|
للفن معنى لنا مرغوب ....................... ياشعراء الملتقى لحن مباشر على الطاير
سلام مثل العسل مجلوب =بالود نفتح سجلاته للفن معنى لنا مرغوب= في غيره أنهي بداياته |
|
اقتباس:
ترحيب رده لكم موجوب=دايم على الطيب نبراته ومن بعدها عرج المطلوب=اللي بنيتوا مناراته |
صحت السنتكم
متااااابعين لكم كل الود |
اقتباس:
للقيل معنى وهدف واسلوب=ومثلك سعدنا بمهاراته هيا معي والهدف مكتوب=من قلب تحزنك وناته |
اقتباس:
دايم على نجدة المنكوب=نفزع ونشفي معاناته أوصف لنا الحال يالمسحوب=الفجر بانت علاماته |
اقتباس:
صحيح بالمعرفه موهوب =والقلب تصعب مداواته لاكنت تستعجل المعطوب =أصبر تمهل لراحاته |
اقتباس:
الطب ما يرغب الملعوب=اللي يضيع مساراته ان كان منتى شقي متعوب=لاتطعم القلب لوعاته |
اقتباس:
منته مجرب ألم محبوب =درسك من الطب صفحاته قلبي نهيته وقلت يتوب =عاود على الود شناته |
اقتباس:
خذها من الفهرسه وتنوب=عن باقي الطب شاراته الطرف غضه عن المكبوب=اللي غراكم بلمعاته |
يه يه يه يه يه يه يه يه
الحبايب متجمعين وش الكلام ذا ... وش الابداع ذا وش الفن ذا ... وش الأنتكه و التكتكة هذه فواز ... ابو خالد صحت السنتكم و بيض الله وجيهكم |
بعد التحاليل والمشروب =اللي من المر كاساته هذي النتيجه لها محسوب=اخطأ طبيبي فوصفاته |
ابومحسن &&& ابوخالد الله يعطيكم العافيه .. سلمتوا على هذا الأبداع الغير مستغرب عليكم ولكن المستغرب إن فواز الزويهري طب طب طب طب طب طب طب فبحر الغرام.. والله لايسامحك يابو خالد إن كان عطيته الدوى .. ابك خله يتنقع فيه ويتشربك لين ماعاد يعرف راسه من رجلييييييه. تكفى يابو خالد زيد وهقه وخليه يغرق لاشوشته. تقبلوا ودي واحترامي واعجابي |
ماعليك يابو محسن شوفلك طبيب ثاني
عنده اشعة رنين مغناطيسي وياكثر العيادات الخاصه عندنا سلمت يالغالي ويااصحابنا سامحونا |
اقتباس:
ههههههههههههههههه والله تشرفت يابو خالد لكن خطأ طبي والضحية أنا الله يرحمني هههههه ترى وزارة الصحة مشددة هذي الأيام والخبر هذا أكيد الصحف تبا تتناقله مسوي تأمين ولا لا ترى ماني مساااااااحك لجل التعويض مجزئ ههههه .................................... صح لساااانك وبيض الله وجهك ياحبيب قلبي وإلى لحن مباشر آخر بإذن الله لك خالص التقدير |
سلام مثل العسل مجلوب=بالود نفتـح سجلاتـه للفن معنى لنا مرغوب=في غيره أنهي بداياتـه ترحيب رده لكم موجـوب=دايم على الطيب نبراتـه ومن بعدها عرج المطلوب=اللـي بنيتـوا منـاراتـه للقيل معنى وهدف واسلوب=ومثلك سعدنـا بمهاراتـه هيا معي والهدف مكتـوب=من قلـب تحزنـك وناتـه دايم على نجـدة المنكـوب=نفـزع ونشفـي معاناتـه أوصف لنا الحال يالمسحوب=الفجـر بانـت علامـاتـه صحيح بالمعرفه موهوب=والقلب تصعب مداواتـه لاكنت تستعجل المعطوب=أصبر تمهـل لراحاتـه الطب ما يرغب الملعـوب=اللـي يضيـع مساراتـه ان كان منتى شقي متعوب=لاتطعـم القلـب لوعاتـه منته مجرب ألم محبوب=درسك من الطب صفحاته قلبي نهيته وقلت يتـوب=عاود على الود شناتـه خذها من الفهرسه وتنوب=عن باقي الطـب شاراتـه الطرف غضه عن المكبوب=اللـي غراكـم بلمعـاتـه بعـد التحاليـل والمشـروب=الـلـي مــن الـمـر كاسـاتـه هذي النتيجه لها محسوب=اخـطـأ طبيـبـي فوصـفـاتـه |
ابو محسن وابوخالد
بيض الله وجيهكم وصح السنتكم على هذا اللحن الجميل بعدين يافواز عليك بماهر ترى الطب تطور ماسمعت الرنين المغناطيسي وانت ياماهرلاتسمع كلام البحار وساعد الرجال وتقبلوا خالص الود |
صح ألسنتكم وبيض الله وجيهكم
|
ابو محسن ابوخالد متعتمونا بهذا الطاروق الرائع صح السنتكم وابدانكم وبيض الله وجيهكم على البدع والردالجميل لكم مني كل الود والتقدير |
الساعة الآن 11:04 AM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir
