*( جرح الهوى )*
إن كـان جـرحــك لـنا مـكشـوف
جـرحي أنا بالـحشا خافي
جرح الهوى ماهو جرح سيوف
والناس تحسبني متعافي
اللي ذبــحنـي عـلـيه وصـوف
بالزين كامـل بالاوصـافي
عين وهــدب مع خصر وردوف
شبه القمر وقت الا نصافي
والشعــر الأشقر ذهب مـصفوف
نازل على جيدها ضـافي
واللـه لـولا الـحـيـا والـخـوف
لا قول أنا صابني شعـافي
والـسمع ما هـو ترى كالـشوف
يا من تلوم الذي شـافي
يا ليت يعـمـل مـعـي معـروف
اللي له الـقـلب مـيـلافي
قـبـل الـمـنيـّه عــليّ تحـوف
ونصير باسباب وخلافـي
يعـطـف عـلى حـالتي ويـروف
ويـبـدّل العـنـد بالـطـافـي
شعر / ضيف الله البدراني ( أبو وليد )

,
,
,

صح لسانك وعلا شانك

والله يعطيك العافيه على القصيده الجزله

بيض الله وجهك

مع التحيه