ياشلع قلبي شلعة ًمالها اشباه= غـيرالذي شالت وحالـت طـميه
على غزالا ًماقوى القلب ينساه= غـرو (ن) تولى خافقي بضـحويه
واهني من حصل قباله هـنـياه= لاواهـنيه بالحياه الهنيه
مع واحدا ًمحد (ن) مع البيض حلياه= لوالذي ماشاف يزرى عليه
يـزرى علي اللي عيونه مغطاه = واللي سلم ما واجهه في مجيه
يرى الحديد يذوب ويقول وش جاه = مستغرب (ن) ما شا ف نارالـظيه
ماشاف من ظيق المخـيله ثناياه= عـنق اللي الأطرش حشم به حليه
عين اشقراً روس الشواهيق مرباه = حرا ًكـفوفه للحباري منيه
والجيد ذيل اللي لثارن معـذاه= من يوم ولدت لين صارت ثنيه
وهي على عزاً وتحت المراعاه= فيها العداء من كل باب محسيه
تعب لها اللي ناويً بالمـثاراه = حاس ( ن) بها راعي جوادً رهـيه
يوم العرب كلن بسيـفه وشلفاه = ولايشرب الفنجال غـيرالدهيه
واليوم امان وراعي الحق يلقاه = بشرع ونظام وراحـت الجاهليه
كلن ورى حقه أيديـنه مكفاه = مرتاح (ن) الفارس وبنت العبيه
في ظل حكام الشريعه هل الجاه = اشيوخ نجد مظللين الرعـيه
ميرالذي ذكرعلى القلب واشقاه = غرون غريرن نظرته سـم حيه
حلوا ًحلن منه النحل لو تحلاه = ماعاد صاريهوش دون الخليه
كان العسل قدمه وخذ من خلاياه = تغير الواقـع محى الغايريه
ظني وناعـيني عـن الناس مغظاه = ماسك حدودي ميريجنا عليه

المشاركة الأصلية كتبت بواسطة الحميدي المخلفي (المشاركة 310251) صح لساااااااااااانك ياعامر وبيض الله وجهك قصيدة رائعة وجميلة .

صح بدنك
ولك كل الشكر والتقدير على مرورك الرائع
تحيتي لك

المشاركة الأصلية كتبت بواسطة حميدان العوفي (المشاركة 310253) عامر الحربي صح لساااانكـ و بيض الله وجهك قصيدة جزلة

المشاركة الأصلية كتبت بواسطة غازي الزغيبي (المشاركة 310273) عامر الحربي صح لسان كـ و بيض الله وجهك قصيدة جزلة عين اشقراً روس الشواهيق مربـاه حـرا ًكفوفـه للحبـاري منـيـه

المشاركة الأصلية كتبت بواسطة احمد المرعشي (المشاركة 310275) الله الله عليك ايها الراااااااااااائع بحق نص قمّه في الابداااااااااااع نص نال كل الاعجاب وااااااااااافر الود لك

المشاركة الأصلية كتبت بواسطة سالم الفريدي (المشاركة 310401) صح لسانك .. .. أسجل اعجابي بالقصيدة .. ويعطيك العافيه ..

المشاركة الأصلية كتبت بواسطة ماجد بن تركي الحربي (المشاركة 310406) قصيده وافيه ومن راس وافي لاهنت ولاهان هذا الحضور تقبل تحيتي