|
هيا اسمعو آخر الأخبار
هيا اسمعو آخر الأخبار=جديد توه خبر طازه خوينا هفه المسيار=ومن التعب جاء بعكازه |
اقتباس:
و عقبالك يا لافي |
لاعاد طبلة ولاشي طار=ولاشي قناديل هزازة خله يذوق النهار الحار=لولا الطفر مالنا عازة |
اقتباس:
الف الف الف مبروك له واشكر اخي لافي على اخبارنا بهذا الخبر السعيد. وكذالك اخي ابو فرح يباركله . وعنده له هديه .
ياراعي الورد لا تحتار=صاحبك موجود للعازه عنده دوى يصلب المسمار=ولد الولد كان تعتازه |
اقتباس:
تسلمون كلكم الاول والتالي ,
ماله بعد كبنا منذار=وخلاَّ بعد عمر مركازه إن جاك يبقى دواء منهار=لا تجيب له غير نغازة |
اقتباس:
خااااااااش عرض لكن لي وجهة نظر في هذا الخبر
ياربعي هذا الخبر انذار =يوم الخرز ضاق مخرازه خويكم في يدينه نار =صحيح ما بالنقا انجازه |
اقتباس:
صح لسانك يالافي وصح لسان اخي فواز واخي ابوحامد. وإن كان العريس ماغيره العود فلازم نعذره ونبارك له وواجب على ابو فرح يكمل الواجب معنا . وإليكم
شاع الخبر باحة الأسرار=وظروف صعبه ولزازه واللي قطف اجمل الأزهار=يستاهل الورد من حازه |
اقتباس:
حنا نقل الخوي لو جار=ولاحنا ليا طاح نهازه لكن بلانا من المنقار=ما أدري عن الزير وش حازه |
يا سلام عليكم يا شعار
وصح لسانكم جميع ابو بتال |
اقتباس:
ماصار جيزة بليا دار=مسيار ماظنه اعزازه بيت الشرف يرفع المقدار=هذا الخوي جيبك اعتازه |
اقتباس:
خذها مشوره من البحار=ماهي تشاميت وطنازه العود اسرت به الأقدار=بكره تشوفه على جنازه |
من أبدع ما في هذه المحاورة
و كلها بديعة و رائعة أن كل واحد من لافي و البحار و فواز يتحدث عن وجهة نظر تكاد تكون مغايرة للآخرين بدون أن يخرج عن المطلوب شعراء راائعين صحت ألسنتكم و سلم بنانكم و أطال الله أعماركم |
الله يبيض وجيهكم جميع ، مجرد تسلية مبنبة على مجهول ، قلنا نحرك الجمود شوي ، ولا قصرتوا أبدعتوا الله يعطيكم العافية |
|
تسلم أخي لافي
على هذه الموجة التي حركت البحار والجمـــال وجمــــاله وبيض الله وجيهكم ويعطيكم العافية |
شعراء راائعين صحت ألسنتكم
|
الساعة الآن 04:03 AM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir
