|
( البارحه يــوم الخــلايق نيــامـا )..!! = فحطـت بالسيكـل على سطـح جـاري ..!!
. . بعد السـلام تحيـّه راقيـه وعذبـه .. لـِ قلوبكـم جميـعا ً ( شطحه شعريه ) :) من جديدي المتواضـع .. انثرها بين انظاركم .. فـ تقبلوها والتمسو العذر لصاحبها . .
( البارحه يــوم الخــلايق نيــامـا )..!! = فحطـت بالسيكـل على سطـح جـاري ..!! قمـت آتشقلـب وأشطف الجدر بالمـا ..!! = من جـوف سطـل ٍ خـرِّمته الشبـاري ..!! على رفيـق ٍ راح وأعـقـب ظـلامـا ..!! = ما شفـت مثلـه بالبـدو والحضـاري ..!! غـرو ٍ ملك مع أسفـل الثغـر شامـا ..!! = كل ما طـرالـي عفـت صيـد الحبـاري ..!! أسحـب وراي إسطـول عشق وهيامـا ..!! = وأعتـَّد زادي جمـر يشــوي نهـاري ..!! وأسكـن بيـوت ٍ عـامره بالهـدامـا ..!! = وأضحِـك قلـوب ٍ وقت سحـب السـواري ..!! مـن حـر مـابي مـا أكلت اليـدامـا ..!! = مـا غـير أنقـنـق بالـرزيـز البخـاري ..!! في وسـط مطعـم ما لفـاه الحـرامـا ..!! = ولا كـسَّـبه غيـري اشتهـار ومصـاري ..!! قضيـت أنـا ويـاه سبعـة عـوامـا ..!! = مـا والله أخـلف عن مسـاره مســاري ..!! كنـت آتـربـَّع داخلـه ما أُضـامـا ..!! = وأبنـي مشـاريعي وأهــذ ّ الطــواري ..!! ليـن أقبلـت سـاعة قليل الذمـامـا ..!! = وألــزم على المطعـم سجـل ٍ تجـاري ..!! حاولت أحثـّه وأنصحـه بالحيـامـا ..!! = لكـنّ حثـِّي قــادنـي لإنهيـــاري ..!! أصبـحت مجـنـون ٍ فناه الغـرامـا ..!! = أبـث بـوحـي في صمـت لإنتظـاري ..!! من عقب هـدَّو مطعمـي يا حـرامـا ..!! = ودرعمـت بالغـربـه وأنـا وسـط داري ..!! رثيـت نفسـي وارتضيـت الصيـامـا ..!! = حـتى بكـت كل الكـواكـب مـداري ..!! عليـه منـّي كل ما اقبـل سـلامـا ..!! = وعلـيّ منـّـه كـل ما أقفـى دمـاري ..!! ذكـراه تحيي بي رميـم العظـامـا ..!! = وفـرقـاه لا والله تقتــل وقـــاري ..!! من لامنـي في عشـق مطعم تهـامـا ..!! = يبــلاه ربـي بالسنيــن القفـاري ..!! وصلاة ربي قبـل وصـل الختـامـا ..!! = على الشفيـع المصطفـى عند بـاري ..!! مهمـا نـدِّون بالزمـن من كـلامـا ..!! = حكـم القـدر عـالخلـق جاري وسـاري ..!! . . والسلامه والسعاده للجميع أخوكم الصغير خالد بن سنيد الجابري الحربي ذيب القوم |
هلا اخوي / ذيب القوم
ههههههههههههههه حلوة ومعارضة جميله للقصيدة المشهورة ( قصيدة نمر بن عدوان ) وتمتلك فكاهة شعرية رائعه .. تناسق وتصوير جميل للحياة التي جعلتك من عشاق مطعم تهامه .. بس لو انك شفت برنامج دوائر على القناة الاخبارية والذي عرض قبل فترة عن المطاعم تسان قلبت رثاءك للمطعم الى هجاء هههههههههههه . .. على العموم وفقت ولا تحرمنا من إبداعاتك الفكاهية الشعرية . تقبل تحياتي |
صح لسانك وعلا شانك
والله يعطيك العافيه على القصيده الجزله بيض الله وجهك مع التحيه |
ذيب القوم
أنا اشهد انك ذيب واسم على مسمى بس ثاني مرة اذا فحطت اعزمنا معك الواحد يحب يرجع كثييييييييييييييير لمثل هذي الحركات ههههههههه ويعطيك ألف عافية وأدخل الله إلى قلبك السرور كما أسعدتنا بهذه الرائعة |
هههههههههههههههه
الله يضحك سنك .. اانا قريت المطلع وفطست ضحك .. صح لسانك على هالقصيدة الفكاهية .. يالذيب.. |
صح لسااانك
الله يعينك و يصبرك و الله الفراق شين |
ههههههههههههههههههه
صح الله لسانك ملايين قصيده رائعه بروعة كاتبها لاهنت وما اقول غلي الله يكون في عوننك |
صح لسانك وبيض الله وجهك
نص جميل وشاعر بارع تقبل تحياتي راعــ(البل)ــي |
صح لسانك ملاييييييييييييييين
شاعر جزل وقصايدك جزله ويطرب اللي يسمعها سجل اعجابي ومتابعتي لك احترامي |
اخوي ذيب القوم صح لسانك وبيض الله وجهك
ودوبك على نفسك وخيال رائع كتبت فأجدت |
صح لسانك مليون يالذيب وبيض الله وجهك
|
|
هههههههههههههههههههههههههههههههههههههه
خالد صح السانك يالذيب ويعطيك ربي العافيه والله يعين جيرانك على الرجه بس ويعينك على فراق رز بخاري والمطعم يسعدك ربي انشاء الله ويصلحك تقبل مروري اختك . بنت عوف |
السلام عليكم ورحمة الله وبركاته سلمت ودمت أخوي الشاعر ذيب القوم على القصيدة جزله ورائعه وصح لسانك أخوك ابوساره |
صح لسانك يالذيب
.. ولاهنت نص راقي ..و عذب المعاني .. ! سلمت مشاعرك .. دمت بـ إبداع راعي الحناكيه |
صح الله لسانك
ولاهنت وسلم فكرك وبنانك دمت برعاية الله وحفظة |
ومن قال سالم و غانم
صح الله لسانك قصيدة رائعه بحق تحياتي اخوك |
الله الله عليك
صح لسانك قصيده رائعه وتستحق الاعجاب من شاعر متمكن لاهنت تقبل تحياتي |
صح لسانك
ابيات في غاية الروعه |
صح لسانك واعتلى شانك
وتسلم على هالقصيدة |
ذيب القوم صح السانك وبيض الله وجهك هههههههههههههههههه
|
صح لسانك وبيض الله وجهك
نص جميل وشاعر بارع تقبل تحياتي |
ذيب القوم صح السانك
|
رايع رايع رايع
قصيدة فكاهية جميلة |
صح لسانك وسلم بنانك
أبيات غاية في الجمال والروعة تحياتي لك دمت بخير |
ههههههههههههه
قصيده رايعه |
لا يسمعك (نمر بن عدوان)
ترى انسمعك لحقك حرمته انتبه |
والله إنك نشمي يا الذيب وصح لسانك .. على هالقصيدة الفكاهية .. وإن كانت تحكي مأساه مبدع يا الذيب وبيض الله وجهك ابو بتال |
هههههههه
يعطيك العافيه على هالقصيده الفكاهيه |
ههههههههههههههههههههههههههه
هههههههههههههههههههههههه هههههههههههههههههههه هههههههههههههههه ههههههههههه ههههههه ههه ذيب القوم صــــــح لــــــــــســــــانـــــــكـ لاهنت |
صح لسانك يارعي السيكل بس الكتابه بخط ابيض غير واضحه يالغالي وتحياتي لك
|
ذيب القـومـ ,’ ’, صح لسانـكـ وعـلا شانـكـ واضحكـ الله سنّكـ على هذهـ القصيدة المليئة بروح الفكاهة تحيــتي لــكـ |
قصيده وافيه ومن راس وافي
لاهنت ولاهان هذا الحضور تقبل تحيتي |
الساعة الآن 10:00 PM |
Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir
