يا صاحبي ضاق بي صدري = كني أنا و المآسي حلف
من زود ما أرمي ورا ظهري = دنياي بالكل صارت خلف

حكيم حللت من بدري=سيان رقم الصفر والألف
دنياك والناس ما تدري=بالولف تغري لفقد الولف
المعذرة باح بي شعري = و صوّر حياة العنا و الصلف
لجل الذي كان مستذري = أتلف عليه فؤادي تلف

لاتترك الياس يستشري=والنفس خُذ أمرها بالخُلف
تعدادك الهم ما يبري=بالصبر تلقى سعودك حِلف
منهو نصحني فيما يجري = لا دار معيا و لا هو لف
لك كامل الود و الشكري = و في ماقف الطيب ما نكلف