|
المحايد مطلوب
الشاعر القدير والكبير والناقد وفحل المحاورات المحايد
ان سمح وقتك : :
اندهولى حربين يبنى ليا منا بنينا=مايهدم البنى وليا من طبخ ماهي عصيده احد يذبح له ضعيفه وحد يذبح له سمينا=وحد يجمع فرقتن تطرب على رقصة فريده |
ياهلا والله بأستاذنا بالشعر والأخلاق
حياك الله والوقت يسمح لمثلك وشرواك
مرحبا يافارس المعنى وحنا يوم جينا = نبني المبنا وخل الطبخ للحجه سعيده مانعرف الا السمين وغير ذلك مادرينا = واهل الطبله تفرقهم ليا جينا جريده |
هههههههه
البقا البقا وياسلام عليك هكذا الشعر ولا بلاش : :
البقا ياشاعرن يشرى ويبتاع الثمينا=يندرج ضمن الغناويه ولا ينقص رصيده (عبيده)=فخذ من قحطان للتوضيح فقطجودوها بالخطام وقيدوها فاليدينا=قبل لاتضحك هذيل وقبل لا تضحك عبيده |
صحت السنتكم
فارس الحرف وزميله المحايد ونا متابع وبصف المحايد ولايهون اخي فارس الحرف |
مرحبا ياغازى
والمحايد محايد مايبى صف هههههههه يرفض العنصريه :) |
أصلها وأصل الغناويه ولو زعلوا علينا = ربعنا وأصحابنا العجمان يانعم البديده لاتوصينا ترانا بكل حاجه عارفينا = من ضحك يضحك بليا سن والدنيا مديده |
غازي الصف يتشرف فيك ومكانك عند الميكرفون وانا بالصف بس الله يسامح سالم .
|
الله الله
: :
القراح اللى مصفا نشربه لامن ضمينا=والعدود اللى تغثرب شربها للى يريده انت والله شاعر وناقد ولك دنيا ودينا=وان لقيت الناس ملبوسك من ثيابن جديده |
أشهد أنك صافي المنبع وذا علم يقينا = وقد قريت الحرف الأول من حروفك بالجريده بس علمني عن أسعار المخابز والعجينا= غلي سعر القمح والخباز خبزه وش يفيده |
سالم أعتذر منك لدي شغل طاريء .
أستأذنك وأتمنى منك التواصل معنا فوجودك يضيف لنا الشيء الكثير على صعيد المعرفه وعلى صعيد الأخلاق والتعامل . |
يالمحايد الله انه يرحم الناس ويعينا=شعب دجله ماتهني عيشته عيشه زهيده لاح برقاً في سماه ويمته قمنا وسرينا=كان فالدار القريب وكان فالدار البعيده |
العفو والسموحه ماشفت تنويهك يالمحايد
والله يطول بعمرك ويعزك والمحل محلنا ويشرفنا زيارتك وزيارة شعراء حرب القديرين امثالك الختام عندك |
صحت السنتكم وبيض الله وجيهكم
ملعبه رائعه |
اندهولى حربين يبنى ليا منا بنينا=مايهدم البنى وليا من طبخ ماهي عصيده احد يذبح له ضعيفه وحد يذبح له سمينا=وحد يجمع فرقتن تطرب على رقصة فريده مرحبا يافارس المعنى وحنا يوم جينا = نبني المبنا وخل الطبخ للحجه سعيده مانعرف الا السمين وغير ذلك مادرينا = واهل الطبله تفرقهم ليا جينا جريده البقا ياشاعرن يشرى ويبتاع الثمينا=يندرج ضمن الغناويه ولا ينقص رصيده جودوها بالخطام وقيدوها فاليدينا=قبل لاتضحك هذيل وقبل لا تضحك عبيده أصلها وأصل الغناويه ولو زعلوا علينا = ربعنا وأصحابنا العجمان يانعم البديده لاتوصينا ترانا بكل حاجه عارفينا = من ضحك يضحك بليا سن والدنيا مديده القراح اللى مصفا نشربه لامن ضمينا=والعدود اللى تغثرب شربها للى يريده انت والله شاعر وناقد ولك دنيا ودينا=وان لقيت الناس ملبوسك من ثيابن جديده أشهد أنك صافي المنبع وذا علم يقينا = وقد قريت الحرف الأول من حروفك بالجريده بس علمني عن أسعار المخابز والعجينا= غلي سعر القمح والخباز خبزه وش يفيده يالمحايد الله انه يرحم الناس ويعينا=شعب دجله ماتهني عيشته عيشه زهيده لاح برقاً في سماه ويمته قمنا وسرينا=كان فالدار القريب وكان فالدار البعيده |
|
صحت ألسنتكم يا عمالقه ..
وفاتتنا لو درينا سنترنا من العصر ... خالص مودتي ... |
فارس الحرف
المحايد صحت السنتكم و بيض الله وجيهكم أمتعتونا بمحاورتكم الجزله و معانيكم المبهمة |
الساعة الآن 12:28 AM |
Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir
