|
لا شفت لك نار في سود الليالي تشعل اشـعال=تراه شبابها حـــربي وخذها بالضمـا نـــي
سلام مني وانا حربي واسطر زين الامـثال=من هاجس يوم فكر وانتقا زين المـــــــعاني سلام صافي مصفا مثل وبل الغـيث هـــمال=يشدا لذوب العسل مجناه من روس المجاني ينصى لحرب النشاما كلـهم رجـــال رجــال=ارسل سلامي لهم ويعمهم قاصي ودانـــــي وكل من قال اناسعودي سلامي له على البال=وكل منه قرى واللي سمعـها بالاذانــــــــي ياحرب ياهل المكارم والوفا في كـل منــوال=اخذتم المجد بالافعال ماهو بالتمـــــانــــــي ياحرب ياهل المواقيف الشريفه قول وافـعال=الربعه اللي صقور ولا يجي فيهم هدانــــي لا شفت لك نار في سود الليالي تشعل اشـعال=تراه شبابها حـــربي وخذها بالضمـا نـــي انصاوتلقى الكرامه والشحم والـهيل في دلال=وتلقى علوم الرجال اللي تسر المودمانـــي وميقافهم مع حكومتهم نـقا ماهــو تمـــــحيال=هذي هي سيرة الحربي ولو جار الزمانــي وكل القبايل تراهم مثلنا في كـل الا حـــــوال=انعم بكل القبايل ماتبي نقص الوزانــــــــي ياحرب قولواهلا يابن سعود اقفـاي واقبــــال=الحاكـم اللي عدل فينا وخلانا خوانـــــــــي تحيـه لك ياعبـــــدالله ولـخوانك والانجـــــال=مقرونة بالولا والحب مافيـــها مثـــانــــــي نفديك ياحكمنا بارواحـنا بالحـــــال والمــــال=الله يديمك علينـــا مايجينا حكــــم ثانــــــي اخذت عهد الجدود وعهدنا مـحفوظ مــــازال=لومال غصن الهوى ماميل دايم في مـكاني والله مــــــــاقلتها نفقه ولا هــو قول محتــــال=اللي يضمه صميم القلب يبديــه اللسانــــي وان قلت حربي فاناحربي عريب الجدوالخال=انا العبيدي وكل اللي عنا حرب يعنانـــــي واد الفرع ديرتي دار الكرام ولا بهـــــا انــذال=والعون بالله وبال اسعود عززنا المبانــي |
|
حياك الله يالبشرى ماعليك زود اخوي
|
صح لسانك شاعرنا المبدع
|
اخوي غازي الزغيبي حياك الله يالغالي ماعليكم زود فالابداع حفظك الله
|
الشاعر
حسين العبيدي صح لسانك على هالقصيدة الجزلة و النعم في حرب و كل القبائل |
صح لسانك مليون على هذه
القصيدة الجميلة معنى ومغنى وبيض الله وجهك يابن مريع |
اخي حميدان صح بدنك وشاكرين مرورك
|
اخي ابو سامي وجهك ابيض وماعليك زود يالغالي وشاكرين مرورك وحفظك الله
|
اقتباس:
ترحيب مني وانا حربي وارد ريال بريال = وانقى المعاني كما ينقى من الذود السماني ترحيب مثل الذهب غالي على دورات الأجيال = العشر تسوى مية والله ماترجع ثماني ينصى حسين العبيدي عندنا له فال وعقال = ينصاه في مجلسٍ فيه الرجاجيل الذهاني ويعم كل الحروب رجالهم حاضر ورحال = وايضا شبابه وخنذف من طريف الى المحاني ياحرب ياهل الثلاث البيض فعل يعد ويقال = تعفون بالمقدره واجر الحساني بالحساني افعالكم في قديمات العصور جلال وجزال = عدوكم ما تدرك قلبه ضلوعٍ حواني فيكم شيوخ وقبايل كل شيخ بذكره لحال = اشهر من الجدي والمريخ وسهيل اليماني من حد جيزان لاحد القصيم يمين وشمال = ومن بحر جده لياحد النخيل الى معاني وكل القبايل ونعم ونعم مافيهم تمهزال = اهل الجزيره قبايل ما تحب المغلطاني في ضل حكم السعودي محتمين الدار والجال = اهل السيوف الرهاف مطوعين لكل جاني الله عسى عزهم يبقى سنين سمان وطوال = دايم وكل العباد تشير اليهم بالبناني ويا الله تسلّم لنا عبد الله اللي رد الاثقال = عنا ورد الحمول المثقله والإمتحاني وقفل طريق الخطر عن السعوديه بالاقفال = وجلب لنا الخير بامر الله مع كل المواني قلته وانا الشاكر العوفي ولا في العلم مدخال = من فيض فكري ولا قاله فلان ولا فلاني قلت الحقيقه واسلم في يد اهل العرف معدال = على كلامي واكمل بالوجوب اللي نصاني جاريت شيخ عريب في النسب للطيبه نال = قلت الحقيقه معبر لا ارتجيه ولا رجاني ثم اسمحوا لي لكان اخطيت والاّ قافنا طال = العلم ما ينتهي والعمر ياالاجواد فاني واختم كلامي بذكر الله عدد ما هُلل اهلال = واعداد ما فيه من خيرات في خضر الجناني وصلوا معي عد ما يمطر خيال و وادي سال = على النبي الذي له عند كل الناس شأني |
[poem=font=",5,#0000ff,bold,normal" bkcolor="" bkimage="" border="none,1," type=2 line=0 align=center use=ex num="0,"]
يا مرحبا ياهلا باللي لهم فالطيب مجدال = الصاحب اللي عنيته بالنظر وهو عناني الاخ العزيز ابو سا مي تقبلها تحية وهي ماتفي بحقك ولكن القاف شاب على ماقالو واشكرك كثير على المجاراة واسعدني مرورك وطرحكتحية طيبة تنصاك مع ربعك والانجال = ابغاك طيب ولاتشكي من اعسور الزماني جاني كلامك يغلقني على كفات الاحوال = ساعة نشط خاطري واللي كتب فاللوح فاني يازينها جابة جتني لها فالحزم زلزال = كلام رجال عاقل مايهزع فالوزاني واقول ياقلب هون خل عنك القيل والقال = لاقا ل ابو سامي اسمع لاتدور قول ثاني |
يا
يا مرحبا ياهلا ياللي لهم فالطيب مجدال = الصاحب اللي عنيته بالنظر وهوعناني الاخ العزيز ابو سامي شكرا على المرور والمجاراة والكلام الطيب الذيتحية طيبة تنصاه مع ربعه والانجال = ابغاه طيب ولايشكي من اعسور الزماني جاني كلامه يخلصني على كفات الاحوال= ساعة نشط خاطري واللي كتب فاللوح فاني يازينها جابة جتني لها فالحزم زلزال = كلام رجال عاقل مايهزع فالوزاني اليوم ياقلب هون خل عنك القيل والقال= لاقال ابو سامي اسمع لاتدور قول ثاني والله اثلج صدري واليك تحية ولو انها ماتفي بحفك ولكن القافية على وشك الانتهاء |
وان قلت حربي فاناحربي عريب الجدوالخال
انا العبيدي وكل اللي عنـا حـرب يعنانـي واد الفرع ديرتي دار الكرام ولا بها انـذال والعون بالله وبال اسعود عززنـا المبانـي مرحبا فيك وأهلا" هلا والنعم فيك يالعبيدي وصح الله لسانك للأبداع حضور الله يعطيك العافيه |
اقتباس:
الشاكر ابوسامي وصح الله لسانك رد وافي وكافي الله يعطيك العافيه |
حياك الله اخوي حمود شرفني المرور ولاعليكم زود بني جابر اهل الاولة
|
صح السانك وبيض الله وجهك قصائدك جزله وانت جزل لاهنت الله يعطيك العافيه
وحرب يستاهلون كل علم غانم |
صح السانك وبيض الله وجهك
|
الاخ الغالي جريح الفرقا اشكر مرورك وبيض الله وجهك وشهادنك اعتزبها
|
الاخ عامر الحبي وجهك ابيض وماعليك زود طال عمرك
|
|
شكرا لك ووجهك ابيض
|
الله عليك ياخال ..
صح لسانك وعلا شانك وبيض الله وجهك.. وصح لسان ابو سامي الله يحفظه .. لاعدمنآك ربي يخليك.. ودي ودي وتقديري واحترآمي.. علي العبيدي.. |
صح الله لسانك ولاهنت وسلم فكرك وبنانك دمت برعاية الله وحفظة |
اقتباس:
تقبل تحياتي وتقديري |
الساعة الآن 02:16 PM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir
