الليلـه الضيـق باعماقـي سـرى بالوريـد=أسخف عروقي من الضيقات جاهـا الحشـر
يالله فرجـك القريـب ويـا إلــه العبـيـد=مـن قمعـة شفوفنـا فـوق الزمـان الغبـر
نريـد وأنـتـه تـدبـر ماتـشـاه وتـريـد=والعبـد مالـه تصـرف بالقضـا والـقـدر
مير الظروف أمحقا والوقـت حفًار بيد=إيكسـح اللـي بـراسـه للنـبـاوه سـطـر
واليـا طغـى حـزن خفاقـى وعيـا يهيـد=أمـا رقيـت الجبـل والا سبحـت البـحـر
إيـه التجـارب تعلمـنـا قـديـم وجـديـد=ولا أقول أنا واصل بالعـرف سطـح القمـر
لكن أحـاول قـدر مااقـدر وانـا المستفيـد=للطيـب ومقاولـه فـي بــاع والا شـبـر
وأنا ما أجنب طريق الصح لـو كنـت حيـد=ولا أهمـش الصايبـه وأنـا براسـي خبـر
الله يقطـع وريـث أمجـاد مافـيـه جـيـد=يشعب ذلـول الـرداوه بيـن زيـد وعمـر
وياللي تحـذف الأوادم وانـت عقلـك بليـد=ما تـدري أنـك تحثلـت الـزرى والقشـر
غلطـان ياللـي تبـى تثليـم سيـفٍ حديـد=لا انتـه ولا مـن تعزاوبـك ببطـن وظهـر
وغلطـان يااللـي تبـى تاكيـد مـالا يكيـد=شلها على الراس والا أقـول وسـط النحـر
تقـول مـن بيـن خلـق الله ساعـي بريـد=هـذا تحطـه سمـا وهـذا تحطـه حــدر
يغيضنـي شذبـة المقفـي وسطـو الهـريـد=بشر ... بشر ... مير بعض أحيان ماهي بشر
لـو باتقصـوى ورى الأنـذال ماجبـت فيـد=لكـن ياربـي خراجـي وذي وجهـة نظـر
العمر ينقص مـع أدوار الزمـن مـا يزيـد=والعاقـل اللـي خـذا منهـا دروس وعبـر
ويوم الظروف أمحقا والوقـت حفًار بيد=الله يقطعـك يـا راسٍ مـا يطبـخ ظـفـر