ياعيدمالي يمة الشام نيه=خذمن خويك صامل العلم ياعيد
انا سعودي وافتخربالهويه=حب الوطن عندي بدم الاواريد
مشتاق انا لديارنجد العذيه=هذامراد النفس لانقص ولازيد
افياضها واسهولها الجرهديه=واجبالها الشمّخ وحزم الجلاميد
من وادي الزلفي لهضبة طميه=ومن الشبيكيه شمالاّ ليا فيد
احب نجد الغاليه والنقيه=حبي لها من دون ذكر وتحديد
عسا سحاب المزن ينثرنويه=نو من الوسمي عليها تراديد
ديّم مطرها بالرشوش القويه=ركد ثقال المزن واظلم سماء البيد
عشرين يوم الديم كل اضحويه=لين النفل في خضرته يكسي الحيد
تلقى الخزامى نابته بالشغيه=وتلقى ام سالم ساجعه بالا ناشيد
ماني مدور خضرة اللاذقيه=والعذرمني واقبل العذرياعيد

الاخ الشاعر عيسى العوفي

ماشاءالله لله درك

ابداع اكثر من رائع

وغير مستغرب على شاعر مثلك

يعطيك العافيه يالغالي

وصح الله لسانك وبيض الله وجهك
تقبل تحياتي وتقديري
ودمت بالف خير

الاخ الفاضل/
ابوطيف الجهني
اشكرك على مرورك الجميل
الذي هوسرجمال الصفحه
تحياتي لك