مسكين ياقلب الغضي من ضيق باله والعـذاب=تشكي همـوم و همهـا فـي وقتهـا يشقابهـا
تذكر هموم الوقت واللي صار في لحظة عتاب=فزت معاليـق الضمايـر يـوم تذكـر مابهـا
وقامت روابع خاطري متسلسله مثل السحـاب=تسرد عن اللي شافت اعيونـي ولا ترضابهـا
أحزانها وهمومها صفحات في وسـط الكتـاب=تقرى الهمـوم اللـي بلاويهـا علـى كتٌابهـا
ذابت عيونه من دموعه والسبب جور الصعاب=قدام عيني ثـم عجـزت لا تحكـم اعصابهـا
مالومها في حزنها من بعـد طـوٌل بالغيـاب=نوماسها في وقتنـا القاسـي واعـز احبابهـا
غاب وتغيب عن نظرها والسبب ماله جـواب=غربة زمان أتشوفهـا مابيـن أعـز أقرابهـا
في عيدها وقت الفرح غاب الفرح من بعد غاب=وفي موقها لمع الحـزن و أحزانهـا تزهابهـا
راحت وقفت والوعد من بيننـا مالـه حسـاب=تسحب خطاها والأمل فـي دربهـا يسعابهـا
تمشي على درب الأمل لو الامل دربه عـذاب=أتبع خطاها جنـب خطوتهـا دمـوع اهدابهـا
أشوف بحر الحزن قدامي وبحـره كالسـراب=يوم اتبع أخطاها أشوف الحـزن حتـى بابهـا

أمتعتنا يالجابري ياحمود في فن الخطاب=لو إنها قصة حزن لكن نسجت اهدابها
ابيات شعرك صغتها بابداع يالقرم المهاب=يسلم لسانك من طلوع الشمس لين غيابها

المشاركة الأصلية كتبت بواسطة عبداللطيف العوفي (المشاركة 327454) أمتعتنا يالجابري ياحمود في فن الخطاب=لو إنها قصة حزن لكن نسجت اهدابها ابيات شعرك صغتها بابداع يالقرم المهاب=يسلم لسانك من طلوع الشمس لين غيابها دم بعز وتقبل إجلالي

المشاركة الأصلية كتبت بواسطة ابو عادل (المشاركة 327476) تسلم ياحمود وبيض الله وجهك على هذه القصه بل القصيده حقـــــــاً اتقان رائع في فن البدع والتصوير والآخراج . كيف لا تكون كذلك ... انته دائماً مبدع ياحمود. لك مودتي واحترامي ,,,,,,

المشاركة الأصلية كتبت بواسطة نداء الغيداني (المشاركة 327502) صح لسانك يالبناخي على هالقصيده الجميله00 بانتظار جديدك لاتطول00

المشاركة الأصلية كتبت بواسطة جريح الفرقا (المشاركة 327518) صح السانك حمود وبيض الله وجهك اسجل اعجابي بها القصيده الله يعطيك العافيه

المشاركة الأصلية كتبت بواسطة احمد المرعشي (المشاركة 327526) أمتعتنا يالجابري ياحمود في فن الخطاب لو إنها قصة حزن لكن نسجت اهدابها ابيات شعرك صغتها بابداع يالقرم المهاب يسلم لسانك من طلوع الشمس لين غيابها بحق لا ازيد على هذا.... لك كل الود والتقدير,,,,

المشاركة الأصلية كتبت بواسطة عيسى العوفي (المشاركة 327527) صح لسااانك وسلم بنانك دمت اخي بكل الود

المشاركة الأصلية كتبت بواسطة ناهس الشعيفاني (المشاركة 327723) الشاعر المبدع حمود الجابري صح لسانك صح لسانك قصيده جزله ووافيه بيض الله وجهك على هذه الرائعه قصيده عن قصائد قصيده فيها من الابداع الشي الكثير تستحق منا قراتها اكثر من مره لما فيها من الجزاله الله يطول بعمرك يامشرفنا العزيز وننتظر ان تتحفنا بقصائدك وابدعاتك الشعريه

المشاركة الأصلية كتبت بواسطة وحيد الجزيرة (المشاركة 327890) صح لسانك يالذيب .. ولاهنت نص راقي ..و عذب المعاني .. ! سلمت مشاعرك .. دمت بـ إبداعك وحيد الجزيرة

المشاركة الأصلية كتبت بواسطة أحمد بن ناحل (المشاركة 328060) تمشي على درب الأمل لو الامل دربه عـذاب أتبع خطاها جنب خطوتهـا دمـوع اهدابهـا أشوف بحر الحزن قدامي وبحـره كالسـراب يوم اتبع أخطاها أشوف الحزن حتـى بابهـا الله الله ومثل ماقال عبداللطيف امتعتنا بحق ياحمود جزل ومبدع وشهادتي فيك مجروحة صح لسانك من طلوع الشمس لين غيابها تحياتي لك

المشاركة الأصلية كتبت بواسطة مانع الجابري (المشاركة 328109) خابرك ياحمود والله قرماً ماتهاب $$ مرحبابك ياهلا عد حروف كتابها اخوي حمود / مهما كتبنا لن نعبر عما في صدورنا من مشاعر جياشه ودمت لي يابن العم يالمطنووووووخ [align=center]http://www.3rb100.net/2008/2/3rb100_V1AWjP3quq.jpg[/align