|
ردةفعل طبيعيه خلوهاا
السلام عليكم ورحمة الله وبركاته
سلام تسليمة وفاء من شاعرن ماهو غريب = من حرب ولحرب انتسب من حرب ولحرب انتسب ليت الغريب اليا دخل دار العرب يبقى اديب=لا يعتمد على النسب لايعتمد على النسب |
ذيب العاقر
بيض الله وجهك وصح لسانك وننتظر الشاعر المقابل تقبل تحياتي |
ذيب العاقر
اسجل اعجابي في محاوراتك منذ بدايتك في هذا الملتقى صح لسانك و ننتظر الشاعر المقابل و سجلني بصفك ياذيب العااااااااااااااااااااااااقر |
الاخ ذيب العاقر صح لسانك واسمح لي بالرد
يامرحبا ترحيبة تنصى رفيقي من قريب= تحية مثل الذهب للي يمدون الذهب الضيف لامنه دخل له عندنا حظ ونصيب = حنا الحروب من العرب نمشي على سلم العرب |
يامرحبا ياللي تسلم ذيب ويقابلك ذيب = اقنب ليا منه قنب اقنب ليا منه قنب لا يتعبك كثر التلفت وانت رجال(ن) عطيب = حتى ولو عندك سبب حتى ولو عندك سبب |
بيض الله وجيهكم وصح الله السنتكم ماقصرتوا
لكن من المقابل من الضيوف تقبلوا تحياتي |
عسى البقا ياذيب ياللي فالشفا تطنب طنيب= مثلك يكمل فالوجب مثلك يكمل فالوجب خلك على المرقاب رجلك لاتنزلها الشعيب = الي نزل يلقى العطب الى نزل يلقى العطب |
ياسلام ياسلام اخي حسين العبيدي
بيض الله وجهك وصح لسانك تنازل رائع والأخ سالم كفو بيض الله وجهه ووجهك ووجه راعي البدع وبالتوفيق ان شاءالله تقبلوا تحياتي |
اخي العزيز ذيب العاقر عفوا اخي كنت اظن ان البيتين موجهة للجميع وحبيت اتسلي معك واستفيد اقسم بالله العظيم انني ماكنت اعتقد الا انك موجهها لمن ياتي حتى في الرد الثاني احسب انك انت الذي رديت علي اسمح لي اخي العزيز واعترف اني غلطان ومنك اسموحة وتقبل تحياتي واحترامي
|
هلابك يابو خالد والساعة المباركه الاخ العبيدي فعلن انا ما خصيت احد اي شاعر هلابك وبيض الله وجهك سالم شاعر ويستاهل التنازل والله يابو خالد انك غالي
دام البقابك يامرحب يالعريب ابن العريب= ياراعي التاج الذهب ياراعي التاج الذهب اشوف ناسن تجدع العربان من بطن الشعيب =ناسن تعرض للنشب ناسن تعرض للنشب |
اشكرجميع من شرفني بالمرور
|
واصلوا واصلوا الصفوف جاااااااااااااااااااااهزهـ
|
حميدان العوفي لاهنت وحياك الله
وانا وسالم مابينا فرق |
النقص عنك بعيد يامال الوفاء ماهو قريب = ياذيب يزهاك اللقب ياذيب يازهاك اللقب كل(ن) وله وجهة نظر هذا خطا هذا مصيب = وان شفت لك شيء احتسب وان شفت لك شيء احتسب |
لاهنت ياسالم ولا عليك زود والله ان اللعب معك شرف لي وزياده في تجربتي
يامحزمي في الساعه القشرا وباليوم الصعيب=النار زادوها حطب النار زادوها حطب والله يلولاي احسب حساب النشما والرقيب=لشبها فبو لهب لشبها فبو لهب |
الله الله على الأبداع
بيض الله وجيهكم تقبلوا تحياتي |
ابن خير الله
لاهنت وعادتك راعي وفاء |
اللي يدور للمشاكل ماله إلا شق جيب = يصير في وسط اللهب يصير في وسط اللهب حنا لنا عبره بجساس المسمى مع كليب= الكل منهم ما كسب الكل منهم ماكسب |
نشكر الجميع على المرور
ويالربع ترى النت عندي ثقيل الليله اعذروني على التاخير |
لوكل خلق الله لها عقلن يميز ياللبيب=ماشفت بالدنيا شغب ماشفت بالدنيا شغب وكليب يومنه طغى تحت الفرس حول صويب =عساه يفهم منكتب عساه يفهم منكتب ابوخالد الضاهر اني اسهرتك انا بالنسبه لى ماعندي شي بكر وعلى راحتك الضاهر ا ن عندك قومه بدري بكره |
الريب ما يدخل وانا صاحبك غير المستريب = وانته من كبار العرب وانته من كبار العرب حقوقنا ضاعت وحنا اللي ليا غرنا نجيب = قواد جيش بلا رتب قواد جيش بلا رتب |
العله اليا استصعبة عندي لها طب وطبيب=عندي لها حدن حدب عندي لها حدن حدب وان عودت لحقوقنا من دونها لحاهم تشيب=لوجاتهم حكةجرب لوجاتهم حكةجرب |
انا ادري انك ماعليك خلاف لطام الحريب = لكن مبغاها تقب لكن مبغاها تقب والله لو مالي بهم ياعزوتي ناس وصحيب = لا اقولك عند الطلب لا اقولك عند الطلب |
بيض الله وجهك تشرفت باللعب معك
واعذرني والله اني سهران وراي دوام وتصبح على الف خير |
كفو كفو كفو ياسالم
والشرف لي وعساني تجملت معك وتصبح على الف خير |
صحة السنتكم محاوره شعراااااااء كبااااااااااااااااار
|
نشكرك على مرورك الغالي ياشاعرنا قراح
|
صحت السنكم شعرا كبار
تستوجب المتابعه |
الاخ قراح الحربي
لاهنت وحياك الله |
ابوطلال
نتشرف بمتابعتك لنا لاهنت |
صحت السنتكم
|
خالد اللهيبي
لاهنت وحياك الله |
صحت السنتكم
|
لاهنت يالشاره
|
صح لسانك وعلاشانك
|
ذيب العاقر
سالم العرم صحت السنتكم |
لاهنت ياتركي وبيض الله وجهك
تواجدك شرف طال عمرك |
صح لسانك ياشاعرنا الجزل ذيب العاقر
وصح لسانك ياشاعرنا الجزل سالم العرم محاوره جزله وطاروق كايف بيض الله وجيهكم |
الساعة الآن 01:07 AM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir