ياماحلا غدوه...برفقة مسافير=أهل العلوم الغانمة والملاحه
في هجعة النومان راع المخاسير =اللي صلاته بعد ولاً صباحه
في بيدة (ن) شادت كفوف الغنادير=بيض النواظر واااالفات السماحه
فيها تبختر غاليات المغاتير=أمثال فلك (ن) ماهره بالملاحه
كوم الخواصر يقطر الشمل تقطير=ابشهد ريح العشب فيه استباحه
حالي من الخلفات كسب المناعير=اللي بها النوماس وللبال راحه
في جو يعجز عنه جزل التعابير=فيه السما بالمزن لابس وشاحه
هب النسيم يزيد روحي من الخير=برد وسلام ابصبح محلا رباحه
ياماحلا غدوه...برفقة مسافير=أهل العلوم الغانمة والملاحه

المشاركة الأصلية كتبت بواسطة حميدان العوفي (المشاركة 274810) شرواك الطيب اخوي / فواز ... و صح لسانكـ على هذه القصيدة الجزلة .. دائماً معودنا على الجزالة . تقبل شكري و احترامي

صح بدنك يالغالي

أسعدني مرورك الكريم


بارك الله فيك

المشاركة الأصلية كتبت بواسطة مانع الجابري (المشاركة 274822) فواز الزويهري شرواك الطيب اخوي صح الله لسانك على الجزله وبيض الله وجهك يعطيك العافية ولاعدمناك

هلا والله وغلا

مرورك محل تقديري

زصح بدنك والله يبارك فيك

لم خاااااااااالص التقدير

المشاركة الأصلية كتبت بواسطة ابوروان النويمي (المشاركة 274823) , , , صح لسانك وسلم بنانك وشرواك الطيب قصيدة وافيه من وافي بيض الله وجهك يالذيب اتمنى لك التوفيق اخيك ابوروان

المشاركة الأصلية كتبت بواسطة العود الازرق (المشاركة 276591) الشاعر / فواز الزويهري .. صح لسانك وشرواك الطيب .. يا ماحلا الفنجال مع سيحة البال .. في مجلس ما فيه نفٍ ثقيلة هذا ولد عمٍ وهذا ولد خال ........ وهذا رفيقٍ ما ندور بديله فعلا لصحراء جو خاص ومتعة لا توصف .. وخصوصا عندما تمتع ناظريك على مدى ما ترى ولا ترى الا ما يروي ظمأك .. وتكتحل به عيناك .. الانسان البدوي وإن سكن المدينة تجد أنه شغوف لصحراء ويتحين الفرص ليحزم امتعته حيث يقيم فيها لبعض الوقت .. سملت فواز وشكرا لك .. تقبل تحياتي

المشاركة الأصلية كتبت بواسطة بني سالم (المشاركة 295479) صح لسانك عبرت وأجدت تحياتي وإعجابي

المشاركة الأصلية كتبت بواسطة أمـ(الـ ح ـرف)ـيـر (المشاركة 297151) ومن قال سالم و غانم صح الله لسانك قصيدة رائعه بحق