على قبلة هل التوحيد هي وجهة كيابلنا=ملاعين الجدف فوق الحرم حطولنا الاقمار
تذبذبها مذاهبهم ونذهبله وتذهبنا=ولاعادت سواعدنا مثل اول على الفجار
ترددهم مردينا وعن الوحده يرددنا=تقل موجاتهم موجن حدث من ظاهرة اعصار
هجم اخلاقنا اول وتالي من عوايدنا=وصرنا نتبع الموضه نقلد اتفه الكفار
حلالاتٍ عمر موجود في ذالوقت يحكمنا=او ان خالد معانا اوصلاح الدين والمختار
قياداتن تقيدنا وعن الواجب تبنجنا=ونستنكر على الفاضي ابي شنهو بقا ماصار
على هذا التردد حط ريموتك وشاهدنا=( صفر ) حنا عرب دجه صفر وشعارنا اصفار
هنا صوت العرب دجو وحان الآن فاصلنا=لنا عوده معاكم عقبها بنكمل المشوار
وفاصلنا مشاهد يالمشاهد من مذابحنا=جرت احداثها بغزه جرت ياللخزي والعار
وتابع يامتابعنا من احداثٍ تمتعنا=تمتع في مشاهدنا فلسطين العرب تنهار
وهذا فاصلٍ آخر يعبّر عن عروبتنا=هفت بغداد بالفتنه وذاقو شعبها الامرار
رجعنا عقب فاصلنا رجعنا يامتابعنا=وحان الآن موعدنا مع موجز من الاخبار
خبر عاجل : حياة بلا كرامه مالها معنا=وخذ هذا الخبر مني وحطه يابعدي تذكار

علامـك يازمـن لخبطـت حابلنـا بنابلـنـا=علامك يازمن ساويـت عاقلنـا مـع الثرثـار
أخـي هيكـل رجـاءً لاتعمـم فـي تعاملـنـا=بعضنا فيه خير وفي بعضنا طيـش وإستهتـار
إذا تقصد عمر يشبه عمـر بالديـن عاهلنـا=ابومتعب سند كل العـرب والديـن والأنصـار
عوايدنا على نهج النبي مـن عمـر جاهلنـا=تربينا علـى القـرآن والسنـه وعـز الـدار
وإذا بعض العرب صـاروا ربايـط ماتخاذلنـا=على وقت الرسول منافقين ومرجفيـن كثـار
الا ياكثـر ضنينـا بـهـم خـيـر وتأملـنـا=عسى الله بس يهديهم ويهدي باقـي الأقطـار
ترى المفروض نستثمـر هالاقمـار لتكاملنـا=نصخرها لنصر الحق.ندحـظ دعـوة الكفـار
علـى قبلـة هـل التوحيـد كبرنـا وهللـنـا=خدمنا الدين والإعلام يشهد وإسـأل الأقمـار
وإذاكـل الكيابـل حاولـت تغـزوا عوايلـنـا=على الشعار مثلك توعية من يجهـل الأسـرار
وإذا نقعـد نسـب نفوسنـا واللـوم شاملنـا=فقدنا العز والعـزه ولانقـدر علـى الإصـرار
ياهيكـل لـو توحدنـا محـد يقـدر يقابلنـا=أهم شي الثقـه بنفوسنـا وقاداتنـا الأبـرار
ترى الوحده مع الإخلاص هـي قـوة قنابلنـا=بشرط يكون لجل الله وبعده لجل حفـظ العـار
وإذا بعض العرب حاول (شكـل فردي)يفشلنـا=ترى مايهمنا ضرس(ن)بلاه السوس مهما صار

عبداللطيف العوفي

,’
’,

صح لسانـكـ وعـلا شانـكـ ,,,
الله يعطيـكـ الصحة والعافيـة على القصيدة الرائعة


تحيــتي لــكـ