أشتاقلك في كـل لحظـه ودقيقـه=شوق الغريب اللي تذكـر محبيـه
له عام غايـب والمسافـه تعيقـه=وده بشوفـة دار ربعـه وأهاليـه
حـده زمانـه مالقالـه طريـقـه=ماله يغير اللـي طرالـه يسليـه
وأشتاقلك مـن بـد كـل الخليقـه=والشوق من بين المحاني مواريـه
بلذة غرامك بلـل الحـب ريقـه=ونظرت عيونك في حبيبك تداويه
لعبت مشاعـر باليديـن الطليقـه=قلبي يصفقلـه وصـدري يحييـه
وشوتت غرامك في هدفها دقيقـه=صابت شباك القلب وتحكمت فيـه
وصحيت في لحظة وضوح الحقيقه=وراحت وعيني من غرامه تراعيه
ناديتهـا يـوم المشاعـر رقيقـه=وناديتها والأسم بالصـدر خافيـه
وقفت ولـدت بالعيـون الغريقـه=لدت نظرهـا لـد غالـي لغاليـه
قالت نعم قلت الجفا مـن يطيقـه=قالت صحيح وكل وضع ومباديـه
قلت أعذرينـي والرفيـق أرفيقـه=كلمه تعبر عـن غلاتـك وتاليـه
بس أسمحيلي لو سمحتـي دقيقـه=كلمه بسيطه يمكن الوضع تنهيـه
من جامعة حبك كسبـت الوثيقـه=وكتبت باخرهـا نهايـة مشاريـه