مبروك يااحمد ياعشير المناعير = قرمٍ تعلى فوق راس الطويله
واثبت وجوده بين كل الشواعير = بنظم البيوت المحكمات الجزيله
اللي كما حد السيوف البواتير = تسلم يمين اللي يسل الصقيله
نالت على استحسان كل الجماهير = وشرف بها نفسه وكل القبيله
في واجبك يا احمد رخصنا الدنانير = ربعك جمالٍ ترتكي للثقيله
وابن زويبن وابن صالح مشاهير = وجودهم مكسب وليله فضيله
وحنا معاكم مانهاب المخاسير = في كل حين وكل يومٍ وليله
الله يوفقكم على نية الخير = والله يوفقنا لكسب الجميله

المشاركة الأصلية كتبت بواسطة نداء الغيداني (المشاركة 366551) مبروك التاهل للاخ احمد وجميع الاخوان المشارين وانت ياتركي لوشاركت بهذه الدره الجميله لكان لها شانا عظيما0 مشكور على تفاعلك ولاهوغريب منك00 الاخ تركي انت دائم شاعر مبدع ومتمكن وقصائدك عذبه وجميله0 الصراحه انا من المعجبين بما تكتب00 بانتظار جديدك00