|
يا جماعه وين بن جمران
الشاعر الجزل مضحي بن جمران مساك الله بالخير ودي اتعلم منك اسمحلي بها الطاروق لاهنت
سلام الله سلامن يوم اقوله يرضي الزعلان =من هجوسن الياهبت على فكري يغنيها
يعم الجمع لكن ياجماعه وين بن جمران =زعيم القوم لاصعبة على غيره يسريها |
ياسلام ياسلام ياسلام عليك
صح لسانك وعلا شانك لاهنت |
زعيم القوم لاصعبة على غيـره يسريهـا
الله الله صح لسانك وبنتظار الشاعر المبدع ابن جمران |
الأخ ابو فهد
والاخ الشاعر ورقان صحت ابدانكم وتشجيعكم لي شرف وانا والله توي هاوي وابن جمران شاعر يستفيد منه المبتدي من غير قصور بالباقين وابيه يعذرني عن القصور |
صح لسانك وعلا شانك لا والله ما شاء الله انت اللي يستفاد منك
واصلو متابعين |
الله لايهينك ياسالم العرم
شهاده اعتز فيها لاكن خلك قريبي انا والله حذفت روحي الله يخارجني |
ابشر بعزك والله ما يصلونك بشر حتى لو كانو المسؤلين واعتبرني بصفك لو ان عندي محاورة في موقع اخر لكن ما عليك ارسل البيت واجيك مسرع الله يكافينا شر الطريق كان ما تصدمت مع احد من الربع اللي ما يباعدونني
العب العب العب سلام الله سلامن يوم اقوله يرضي الزعلان = من هجوسن الياهبت على فكـري يغنيهـا يعم الجمع لكن ياجماعه وين بن جمـران = زعيم القوم لاصعبة على غيـره يسريهـا |
صح لسانك وعلاء شانك ياشاعرنا المبدع ذيب العاقر لاهنت لاهنت سلمت واستلم يالغانم
الا يامرحبا حياك ثم حياك ياسرحان=تقرب واحترص من خوةٍ مانته بغاويها
ولايذيب حنا مانوينا نخبر السكان=ذيابة وقتنا التالي قليل اللي يخاويها |
الله الله
جميل جداً صح السنتكم بدايه طيبه واصلوا وحنا متابعين معاكم لاهنتم |
الله الله الله الله
صح لسانك
الا يامرحبا حياك ثم حياك ياسرحـان = تقرب واحترص من خوةٍ مانته بغاويها ولايا ذيب حنا مانوينا نخبـر السكـان = ذيابة وقتنا التالي قليل اللي يخاويهـا |
يامضحي مايخاوي الذيب غير الذيب والشجعان =ذيابة وقتنا التالي تخوفكم بطاريها
الاياصاحبي والناس ذا طامع وذا شرهان= على بنت العرب واللي يبيها نوب يخطيها |
لاهنت ياسالم العرم
والحضور جميع |
صح الله السنتكم ياشعار
محاورة رائعه وشعار مبدعين متابعين |
توكلنا على الله ياخويي وانخزا الشيطان=خويي خوته يالله تستر من تواليها
على هداج دام الورد ماحد راجعٍ عطشان=واظن الغشمريه ماتود إلا مهاويها |
يامضحي مايخاوي الذيب غير الذيب والشجعان= ذيــابــة وقـتـنــا الـتـالــي تـخـوفـكــم بـطـاريـهــا الاياصاحـبـي والـنـاس ذا طـامــع وذا شـرهــان = علـى بنـت العـرب واللـي يبيـهـا نــوب يخطيـهـا |
صحت ابدان الجميع لاهنتم على المرور النير والتواجد الجزل بيض الله وجيهكم جميعا ولانخلاء ولا نعدم وجودكم سلمتم ودمتم |
اقتباس:
الله الله عليك يابو خالد ((سالم العرم ))انت وذيابة وقتنا التالي ياخوي السلامه منكم مكسب |
ذيب العاقر & مضحي بن جمران
صح لسانكم واصلوووووووووووووووا لكم متااااابعين :0736: :0736: :0736: :0736: :0736: :0736: :0736: |
توكلنا على الله والله انه مايجي نقصان =وانا اشوفك على قد الهقاوي وانت راعيها
وانا بنشدك عن ذكر الحيا في ديرت البدوان= عسى اللي مرها ياصاحبي يذكر نواميها |
اقتباس:
ياسلام سلم صحت االسنتكم وا بصف ابا حمددددددددددددددددددددددددد يبوك ا يه يبوك ايه |
اشكر الجميع على التشجيع
وحضوركم شرف لنا |
الله الله الله الله
انا موصيه عليك يابن جمران الليله مسرى والجو بارد تكفون يالربع لا اوصيكم ترى ذيب العاقر يمثلنا وبن جمران يمثل المسؤلين ما تشفون مراقبنا الغالي فازع وماسك الصف والحين يبا يجي المدير ويفزع بعد معهم خلونا نسوي انقلاب وترى اللي نشوف له فزعه واضحه نبا نوليه من هالمناصب اللي ما حصلها اللي درس علم الفلك كله
توكلنـا علـى الله والله انــه مايـجـي نقـصـان =وانا اشوفك على قد الهقاوي وانـت راعيهـا وانا بنشدك عن ذكر الحيا في ديرت البدوان= عسـى اللـي مرهـا ياصاحبـي يذكـر نواميـهـا |
يابوووووو خالد عسانا نتخلص بس
|
سالم والله انت حماسي
لكن الصف كله مع مضحي ولايهون الذيب :0736: :0736: :0736: :0736: :0736: :0736 : :076: :076: :076: :076: :076: :076: :076 : :0736: :0736: :0736: :0736: :0736: :0736: |
طيب طيب ياورقان والله اني كنت ابحطك محل بن جمران وبا اسوي اعلان للتتويج لكن هالحين خل ابن جمران ينفعك الرجال تقدر تقول عليه استسلم لكن ماشاء الله اثر عندك ولاء زايد اكيد يوم كنت طالب تجيب درجة الوطنيه كامله
|
لعله مايهون اللي يبين بساحة الميدان=وانا اعرف الحرار الشقر من واضح مواريها
انا لو قلت لك ان المطر من فوقها هتان=تصدق شوف عينك دارجه في وسط واديها |
اقتباس:
اصلا محل مضحي مايليق الا عليه والحين يجيك مضحي لا تستعجل يغرف من بحر ماشاء الله عليه ما يستسلم |
اخوي العزيز ذيب العاقر استاذنك لمدة ساعه وهات ابياتك وانا ان شاء الله ارجع وإلا نكمل في مابعد والله يحفظك
|
لعله مايهون اللي يبين بساحة الميدان=وانا اعرف الحرار الشقر من واضح مواريها
انا لو قلت لك ان المطر من فوقها هتان=تصدق شوف عينك دارجه في وسط واديها :0736: :0736: :0736: :0736: :0736: |
اخي الشاعر الجزل مضحي بن جمران
يشهد الله اني تشرفة باللعب مع شاعر بحجمك وكان ودي استمر معك لكن لضروف عملى لاكن خيرها بغيرها لك الشكر والتقدير وعسانا تجملنا يابو جمران كما اشكر جميع من شرفنا بالتوجد وعلى راسهم الشاعر سالم العرم ماخلا ولاعدم يابو خالد |
الله الله الله الله
هاذي صفوف ذيب العاقر :eek: :eek: :eek: :eek: :eek: :eek: :eek: :eek: :eek: :eek: :eek: :eek: :eek: :eek: :eek: :eek: :eek: :eek: : وهاذي نهاية بن جمران وصفوفه :rolleyes: :rolleyes: :rolleyes: :rolleyes: :rolleyes: :rolleyes: :rolleyes: :rolleyes: :rolleyes: :rolleyes: |
اقتباس:
لاهنت لاهنت لاهنت ياشاعرنا المبدع والجزل ذيب العاقر وصح لسانك وانا المستفيد الاول والاكثر طال عمرك لاهنت على هذا الطاروق والله اني لعبة معك وانا مشغول لكن حيا وتقدير لشخصك الغالي لعبة معك لكن المعذره منك يالسنافي عن القصور وعن اي زلل ومية حبه على خشمك الاشم ولنا لقاء ان شاء الله اطيب واجزل والله يحفظك ويحفظ جميع من شرفونا بالمرور والمشاركه باي تعليق وهو بمثابة البهرات اللي تضبط وتحلي هذه المحاورات وتجعل لها نكهه خاصه وتحيتي مع صادق ودي وتقديري واحترامي للجميع بدون استثناء |
اقتباس:
عساء يشلعك ذيب العاقر اللي يرهب الطليان=ولاهو يرحم الطليان لاجود علابيها
|
ياسلااااااااااااااااااااام
محاوره رااااائعه تأخرت عن الحضور لكن الخير والبركه في ممثلينا بارك الله فيكم ابداااع راااائع وشاعرين راااائعين بيض الله وجيهكم وصح الله السنتكم وشكراً لكم وشكراً لحضور الشعار اللي ماسكين الصفووووف سالم العرم وورقان ابدعتم في احياء الملعبه بارك الله فيكم وللجميع اجمل التحايا ودمتم ودام حضوركم |
عساء يشلعك ذيب العاقر اللي يرهب الطليان =ولاهـو يرحـم الطليـان لاجـود علابيهـا
صح لسانك يابعدي وذيب العاقر ارهب الرجال من العرب والمسلمين كيف عاد لو يروح للغرب ( الطليان) !!!!!!!!!!!!!!! والمنصب اللي انت فيه اخذينه اخذينه بس انا ماخطط عليه لان الشعار هلالي وانا ما احب الهلال بس ذيب العاقر الظاهر انه هلالي وانا حقيقه عيني على المدير العام هههههههههههههههههههههههه اشكركم جميعآ ابدعتم ونستونا والشك زايل بس والله غير مزوح ونبا الملعبه تزين اكثر وما جينا غير انتسلا وخوي ذيب العاقر والله ما اعرفه غير في هذا الاسم والموقع فقط لكن شكلنا نبا نسوي حلف هنا . سلام |
صحت السنتكم
:0736: :0736: :0736: :0736: : |
اقتباس:
لاهنت يابو خالد والغشمره والعجاريف هي ملح وبهرات لهذه المحاورات والملتقايات الادبيه لاشك والشك زايل بيننا والاحترام والتقدير متبادل وكل واحد يومن على الاخر وتتجرى القلوب البيضا فما بينها اما المنصب يابو خالد والله انا مستميت دفاعاً عنه واذا راح مني بالقوه اقول مايدوم الا الحي القيوم وحيل الله اقوا اما المدير العام يدك والحار وهذا خطٍ حمر لانسمح لااحد بتجاوزه وبعدين حنا ماحنا في موريتانيا كل يوم انغلاب وليا فكنا الله من الهكر مدري الهكره ماعلينا خلاف الله يغربلهم عينت وسامي عندهم حسبي الله عليهم وياليت التهديد بس منك يابوخالد انت نقدر نتفاهم معك لكن المشكه هالهكر الله لايكثرهم اما تحالفك مع ذيب العاقر هذا ناجح ميه بالميه وعلينا منه خوف شديد والله يستر على الجميع وتقبل مني ارق تحيه ودمت بحفظ الله ورعايته |
اقتباس:
حياك الله وابقاك يابو سامي ولاتغيب الا عن الشر الابداع والجزاله تحضر بحضورك والابداع مع هذا التواجد الجزل وهذا المرور النير لاهنت على هذا الاطراء وجهك ابيض وصح بدنك مالنا شكر وهذا ملتقانا وهذا جزء بسيط من حقوقه علينا ولا لنا منه بما نقدم له لاكن احترص وانتبه من بعض الناس اللي اسمه يبداءبحرف السين وانا ماني قايلٍ اسمه سالم العرم لالا لاتدور غيره وهذا انسان خطير يامديرنا العام ويديرنا بحذر احذر منه بالعربي هذا قوماني |
صحت السنتكم
|
صحت ابدانكم اخوي الشاره واخوي حمد فهيد الحربي لاهنتم
|
الساعة الآن 05:18 PM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir