|
ديوان الشاعر منصور المعمري
السلام عليكم ورحمة الله وبركاته :
بعض من قصائد الشاعر والكاتب / منصور المعمري . ( إلى خادم الحرمين الشريفين الملك عبدالله )
ياقايـد الأمــه . . زعـيـم العـروبـه= ياخـادم البيتيـن . . وأبـو اليتـامـى !! الشعـب مـن أقصـى الشمـال لجنوبـه= ومن شرقه لغربه . . يسـوق السلامـا !! حـبـك زرعـتـه بالقـلـوب بعـذوبـه= نكبـر . . ويكبـر مثلـنـا ويتنـامـى !! كن الوطـن جسـم . . ومكارمـك ثوبـه= وكن البلد دانـه . . وأنـت النشامـى !! لـك سيـرة ٍ وسـط القلـوب محبـوبـه= تزهى منابيـت النفـل . . والخزامـى !! ياعـاهـل ٍ لامــر فعـلـك لـقـوبـه= شي ٍ عـن أفعـال الجميـع أيتسامـى !! يحسـب لمثلـك والأمــور محسـوبـه= والليا انتهت عنـدك يضييييـع الكلامـا !! أخذتهـا مـن عقـب ماهـي بصعـوبـه= حتى غدت في يدك ( واحد جراما ) . . !! منـك نتعلـم كـيـف للـذنـب تـوبـه= وكيف القلوب تضم . . عقب الخصامـا !! ماغيـرك اللـي لــو كتبـنـا عيـوبـه= صـارت مزايـا تكسـب الاحتـرامـا !! وأنتـه كسبـت الطيـب مليـاااااار نوبـه= ولـو عنـه عميـان القلـوب أتعامـى !! يحفظك مـن سـوَى الهـواء والرطوبـه= اللـي لـه العاااااالـم صيـام ٍ قيامـا !! |
( في رحيل الشيخ جابر الصباح رحمه الله )
لومات جابر ماتموت العروبة= تبقى .. ويبقى المجد بيدين اهلها والعاهل اللي كانت ( اكبر عيوبه )= ان الامور اللي تشرف عملها شيخ ٍ بنى مجد الكويت بصعوبة= حتى غدت دانة يثيرك خجلها طفلة تعيش مع الجميع محبوبة= وترسم تفاصيل الجمال بغزلها خمسين عام وكنه اليوم دوبه= من البداوة ... للحضارة نقلها اليوم من اقصى الشمال لجنوبه= يبكي رحيل ابو البلاد وجملها يادار جابر يامقر العذوبة= يامن مشاعرنا لها دووم ولهى أميرك اللي راح مااحلى ذنوبه= داااام العروبة باهتمامه شملها ماقال لي دار ٍ يكفي هبوبه= عن باقي البلدان .. لو ضاع املها أمر العروبة صار له مثل ثوبه= واطماع عدوان العروبة قتلها جابر وكم نجم الليا اقبل غروبه= عم الدمار بكل عين وخذلها جابر لمن خان المبادي عقوبة= ياماااا قلوب ٍ في دهاءه شغلها مامات جابر والشيوخ محسوبة= والعز باقي .. في بلاد ٍ حملها من عقب ما ودع أمير ٍ ينوبه= واصل مسيره والشوارب فتلها |
( أجا وسلمى )
يسعد مسـاك . . ويسعـد الله صباحـك= ياللي بدونـك شمـس غاليـك ظلمـا !! الله وهبك مع الحزن ( وجـه ضاحـك )= وعيون . . ( ليلة من جفا النور دلما ) !! عاميـن ماهـبـت نسـايـم ريـاحـك= على خفـوق ٍ فيـه الأشـواق ولمـى !! لامرهـا طيفـك . . وسيـرة جراحـك= مشاعري تاقف من الشوووووق بلمـا !! أدري سـبـب مأساتـهـا وأرتيـاحـك= وأقـول زدنـي بالمعـانـاة علـمـا !! أواه يامـحـلا وماأشـهـى قـراحـك= ووجناتك اللي فوقها ( يثمـل المـا ) !! ودموعك . . وصمت العيـون ومزاحـك= اللي لهم بـالأرض ( أشـد ظلمـا ) !! كـن السهـر قلـب ٍ يـدور رمـاحـك= كنه ( اجا ) وعيونك السود ( سلمى ) !! |
( الجادل )
الجـادل اللـي صيفـت فـي فيينـا= والعام في روما وقبلـه إباريـس !! ماعـاد تعجبهـا مصايـف وطـنّـا= لو إنها . . أقصى طموح المفاليس !! مالله كتب تسـأل مـن هنـاك عنّـا= وشلون تتركنا لنـار الوساويـس !! الحال مـن عقـب المفـارق تدنّـى= مالي رفيق إلا كبـار الكوابيـس !! أكتـب وجرحـي بالكتابـات غنّـى= أرقى الأغاني من شعور وأحاسيس !! لوكان لـي بالحـب عـزم المثنـى= وإلا صبر أيوب وإلا أمرؤ القيـس !! ماكـان عـود المـوز لامـن تثنّـى= ذكرني اللـي تستثيـر النسانيـس !! ولاكـان غاليهـا ليـا مـن تمنـى= دعى لها رغم إختلاف المقاييـس !! مابيـن قلـب ٍ بالوصـل ماتـأنـى= ومابين قلب ٍ أسس الهجر تأسيس !! الله يعيـنـك ياخـفـوق المعـنـى= صيفت مابين الحزن والهواجيـس !! الحـزن منّـا والهواجـيـس مـنّـا= وأنا أذكر الله وأتعوذ مـن أبليـس !! |
( ياعازف الحزن )
ياعازف الحزن لاتعـزف علـى أوتـاري= أوتاري اصلا ً من الأحـزان معزوفـه !! خذ باقـي الجـرح ودروبـي ومشـواري= وأجمع سنين العذاب .. وشتت طيوفـه !! وإذا طواك الحنيـن .. وهـزك الطـاري= وأدركت معنى الغياب .. وحرقة ظروفه !! إرجـع وتلقـى مكانـك داخـل أنظـاري= في عين ماكـل زول يمرهـا تشوفـه !! وإن كـان ماهمـك غيابـي ولا أخبـاري= أحلامنا الباقيه .. أضرب بها الطوفـه !! وأترك لـي الليـل معشوقـي وسمـاري= الليل من خلقته وأنـا أطيـب ضيوفـه !! لقيـت فـي عتمتـه مايحفـظ أسـراري= ولقى بي الشاعر اللي ضيـع حروفـه !! ماعمره الوصـل كـان إلـزام وأجبـاري= نهاية الغصب مثـل الشمـس معروفـه !! ومصير قلب العنا ( غريب الأطـواري )= يمسح بقايا غلاك العـذب مـن جوفـه !! جرح الهوى والحـزن والليـل وأشعـاري= وانت وتجافيك خمـس أشيـاء مألوفـه !! |
( أعميت عيني )
لو كان لي قدرة على الصمـت مابحـت= لكـن غيابـك حـرك الشـوق فيـنـي من يوم ولعـت النـدم فينـي ورحـت= ودعت صبـري .. قبـل أبيـح كنينـي كـدرت قلـب اللـي يحبـك وفرحـت= قلـوب عذالـي .. ومستقصديـنـي !! اللي يحسبون المواصل من ( السحـت )= أشغلهـم اللـي صـار بينـك وبيـنـي ياما دمحت أخطـا بعضهـم وسامحـت= تأمرني اخلاقي .. ونفسـي .. ودينـي أرقـى لفـوق وكيدهـم ينـزل لتحـت= كـن السمـا ترخـي يديهـا ليديـنـي وإلا أنـت يـاورد ٍ بصـدري تفتحـت= يـازهـرة أيـامـي .. وياياسميـنـي غلاك منحـوت ٍ علـى خافقـي نحـت= مايمسـح حروفـه عجـاج السنيـنـي ليتك يا أصدق مـن عرفتـه تصفحـت= قصايـدي .. حتـى تحـس بحنيـنـي وتشوف معها كيف من ( هامتي ) طحت= وأودعت عقلي معك وأعميت عيني |
( العطور اللي تجي مع نسمها )
يامـل قلـبٍ لاتفـكـر بماضـيـه= عَود علـى روح العنـا وإستلمهـا يالين تصبح جثـة ٍ مـن طواريـه= كنـه يصـور فرحتـه فـي آلمهـا ليت الصبر ينباع بالمـال وأشريـه= وليت السعـاده فرصـة ٍ وأغتنمهـا وليت الهنوف اللي تسوق المشاريـه= على ظروف ٍ ربهـا اللـي قسمهـا ترحم خفـوق ٍ فيـه ماهـو مكفيـه= من قبل تومي به .. وتركز علمهـا الله عطاها الملح والحسـن والتيـه= متكاملـه .. مـن راسهـا لاقدمهـا تميت قلب اللـي عشقهـا وتحييـه= وتتجمد الكلمات في ( ثلـج فمهـا ) الليا أسألتني كيف مات الهوى و وليه= حديثهـا يرسـم معـالـم ندمـهـا قمت أتشتـت قبـل ماأقـول لبيـه= بين العطور اللي تجي مـع نسمهـا قلت الهوى مامات لو مات راعيـه= قصايده .. من نور وجهـك نظمهـا كم له وهو يرسم خيالـك ويمحيـه= ولاهاضت أشواقـه بجوفـه كتمهـا الناس ماتدري عن القلب وش فيـه= والنظرة .. تمـر الفطـن مافهمهـا أدرا عليك مـن الخبـول المسافيـه= اللـي تبيـع بلامقابـل .. ذممهـا يقـرون بعيونـي كـلام كتبتـيـه= قصة وفـا ليـل المـوادع رسمهـا (( أنا أبيك وطاري البعد مـا أبيـه= مشاعري ماغيرك أحد ٍ حكمهـا )) |
( الشـــارع )
الشـارع اللـي دونهـا ليـه أمــره= يمكن ( إخطاي ) إن مرته ماتعـدي !! مالـي وراه إلا الـنـدم والمـضـره= ولافيـه شـي ٍ يستحـق التحـدي !! لـو كـان يـدري بالعتـب والتشـره= ماكان ضيعني .. ولا أنباح سـدي !! لـه ذكريـات ٍ بالحـشـا مستـقـره= أقول ( أبنساهـا ) ولاهـوب ودي !! لإنهـا (أرحـم ) مـن يديـن المبـره= ولإن ( سلطان الهـوى ) مستبـدي !! والمره اللـي غيـر عـن كـل مـره= فيها ( إستلمت ) أحزان عمري بيدي !! من ( جادل ٍ ) تحرق ( نجوم المجره )= كن الجمال يقول لي ( مين قـدي ) !! وكن الحزن ( ليـل ٍ ) وراهـا تجـره= يبني من صروح الحنين .. ويهـدي !! قلت : ( الغرام .. عروق قلبي ممره )= والحزن بأشواقـي يجيـب ويـودي !! واللي ( عبثتيبه ) ( على حين غـره )= صاااابنه سهوم الهـوى ماأستعـدي !! أمـا تعالـي ..( عاشقـة مستمـره )= ( أسطوووورة ٍ ) منها الحلا يُستمدي !! وإلا ابـعـدي والـقـلـب ( لله دره )= ماهـو بأساليـب الجفـا مستجـدي !! في داخله من ( لوعة الصـد ) حـره= وإنتي بكيفك ( تقبلـي أو تصـدي ) !! تبسمت .. قلت ( الهوى راح شـره )= وأقفت وعيت عن سؤالـي تـردي !! |
( فنون الأجرام )
تعبـت مـن كثـر السهـر والتفاكـيـر= ليله ورى ليله . . وعـام ٍ ورى عـام !! القلـب وأنهكتـه طــوال المشـاويـر= والعيـن ماعـادت تهنـى بـالأحـلام !! ياصاحبـي مـاعـاد للـذنـب تبـريـر= العذر جاني . . والهوى سيد الأحكـام !! وأوضاعنـا محتاجـه ( شـوي تغييـر )= يمكن يقـوم الحـظ وتطيـح الأوهـام !! دايـم حكـايـات المحـبـة أساطـيـر= واللـي يميزهـا عـن الغـيـر الآلام !! من عهد ( قيس بن الملوح ) إلى ( الزير )= والحـب متميـز بتحطيـم الأرقــام !! يعلـم ( العاشـق ) فـنـون التعابـيـر= ويعلم ( المعشوقه ) ( فنون الإجـرام ) !! وأنـا مابيـك تحـب مـن قلـب وتغيـر= أبيك . . ياسر الحزن . . عذب الانسام !! تجـرب غيابـي ولاحـظ وش يصـيـر= وأنـا بجـرب غيبتـك طـول الأيـام !! وإذا شعـرت ان الحـزن داخلـك غيـر= وقلبك تنهد هـم فـي صمـت وهيـام !! وإشتاقت أسماعك لـ( تصبح على خير )= تعـال تلقانـي علـى خبـرك العـام !! مغرم . . ولك بالقلـب حشمـة وتقديـر= وقلبي يقول مـن الولـه كـل ماهـام !! ( فرقـاك ياسـيَـد جمـيـع الغنـاديـر= ماتشبـه إلا العيـد بعيـون الأيتـام ) !! |
( روض المعاليق )
باقـي مثـل ماأنتـه حبيبـي ولازلـت= غالي . . ولاغيرك من الناس غالـي !! رغم الجفا اللي عـذب الـروح ماقلـت= إلا عسـاك بخيـر . . ياراسمالـي !! اخفيـت جرحـي بالضميـر وتحملـت= فرقاك . . لوفرقاك فوووق إحتمالـي !! وأنا بطبعـي لاكبـر حزنـي أشملـت= من قبل مااخسر لي رفيـق ٍ موالـي !! سكت عن بعـض السوالـف وجاملـت= لاكدرت صفوي . . ولاضاق بالـي !! ولو يحتـرق روض المعاليـق ماشلـت= هم الوصال . . الله يجيب الوصالـي !! وشلون عاد الغالـي اللـي معـه نلـت= مكاسبـي بالحـب . . أول وتـالـي !! ياللي على رجـم المشاعـر تطاولـت= وبنيت بيتـك فـي سفـوح الجبالـي !! أكرمت مـن حطـك هـواه وتجملـت= في خافق ٍ ماهو من الحـزن خالـي !! شفنـي إذا طـوّل غيابـك .. تسائلـت= (( معقول صدر اللي عشقته شمالي )) !! وأنا أدري انك لك عـذر يـوم طولـت= لكـن خفوقـي بالصبـر مايبـالـي !! والبارحـة فـي ذكريـاتـي تأمـلـت= فـي ليلـة ٍ ماهيـب مثـل الليالـي !! لقيت فيهـا أكثـر مـن اللـي تخيلـت= حقيقـة ٍ تتعـب عقـول الرجـالـي !! مـرت بـي أيـام الغـرام وتمثـلـت= أصدق هجوسي بالبيـوت الجزالـي !! |
( وشلون اتوب )
أنا لو أنسى طـاري الحـب وأتـوب= وشلون عن نظـم القوافـي أتوبـي !! ماهو بكيفي . . يابعد كـل رعبـوب= كني على نظم القصيـد مغصوبـي !! ماياخذ العاشق من الشعر .. يـادوب= ماتأخذ يدين الفـرح مـن دروبـي !! ولو قلت لي مرغوب ماقلت مرغـوب= إلا بوصفـك .. يالفريـد اللعوبـي !! شفني أصور حالة الشـوق بأسلـوب= وأجمع الأفكار مـن كـل صوبـي !! حتى تصير أحـلام وآمـال وشعـوب= وتصير معها موطنـي ومحبوبـي !! ولولاك ياحظ ٍ مـع العمـر مكتـوب= ماصار هذا الشعر . . أطهر عيوبي !! والحـب تاريـخ ومعانـاة وذنــوب= قلوب تفرح به . . والأخرى تذوبي !! نوب ٍ يرد الدم لعروقهـا . . ونـوب= يقطع رجاها . . والوصال محسوبي !! بالله قلـي بعدهـا كيـف أبـا أتـوب= ليـت القصايـد ماتهـز القلوبـي !! |
( لذة صوت الأميرة )
الراقيـات مـن الطيـوف المثـيـره= ترسم ملامح مبسمك فـي خيالـي !! والحزن باقـي لـه بغيبتـك سيـره= من وين ماوجهت وجهي .. قبالـي !! يالـذة البحـه بـصـوت الأمـيـره= اللي حلاها بمستوى الزين عالـي !! تطلـق أمانيهـا العظـاااام الكبيـره= في شوف غالي غير عن كل غالي !! يامارسمـت بالطاولـة المستـديـره= ملامحه راع الخيال . . الخيالـي !! هامت بـه هيـام الهـواء بالظفيـره= وإلا هيام أهـل الكـرم بالدلالـي !! أقفى وخـلا الدمـع يلقـى مصيـره= ( بعض الغلا ماينشرى بالريالي ) !! يأنبـه كـل ماتذكـر . . ضمـيـره= حب ٍ رغم ( أنف الجفا) مايزالـي !! عـاش لوعـد محبوبـة ٍ تستثـيـره= لاسلهمت بالرمش . . ذب العقالي !! (هي بنت حـلال الأمـور العسيـره= وهو من سلالة محتمين التوالـي ) !! ماتابعت ( ميشو ) ولا آبلـة نظيـره= تتبع هوا الغربي بخضـر المفالـي !! يجيبهـا يـمـه أمــور ٍ كثـيـره= أم الحـلا وأم الغـلا والـدلالـي !! وأنـا ياريحـان الخفـوق وعبيـره= ياطول صبري كـل ماهـز بالـي !! طاري غيابك . . وإنتهـاء المسيـره= وفرقى عيونك . . وإقتراب إغتيالي !! أحس فيني قلب ( مجنـون غيـره )= ماهو مثل قلبك على طول سالـي !! ماللعشيـر إلا مـواصـل عشـيـره= لـو مايبالـي صاحبـه مايبالـي !! |
( النوم مخلوق على شان عينك )
ماتسهـر عيونـك وغاليـك صـاحـي= نامي . . وأنـا بسهـر أوفيـه دينـك !! من الحزن ليلـي غـدى فـي صباحـي= ماقال لـه وينـك . . ولاقلـت وينـك !! وأنتـي ياغربـة عالمـي وأرتيـاحـي= إن مـرت الذكـرى وهـزك حنينـك !! والحزن أضحـى مـن جميـع النواحـي= ودمعـك يـدوَر قبـل يسقـط يدينـك !! تذكـري إنــي سـهـرت لجـراحـي= أعيـد أحلـى عمـر بينـي وبيـنـك !! أيـام كـان الوصـل شـي ٍ مبـاحـي= مايمنعـك مـن شوفـتـي والديـنـك !! أمازحـك وأقـول ( فكـي سـراحـي )= وإنتـي تقوليـن إبـراءة ( ياشينـك ) !! براءتـك تطغـى . . ويطغـى مزاحـي= ماكنتـي أحلامـي ولانـي ظنيـنـك !! كبرتـي وكـبـر الـغـلا وإستبـاحـي= باقـي خفوقـك وأكثـروا معجبيـنـك !! والحـب مـن كثـر المعانـاة بـاحـي= وغطى على الدنيـا شـذى ياسمينـك !! عطرك يـا أغلـى مـن تمنيـت فاحـي= كنـه خلقـه الله عـلـى راحتيـنـك !! الليـل روَح وأكثـر الحـزن راحــي= نامـي وخلـي مابقـى مـن سنينـك !! مـادام شـوقـي ماطـوتـه الريـاحـي= ومادمـت موعـود ٍ بعطفـك ولينـك !! الليـل خلـق لعاشـق ٍ مـا أستراحـي= والنوم مخلوق على شان عينك !! |
( ياليل دعني )
البارحـة ضاقـت بعيـنـي بــلادي= حتى الفضاء من ضيقتي ماوسعنـي !! تجمعـت كــل الهـمـوم بـفـؤادي= وحاولت أشتتها . . ولكـن منعنـي !! ذكـراك ياسبـة عـنـاي وجـهـادي= ياواحـد ٍ مـن أمنياتـي قطعـنـي !! (( أنام وألقى صورتـك فـي رقـادي= وأضمها . . وأقول : ياليل دعني )) !! وأنتـه ياجرحـي بالهـوى ياضمـادي= إن قلت لك لاتجرح القلـب طعنـي !! كنـي بـوادي وأنـت قلبـك بــوادي= صم الجبااااااال أسمعتها . . ماسمعني !! يكفيـه جـرح الأنظمـه والمـبـادي= في عالـم ٍ لـو ضرنـي مانفعنـي !! من غيبتك والوضـع ماهـوب عـادي= ياليت تدري غيبتك (( أيش تعني )) !! خذني معك لأقصـى حـدود التمـادي= وإذا تعبت من المعانـاة . . بعنـي !! للهم . . للغربـة . . لفرقـا بــلادي= وحزن ٍ نسى كل الأناااااااااام وتبعني !! |
(مثل اليتيم اللي عشق له يتيمه )
ياظاميـة ذاب الهـوى وسـط دمـي= وإنتي بعيده . . والرسايل عقيمـه !! لوتشربـي حزنـي وهمـي وغمـي= تبقى عيونـك بالمظامـي محيمـه !! لي عـام لامـرت طيوفـك أسمـي= أخاف من ذكرى السنيـن القديمـه !! وإنتي طـرف عينـك إذا لـد يمـي= ( أشد وطأة ) من لواحظ ( حليمه ) !! كنـه لخـامـل ذكريـاتـي ينـمـي= ويعطي لحلم العمر . . قدر ٍ وقيمه !! يجمع شتات الشوق ويقول : ( سمي )= مثل اليتيم اللي عشـق لـه يتيمـه !! وأنتي ولا انتي بنـت خالـي وعمـي= لكن غـلاااااااك الله عليـه يديمـه !! مـاجـاوزه إلا غـلاااايـه لأمــي= عظيمة انتي . . بس قبلك عظيمـة !! وأعظم طموحي قبل مدحـي وذمـي= وقبل أكون لجيش حزنـي وليمـه !! هذا الهوى ماهـو مهـم . . الأهمـي= أحلاااامنا تحيـى حيـاة ٍ كريمـه !! ليت الشعر ماكان ( علكـه ) بفمـي= ولابينـي وبينـه علاقـه حميمـه !! حتـى إذا شميـت اطـراف كـمـي= ولقيتهـا أطيابـك عليهـا مقيمـه !! ماساقني أشـرب مـن الهـم سمـي= وأأأغيب مابين الغـرام وجحيمـه !! وأخـذ أردد مـن عذابـي وهـمـي = ياااااااربي تجيب العواقـب سليمـه !! |
( حب التملك )
قريـب لـكـن ماتطـولـك يديـنـي= وبعيد لكـن فـي عيونـي محلـك !! مـن ويـن ماسافـرت منـي وفينـي= مشاعـري رغـم التجافـي تدلـك !! يكبر ( حنااااانك ) قبل يكبر ( حنيني )= كنك تحس إنـي معـك مـا أملـك !! وشلـون أملـك يامـلامـح سنيـنـي= ياكايد العـذال .. لاصـرت خلـك !! يامـوحـد أجـزائـي ويامحتويـنـي= وياشمسي اللي ماتبي غيـر ظلـك !! يافـل عمـري يـاشـذى ياسميـنـي= حتى ولو ماكنت ( وردك ) و( فلك ) !! ياشكـي الضايـع بصـادق يقيـنـي= تعبت من ( ليتك ) كثير و( لعلـك ) !! درب الوصـل لوتفرضـه ياظنيـنـي= إن مايعـزك بالـهـوى مايـذلـك !! عطني بعضـك الليـا تعـذر تجينـي= بأسباب عادات المخاليـق .. كلـك !! أحتـرت بـك وأنتـه مابيـن الثنينـي= (حب الجفا الدائم ) و (حب التملك ) !! |
( كورنيش الخبر )
ليت ( الخبر ) ياصاحبـي ماخذانـي= لأقسى الدروووب المتعبات الصعيبه !! وياليت ( كورنيشه ) رحمني ثوانـي= من قبل مايفرض عليـه مصيبـه !! شفت الهنوف اللي ( تجمل ) عشانـي= هي جرح مجروح الفؤاد وطبيبـه !! سألتهـا وشلـون حـال المـوانـي= والبحر هذا ليـه حااااالـه كئيبـه !! قالـت هنـا يامارسمـت الأمـانـي= مع غالي ٍ كانت حياتـي نصيبـه !! سلمتـه القلـب العطيـب وعطانـي= روح ٍ من أسباب التجافي عطيبـه !! كنـا هنـا بالضبـط هـذا مكـانـي= وخطواتنا من كثر ماهـي قريبـه !! كأننـا مخلـوق . . مامعـه ثـانـي= روحين في مخلوق . . ضيَع حبيبه !! واليوم قبـل أنسـى غيابـه نسانـي= أخـذ حياتـي بالغيـاب لمغيـبـه !! لامـرت الذكـرى رجعـت لمكانـي= يمكـن مقاديـر الليالـي تجيـبـه !! يمكـن إذا مثلـي جريـح ٍ يعـانـي= يرجعـه يمـي غرامـه وطيـبـه !! شف كيف تاريـخ المأسـي طوانـي= وأصبحت من بعد التجافي غريبـه !! قلت أشهـد أن الحـب مالـه أمانـي= غربة مشاعر دون شـك ٍ وريبـه !! تركتهـا والجـرح زلـزل كيـانـي= وهموم قلبـي مـن عناهـا تذيبـه !! أختـرت عنهـا متعبـات المعـانـي= والشعر راحة للهجـوس العجيبـة !! |
( قلب للبيع )
ودي أضيع وقلبـي المتعـب يضيـع= لعلي ألقـى راحتـي فـي ضياعـي ومع الضياع انسى جميع المواضيـع= أحـلام قلبـي غربتـي وألتيـاعـي صادق وأصدّق وأعشق الصدق وأطيع= أمر الزمـن لـو الزمـن مايطاعـي فيني من ايام الهوى ( قلب للبيـع )= وحيد وإن قالـوا عليـه إجتماعـي همومه اللـي فـي عروقـه ينابيـع= متشابهـات ٍ مثـل لـدغ الافـاعـي يمزعـه جـرح المحبيـن تمـزيـع= لوهو حديد من الحزن كـان ماعـي وإلا انت يا أول وأغلـى المشاريـع= يابو عيون ٍ مـن حلاهـا وساعـي ياللي حلاك يضيع الشـوف تضييـع= تنـام واللـي ميّـت فيـك واعــي ماعدت في حاجة ( هتافات تشجيع )= قـدرت بالحرمـان تلـوي ذراعـي وهذي سنة مـرت وراهـا أسابيـع = ولافادت بوصلـك جميـع المساعـي واليوم خذها ( كلمتيـن ٍ بتوقيـع )= حرااااام ماللحب معـك إنـت داعـي |
( مزاجــــي )
أخــر قصيد ابكتـبـه قـبـل مــااروح= لك بس يامن ساكنٍ ( بـرج عاجـي ) . . !! جيتـك وأنـا مجـروح واقفيـت مـجـروح= زدت الجـروح ولاسعيـت بعـلاجـي . . !! مشكلتك أنك تحسـب القلـب مـن ( لـوح )= ومشكلتي انـي فـي حياتـي مزاجـي . . !! ليتـك قـبـل مـاتـودع بقلـبـي جــروح= فكـرت مـرة صاحـبـي بإحتيـاجـي . .!! مـادام هــذا القـلـب للـوصـل مفـتـوح= وانت ( المواطن ) ماانته انسان ( لاجي ) . .!! وش يمنعـك تبنـي لـك ابـراج وصــروح= وتنهـي معاناتـي واشـوف ابتهـاجـي . .!! وانـا مابيـن الصـمـت ويــاك والـبـوح= لاقـادر أوصـل والطريـق إزدواجـي . . !! إذا صمـت الـهـم فــي عيـنـي يـلـوح= وإذا حكيـت وقلـت لـك إحتجـاجـي . . !! ماانتـه مسـوّي شـي .. لاشـك مسـمـوح= أنشهـد أن اللـي نجـى منـك ناجـي . . !! يكفـي إحـس انـك مـن الـروح لـلـروح= وليلك تساااافر عتمتـه فـي سرااجـي . . !! |
( سكر الروح )
الغربة اللي دونها ( طلعـة الـروح )= لاقلـت أبنساهـا .. تجـدد ولاهـا !! عاهدتها عن سرها الصعـب مابـوح= إن كـان تفكيـري بليلـة نساهـا !! وأنا بشر قلبي مـن الحـب مجـروح= يكفيـه سـود الذكريـات وشقاهـا !! ياما تمنى ( سكر الـروح ) مايـروح= إلا ويدفـن جثتـي فـي ثـراهـا !! ليـت الامانـي بابهـا دوم مفـتـوح= ماااااهو تضيع ايام عمـري معاهـا !! أمنـي عيونـي عبـث دون مصلـوح= وأقـول بااااكـر يتحقـق رجاهـا !! وهو وين باكر لاوقـف قلبـي ينـوح= على آمـل شوفـة مـلاك ٍ لقاهـا !! ترقص على نغمات ( حمامة الـدوح )= لين الحمامة (( لخبطت )) في غناها !! الصوت من عقب الطرب صار مبحوح= والعين تاااهت في عيـون ٍ تراهـا !! وقفت تناظرهـا وفـي عينهـا يلـوح= إعجاب غطى رقصها .. وإحتواهـا !! وأنا بعد معجـب ولـو كلـي جـروح= ليت الجروح تطيب وألقـى دواهـا !! (( المشكلة ماهي عـروقٍ لهـا نـوح= المشكلـة لاجيـت أبيّـن غـلاهـا )) أحس بعيونـي لهـا الـود مشـروح= حتى أختلط ( ود المشاعر ) بماهـا !! والزين وهبه .. والشعر شي مسمـوح= والحلم منفى .. والعـذارى تباهـى !! يامن يـرد الليـل لافـارق الضـوح= لعيوووون غطاها الظلام وكساهـا !! ماكـل خـل ٍ يأسـر القلـب مملـوح= بعض العذارى ملحها فـي خطاهـا !! |
أنا خذيت من الحزن ماكفاني= وانته اذا باقي حزن لايفوتك !! إلحق عليه ووثقه بالمحاني= حتى يبين ( بنظرتك) ثم ( صوتك ) !! ويبين وانته من ضميرك تعاني= وتظهر تفاصيل الحزن في سكوتك !! إجمع طيوفه داخلك ( شكل ثاني )= وخله شرابك طول عمرك وقوتك !! ياصاحبي لو الحزن مااحتواني= ماجابني أعشق ( حياتك ) و( موتك) !! اعشق حياتك ياحياتي عشاني= أقطف معاها قحويانك وتوتك !! وأعشق مماتك ( واعتبرني اناني )= لإني أخشى من ( شبَك عنكبوتك ) !! أخاف منك ومنزلك في كياني= وأحس ( بالغربة ) وأنا ( في بيوتك ) !! غريب يمكن !! والاكيد بزماني= إني بَحرك وباخراااااتك وحوتك !! |
( كبار الأماني )
انا كذا لاضاق فيني زماني= وجهت وجهي للكريم ودعيته إنه يحقق لي كبار الاماني= ويحيي ( العيون ) اللي من العام ميته ويفكني من شر زلة لساني= ويسهّل الدرب الذي قد مشيته للغالي اللي قبل ماانسى نساني= وانا لو انسى ( عالمي ) مانسيته لإنه أول من تركني اعاني= ولإنه أكثر من لقلبي شكيته والقلب وش هو غير ( بحر ومواني )= والحزن وش هو غير ( حلم وبنيته ) والمترف اللي لاطلبته عطاني= وانا وش املك غير قلب عطيته يغيب وألقى موطنه بالمحاني= كن الخفوق بكل مافيه بيته أحس معه الحب له شكل ثاني= أجمل من اللي في خيالي هقيته شيَدت له ( موطن عظيم ) ونفاني= وشتت أحلام الصبا وأحتويته ونظمت في وصفه جميل المعاني= وقلت الفرح من أجل عينك بكيته علمته انه لو يجي في مكاني= بعت ( الليال الممتعه ) وأشتريته عابث وإذا ضاعت دروبي لقاني= ويضيع لكن لابغيته لقيته ألقاه مابين الوصل والحناني= وإذا تمادى بالمسافات جيته وإن كان طال الوقت مارحت جاني= كنه يحس اني هناك أحتريته محبته تزداد مثل الثواني= والقلب لولا عشرته مانهيته |
( أصدق عباره )
صحيح العيش بيدينك حضـارة= ياأغلى من رمى قلبـي بنـاره أنا من مرت عيونـك عيونـي= سجدت لمالك الملـك استخـاره عيـون ترسـم لقلبـي رحيلـه= من الايـام فـي فـن ومهـاره حسبت اني مابين الناس عايـش= قبل ماالرمش يعطينـي اشـارة عرفت ان العمر لولاك ضايـع= مثل أعمار ( أطفال الحجـارة ) وعرفت انك وزير في خفوقـي= تحكـم بـه وانـا قلبـي وزارة وعرفت اشياء بالدنيـا غريبـه= خطا قلـب المولـع واعتـذارة وتذكـرت السنـيـن الاولـيـه= من اللي قال لي بالناس جارة ؟؟؟ سنين تمـر والموعـد عيونـك= وليـل ينتظـر لقيـا نـهـاره أحبـك كثـر ماجيـت بخيالـي= وكثر ماشنت الاهـداب غـارة لإنـك عالمـي وايـام عمـري= وقلبي عيشتـه وانـت انتحـارة وانـا ياسيـدي بكتـب لقلبـك= قبل مانفترق (أصـدق عبـارة) ترى لو ضاع عمري في غرامك= حشـا لله مـاأعـده خـسـارة |
( جوالي )
تقول جوالي على طول مشغول= ياليت قبل الشك طولت بالك وتركت لي فرصة أجاوبك وأقول= إنك بتاريخ المحبة ( لحاااالك ) من الرياض العاصمة لين سيئول= ماجابت ارحام النساء في جمالك أنت البداية والنهاية على طول= ريّح ظنونك ( طيّب الله فالك ) يامعجزة فاقت غرابة ( ابو الهول )= ياراسمالي ليتني راسمالك حبك حبيبي شي ماهو بمعقول= ( رحماااااك ).. أنا في عالم الحب هالك لعل عمرك يابعد عمري يطول= وأشوف لحظات الفرح من خلالك علمني إنك بالمعاناة مسئول= وإن انشراحي ( واحد من عيالك ) أحس صوت الحزن في قلبي يقول= تعال شتتني بلحظة وصاااالك تركتني بين السهر وال( بنادول )= وأشغلت بالي في ظنونك لذلك لاتنزعج لوقلت لك بس ( يحووول )= حرام تقتل خافقي في سؤالك لإنه أصلاً في محبتك مقتول= ولو تكرهه ماحب أحد ٍ بدااااالك أنا وجوالي وقلبي وما انول= من الأماني كلبونااااا حلالك |
الساعة الآن 11:38 AM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir