سلام ياعقب الرجال القرومي =يابن ادهيم اللي لك المدح ينصاع
يامحمد الصالح فدوك الرخومي =ياراعي الفزعات ياراهي الباع
ياطيب المبدا عزوم جزومي = ونجم من انجوم الوفا يلمع الماع
ياقل مثلك من ارجال العزومي = اليوم بدنيا اراعون الاوضاع
يقفون مايلزم عليهم لزومي =لاشافو المحتاج نادوه فزاع
نادوه من قلب عطوف رحومي =يبون من رب البرى رد الاصناع
اللي يطيح اعاضدونه يقومي = كم طايح بجهودهم شاف الاسناع
ماهو ريا حتى تشيع العلومي = معروفهم لله ماهو للاطماع
دنيا بلياهم مرار وشومي = خضرا تموج امروجها كنها قاع
وقت لك الله مايجي بمخدومي = عطني وخذ مني على المد والصاع
ولاطريحه بالقسا مايقومي = سمي زمان المصلحه والتنفاع
ولا انت ياعليان منت امحرومي = شرواك يبن ادهيم للخير زراع
ندعيلكم يامسندي كل يومي =يالله ياللي من توليت ماضاع
تحفض لنا اللي يحفضون السلومي =اهل الوفا والطيب نزهين الاطباع