محاورة ( معتق العياضي ** راشد السحيمي )
 

قال راشد :

ياسلامي لوني في محلي وكاد
ناس اسلم عليها ناس ارحبها
يابني عمر من يطلع بوسق الشداد
شيخ يقدر يطف النار ويشبها

قال معتق :

مرحبا ردة تطلع لروس العباد
لايهمك بعيد الناس من قربها
والله إنا رجال إن كان جات العناد
تالع النار والعربان تحطبها

قال راشد :

ياعسى نار ربعي ماتعود رماد
لجل معتق يهرجني على جنبها
مايهم الدبا يكبر ويصبح جراد
لاذبحت الدباه اخاف من ذنبها

قال معتق :

ابشر ان البيوت مثبته بالعماد
ثابته في شروق الدار وبغربها
كان سافرت اباخذ معي ملح وزاد
وانت رجل قديم وعارف دربها

قال راشد :

يظهلر انك مزعل طارق ابن زياد
ليش يوم الخريمة ذبها ذبها
اعلنوا بالتكاتف واعلنوا بالجهاد
انته الخيزرانة ليش تنصبها

قال معتق :

انتبه يدك يارشد قريب الزناد
أصل بعض العرب ودي على ضربها
نادي الاهلي ينافس مع الاتحاد
اصبروا غير الاهلي يوم يظفربها

قال راشد :

لو احصل بقلبك نص نقطة سواد
تغبني لكن ماني معلمبها
قالو اهلي وقلنا ماعليه اعتماد
روح دور على بندق تحزمبها

قال معتق :

قلبي ابيض ياراشد ياعساك الرشاد
مابقى الاتجيب الفحص تنظربها
ماعليه تراني باذل الاجتهاد
معيه حزام كاني جيت في حربها

قال راشد :

خابرك في ربيع وخابرك في جماد
ماتهم الجروح اليانعرف طبها
لايوهقك عن نقل الصميل البراد
ماشية بالسلامة لاتخربها

قال معتق :

يالسحيمي تصبر لين يوم الحصاد
مير ذيك الطبايع كبها كبها
والله إني يارشد ماتبعت السراد
مستعد افضح العربان واسبها

اخي القدير راعي الابل
لاهنت يالقرم
بيض الله وجهك
تقبل مروري بود

راعي الابل الله يعطيك العافيه


والله يوفق شاعرنا معتق



اخذ حقه بالسمعه والباقي عليه



ويبشر بوقفة ربعه

لاهنت لاهنت لاهنت

يالذيب

و صح لسان الشاعرين


و المحاورة موجودة فالملتقى منذ فترة طويله

مشكور اخي على جهودك

بيض الله وجهك

تقبل تحياتي

مشكورين على المرور

صحت السنتهم

وبيض الله وجهك على النقل

مشكورين على المرور

لاهنت يالقرم
بيض الله وجهك

بيض الله وجهك

بيض الله وجهك

مشكور على الجهد

بيض الله وجهك لاهنت ياخوي