سلام مدري مرحبا واختار فيها ياطويق=الحمدلله كلبوها يازميلي ممكنه
ياطويق مدري يليق فيك الاسم ولامايليق=اللي نعرف طويق سطحه مايخالف لبطنه

يامرحبابك والبقاء ماهي غريبه يالرفيق=ما فيه سهم داخل الاسواق ما اعرف ثمنه
لو مايليق الاسم في اكل هذاك الحريق=لكن فيه لو تكثر الاقوال بالك طمنه

اتضيق ولاماتضيق ان ضقت ياعلك تضيق=ماتنحسب ياغير شرهت واحد صافى ذهنه
اطويق مايمكن عن العالم يبا يدرق دريق=ولا انت من خلف الذرا دايم تصيبك شيطنه

افهم كلامٍ قايله وانكان ما ادل الطريق=مثلك ليا شفناه تايه بالدروب انفطنه
ياكثر هرجك يافهد لون هرجك مايعيق=ولا خير في رجل ٍ كلامه ينطقه ما ثمنه

لابالله الا ماغواني العلم يالوجه الطليق=اعرف اهال الميسره واعرف اهل الميمنه
الحق مايزعل سنافين على الطاله عشيق=ونته ليا جاك الكلام العدل لاتزعل منه

كل ٍ بها الدنيا يقول انه على القمه يويق=والخافي اعظم من جميع الي به الله بينه
لابالله انك يافهد ما جيت بالعلم الوثيق=يلعبك الشيطان والشيطان ربك لاعنه

[table1="width:95%;"]

بس المعادن ماتغش اهل المعرفه بالبريق=وكل ليا من احتما الماقف يبين معدنه
صلف الحقايق جايره وانت ادمين ماتطيق=والمشكله والمشكله من علتن بك مزمنه