|
محاوره لجميع الشعراء
بسم الله الر حمن الر حيم
السلام عليكم ورحمة الله وبركاته اخو اني اعضاء ملتقى حرب الرسمي اود ان اطرح فكره جديده وارجو من الجميع التفاعل وهي كالا تي هذه بيتين من الشعر ابتديت بها وعلى من ياتي بعدي ان يبدا بالحرفين الا خيره مثلا
يهدا ضميري يوم ارد التحيـة=واقول سلم لي على ابن سعودي من ياتي بعدي ملوك مانبغى حكـم جمهوريـة=متوارثينه من عصور الجدودي يبدابحرف(د) و(ي) ولا يشترط التقيد بالطاروق والقافيه التي سبقك بها العضو السابق كما نرجو من الشاعر ان تكون ا لحرفين الا خيره من ابياته ليست صعبه حتى يمكن البدء بها اتمنى ان تعجبكم الفكره وان تنال رضاكم واتمنى تثبيت الموضوع اخوكم حسين العبيدي |
دام عزالوطن بسم السعودية=يحمونها بعد الله حكام وجنودي دارالكرم والعطا وأهل الحمية=يزين ياعبيدي لياصفوا فزوعي |
تشكر اخوي حسين مريع العبيدي على هذا
النوع من المحاورة وهو مايسمى [ بالمساجلة الشعريه ] والذي اعرفه انه بيت واحد ويختار فيه القافيه الصعبه ويكتفى بالحرف الاخير واستلم لاهنت :
ديرة عزها ربنا بالكرام = الشهادة تعلت في خفوق العلم سلموالي على اللي عينهم ماتنام = ساهرة في سبيل الله حماة الحرم |
صحت قلوب الشعار:
رملها تِبْر و الما عذب من بحرها= و اسود الزيت غيَّر حالة الساكنين عقب ما كان ضيق العيش في صِحْرها= جا تحت رملها خيرٍ لباقي السنين |
ينعم الضيف بالخيرات لازارها = والمواطن قرير العين طول السنين والبلاوي وقانا الله من شرها= ونطلب الله يرفعها عن المسلمين |
ينام جاري قرير العين دامي القصير= داره و داري سوا مابينهن تفرقه و لا غاب يرجع و هو مرتاح ما شي يصير= أراقب البيت و اللي فيه، ما احد سرقه |
قهويت جاري وضيفي من حلوق الدلال = الجار له حق والرجال ما يتركه الاخ الشاعر الصييفي حياك الله يالغاليويلقى الوفا والعلوم اللي تسر الرجال = مادام هو عارف المقدار ومدركه |
كهل الرجال الحكيم يسيِّر المنتخب= كنه يسيِّر على بساطٍ خضر معركه ليت العرب فكروا في قدسنا المغتصب= و جابوا هدفنا القديم اللِّي متى ندركه؟ حياك ربي يا حسين مريع العبيدي |
كهربتني يالصييفي يا كريم الحسب = اللي تعاني منه حنا منه نشتكي القافية واقفة ماتعطينا كلمات كثيرةاليا اجتمع شملنا باكر نحل النشب = وان بقيت التفرقة ما فاد كثر الحكي |
اقتباس:
كيد العدا شب بين المسلمين اللهب= و لا به حدٍ حل مشكلةٍ و هو مرتكي كلٍّ يبي مؤتمر بك يا زمان العجب= و كلٍّ يدوِّر زعامه في زمن "يكْ يكي" |
كيف يعقد مؤتمر ما حضرفيه الزعيم = اللي يقود العرب و يفكك انشابها بعد حضرها تولاها برأي حكيم = جمع شتات العرب والطايلة جابها |
هات خشمك يبو متعب عساه الشحم= أشهد انك حسمت الأمر للِّي مِعِكْ بعد ما بان شين اللي حكا في القمم= قلت: وين انت رايح؟ عَوِّد لمرجِعِكْ |
عكر الجو وانجوم بدت مانورت = ماانفعتنا نجوم(ن) في سماها تحوم يوم طل القمر قلنا اسفرت وانورت= بعد بان القمر مااحد(ن) نظر للنجوم |
حسن العبيدي
استمتعنا بموضوعك الجميل والامام ايها الشاعر المبجل تحياتي لك |
و ما الوم أنا ناصر ان قال لولد عمه= أمتعتنا في مواضيعك و أشعارك ليته يشوف الردود و ينطق بفمه=ويحيي اللي حضر بالمنتدى وشارك |
الاخوة الكرام السلام عليكم ورحمة الله وبع لقد غبت كم يوم بسبب انني وجدت اسمي محذوف وانا لااتذكر كلمة المرور واليوم تكرم علينا المشرف رعاه الله بارسالها لنا
|
ركز كلامك وحق الشوف ياناصر = ماانت من اهل الردى واللا هل الغفلة مني لك الشكر لوجاشي فالخاطر = منه دخل مجلس حيا جميع اهله |
لها فالقلب مسكن والمحاني دونها حراس = لها خافق ليا غابت يبيح كل مكنونه لها وصف الذهب مرة ومرة درة الألماس=لها عشق الغرام اللي يبدل عقل بجنونه |
نهيت القلب لكن ما يطيع القلب من ينهاه= مدام انه نحاوي ما حدن يمنعه عن دربه ملومه دام هو يطرد ورا اللي يحلم بلاماه= عساه يحصل المطلوب ما ترجع يده تربه |
بها عقل (ن
بها عقل (ن) رزين وتعرف الطيب من البطال = مكمل زينها والزين من زانت هناديبه 9لياصفيت معانيها تراها غاية العقاال = وزين بلا عقل ناقص ولاتصفي مشاريبه |
اقتباس:
هذا شعر ولا هرجه ولا وشو اول مره اقرا مثل هذي |
[QUOTE=خالدفهدالحربي;464536]يا مشرفين يامراقبين المنتدى
هذا شعر ولا هرجه ولا وشو اول مره اقرا مثل هذي[/QUOTE (good) :076: |
اقتباس:
حاول في لفظها وانت شاعر ماتخفى عليك الطواريق
بنقد كلامك وانت فكر وميز =شاعر وتعرف في طواريق الأشعار فقط من باب اكمال الطاروق حسب الموضوع يالغالي ولاني بغلطان(ن) ولا بمتحيز=الشعر بالألفاظ والوزن تختار اللي بعدي طبعاً بحرف ار |
أربع صفاتٍ شفتها في رفيقي= خلتني احافظ على رفقتي به مخافة الله واحترام الطريقي= و زود الكرم و الصبر عند المصيبه |
بهدي على الحضار باقه من الورد=وصندوق من تمر الحساء والمدينه لكن بشرط الوقت ان خلص البرد=والصيف شد الحيل واثمر ثمينه |
نهار ربي صار ياخذ من الليل= و الحر مقبل و الرطوبه تباريه يا ما حلا المجلاس حول المعاميل= في خايعٍ ضين العرب ما رعت فيه |
--------------------------------------------------------------------------------
[quote=خالدفهدالحربي;464536]يا مشرفين يامراقبين المنتدى هذا شعر ولا هرجه ولا وشو اول مره اقرا مثل هذي[/QUOTE اقتباس:
الحقيقه يا الربع اني ما احب اتدخل قبل يطلب مني ولكن من حبي لشعر والحرص على الظهور بشي جميل البيتين ذات العلاقه محاولة نظم كلام موزون وهذا لا يسمى شعر الكسر موجود به في بداية البيت الثاني وعدم استقامة المعنى موجوده واذا طلبى مني تبيان ذالك على استعداد |
يهدا ضميري يوم ارد التحيـة واقول سلم لي على ابن سعودي الرجل يرتاح يوم يرد السلام والتحيه وتزيد راحته بالذات للسعودي والسعوديين ملوك مانبغى حكـم جمهوريـة متوارثينه من عصور الجدودي مملكه شامخه برجالها وملوكها ونرفض رفض تام الجمهوريات لانريدها ملك متوارث منذوا زمن بعيد يعني زمن الأجداد هذا مايضهر في صورة المعنى اما بالنسبه للوزن الوزن لا اعتقد ان فيه شي وربما اخي قراح الحربي لم تقرأ الأبيات بالشكل الذي لحنها به شاعرها تأملها من ناحية المعنى والفضها بشكلها الموزونه عليه وننتظر ردك ورايك وراي الأخوان ولك اجمل التحايا ودمت بخير |
يهدى لكم مني سلام وتحية = واخص راع الوافية فالردودي الرد ياربعي مايصعب عليه = احمي حقوقي ماتعدى حدودي |
اقتباس:
ارجو ان يكون الهدف هو الوصول الى الافضل سوف اطرح رايي واعذروني على العوده حتى لا يتشعب الموضوع يهدا ضميري يوم ارد التحيـة هذا الشطر انا اعرف ان السلام سنه ورده واجب والاخ الشاعر قادم يعني هو يسلم والموجود يرد التحيه والاخ عكس الموضوع وايضا لا وجود لشي اسمه راحت الضمير حتى لو انه سلم ورد عليه احدهم هذا من ناحيت الاصل اما من ناحيت الواقع يعني الشاعر يقول ان ضميره يرتاح اذا رد التحيه يعني هو يبي يجلس ويقاله سلام عليكم وهو يرد ويرتاح هنا اين القيمه الشعريه هذا كلام عادي جدا كانه يقول انا يارديت التحيه يرتاح ضميري واقول سلم لي على ابن سعودي هنا الشاعر دخل بموضوع فجأه هو من الذي يسلمك على ابن سعودي انت با الشطر الاول تقول انك ترتاح اذا رديت التحيه هل ذكرت انك القيت التحيه على حد حتى تقول سلم لي على ابن سعودي اين سياق الشطر حتى يقبله العقل ثم ان البيت لا يمكن ان يكون نهايته بمفردت ابن سعودي سعودي يكون البيت مبتور قد تقبل المجامله عليه ولكنه ابدا لا يستقيم على لو كان المقصود سعودي اي فرد من السعوديه وليس ابن سعودي يكون اكثر انسيابيه من المفرده المستخدمه ملوك مانبغى حكـم جمهوريـة هنا كسر واضح في اول مفرده ولا يستقيم الوزن الا اذا سبقة با الالف حيث انها في هذه الحاله تنطق ملوك بتشديد الام وتفخيم الواو وهذا لا يقبله المعنى المقصود متوارثينه من عصور الجدودي هذا الشطر سليم ارجو ان يقبل وجهة النظر ولمعذره من العوده اشكركم |
ديرة تكرم ضيفها بدلالي =وديرة بأهلها ضيفها ما لقي دار مالك ومال مطولات الحبالي=اهل الكرم ماتطفي بدارهم نار |
اقتباس:
ان ما دعتلك عن لقاي العجيز=حولت ابوسامي بوادي من النار لاكن طيع الشور يابوعزيز=وابسط مع البسطات في فجل وخيار |
ماني بهندي(ن) بملكك مفيز =حتا تنقد منطقه يبو مختار ملوك مانبغى حكـم جمهوريـةانما دعتلك عن لقاي العجيز=حولت ابوسامي بوادي من النار لاكن طيع الشور يابوعزيز=وبسط مع البسطات في فجل وخيار اتحدا ان هذا الشطر مازون |
اقتباس:
الله يمسيكم بالخير كلكم اشوفكم ركزتوا على و سيمة حسين العبيدي و هي في وجهة نظري المتواضعة أسلم وزنا و قافيه من رد سعد بن نفاع الجابري مع احترامي للجميع و للشاعرين خاصة |
اقتباس:
وال عليك ماينمزح معك ههههه لكن لي محاوله بالرد
منت بهندي بس منت معيز=لكن ماودي اسميك ثرثار شاعر ولك فالشعر جزاً(ن) وحيز=وركد تماسك لاتطبح وتنهار انا لبعض الهرج اسمع وطيز=واقدر اللي يقدر الناس مقدار وتقول ملوك مانبغى حكـم جمهوريـة اتحدا ان هذا الشطر مازون بدون تحدي موزوووون وعلى معنى قوي ايييبالله حنا ملوووك مانبغا حكم جمهورية وانا وانت والشعار ومايقررونه يرضيني ويرضيك وننتظر ردودهم وتقبل تحياتي |
اقتباس:
الأحبه: لقد قرأت الأبيا على التشكيلة التاليه:
يهدا ضميري يوم اردِّ التحيـة= واقولْ سلِّمْ لي على ابنْ سْعُودي (مُلوكْ ما نبغى حِكُـمْ جمهوريـة)= متوارثينه من عصور الجدودي و حسب التشكيلة أقول الوزن ما عليه غبار. ربما يستغنى عن الضمّه فوق الميم و يضاف ألف (إمْلوك) هذه وجهة نظري و الله أعلم |
اقتباس:
الأخ الصييفي بيض الله وجهك وماقصرت يالغالي وننتظر باقي الأخوان تقبل تحياتي ودمت بخير |
سلام الله عليكم يارجال تعرف المقدار= سلام فيه حب وسنة الاسلام نمشيها وتنصاكم جميع ولا تفرق في نزول الدار = تحية وافية والطيب فأ ولها وتاليها وانا ليه طلب من عندكم ياجملة الشعار = تغضون النظر عن مشكلة كنت السبب فيها وانا ماجيتكم عندي خطا واقدم المعذار= انا صاحي لنفسي واخذ الزينات واعطيها نرانا حرب عادتنا نمد الطيب فالمسعار= رجال العرف في ايام القسا طابت مساعيها اسايلكم بجاه الله وجاه محمد المختار= نبي نقفل هذا الموضوع والزلة نعديها |
(مُلوكْ ما نبغى حِكُمْ جمهورية)
البيت من ناحية الشيلة موزون ولافيه شيء ، أما في حالة قرأته بالنطق الكلمي يحتاج ألف تسبقه ، ولكن الصح هو ماكن موجد عليه صحيح |
وانا ماجـيـتـكـم عندي خطا واقـدم المعـذار
انا صاحي لنفسي واخذ الزينات واعطيهـا تسلم يا حسين مريع العبيدي أبداً ماعندك خطاء دمت بخير |
الساعة الآن 12:00 AM |
Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir