك الله وحيالله بشر كلهم تقبل الود والتقدير والاحترام |
الشيخ والشاعر حسين العبيدي صح لسانك
مليون ولا يسدون جزله من راس جزل والجزله نصيبك دوم تحيتي وتقديري . |
الشيخ
حسين مريع العبيدي صح لسانك وعتلا شانك قصيده جزله من شاعر كبير لله درك من شاعر له حظوره المميز |
اقتباس:
ملايين صح بدنك وسلم راسك الجزالة في مرورك المشرف يالغالي تقبل ودي وتقديري |
اقتباس:
ملايين صح بدنك وسلم راسك الجزالة في مرورك المشرف يالغالي تقبل ودي وتقديري |
اقتباس:
منكم تعلمنا ومنكم استفدنا والجزالة عطاءكم المستمر شرفت يابو تركي تقبل الود والتقدير |
صح الله لسانك ولاهنت وسلم فكرك وبنانك دمت برعاية الله وحفظة |
اقتباس:
صح بدنك اخوي ودمت بحفظ الله تقبل الشكر والتحية |
الساعة الآن 03:26 PM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir