اهات قلبي رعد وبروق=يلمع سناها بعيني لمع
العين صارت سحايب شوق=زخت مطرها بوابل دمع

لو توزن الود في ميزان=مايرجح الوزن بنصابه
مدام قلبك قليل احسان=من يمك الود ما نشقابه

بعدك من الموت يدنيني=ودي اشوفك قبل ماموت
اخاف ترجع وتبكيني=ويضمني قبلك التابوت

دمعي تحدر وكنه سيل=سبايب اللي رفض وصلي
سقم فقلبي يهد الحيل=وصار مثل القلم شكلي

همومي توالت علي حيل=همن يجي يسبقه منزاح
لمين اشكي قساوة ليل=دام النهار مابرالي جراح

ربي خلقنا إنس وجان=والرب وحده هو المعبود
مهما تعافت بنا الابدان=نربي هذا البدن للدود

حسبت إن الهوى معناه=نعيم دائم مثل جنة
لقيت نبضات قلبي اه=اشكيها بالهوى ونة

زرعت حبه بقلبي بذور=سقيته الدمع من عيني
لما زرعي طرحلي زهور=اصبح محرم على إيديني

اللي فحسنه علي انغر=ويشوفني من طرف عينه
انكر هوايا وعيا يقر=ظالم ولا يخاف من دينه

الدمع حاير على جفني=العين عيت تهل ماها
من فيهم الجاني والمجني=جدد على الروح بلواها

دب الهوىفي شراييني=وخلى نيضات قلبي الوف
شايب وكيف الهوى يجيني=وهذا شيء ماهو باالمألوف

هذا الهوى صابني سهمه=ومصوب القلب تصويب
درس الغرام صعب فهمه=وونتي زادته تصعيب

انا معاك صافي النية= ياهاجر الود واحبابك
غايب عن العين حولية=رجعت قلي وش ابغابك

سلامي صادر لبو فياض=في عطر الورد له وارد
تعداد زهرن حواه رياض=تعداد رقمن حواه وارد

أببني ساس ألحب وأعمر=وأشيد ألجدر متراقي
ياخوفي من قلب متأمر=يلعب على قلبي الراقي

جمر الهوى لظني لذعه=صبح ليلي ماعاد يبين
وش حيلة القلب في وضعه=لا صار خلي قساه مايلين

على خدي انحفر ساقي=من كثر ما دمع عيني هل
ماعاد بقي فدمعها باقي=غير الاسى فجفنها ضل

قلبي يعاني مرض خافي= من سبته ونتي والاه
مرض تلفني وتلف لافي=عم الجسد والالم مقواه
سم المرض متبلغ اطرافي=حتى ونيني منه اجناه
وشلون اصير منه متعافي= مدام ماله دواء يبراه

بالسيل كني كما القشعة=وادي جرفني مابين ضلعين
لا ليا مخرج ولا طلعة=كيف البصيرة يانور العين
لو يفصح الخال من بدعه=ويضمنه شكاه في بيتين
بلكن في سعيي لهم رجعة=إن كان في مقصده تبيين
جمر الهوى لظني لذعه=وصبح ليلي عيا يبين
وش حيلة القلب في وضعه=لا صار خلي قساه مايلين
إن كان ماللهوى بيعة=بيناتكم فبندها تسكين
لاتحتري إحصاد من زرعه=في رياضه الشوك بالملايين

كلمة الحق مقيولة=لو الحقيقة تزعل ناس
الزين من زانت فعولة=والشين بفعله ترا ينقاس

غلطة الشاطر في مية=واهل الغلط في الملايين
عطوني الحل في ذية=نرجو الإفادة مع التبيين

الصاحب اللي خان الود= مهما تغلا لا تشقابه
إن رجع لك في يوم ورد= افتحله الباب فعتابه

يوم غلاهم فقلبي زاد=فالصد والهجر يجزوني
إن نويت فالحقيقة بعاد=بأسم الهوى رجعو ينصوني

جفاني ألنوم من صحوي=وسهرت ادور على نومي
زود الارق يعتلي ويهوي=وليا هوى تعتلي همومي

مادام راح الوسل والقن=مع جيل مايحسب حسابه
نشره نعـاتب نقول لمـن= ماعاد لك خال تشقابه
لكــن هـــذا الزمـن محزن=والبـــعد مانعرف اســـــــبابه
عسـاك تعطف علينا تحـن=ولك خال توقــف على بابـــه
سامحني ياخال ان أمـكن=الخال والــد وننخابه
فــــي القلب لك ود متمكن= وغـلاك الروح تحيــــــــا بـه
لك حق تزعل زعل مزمن= لك حـق نرضيك وترضابـه
فعل القطيعة شيء مشــــن= وماعنــدي عـــذر اتمغرابـــه
نقر بخطانا لنا أزيــــــــــن= والكذب مانلبـــــس ثيـــابـــــه
من لي غيرك ياخالي مـــن= انصـاه واوقـــف على بابـــــه