ودك تغيب عني لأجل تعرف غلاك=مير لاجيت لاتستغرب إن مالقيت
حزني وهمي وشوقي وفرحة لقاك=لإنك إن غبت ساعه عني أصبحت ميت
لان قلبي معاك وجاك ماقلت هاك=وانت بأيامي اللي معك شاللي عطيت ؟
غير جرحٍ حفظته بالصدر من جفاك=لإجل تطري عليّه يالغلا لاسليت
كل عرقٍ نشف دمه وضاق وبكاك=وأنت تسأل تقول بصدتي مابكيت ؟!؟
أأأخ لو تدري إش سويت أنا في قفاك=كان ترجع تقول لصدتي ماقويت
بخفي الحب من شان أتلمس شقاك=وأثر صعبه وانا اللي ماخفيته شقيت
قلت لامن سألت أقول قلبي نساك=ويوم لديت صوبي في عيونك نسيت !!!
أنت حبك ذنوب ولو كفرت بحلاك=خلني لين أموت , وعلني ما إهتديت .,
لو أقارن لك بنفط الكويت وهواك=قلت ياحسبي الله وين نفط الكويت !!
ولو كل الخلايق تزعل وفي رضاك=علهم مارضو مدامك انتَ رضيت
حافظك في عيوني منّك ومن قساك=هذا انا من عرفتك لاهويتك هويت
خذني الشوق يمك وانت منهو خذاك=أوووف ياكبرها ضيعتك ولادريت !
شوفني ضامي وصالك وشحت سماك=ومن هوى الغير ببطي ماوردت ورويت
كنك اللي معوّد قاعي لصب ماك=وكنك اللي يقول إنك شربت وضميت !!
جيتك أطلب وصالك ف. إلتفت لي وراك=ماني براجع إلا إنك معي يوم جيت
وكان ناوي تقفّي لأجل تعرف غلاك=لاتجي لإني بصدتك بحساب ميت
وكانها من ظروف الوقت خذني معاك"=مابي الموت ياخذني معه لاسريت !!