|
(( احساس منصور ))
(( احساس منصور )) هز المشاعر هـــزّ يااحســـاس منصـــــور والعب على اوتــــــار الغـــــلا والقطـــاعه كيف المحبه واجمل احســـــاس وشعــــور تمشــي واصــــدّقـــها وتطلــــع صنــاعـــه وكيـــــف انخـــدع واضيّـــع ايـــام وشهور وعندي من جــــروح الليـــــالي منــــــاعه ياصاحبي مشكـــور مشكـــــور مشكـــــور وارخصــت قلــبن مــاعـــــرفت التيــــاعه طيّـــــرتني واليـــــوم بجنــــــاح مكســــور صــــــوّبتني والله مـــآهـــــي شجـــــــاعه مشيـــت لك درب المحـــبـــه عــــلى النور وتعبت فديــــــــار الضمـــــا والمجــــــاعه وبنيــت لك بيــــت المحـــــبّه علـى زهــور قصــرن وسيـــــــع وعالــــــيٍ فـــارتفاعه خلّيـــت رومنسيــــته شـــعــــر وعــــطــور وكتبــته لضمـــيــــــرك وســــرع بـــــاعـه وحلمت بك سلــــوى عن الضيـــم والجـور وجـتـــني جروحـــي منك يــــا للفـــضاعـه اليـــــوم تتمـــلّل ليــــــا جــــاك منصــــــور يســـأل عليـــــك ولاتطيـــــــق استمــــاعه تقفـل بوجهــــي صــــرت وتـلـــف وتــــدور وتبحث عن الاعـــذار فـي كـــل ســــــاعه ليــــن الكـرامه والدمـــا قــــامت تفـــــور واستصغـــرت عيـــني علــــّي الوســـاعه وضاقت بي الجلــسه بعـــدها على الفـور يكفي شحــــــــادة ودّ يكــــفـــي لـــكـــاعه لجلي ولـــــد نــــاس وتكـــــانه ومشهــور وبكـــره بأجــي فالـتــلفــــزه والاذاعــــــه بجلس على كيــــفي معــــــانــــد ومغـرور عادي وفالدنـيـــــــا للأنــسي مــــتــــاعـه و الحمد لله رجــل مـــافيــــــني قصــــــور مغنيـــــــني الله بالــــرضـــــا والقنــــاعه والحمد لله عـــاقــــــل ومنّــي الشـــــــور يفرح به ويطلبـــــه غــــــرب وجمـــــاعه وزودن عليها فــــاهم ومـــخ دكتــــــــور وعندي ثقـــــــه فالنفــس وامـلك بــراعه واصل وفصل مــــاني على الذلّ مجبـــور من حـرب راعيـــــن الوفــــا والشجاعه وش حد دمعـــي يــومــــه يسيـــل مقهور وناسن رخــــوم تعيــش سمعن وطـــاعه لا والله الا استــــــاهـــل الـــــود منثــور وانسـان يآخـــــذ من طبــــاعي طبــــاعه وانتي ســـــراب وكـــآسنا كآن مكســـور وكلّن خــــــذا عن مـــآ لقـــــآه انطبـاعه دستـــــور يــابنت الريــاجيــــل دستــــور مآني بـــداخــــل طـــــالـــع وبي قنـــاعه وبكره ليا اشتقـتي لي وصــرت مــــذكور تأكــــــدي اخــــــــوكي من الرضـــــاعه عسى حيــــاااتك كلـــها افرآح وســرور ودعـتك الله صـــدق ماهــــــي اشــــاعه فاصله: من اغاني عبدالله الرويشد الجميله: على كثر العيون اللي ضحكت لي مآبكت لي عين بكيــــــــت ولا لقيــــــت لدمعتي عيـنن توآسيــــني خطآي اني وفيــــت وماعرفت العب على الحبلين خطـــــآي انّي اذا حبيـــــت احب بكـــل مــــآفيـــني |
|
صح لسانك يالذيب
.. ولاهنت نص راقي ..و عذب المعاني .. ! سلمت مشاعرك .. دمت بـ إبداعك وحيد الجزيرة |
صح لسانك كثر حروفها واكثر والله
قصيدة جزلة بالحيل ، وكل قاف احسن من الثاني . تحياتي |
مجافي
يوجد أخطاء كثيره ولن أقول كسور حتى لا تغضب أرجو إعادة النظر فأنت مبدع تحيتي وتقديري لك |
مجافي
ابداااااااااع شاعر متمكن لله درك وبيض الله وجهك وصح لسانك تقبل اجمل التحايا ودمت بخير |
هذا شعر والا هو الدر منثور=أبيات والا عزف عند إستماعه ماادري ولكن ياابيض الوجه مشكور=ياللي لك الإعجاب ماهو صناعه دم بعز وتقبل إجلالي |
مجافي
صح السانك وبيض الله وجهك |
الحب الباقي
صح بدنك وجزاك ربي الف خير |
وحيد الجزيره
صح بدنك ويعطيك ربي الف عافيه |
لهيب
صح بدنك ومن ذوقك والله تسلم |
يابن هليـــل شـــوفنا وسط شعــــار
ومردود كـــلامك ولاخــــش راسي وزن وقوافي كل شعـري مع افكار مــــاهي بعرضة نقــد والّا التباسي بين خطاي ولاتخليــــــــــني احتار تــــــراي واثق والجبل دوم راسي [size=5] وانت لم تقل هناك كسور حتى لا اغضب وانما لأنك لم تجد كسور واتحدى انا وجود كسر واحد.....[/size] |
هلا وغلا
ابن خير الله الردادي وشرفتني بمرورك ياطويل العمر تقبل اجمل التحايا منّي |
عبد اللطيف وراعي الطيب مــذكـور
وافي وصحبة مثل روحك طمــاعـه مخبــــور والله يـــا ابناخيّ مخبـــور والطيـب من ربعك فشخصك وداعه |
جريح الفرقا
صح بدنك ووجهك ابيض الله لايهينك وتقبل خالص التحايا منّي |
الشاعر العذب أمير الرومانسية / مجافي ... صح لسانك مدد لاعدد ... لاجديد يامجافي سوى أن الجمال هنا فاق أي جمالٍ لك مضى ... يزداد توهج حرفكَ ياأمير ... ؛ ؛ ؛ ونحنُ أمام حرمة الجمال لا نملك سوى الصمت ... (( فالصمت في حرم الجمالِ جمال )) ... ؛ ؛ ؛ لكَ العذر أن تغيب قدر ماتشاء إن كنت ستأتي بهكذا عذوبة ... ؛ ؛ ؛ أوركيدا لك ولتلك الباذخة ... |
هلا وغلا اختي
لمعة الجليد والله من ذوقك ولطفك هذا الكلام الجميل والرونق الخاص الذي لايجيده سواك حظورك مميز للغايه واطراءك ومديحك فخر ووسام لأنه من متذوقه بحجمك يالمعة الجليد كل التحايا |
اقتباس:
اخوي مجافي لا تغضب هذا أولاً وثانياً لا تلقي الأبيات جزافاً ثالثاً أنا لن أرد إلا على شاعر يكتب بالإسم الصريح رابعا : وهو الأهم فيه شطر يقول :(تفرح به وتطلبه غرب وجماعه) وأيضاً(تأكدي اخوكي من الرضاعه) قد تكون قرائتي للشطرين بطريقه خاطئه إن أحببت أن أرد على أبياتك التي تخصني فأرسل الأسم الصريح ثق أخي مجافي أن الأمور لن تصل للتحدي فكلنا أخوان وأنا هنا حملت مسؤوليه واتعامل مع الجميع من خلال هذا المبدأ لك التحيه والشكر والتقدير |
هلا اخوي علي هليل الحربي انا اسمي منصور عقال الرويتعي الحربي وموجود لي ديوان فيه اسمي بدواوين الشعراء ولي ديوان صوتي اسمه مجافي 2007 واشرف عليه شاعر المحاوره الكبير راشد السحيمي ومجافي هذا اسم الشهره ومسجل لي في وزارة الاعلام اما مااثار حفيزتي فهو قولك انا لن اقول كسور لكي لاتغضب فهل نراعي كلامنا ولاتراعي كلامك يااخي الفاضل كل كلمه محسوبه هنا علي او عليك وبهذه الابيات لم اكن متحدياً لك ولكن انما هي استجواب شاعر لشاعر ونصره لابياتي التي لم تكن مجبر على التعليق عليها ويقول الشاعر تعمدني بنصحك فــــاانفرادي......وجنبني النصيحة فالجـــماعه فان النصح بين الناس نوعاّ.....من التوبيخ لا ارضى استماعه وعموماً انا اكن لك كل احترام وتقدير ولكن الافضل لو اشرت لما لاحظت فلكل انسان ذائقه ورائ ولم تتنقصها وتذهب وعلى كل حال ماحصل الا كل خير |
اقتباس:
اخوي منصور أنا مجبر على المرور على جميع القصائد مكرهاً أخاك لا بطل وبحكم أأني بليت بمراقبة النصوص الشعريه جميعاً ليس لدي أي خيار في إختيار القصائد التي أرغب أو لا أرغب سأحرص على إقتناء الشريط الصوتي أو أكلف من يأتيني به أنا في الرياض ما هو المكتب الذي أجد الشريط فيه خانة الرسائل لم تعد كافيه للإرسال والإستقبال والإداره مطنشه لا حس ولا خبر أما وقد ظهرت للإعلام فلن أرحمك من النقد حتى لو تزعل أتعلم لماذا لأنك تتحدث بإسم قبيله وأصبحت واجهه إعلاميه نفتخر بها والأبيات الأخيره الله يسامحك وراسك ممسوح بسمن يابن العم تحيتي وتقديري لك |
تسلم والله ياخوي علي ولاهنت
والاختلاف لايفسد للود قضيه وانا افخر انك تشتري الشريط وهو على كل حال وزعته شركة الجزيره بعد ما تم تسجيله في الاوتار وسوف تكون هناك مقتطفات منه في برنامج فواصل دي جي على قناة فواصل قريبا وتسلم وتدوم |
الشاعر مجافي
صح السانك على هذا النهج الحديث والجميل كتبت في احاسيس صادقه ونهجة العذوبه والرقه او ايدك على هذا النهج الرائع في الاسلوب والجمال في النهج الحديث قد يكون هناك ثقل في بعض الابيات الا ان جمال القصيده لا ينكر صح السانك وتقبل مروري |
خالد الحصني
هلا وغلا وصح بدنك مع العلم ان لا ثقل في اي شطر لاهنت على المرور والاطراء الجميل |
الشــــــــــــــــــــــــاعر المبدع
مجافـــــــــــــــــــــــــــــــــــــــــي صـــــــــــــــــــــح لسانـــــــــــــــــــــــــــــك قصيده جزله ووافيه بيض الله وجهك على هذا الابداع قصيده حملت معاني الابداع قصيده عن عده قصائد لما فيها من الجزاله والجمال درر درر ياشاعرنا الكبير الله يطول بعمرك يالذيب وننتظر ان تتحفنا بقصائدك وابداعاتك الشعريه |
صح لسانك قصيده جزله من شاعر جزل
|
ناهس الشعيفاني
هلا والله وغلا وصح بدنك ووجهك ابيض يالغالي الف الف شكر على هالكلام الحلو والواقع والله انها كيبورديه سريعه اتمنى ان اتواصل معكم بالقادم الاحلى وكل التحايا لشخصك الكريم |
محمد بن ردمان
صح بدنك ووجهك ابيض يالغالي ولاهنت على المرور الكريم |
الساعة الآن 05:32 PM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir
