|
مل الورق والقلم زعلان @@@
مساكم الله بالخير
جيت أكتب بالقلم ورفض الكتابة وقلت ممكن الحبر نفد طلع مليان حبر لكن الرجال زعلان سألته لماذا فدار هذا الحوار الذي يحتاج إجابة الله الله عجلوا خلونا نكتب بذا الزعلان (ههههههههههه)
مل الورق والقلم زعلان =ويقول مال الهوى ءآلام مايوم عاشق كتب فرحان=مايكتب الآمع الاسقام |
صح لسانك وسلم بنانك ويعطيك العافية على الابداع
|
صح لسانك وبيض الله وجهك
|
صح لسانك يالذيب
|
يعطيك العافية وصح الله لسانك وبيض الله وجهك ولاعدمناك يالغالي
|
الأخوة الأكارم نواف الحربي راعي الحناكيه تركي بن بجاد نظم القوافي مروركم زاد هذه الصفحة المتواضعة بهاء ورونقا وصحت ألسنتكم وبيض الله وجيهكم لكم من أخيكم خااااااااااالص التقدير وينكم ياشعراء جاوبوا القلم |
أخوي فواز : أسجل إعجابي بهذه الكسرة الرائعة ، ولي عوده تقبّل تحيّتي |
غلاب قيل الهوى يافلان=كثير منه فبحره عام
يايصادف الفرح يالأحزان=قليل فرحه يسد العام |
اخوي / فواز ............. صح السانك يابن العم
تقبل مني هذا الرد :
لجل الهوى ساكن الوجدان = ما أظن راعي الهوى ينلام ظالم و ظلمه على انسان = و أفراحه امعلقه بأوهام |
ولد القرح بمرورك نفرح وحنا في انظارك وعساك على القوة |
الأخوين الفاضلين العزيزين سالم البشري الزويهري بيض الله وجيهكم وواااااافين لكن القلم هذي المرة اللي بيرد عليكم مهو بنا برد قنعوه الله يعينكم ( بلشتوا هههههههههههه ) يقول القلم :
ياصحابنا ياهل الأشجان=فالوصل جودوا لنا بنغام كفوا الكتابه عن الخذلان=للوصل نشوه وذكرى أيام |
صح لسانك وبيض الله وجهك
|
اقتباس:
صح بدنك ووجهك أبيض وسلم غاليك يافارس عوف |
اسمحلي يافواز ياخوك ماشفت الشغل إلا الآن واستلم
مادمت مغرم وله ولهان=اسعى وحث العزم قدام اطوي معه صفحة الهجران=إن كان تبغى سعدْ وانعام |
اقتباس:
مسموح يالغالي وهذي الايام محد يلوم احد كل في شغله والله يعين
الوصل دونه جبل بركان=الموت تحته بغير ارحام والناس قالوا بلاك اجنان=من بعدها كلت الاقلام |
مادام دون الهدف نيران=بالسلم حاول معه ونظام إن فاد ولاّاقتنع باحسان=من عزها الروح ماينضام |
اقتباس:
جبنا المطافي وأطبه ألمان=والروح منهم تزيد هيام ياطير ياخافق الجنحان=بلغ سلامي بكل ويام |
الساعة الآن 10:50 AM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir