|
ياحرب ربعي للمواقيف توقيت
السلام عليكم ورحمة الله وبركاته
اخواني اعضاء ملتقى قبيلة حرب .......... بعد التحيه لقد احزنني ما رأيت من مواضيع التضجر والاستياء من التصويت السابق وفوز الامارتي الكعبي ونقول ان هناك تلاعب بالتصويت لماذا لانقول اننا قصرنا في حق شاعرنا بدر الظاهري وحسب معلوماتي أن هناك كان دعم خيالي من الأمارات وحكامها للشاعر الكعبي وكان تصويتهم مكثف بشكل ملحوظ بالشات وجميعنا رأينا ذلك .. إلى متى نرمي الفشل على غيرنا ونكتب من المواضيع الغير هادفه واللتي تبعث التكاسل والتخاذل وفقد العزيمه من أبناء القبيله لقد رأينا في شاعر المليون الأول حين كان الشاعر يوسف العتيبي في المرحله قبل النهائيه اقل تصويت من قبل اللجنه وتأهله إلى النهائي بدعم ربعه عتيبه بالتصويت... ولجنة شاعر المليون ليست شماعه لتخاذلنا ولو كل واحد من قبيلة حرب ارسل 5 رسائل فقط اعتقد انه يكفي للوصول إلى البيرق ... ربعي حزاااامي والله والله بدر رفع رأس قبيلة حرب وتجمل الله يبيض وجه وكلنا يعرف أنه موقف لا ياقفه الا الابطال .. دعونا نتكاتف ونترك المواضيع الغير هادفه ونساند شاعرنا بالتصويت .. .................................................. ........................ اقدم هذه الابيات المتواضعه اهداء لبدر وتذكير لقبيلة حرب ياحرب ربعي للمواقيف توقيت .................................ياعزوتي ياهل الفعول الجزيله يالظاهري يالقرم كفييت واوفييت .................................في ماقفك كفييت بسم القبيله ياحرب لبن العم تصويت تصويت .............................تصويتنا يا حرب تشفي غليله حمود الجابري |
يبشر بسعده
الله يبيض وجهك على هذه الحميه الي في راسك والله بدر تجمل ولاقصر اتمنى التوفيق للجبل |
اخوي الغالي
حمود الله يعطيك العافيه وبيض الله وجهك وصح لسانك والشاعر بدر الظاهري سوف نقف معه الى اللحظه الاخيره والله يوفق |
اخوي البلادي اشكرك على المرور والله يعطيك العافيه ولا عليك زود
|
اخوي المشرف القيصر ووجهك يالغالي وصح بدنك وهذا واجبنا والله يكتب اللي فيه الخير
|
بيض الله وجهك ياحمود
وصح لسانك ولاهي غريبة عليك الحميا وكلامك عين الصواب يابن العم لكن الله الله بالتصويت ياحرب ((أعذار الاوهام ماتقضي لحد ديني)) |
حمود الغيداني هلا وغلا فيك وماعليك زود وبيض الله وجهك
|
أخوي حمود صح لسانك يالقرم ...
|
صح لسانك اخوي / حمود الجااابري
و إحنا ماتضجرنا من التصوييييت بالعكس إحنا نقصد الغش و التلاعب |
شكرا لك وصح لسانك ويبشر بالفزعه ومستعدين
|
اخواني اشكركم على المرور
والله يوفق ابوتركي |
يالجابري مثل منت متاكد انك كاتب الموضوع انا متاكده وابصم على العشره
لو الظاهري صوت له كل من يقاله حربي صوت واحد قسم انه ليفوز ابك حرب ملي الدرب اكبر قبيله وماتقتصر على السعوديه وتاكد ان الكعبي يمثل دوله وكل الشعب تصوت لانه الايماراتي الوحيد لاكن ابو تركي معه الفراعنه والثقفي ومن هنا ياتجار حرب يامكثركم ياعلكم تكثرون زود ادعمو بدر كلنا علينا واجب بدعمه بالتصويت لاكن انتم لكم القسم الاكبر الشيخ حجاب ومقصر يعطيه اللف عافيه وبيض الله وجهه هو وعياله لاكن فيه تجارمن تجارنا ودون ذكر اسماء والله لو يعرضون البرنامج للبيع انهم يقدرون يشترونه واذا قلنا ظلم هذا مثل ماقالو برد عن نفسك يامغبون حمود الجابري يعطيك اللف عافيه اخوي وصح لسانك تقبل مروري اختك / بنت عوف |
صح لسانك ياحمود... ويبشر بالسعد... |
أخواني اشكركم على المرور والله يعطيكم العافيه
|
ياحرب ربعي للمواقيف توقيت color].................................ياعزوتي ياهل الفعول الجزيله يالظاهري يالقرم كفييت واوفييت .................................في ماقفك كفييت بسم القبيله ياحرب لبن العم تصويت تصويت .............................تصويتنا يا حرب تشفي غليله حمود الجابري
يالجابري سمعت صوتك ورديت=ابشر بعزك والذراع الطويله بدر ولدنا وعزنا طيب الصيت=رفع علمنا بالبيوت الجزيله ويابدر دامك بالقبيله تعزويت=ارقى سنود وجزل شعرك وسيله انا اشهد إنك باطيب العلم كفيت=يفداك راع الناقصه والهزيله واصل مسيرك وانت بالبيرق احريت= ياتاجنا ياعز كل القبيله دوموا بعز وتقبلوا إجلالي |
الشاعر المبدع
عبداللطيف العوفي صح لسانك صح لسانك قصيده جزله ووافيه بيض الله وجهك وعسى عمرك طويل يالعوفي عاده لكم ياعوووووف الحمياء والعلم الطيب وعاده للجوابر كل علم يطلق الوجه بيض الله وجيهكم ياحرب والوعد البيرق ان شاء الله |
اقتباس:
الله يبيض وجهك ياعبد اللطيف العوفي صح لساانك مليون وكفو يالغالي ولاهي غريبه عليكم ياعوف بالحمياء. |
الساعة الآن 02:03 AM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir