خل عنك البوم طير مايروم = وانتقي صقر ليا هز الجناح
يشفي أجراح الضماير طير زوم = صقر لا منه نهج يضوي بفلاح
وانتقي قسمك من خيار القسوم = الغراب اللي رضى قسم الشحاح
والخجل بين الرياجيل القروم = من صفات البنت فبيوت الصلاح
جالس أهل الفكر وامثال النجوم = باعد الكذاب لو كان بسلاح
يفتل الكذبة من حبال الوهوم = واللحم عنده من رجال وضاح
إن لقيته يضحك فضحكه سموم = أستعذ بالله من راع النباح
واعرف إن الصدق بلسم للهموم = ما يهم الصادق فصدقه نجاح
مقدم الصادق ترى خير القدوم = إن تنبيته ينبأك الصحاح
وإن غلط صاحبك فالتأنيب لوم = ادمح الغلطه وقابلها بسماح
اذكر أيام مضت وقت اللزوم = يوم ميقافه معك حتى الصباح
جابة من شاعر بدعه وسوم = والرجال الراشده تشرب قراح
كثر ما المزنه لها برق و رزوم = اذكروا رب السما ذكره رباح

المشاركة الأصلية كتبت بواسطة الحب الباقي (المشاركة 246452) صح لسانك مليون على القصيده والله يـعـطـيـك الـعـافيـــــــــــة بيض الله وجهك

المشاركة الأصلية كتبت بواسطة راعي الحناكيه (المشاركة 246480) صح لسانك يالذيب .. ولاهنت نص راقي ..و عذب المعاني .. ! سلمت مشاعرك .. دمت بـ إبداع راعي الحناكيه

المشاركة الأصلية كتبت بواسطة سالم الفريدي (المشاركة 246491) صح لسانك دائماً جزل يالنشمي تقبل تحياتي

المشاركة الأصلية كتبت بواسطة سعد لافي (المشاركة 246494) اخوي فواز وإن غلط صاحبك فالتأنيب لـوم ,,,,,,,,, ادمح الغلطه وقابلهـا بسمـاح صح السانك مدد بلا عدد نص يحمل كثير من المعاني والحكم صح قلبك ونبضك تحياااااااااتي

المشاركة الأصلية كتبت بواسطة حمود الغيداني (المشاركة 249039) صح لسانك وعلا شانك قصيدة رااااااائعه

المشاركة الأصلية كتبت بواسطة المسافر راح (المشاركة 249252) صـ لسـانـكـ ـح .. مــدد .. بـ .. لا .. عــدد .. دمــتَ .. كمـا .. أنــت .