|
تعال يالصييفي لاهنت
اخوي الصييفي لوسمحتلي بها لطاروق
من هجوسن مثل نقد الفلوس = جيت اسلم عليكم وابتدي قامت الملعبه والروس روس =وانت اعرفك فطين ولا تغدي |
صح لسانك
يالله يالصييفي |
اقتباس:
أولا: أقول للملتقى و أهله الحمد لله على السلامة بعد هذا العارض البغيض، ثا نيا: مرحبا بك يا ذيب العاقر و الساعه المباركه و عسى الله يجملنا معك، استلم لا هنت:
مرحبا بك و سهلا من هجوس= كل ما قلت وينك؟ جا يعدي الملاعب بها ربع(ن) جلوس= والمين(ن) لمثلك، يا بعدي |
اقتباس:
حياك يالشاره مرحبا بحضورك |
ياهلابك يالصييفي الدعوه وناسه وانا اخوووك استلم لاهنت
ماخبرنا محفرت الرسوس = تنطح السيل لاجاها يحدي ملعبتنا مثل حرب البسوس = واول الدرب يبغاله فدي |
اقتباس:
مرحبا بك و ترى الدعوى مزوح و تروح استلم لا هنت:
انتبه لا تجيك الريح كوس= ثم تنسى الثريا و الجدي ما علينا من اليوم العبوس= و كلّ عاده تغيَّر يا وْلِدي |
صح لسانك يالصييفي استلم طال عمرك
ماحسبنا لقرقعة الضروس =يلعن الحيل والعزم الردي فوق راسك يدورن التروس= ذوقها ياعميلي من يدي اخي الشاعر الصييفي ياليت نحدد الوقت من شان تكون الملعبه حاضر بحاضر تقبل تحياتي |
اقتباس:
صح بدنك استلم لا هنت:
ما هنا سهم صايب دون قوس= احتسب جاك يوم(ن) اسودي ذيك داستك يا رجّال دوس= في صميمك و لا هي بالبدي الليلة من بعد المغرب ما عندي مشكلة (تتخللها صلاة العشاء، طبعا) |
ذيـك داستـك يـا رجّــال دوس=في صميمك و لا هـي بالبـدي
حستها ياقليل العرف حوس = وادري انك عليمي مبتدي لنت مضحي عشيق العيطموس= ولنت سالم ابو كفن ندي مع احترامي وتقديري لكافة الشعراء |
الله الله الله الله
صحت السنتكم ابداع في ابداع واذا حضر الابداع علينا الاستماع والاستمتاع واصلو واسمح لي ياذيب العاقر ما اقدر اجي بصفك لان الصييفي ماهو من الربع اللي انت خابر نبا نزحزحهم عن مناصبهم والرجال الظاهر انه مع فريقنا .. |
اقتباس:
كان ما تفهم اللي وسط قوس= دوِّر اكبر وساده و ارقدي و النعم في خفيفين النفوس= البلا بك يبو مِّخ(ن) صَدي |
اقتباس:
حياك يا سالم العرم شكرا لك على حضورك هل معنى هذا أنك بصفِّي؟ ههههههههه تحيتي لك |
حياك الله ياسالم وجودك مكسب لنا
وراع الاوله مايلحق واليوم اسهود ومهود ابشرك |
استلم لاهنت
فاتك الدرس من راع الدروس = ياعيون الجماهير اشهدي عندنا للمنافق حد موس = اهجدي ياخفافيش اهجدي |
اقتباس:
هههههههه الله يبعد عنا النفاق تفضل:
كل مسمار في راسك يلوس= أبك انا أعطي الدروس بمعهدي خل موسك تحلِّق فيه روس= يبو وجهين و العلم الردي |
قام راسك من الطرقه يهوس = تاكل السور والمعنى جدي بعد شفناك ترثع بالغروس = شامت النفس عن طول جهدي |
صح لسانك ياشاعرنا الجزل والمبدع ذيب العاقر لاهنت لاهنت لاهنت وصح لسان شاعرنا الجزل ودكتورنا العزيز الصييفي لاهنتم طاروق كايف وخفيف الدم رائع وممتع وجزل من الطرفيين سلمتم ودمتم ولله ان فريق الذيابه هذا خطير واللي يطب واديهم يرمي خطره والذيابه ذيابه في كل زمان لكم مني جزيل الشكر وتقبلو ارق تحيه والله يحفظكم جميعاً |
[quote=ذيب العاقر;456973]
قام راسك من الطرقه يهوس = تاكل السور والمعنى جدي بعد شفناك ترثع بالغروس = شامت النفس عن طول جهدي
كان ما فيك جهد(ن) للطعوس= و انت في حسبتك ما لك لِدِي ليش في رحلتك تبغا النكوس= وين راح البساط الاحمدي؟ |
اقتباس:
مرحبا بك يا مضحي بن جمران شرفتنا بحضورك و رايتك بيضا يالغالي |
اخوي الصييفي
لتوضيح فقط على ما اضن الجدي تعني النجم انت تقول الثريا والجدي اما جدي عندي تعني المعني توه نشيط بكسر الجيم اما بخصوص الانحدار اعتقد فيه شعار غيرنا واحسن منا يقيمون الملعبه وثق تمام الثقه انها مجرد ملعبه من اللسان واحترامنا لبعض بدون شك متبادل باذن الله انت شااااااعر ومجرب الملاعب |
اخي الفاضل والشاعر المبدع والجزل بدون مجامله اوتملق
مضحي بن جمران يشهد الله شهاده منك وسام على صدري ولا شجعني على دخول المحاوره الا وجود مثلك وشرواك وسجلني من ضمن المعجبين والمشجعين للشاعر مضحي بن جمران ومرورك شرف لنا طال عمرك |
اقتباس:
مرحبا بك ((اشوفك يا ذيب العاقر مسحت الكلام اللي تحت ردي وحسته، أمر غريب!!)) أول مرة أسمع ان (جِدي) بكسر الجيم تعني نشاط المعنى أنا سامع (جِدِّي) بكسر الجيم و كسر الدال مع تشديدها و هذي ما أظنها تعني نشاط المعنى وإنما تعني جدِّية المعنى و عدم هزله (و تكسر البيت) و على قولك الملتقى مليان بالشعار الأكفاء و المحايدين و تقييمهم على العين و الراس. أعود و أكرر كما تقول و أقول أيضا الدعوى تواصل وسعة صدر. تحيتي لك و للحاضرين اخوي العزيز الشاعر الجزل الصييفي الكلام انا اللي مسحته ماهوذيب العاقر وكل الكلام اللي خارج عن المحاوره راح يمسح وبعد ماتنتهون من المناقشه ولاتبقى الا المحاوره والردود من المشاركيين في نهاية الامر والمحاوره جزله من الطرفيين الا انها في البيوت الاخيره اخذت منحنى لك عليه ولكن هذه المحاوره مثل لعب الكوره ماتخلاء من الفاولات والتسلل والعرقبه والمخاشنه الروح الرياضيه مطلوبه والله انكم شعار جزليين والزلل ماحد معصوم منه الا الرسول صلى الله عليه وسلم وهذه المحاوره مافيها خطا يسوى الذكر بل جزله ورائعه وخفيفة دم هي وشعارها لاعدمناهم |
صحت السنتكم
ابداع في ابداع |
صح السنتكم شعار متمكنين مافيه كلام
وبالنسبه للتقييم المحاوره من وجهة نظري انها متماسكه ومن اجمل ما قرئت هذا الأسبوع من جد استمتعت بهذه المحاوره وفقكم الله وبارك لكم وبجهودكم الصييفي شاعر معروف بالمنتداء شهادتي به مجروحه ذيب العاقر شاعر ليس بجديد على الملعبه جزل وانا فخور به وبما قدم اتمنى له التوفيق واتمنى منه المواصله |
ذيب العقار
والصييفي محاورة رائعة وجميلة شكرا لكم |
صحت السنتكم
والمحاورة ما فيها كلام وبالنسبه للاختلاف شي وارد في المحاورة والاختلاف لايفسد للود قضية والتوضيح في المعنى مطلوب حتى لا تحدث الاختلافات وانشدو الزلامي والهاجري والله يرحم الرياحي قولوا امين |
اقتباس:
حياك يبن جمران وسبب قولي بأن ذيب العاقر هو اللي مسحها هو وجود اسمه في المشاركة رقم 19 اللي مسح الكلام نها. على أي حال ما حصل الا الزين و شكرا لك و لذيب العاقر ولكل من علق على الموضوع و أنا أعتبر الأمر منتهي شكرا لكم جميعا |
الساعة الآن 10:53 PM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir