|
لأهل القلوب الخضراء!!!
سلام الله عليكم من ضمير(ن) فاللقا سبّاق=يحب الطيب واهل الطيب دايم نارهم حيّه الا ياهل الهوى بالله شوفوا قلبي المشتاق=تراى ماضن به قلب(ن) تولّع بالهوا زيّه |
هلا وغلا أبو فيصل مريت وشفت القاف واعجبني اللحن واستلم لاهنت :
هلا يامرحبا ترحيبة من ريس العشاق= تخص الشيخ ابو فيصل وللباقي عموميه ترى درب الهوى من يتبعه يرميه في المطراق = وحافظ فوق قلبك فالهوى مافيه ماويه |
جابك الله يابوسامي وانت من الشعار اللي اتشرف باللعب معهم,,,استلم لاهنت
يدوم ابك البقا يالشاعر اللي تحفظ الميثاق=وانا ماكنت احسب إنك من رجال(ن) هواويه توصيني وانا قلبي من اللي صارله كد ضاق=يابوسامي تراني صرت بين الشمس والفيّه |
واصلوا واصلوا ياهل القلوب الخضر صحت ألسنتكم |
صحت قلوبكم يا الشعار:
ابو فـ ـيـ ـصـ ـل، و الشاكر أبو سامي بيض الله وجيهكم و الصفوف عامرة: :076: :076: :076: :076: :076: :076: :076: :0736: :0736: :0736: :0736: :0736: :0736: |
الحميدي المخلفي
الصييفي تواجدكم شرف لنا وبيض الله وجيهكم على التواجد... |
بعد جاك الكلام اللي يسلي حث ساق بساق =وأنا ماني هواوي غير ريس للشقرديه أنا اوصيك دام الشمس مطلعها من المشراق = وابا اريحك في دنياك في الروحات والجيه |
الا ياللي جحدت العلم خاف الواحد الخلاق=علامك تنقض الكلمه بعد ماقلتها ليّه مادام الرب سبحانه هو اللي قسّم الارزاق=ابا اصبر...وانت مابغا منك غير اتزيّن النيّه |
انا ماجحد كلام قلت والجحدان ماينطاق = لكن انته رميت اهداف والاهداف جويه تبا تصبر وزيد الصبر صبر وزّين الاخلاق = قبل لاوادي السرحان تخرج منه جنيّه |
نبي نزهم على المري ويكشف جرة السراق=عشان انبيّن اعلوم(ن) عن العربان مخفيه يابن عمّي ليا هبّت رياح وطاحت الاوراق=تراها عن يباس الغصن يابن العم ماريّه |
نبي نزهم على الحراس وألاّ نزهم السواق = يصكون الطريق اللي على درب الحراميه يابن عمي علامك يوم قمت تخيل البراق = عيونك في البروق اللي ورا جده شقاويه |
الا ياللي تباريني ترى لأهل العقول اذواق=ولك عرفك ولي عرفي ولا ابغا منك عانيّه يابن عمي ليامنّه لحقك امن الوقوف ارهاق=تريح واترك الميقاف لوجيه(ن) غناويّه |
اخوي العزيز ابوفيصل واخوي الغالي ابو سامي صحت السنتكم على هذا الابداع والجزاله
دون شك امتعتونا بمحاوره جزله ورائعه تستحق المتابعه من الجميع لاهنتم وانا متابع لكم من الف الي الياء سلمتم ودمتم وتقبلو مني صادق الود والتقدير |
نصبت الك الشرك وانت علامك طحت في المسباق = تريض ثم فكر زين والعمله سعوديه ليا عندك زيادة شوف وألاّ ضعف في الاحداق = تراني لك طبيب اردها ميه على ميه |
حليل النايم اللي لارقد له ساعتين وفاق=بدا يكذب على العربان باعلوم(ن) خياليّه انا قبلك عطيتك حاجة(ن) لحّفتها برواق=ابي منك النتيجة والنتيجة جات عكسيّه |
مشرفنا الغالي/الشاكر ابوسامي....
بيض الله وجهك على هذه المحاورة التي لم العب مثلها في حياتي...يعلم الله انني احسست بصعوبة الموقف .... استاذي العزيز مهما تكلمت عنك لن اوفيك حقك فشهادتي فيك مجروحة...ولكن لاأقول إلابيض الله وجهك على هذه الرديّة....وتغطية القاف عندك اتمنى ان ترد قبل عصر غدآ لأني بعدها مسافر....والمعذرة على القصور تلميذك/ابوفيصل |
حياك الله يابو فيصل تروح وترد بالسلامه
ويشرفني المراد معك وحقيقة قاف رائع بصرف النظر عن اختلاف وجهات النظر في المعنى واستلم لاهنت :
حليل التاجر اللي لادخل في زحمة الاسواق = يقلب في البضائع ماعرف هذي ولا ذيه انا ماكشف عن المستور قسم ابليس في الطقاق = تحقق في عيار الشوح يارع السويريه |
الساعة الآن 01:41 PM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir