|
ياطيش 000 !!!
// // الطيش وما ادارك ما الطيش!! // // طيش الشباب مرحله لابد المرور بها بعمر الانسان وكلٍ حسب العوامل المساعده لها!! // // كتبت هذه القصيده بهذا الموضوع 00 اتمنى ان تعانق رضاكم !! // //
ياطيش ابعد بابتعد عنك ياطيــــش =ياطيش يكفي مامضى من ليـــــــــالي رحلة عمر وأياك والمركبه ريـــش =من مكتب الاوهااام نحجز امالـــــــــي مليت انا ياطيش مليت من عيـــــش =عيش الليالي معك ياطيش سالـــــــي حتيش نفرح بالبدايات حتى ايـــــــــــــش =وهموم باخرها على كل حالــــي ساعة فرح00 لاتسألوني على ويــــش =وساعات بعده ضايقٍ جو بالـــــي دفعتنا ياطيش وابليس شاويـــــــــــش =يرسم لك اهدافه بكل المجالــــــــــــي الارض خضراء والمخايل رشاريش =صورتها باوهاام فاق الخيالــــــــــي خليتنا نهوى السفر والمطاريـــــــــش =نسري ليالينا على لال لالــــــــــــــي نمسي شمال وصبحنا وادي البيـــش =وبطول المسافه وقصرها ما نبالــــــي تغيب النجوم00 يبقى ظلام المهاتيش =غير اليماني سهيل وجدي الشمالي ياطيش باسبابك قضف مصدر العيــش =وجه الحقيقه منك جرفٍ هيالــــي أصايل امهارك تعوّد اكاديــــــــــــش =طيفٍ يمر بليل ولا اصبحت زالـــــي من طاوعك ياطيش طاح بكلابيــــش =يبقى عليل وداخله هم كالــــــــــــي عقب التورط لاتقول لي معليـــــــش =الله ياماراح من حر مالــــــــــــــــي ياطيش 00 ابعد قفلت معي بالشيــش =أبعد00 وتلقى لك خويٍ بدااالــي 00تحياااااااتي 000 أحمــــــــــــــد العوفي |
صح السانك ولاهنت
قصيده رائعه من رائع لك تحياتي |
|
صح بدنك
ولاهنت لاخلا ولا اعدم منك كل الشكر لك اخوك |
صح لسانك وانا اخوك على هلقصيدة الأكثر من رائعة
ابيات في غاية الروعه |
احمد العوفي
بيض الله وجهك وصح السانك ويعطيك ربي العافيه تقبل مروري اختك. بنت عوف |
الله يعطيك الف عافيه ماقصرت بيض الله وجهك
|
صح لسانك الله يعطيك العافيه |
صح لسانك يالذيب
.. ولاهنت نص راقي ..و عذب المعاني .. ! سلمت مشاعرك .. دمت بـ إبداع راعي الحناكيه |
قصيده جزله ومن شاعر جزل وكفو
صح السانك ملايين يالذيب |
صح لسانك
كلماتك غايه في الروعه أحييك على هذا البوح المتميز دمت ودام شعرك وبوحك |
صح لسانك
صح لسانك |
ياطيش باسبابك قضف مصدر العيش ,,,,, وجه الحقيقه منـك جـرفٍ هيالـي أصايـل امهـارك تعـوّد اكاديـش ,,,, طيفٍ يمر بليل ولا اصبحـت زالـي من طاوعك ياطيش طاح بكلابيـش ,,,,,,,, يبقى عليـل وداخلـه هـم كالـي عقب التورط لاتقـول لـي معليـش ,,,,,,,,, الله يامـاراح مـن حـر مـالـي اخوي احمد العوفي صح السانك مدد بلا عدد نص راااائع بكل مافيه صح قلبك وفكرك تحياااااااااااتي |
الله الله عليك
صح لسانك قصيده رائعه وتستحق الاعجاب من شاعر متمكن لاهنت تقبل تحياتي |
, , , صح لسانك وسلم بنانك قصيدة وافيه من وافي بيض الله وجهك يالذيب اتمنى لك التوفيق اخيك ابوروان |
أحمد الحربي
ماشاء الله على هالإبداع شاعر مبدع وجزل بحق صح لسانك وبيض الله وجهك قصيدة كايفة تحياتي لك...., |
ومن قال سالم و غانم
صح الله لسانك قصيدة رائعه بحق تحياتي اخوك |
صح لسانك
عبرت وأجدت تحياتي وإعجابي |
صح الله لسانك وبيض الله وجهك
جزل لا عدمتك تحياتي اخوك |
صح الله لسانك ولاهنت
قصيده وافيه من وافي تقبل صادق ودي تحياتي |
أخوي أحمد
قافيه مميزه وقصيدة رائعه لك كل الشكر |
الله الله صح السانك
يالسمي ابداااااااااااااااع تحيتي وودي لك......... |
الاخوه والاخوات اشكر لكم طيب مروركم المبهج الذي شرفني كل توقيع طل حضوره ونوّر بحروفه متصفحي !ّ تحياتي وتقديري لكم0 |
صح السانك ولاهنت
قصيده رائعه من رائع |
الله ينصرك يالقررررررررررررم
هنا تستحي الحروف المدح ما اقدر اقول الا بيض الله وجهك يالقررررررررررررم سجل اعجااااااابي تحياتي لك |
الشاعر / أحمد الحربي
صح لسانك وبيض الله وجهك تقبل تحيتي وتقديري |
اقتباس:
اخي 00 الحب الباقي صح بدنك00 وماعليك زود00 ومشكور على مرورك المبهج0 تحياتي |
اقتباس:
اخي 00 فيصل الوافي صح بدنك00 وسلمت و دمت كل الشكر لمرورك0 تحيتي |
صح لسانك يالغالي رائع ما كتبت.. وجميلً ما خطه قلمك دائماً مبدع ماقصرت |
الساعة الآن 05:24 PM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir
