|
ديوان الشاعر ( أحمد العامودي )
قلبي عن الود كان بجال = داله ولاله معي طاري هب النسيم العليل ومال = غصبا عنه الفت أنظاري القلب من عادته ميال = يسري كما الكوكب الساري والود يستأصله استئصال = لو ما نعانيه ونداري |
جميع من في مجا لس حرب=يسعدنـي انـي اخاويـهـم واصبح معاهم خوي فالدرب=واجمـل تحيـات نهديهـم تقدير وافي لكم عن قرب=ومصافح ايديك في ايديهم يامرحبا من شروق إلغرب=بـخـوان الله يحيـهـم |
شعبان لو راح جا غيـره=وكلا محاسب على التقصير والصوم هلـت تباشيـره=وكل عام والمسلمين بخير |
يلفارس أللي معاك حصان = كلا من الناس بحصانه أللي يصون الحصان يصان = وبين العرب يعتلي شانه ومن يكثر الطعن في الفرسان = برماح زوره وبهتانه لابد يلقى العذاب الوان = لاقابل الرب سبحانه |
عندي خبر من صغر سني = ان الملا مجلسه حساس من أجل ذلك تحصلني = ماقول كلمة بغير قياس أجامل أللي يجاملني = واقدرأللي كبير وراس وفالماقف أللي يزعلني = أقدح كما الكهربة والماس اشوفك تقول وتغني=واشوف لي شي بين اقواس خذ علمها والخبر مني=اهل العقل يكرمون الناس |
خذ من رجال اللزوم أصحاب = وخلي أساس الصداقة ود والاش لاتفقده لاغاب =بعض الرياجيل ما ينعد |
راعي المواجيب لويخطي = أعطه من الطيب مايكفيه من يعرف الدرب ما يبطي = لوغر دربه يعود فيه |
ثروتك يالعبد ما أديت = من العبادات والاء حسان وما تملكه تتركه فالبيت= نهارتحمل على الأمتان |
في الناس ظلم الزمن محسوس =ظالم وكم نفس ظالمها لكن يعلم عبر ودروس = الجا معة ماتعلمها |
سايرت وقتي وعاكسني =يمشي معي عكس خط السير لكن تجمل ودرسني =فن الحسابات والتقدير |
هل الشهر والذي قفى = بيغيب عناسنة ويعود والناس صفّا يلي صّفا = وكلا كتب يومه الموعود ومن تمم العمر وتوفى = بيظل بين الأهل مفقود ومهما العمر طال ماكفى = لكنها سنة المعبود |
قالوا لي أهل الهوى تهوى = قلت الهوا مشربي والزاد قالوا لي لك في الهوى شكوى = قلت الهوى في الحياة جهاد وعلاج للسقم والشقوى = وللحقد جوف القلوب مضاد والحب والطيب والتقوى = ماتجتمع غير فالأجواد |
من عاشر الناس يلقاهم = مابين صا دق وذا كذاب لكن الأغراب شفناهم = أحن وأصدق من الأقراب |
الوقت صعب وشديد الباس = ومن ما يقاسيه ما قاسه مايصير صلب وصليب الراس = من ما ضرب فالصخر راسه |
هذه الكسرة أرسلت لي من الأخ مسعود بن سالم المعبدي من حوالي ثلاث او أربع سنوات تقريبا:
سلام عطره زهر فواح = حسب السواير عليك أهديه يا من في بحر المثل سباح = واترجم القيل وتغنيه جرحي تمكر به الجراح = ويعالجه بعكس ما يشفيه متى يتبدل أسايه أفراح = وأريح العمر في باقيه ترحيب مثل العطر لافاح = يسري به القن ويوديه للصاحب أللي علومه صحاح = والقول يشهد على راعيه المكر لاتقابله بمزاح = ولا تغلض القلب وتقسيه وراعي السياسة ينال أرباح = واللي كماك أنت ماوصيه |
ما كل راعي عقال ومال = رجال وتحسبه مكسب البعض ما ينبغي له فال = وافين في قلة المذهب الرجل شيمة وعم وخال = ومن جرب الوقت وتدرب تلقى علومه علوم رجال = والعلم مثبوت ومجرب |
دخلت بحر الهوا في بوت = ماهمني البحر واوضاعه واصبحت بين الحياة والموت = يوم الهوا حرك شراعه |
كل من يرا نشرة الأخبار = يضيق صدره ويتضير ويصبح عيونه تهل عبار =حزين والفكر يتحير والعصر ينسى الحزن والثار = ويسير مامور ومسير ماكن عينه رأت وش صار = ونريد الأوضاع تتغير |
والله لولاالكبر والكد=أعضى الجسد والجهد هده لروح حافي القدم للود= لويدفنوني على حده كثر التعب والسهر والبعد= ماتمنع الودعن وده أما الكبر لاوقف لك ضد= كم قرم عن مقصده رده اخواني كلمة شعر مأخوذة من الشعور والاحساس فالشا عر من أكثر النا س معايشةواحساس وشعور بمعانات اللآخرين فهذه الكسرة مجرد تصوير لحالة الانسان عندما يبلغ من العمر مايجعله عاجز عن بعض مايطمع فيه أويريده (يعني أفهموها أنا لست كبيرا لهذا الحد ) تحيـــــــــــــــــــــــــــــــــاتي |
ماهوصحيح الزمان أغبر=الناس حطو عليه غبـار بعد أصبح الشور للأصغر=وصارو كبار الرجال صغار |
خطو الفتى ماقفه يحميـه=ويسعى ورى السيرة الزينة ومن يدخل بأمر ما يعنيـه=يستاهل العا قبـة الشينـة |
بعض الرياجيل لا صاحبك=لو قال لك أموت في حبك تراه يضحك على شاربك=اذا انقضت حا جته كبك |
العيد مهما جرى عايد = في موعده ماحصل تغيير يفرح به الحي ويعايد = الله يعيده علينا بخير في العيد اهنيك ومعايد =والعيد قالو يبان عصير عسي الفرح دوم في زايد =وسامحونا علا التقصير حنا الوفا بيننا سايد = وفي حزته كل شي يصير وشرواك في المعرفة رايد = مجار ماتخطي التعبير |
كل سقم ما يصعب علاجه = دكا تره والدوا موجود يصرف لمن كان محتاجه = الا علاج القلوب السود |
ثروتك يالعبد ما أديت = من العبادات والاحسان وما تملكه تتركه فالبيت = نهار تحمل على الأمتان |
لاتلوم راعي الهوا لو قال = قلبي وقع في هوا جني الودمافيه شي محال = وأللي معه شك يسألني تري العمودي من العقال= اشبه شتل يوم جا يغني الود يبغي ثقه رجال=يبرك لحمله ولا يوني هذا الأمر ماعليه جدال = وكل العرب تعرفه عني ومقصودنا ننصح الجهال = مايكسب الود متمني |
أسأل هل العرف والأقنان=عن بنت صادر حكم فيها ماشافها في الحياة انسان=مذموم في الشرع واليها اللي فهمته مـن الأغصـان=ممـا ذكـر فـي معانيهـا ( جهنم ) اللي منى الشيطان=يجرنـا بالغصـب ليـهـا البنت حسب الذي لي بان=واللي ظهر من مواريها شهـادة الزوروالبهتـان=ياويل من كان راعيهـا اللي اتضح لي انا ياخوان=حـلـيـن قـبـلــي مـرامـيـهـا وانا مع الحل انـا بالشـان=لــكــن مـتــابــع لـتـالـيـهـا |
هذه كسرة من ابني عمار احمد العامودي والرد مني طبعا فالي قبلنا قالو اذا كبر ولدك خاويه فها نحن تخاوينا والحمد لله .....فسأنقلها لكم عسى أن يكون فيها مايستفاد منه في طريقة التعامل مع الأبنا في هذا السن وفي مثل هذه الأمور:
عجزت أنا فالذي أهواه = طول العمر مشغل أفكاري وماخذت منه الذي أبغاه = ودمعي على وجنتي جاري بحط يمناي في يمناه = لجله تجرا على اخباري لكن لزوم أنصحه وانهاه = قلبن عن الود مو داري |
ما كنت أحسب المفارق صعب = حتى افترقنا وودعته أللي عزفت الوطن والشعب = ساعة فرقني وفارقته |
هذه المحاورة جرت في منزل احمد العامودي ليلة الثاني من شوال عام 1429ه
سلام واسمع هجوس القلب = أللي مع العيد مقلقته واصبح فحالة نفور ورعب = واسعى معي في معالجته يامرحبا والهواجس غلب = تحارب القلب في صمته والطب لين حديد وصلب = وكل شي مكتوب له وقته ماكنت أظن المفارق صعب = حتى افترقنا وودعته أللي عزفت الوطن والشعب = ساعة فرقني وفارقته ساعة فراق الأحبة كرب = وليتك نصحته وقنعته وان ماحصل شي مستغرب = فالحال يمديك رجعته سافر وترك بلدنا غصب = وتقدير للظرف طاوعته أللي طلب خوتي في الدرب = وظرفي منعني مرافقته عادات نار السفر تلهب = وانته على البعد بايعته لكن خل الأمل مطلب = مادمت شاري ولا بعته وياصحابنا سامحونا |
دخلت سوق الذهب ملقيت=في موقعه مايبل الريـق وفي متجر المر والحلتيت=شفنا الدعايات والتعليـق كثير من هو طلع بالصيت=محتاج فالبينـة تصديـق أما الذهب يفرض التوقيت=في رنته صادق التوثيـق |
جلسة صراحة جلسناها=لكننـا مـا تصارحنـا الكلمة أللـي اتمناهـا=قدام لايقولهـا رحنـا |
سـلام ياصـرح ياعالـي=راقي وعلى رتبتك رقـوك تستاهـل الحـق ينقالـي=ولك واجب نقول لك مبروك ترحيب يالصاحب الغالـي=راعي وفا مالحقك شكـوك نشهد لك بطيـب الافعالـي=وحرفك سواة الذهب مسبوك |
بعض الرياجيل لاشفته=يخدعك بالهرج والهندام ونهار تسعد بمعرفتـه=تكشف عيوبه لك الأيام |
كلمة تريح فـؤاد مـود=لو قالها الود وش يخسر أبحر بقلبي في بحر الود=واقسم على القلب مايظهر ما يجيك قوله على ما تود=لازم مـــع الـــود يتبـخـتـر أمــا فــؤادك مـحــال يـــرد=من طيب ما يسمع وينظـر |
لاتلوم قلبي في حبه لك=مجبور قلبي على حبـك لجلك ملكته بموجب صك=ما يقدر يـروح ويكبـك |
سلام ينصا أعـز انسـان=صديقنـا سالـم البشـري أللي عليـه المقـدر كـان=وأثر على القلب في صدري والرب له في عباده شـان=وأنته بهذا الأمـر تـدري ياسالم انته قـوي ايمـان=اتحمد الرب واصطبـري |
في يوم الربوع ليلة الخميس تاريخ 29\10\1429ه بقاعة الجوهرة بالجموم وفي حفل زفاف ابن صديقنا احمد بن رزين الشعلاني دارت هذه المحاورة بين الشريف مشعل والعمودي
يابو منير اسمع أقواله = قلبن عليه الأسى مكتوب والباب مصكوك باقفاله = وزادو الحرس قفلوه بطوب آنا معك واسمع ارساله = قلبن في شبك الأسىمنشوب لابد الاسباب في جاله = أللي قفلت لرّجاوي دروب بشرح لك الوضع في رسالة = واذكر لكم حقه المسلوب مابين بايع ودلاله = تايه ولا حصل المطلوب نفتي على طالع أمثاله = أللي لنا صدر المكتوب ساس البنا كيف يحتاله = الطامع المفتري بغصوب انته من اهله وعقاله = ودايم معه تحضر الماجوب واليوم في يدين جهاله = وعكرصفا كاسنا المشروب الوقت هذا من اهواله = خلا شديد الحديد يذوب وللآن في القلب منزاله = مهما تهب الهبوب بشوب وانكسر هذا اللحن ويصحابنا سامحونا |
الود من سابـق الأيـام=باطل بلا وفق ومراضـى ويصبح بدال الوداد خصام=لو ما نطنش ونتغاضـى |
ياليت الايام تصدق يوم=وتخلص معانا صداقتها لكنها خاينـه ماتـدوم=أسرع من البرق روغتها ارضى بالاقدار والمقسوم=ايـام مانـت بدبرتهـا كل وله قدره المحتـوم=وايامنا فـي مسيرتهـا |
الساعة الآن 10:29 PM |
Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir