|
مافيه فكة ... مطلوب منكم ..... مطلــــوب .. مافيه عذر ..
السلام عليكم ورحمة الله ، اعذروا قوم الكسرات ، متعودين على هذه الطريقة ، ودي كل واحد يأتي بخمسة أبيات أخرى ،
ابرقي لي ياسحابة ثم هلي من سماك=لاتخافي ياسحابة لو تقفتك الرعود لاتخلين الرجاوي يا الله أني في رجاك=ابتلشنا ياسحابة من يقصَّر في الوعود ما عطوكِ لاعطيت كان ماربك عطاك=وإن رقيتِ مارقينا كان مانرقى سنود ماحمونا أو حموكِ كان ماربك حماك=من يعاهد مايعاهد من ينقِّض في العهود ياسحابة ماشربنا حيل هلي وش بلاك=إن روَيْتِ ما ارتوينا آه يا الحظ الرقود |
لو يسيل السيل من نهلك ومن معذوب ماك =ياسحابه في سبوخ الأرض لاترجين فود مير هلي واستهلي فوق مرباع (ن) ولاك=يضحك المرباع من نهلك وينبتلك ورود سير سيلك من ثعولك نهر جاري من رضاك=يفرح اللي دوم يدعي الله الوالي الودود مير رحتي ياسحابه مدري منا ويش طواك=مزن عالي في سماه أصبح من الديره شرود آه وا ويلاه من من كبد(ن) على الفاقه هقاك=ضامي الكبد المعنَا يوم للبارق وقود |
فواز الزويهري ، بيض الله وجهك وصح لسانك ، شاكر لك هذا التفاعل مع ماطرحت ، دمت ودام ابداعك ، تحياتي ، ملاحظة : عدلت عن الاقتباس لعدم التكرار |
فكرة رائعه .. كنت أفكر بفكرة مشابهة وهي قصيدة لا تقل عن 100 بيت وتعتبر مشاركة من جميع شعراء المنتدى ... يسلمو مثقفنا ... بس على 5 أبيات بتصير معلقة .... صحتْ ألسنتكم اساتذتي ... : : : أوركيدا لكلِ حرف ... |
شمعة الملتقى ، الشمعة التي تذيب الجليد ، ليعكس من لجته صورة ، لصفاء السريرة ونقاء الروح ، شكرا على هذا المجهود الذي تبذلينه ، على ما لديك من مشاغل عدة |
عذرا لم ادخل الملتقى الا متأخر
ياسحابه وين مارحتي عليم الله مداك=امطري في وسط روض القلب أبي حبي يزود لين يزهر حب يورد ود يوفي من وفاك=لايموت القلب والغالين يرجون الردود ياسحابه ماتشابه ضحك وردي مع بكاك=لكن بصفوه تشابه مع نقا ماك المدود انتي ارويني عطا وانا الوفا مني جزاك=لك بقلبي سد يفرق عن بعض ذيك السدود هالبيادر والمساحات الخظر ترسم ثناك=دام انا وانتي لفضل الله مافينا جحود لافي دائما بالخير لافي ارجوا ان ترتقي لأذواقكم دوموا بعز وتقبلوا إجلالي |
صحة السنتكم وبيض الله وجيهكم ودي اشارك معكم بس قطفتو النوار ما بقي الا العروق والا شي يبي تعب
|
أممممممم ... وين الشعراء ... توقعت تتعدى القصيدة الـ 100 بيت هذي ماوصلتْ حتى 20 بيت ... أتمنى نشوف تفاعل أكثر لما تستحقه هذه الفكرة وصاحبها ... ؛ ؛ ؛ منصورالمعمري, الشاكر أبو سامي, ابو عادل, عيسى العوفي ... كنت أتمنى أن أجد لكم بصمة شعراء هذا الملتقى ... جريح الفرقا لا تخليني أتحداك وتجيب 10 ابيات مو 5 فقط ... ؛ ؛ ؛ لمعة الجليد... |
اقتباس:
عبد اللطيف العوفي ، مشرفنا القدير ، لقد عانقت عنان السماء ، شاكر لك من كل قلب ، دمت بود |
اقتباس:
جريح الفرقا ، شاكر دعمك الا محدود ، لقد ارتوت وأزهرت العروق بمرورك ، فلك أن تقطفها ، تحياتي |
اقتباس:
لمعة المنتدى ، شاكر لك شحذ الهمم ، دام تواصلك |
خمسة بيوت حسب الطلب يا لافي
أرجو ان ترتقي لذائقتك الشعريه و لا يهون الحضور:
لا تأخر ان تقدم لك سنافي و نخاك=عطه مقدورك من الابيات و الطيب محمود خمسة بيوت(ن) بغى لافي و قلنا له فداك= ما طلبت يجيك لو نعبر على شانه حدود كل هذا يا رفيقي حاسبينه من غلاك= ما تأخِرْنا عن المطلوب جبهات الصمود قال من وامرك؟ قلت إسأل و قل لي: من نهاك؟=الطلب هذا عزيز و لا لنا عنِّه صدود الله انه يجعل الافراح تسمو في سماك=في بلاد العز ديرتنا تحت حكم السعود |
اقتباس:
الصيفي ، كفو ...كفو .. كفو ، الله يبيض وجهك ، راع الجزيلة لاهنت |
اقتباس:
اسعد الله مساك اخوي لافي .هذي هوش مع قريحتي معذار ماهي مقدار
ياسحابه ديمي دام داعيها دعاك=يعلم الله ما استريح ولا اتهنى بالقعود وكان مابك فزعه إل ناخي نخاك=لابغينا غصب اروض كل جافلت(ن)شرود بالعزايم درة المحارتطلع لا انتواك=شاعرا في قومته يسهل الله كل كود طرق لافي مع طريقه لازماً تمشي إخطاك=ما اتجاهل شرهة الغالي لواني بإلهود تعذر محبك يالافي لوتعرف اللي خفاك=عذر ماهي قدر قدركم عندي إحيود |
اقتباس:
جريح الفرقا ، كمول وقدرك عالي ، شاكر لك من كل قلبي ، الله يحفظك يا الجزل .. آمين |
الساعة الآن 11:22 PM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir