|
حتى شاعر المعنى راح!
ذلحين بانت لي الاسرار= و لو انني شاعر(ن) ما جيت الفوز مهوب للشعار= الفوز يروح للتصويت لو جاهم الشاعر البيطار= و هو سعودي، يذب "القيت" و شاعر "قطر" لو يجي "مسيار"= يفوز و يصير عال الصيت الحمد لله أهل الدار= حاشوا الدراهم مع "الأبريت" |
وصح لسانك يالصييفي
بيض الله وجهك |
هلا بشاعرنا القدير الصييفي
صح لسانك فعلا التصويت هو الفصل والحكم لكن بصراحه المري يستاهل عنده سرعة بديهه وصيّاد فالمعنى واعجبني جدا الهذلي اتمنى تقبل مروري وتحياتي وتقديري لشخصك الكريم |
صح لسانك يالصييفي
والبرامج الشعريه تعتمد على التصويت ويستاهلون كلهم شعار |
صح لسانك يالصييفي مثل ماتفضلت ((عد رجالك يالمحبوب كانك وارد عا الميه )) والفوزهذه الايام مافيها كلام للاصوات يكسب عن طريق الرسائل والمري شاعر وكفو ويستاهل لكن كلمة الحق مطلوبه وفيه اجزل منه واجدر بالفوز لكن هذه طريقة المسابقه ومبروك للشاعر القطري ومن حصل شي يستاهله ونشيد كذلك بزملائه الثلاثه الشاعر والنجم الجديد سلطان المنصوري العتيبي والشاعر النجم الجديد حامد القارحي الهذلي وشاعرنا البارز والمعروف صالح الغامدي وكلهم يستاهلون الاشاده وشعراء قمه ولا قصرو
|
الإخوة: الجرح، ماهر ابو خالد، حمود الجابري، و مضحي بن جمران، يا هلا بكم مشكورين على حضوركم الصراحة الشعار المشاركين كلهم (48) يستاهلون الفوز لكن في النهاية الفوز للأصوات اللي مالها رصيد وهذا السبب الشعار الكبار مثل المورقي و حبيب وتركي2000 و العضيلة و السناني و راشد السحيمي و غيرهم الكثير لم يشاركوا لأنهم عارفين نهايتها شرفتوني |
الصييفي
صح لسانك عزالله انها غبينه المري شاعر ونعم فيه لاكن وجهة نظري الخاصه المنصوري والهذلي احق واجدر منه لاكن وش نقول غير مبروك للمري وحظ اوفر للباقين ومثل هذي البرامج تهدف اولا واخيرا الى الربح المادي فقط لاغير والا بطاقه بعشره الاف صوت وبطاقه بخمسه الاف صوت ليه طيب !! ياالله خيرها في غيرها والمقبلات بخير ان شاء الله الا على فكره هو صحيح العلم ان الاتصالات القطريه فاتحه التصويت مجانا ؟ !! والا وكالة يقولون بدت شغلها زي العاده مانقول الا خير تقبل مروري اخي الكريم |
اقتباس:
حياك يبو فرح و كما قلت يستاهل المري لكن الهذلي اجدر منه و المنصوري نعم قطر يقال انها محولة التصويت آلي يعني كمبيوتر شغال 24 ساعة يتصل تلقائيا و يصوت على طول و الحساب على المالية ههههههه تقبل تحياتي |
صح لسانك
ومثل ما قالوا الاخوان المسابقات الشعرية تعتمد على التصويت ودمتم بود ومحبة |
سلمت يالصييفي
صح لسانك و بيض الله وجهك و فعلا ً المسابقات الشعرية تعتمد على التصويت بحثا ً عن الربح المادي |
صح السانك وبيض الله وجهك ومن حصل علي شي يستاهله والمري شاعر ماباخذته للسيف ظلم الله يعطيك العافيه
|
اقتباس:
حياك يا العمدة شكرا على حضورك لا هنت |
اقتباس:
مرحبا بك يا عبد العزيز الزويهري صح بدنك و مشكور على مرورك دمت و دام حصورك |
اقتباس:
مرحبا بك يا جريح الفرقا و المري ما على شعره غبار و ما عندي في قدرته الشعريه شك لكن لو هو سعودي و عتيبي و الا حربي و الا مطيري ما فاز ليه؟ بسبب التصويت لأن المري يصوت له بنو مرة و قبيلة العجمان و يام و حتى بنو هاجر و هذا يعطيه الفوز مع توفيق الله. زيادة على أن الإتصالات القطريه تفتح التصويت بلاش على حساب الدولة. ((هكذا قالوا)) فقط لهذه الأسباب طال عمرك لك تحياتي و تقديري |
الساعة الآن 12:54 AM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir