عقب العساسه عن هاك الدرب خيرت= اعماس كيف ولا بهاراً بثومي
اليابغيت امشي على الدرب نورت=وعرفت وش قدمي بليلا ً كتومي
واليا عرفت اللي على الدرب واسفرت=وقريت لوحاته وشفت الرقومي
اما معه سافرت ما عاد شاورت=والا جلست ولا السفر بمحتومي
اوشفت اخيراً منه غيره وغيرت=حتى لو اني كد دفعت الرسومي
ارجع مدامي غادياً لو تخسرت=والعرف نوب من الخسارة يقومي
ولصافي الرفقه من الناس دورت=شبلاً سنافياً حكيماً فهومي
لن جيت له سرك ولن جاك سررت=عندك حشيماً وانت منه محشومي
بمرافقه كنك لحاجتك وفرت=اصفى ذهب واغلاه عما عمومي
دامه حزامك لشواهيق شهرت=حراً ولد حراً حريراً سمومي
ما هو الذي لا قست عقله وعايرت=لقيت مسكيناً لنفسه يزومي
الرجل لا ما اوحيت قوله وفسرت=الثوب ما ماليه غير الجرومي
لا تنخدع بجروم ناساً تكابرت=نوب ترى الجوهر يصير معدومي
ماكل من شفته لعنتر تصورت=قبل الدلايل لا تصدر احكومي
لا تقول وانت من الزلل ما تحذرت=تصبح على قولك وعلمك ندومي
تراك لا ما اثبت قولك وبررت=فتحت باباً للخطا والخصومي
ورجعتك ما هي هينه لا توعرت=ولو احصلت ماهي على ما ترومي
وش عاد لاونك عقب جيت غادرت=لأفضل انك ما تجي بك وهومي

المشاركة الأصلية كتبت بواسطة ابومشعاب الحربي (المشاركة 271342) صح لسانك كلماتك غايه في الروعه أحييك على هذا البوح المتميز دمت ودام شعرك وبوحك

المشاركة الأصلية كتبت بواسطة الحب الباقي (المشاركة 271343) صح لسانك مليون على القصيده والله يـعـطـيـك الـعـافيـــــــــــة بيض الله وجهك

المشاركة الأصلية كتبت بواسطة مشعان الحربي (المشاركة 271481) صح السانك ولاهنت قصيده رائعه من رائع لك تحياتي

المشاركة الأصلية كتبت بواسطة سالم الفريدي (المشاركة 271466) مِــدادكَـ .. غـشـاهـا .. الـ صـدق .. وأحـاطـهـا .. الـ نـقــاء !! صـ لسـانـكـ ـح ..

المشاركة الأصلية كتبت بواسطة بن فرهود الحربي (المشاركة 271494) صح الله لسانك ولاهنت وسلم فكرك وبنانك دمت برعاية الله وحفظة

المشاركة الأصلية كتبت بواسطة المحايد (المشاركة 271502) اما معه سافرت مـا عـاد شـاورت والا جلسـت ولا السفـر بمحتومـي اوشفت اخيراً منـه غيـره وغيـرت حتى لو اني كـد دفعـت الرسومـي ارجع مدامـي غاديـاً لـو تخسـرت والعرف نوب من الخسـارة يقومـي الشاعر الجزل عامر الحربي الكثير من الدروس والجمال والشعر بهذه الشاهقه . بيض الله وجهك وصح لسانك